මිරිඟුවක් ද සන්තක විට මෛතූන්‍ය…?

Dancing Stars, නිකිණි වැස්ස, Happy Birthday, 1970 Love Story වැනි ජනාකර්ෂණීය මෙන්ම

ගුණාත්මක භාවයෙන්ද තෘප්තිමත් සිනමාපටයන් නිර්මාණය කරමින් හෙලවුඩ් සිනමා වංශ කතාවට

නැවුම් ආක්‍යානයක් තිළිණ කරමින් ජාතිකව හා ජාත්‍යන්තරව අනේකවිද ඇගයීම්වලට මෙන්ම

ගෞරවාදරයට පාත්‍ර වෙමින් හෙලවුඩ් සිනමාව ජාත්‍යන්තර සිනමාව හමුවේ අභිනන්දනයට මං සැලසූ

ශ්‍රී ලංකා තිරරචකයින්ගේ සංසදයේ වර්ථමාන සභාපතීත්වය උසුලන ප්‍රවීණ තිරපිටපත් රචකයෙකු

මෙන්ම ශ්‍රී ලංකා සිනමා අද්‍යයක්ෂකවරුන්ගේ සංසදයේ විධායක කමිටු සාමාජිකත්වය උසුලන ප්‍රවීණ

අදියුරුවරයෙකුද වන අරුණ ජයවර්ධනයන් විසින් තිරරචනය සකස්කොට අද්‍යයක්ෂණය කරනු ලැබූ

මාරියා සිනමාපටය පසුගිය නොවැම්බර් අගභාගයේ සිට “Scope Cinema” සිනමා බෙදාහැරීමේ

මණ්ඩලයට අයත් සියළු සිනමාශාලාවන් ඇතුළු දිවයින පුරා පිහිටි සිනමාහල් හතළිකදී පමණ අපගේ

දේශප්‍රේමී සිනමාලෝලීන් අභිමුඛයට පැමිණුනු බව ඉතාමත් ප්‍රමෝදයෙන් යුතුව ප්‍රකාශ කිරීමට

කැමැත්තෙමි.

සුවහසක් සමුදුරු ජීවීන් දඩයම් කරමින් ඉමක් කොනක් නොපෙනෙන සමුදුරු තීරයක සිව්කොණ යා කරවීම

දිවිසැරිය කොටගත් පරිණත ධීවර වෘතිකයන් සය දෙනෙකුට ඔස්ට්‍රේලියානු මහද්වීපයට නීති විරෝධීව

සංක්‍රමනය වන්නට මානබලන කෙළිලොල් කොළුගැටයෙකු අහඹු ලෙස හමුවීමත්, ඔහුගේ මූලිකත්වයෙන්

මහසමුදුරෙන්ම සොයාගන්නා ස්වාමියෙකු නොහඳුනන නිර්සොභහවික වනිතාවක් නිසා එතැන්පටන්

ඔවුන් සත් දෙනාගේ ජීවිත වලට සිදුවෙන මනෝමූලික විපර්‍යාස ගොන්නත් සිනමාපටය ඔස්සේ

දිගහැරෙයි.

චිත්‍රපටයේ සාරාංශය සැකෙවින් ඉහත පරිදි වන අතර හුස්මකින් ඇරඹී හුස්මකින් නිමවන වසර සියයකට

නොඅඩු කෙටිකාලීන මිනිස් ජීවිතය තුළ කාමාසාව නැමැති ජීවවිද්‍යාත්මක යෙදවුමේ කාර්‍යභාරයේත්,

සීමාව ඉක්මවමින් දළුලන කල්හී ඉන් සිදුවෙන අගතිය තුනී කරවනු වස් මනුසතුන්ටම පමණක්

සොභාදහමෙන් උරුම වූ අනර්ඝතම කෞශල්‍යය වන අවස්තානුකූලව හැඟීම් පාලනය කිරීමේ

ජීවවිද්‍යාත්මක කාර්‍යභාරයේත් අන්තර් ක්‍රියාව සිනමා පටය තුළින් මැනවින් විග්‍රහ කිරීමට

සිනමාකරුවා සහ තිර පිටපත් රචකයා සමර්ථ වී ඇති බැව් එය අවදානයෙන්  නරඹා උඩුපෙළ කියවාගන්නා

කා හට වුවද ප්‍රත්‍යක්ෂ වනවා නොඅනුමානය.

සමුදුරු රළ දෙබෑ කරමින් හුදෙකලාව දියබේ ඉදිරියට ඇදෙනා ධීවර යාත්‍රාව, සමුදුරෙන් වට වූ හුදෙකලා

ශ්‍රී ලංකා රාජ්‍යයට උපමා කළෝතින් සහ කෙළිලොල් කොලුගැටයාගේ මූලිකත්වයෙන් පරිණත ධීවර

කණ්ඩායම සතුවන ඉහත කී නිර්සොභහවික වනිතාව, විවෘත අර්ථිකය හඳුන්වාදීමත් සමග මෙරටට

ඛාන්දු වූ කෙළිලොල් පරිභෝජනවාදය ද ලෙස උපමා කළෝතින්, විදේශයන්ගෙන් මෙරටට සැණෙකින්

සම්ප්‍රාප්ත වන විකාරරූපී සංස්කෘතික ලක්ෂනයන් ඉවක් බවක් නොමැතිව වැළඳගැනීම හරහා මෙරට

ජන ප්‍ර්ජාව වත්මනේ අත්විඳිනා ව්‍යාකූල සංස්කෘතික විතැන්වීම්, සිනමා රූ සරණියක් ඔස්සේ විද්‍යාමාන

කරවීම අරුණ ජයවර්ධනයන්ගේ මෙකී සිනමා වෑයමේ යටිපළ වියහැකි බවට සිනමා හා ටෙලි නාට්‍ය

කර්මාන්තයන්හී තිර රචකයෙකු ලෙස වෘතීමය වශයෙන් නියලෙන මා උපකල්පනය කරමි.

….. * ශ්‍රී ලාංකේය සිනමාලෝලීන් හට සිනමාපටය නැරඹීමට විශේෂ හේතු * ……

1). ශ්‍රී ලාංකේය සිනමා වංශකතාවේ සෑහෙන කලක සිට එකම

ආරක වූ වීරයා, පෙම්වතිය සහ දුෂ්ඨයා කේන්ද්‍ර කරගත්

තුන්කොන් ප්‍රේමයෙන් සම්පූර්ණයෙන්ම පාහේ

වෙනස් වූ ලිංගිකත්වය සහ මිත්‍රත්වය යන අතිශය සංවේදී මානව විද්‍යාත්මක කාරණාවන් ද්විත්වයක්

එකිනෙක මුහුකරමින් නිපදවුණු නාට්‍යමය ක්ෂානරයේ සිනමාපටයකට දර්ශීය උදාහරණයක් වීම. 

2). රංගන ශිල්පිණියකගේ ශ්‍රව්‍යමය හෝ දෘශ්‍යමය භාවිතාවක් නොමැතිව හුදු රංගන ශිල්පීන්ගේම

ශ්‍රව්‍යමය හා දෘශ්‍යමය භාවිතාවන් අවස්ථාවන්ට සරිලන පරිදි සමමුහුර්ථ කරවීම තුළින් කතා මාලාව

සකසුරුවම්ව වින්‍යාස ගතකිරීම.

3). සමුදුරු තීරයක යාත්‍රා කෙරෙන ධීවර නෞකාවක් එකම දර්ශන තලය බවට පත්කොටගනිමින්

පසුතල, රංගවස්ත්‍ර හා රංගභාන්ඩ ද පාරිසරික සාධකවලට ගැළපෙන පරිදි

නිර්මාණය කිරීම හා තේමාවට උචිත අයුරින් තිරය මත සංගෘහිත කරවීම. 

4). සකලවිධ මනු සංතානයන්හි නෛසර්ගිකව පහළවන්නා වූ නිරන්තරයෙන් වෙනසට බඳුන් වන්නා වූ

අතිශය සංකීර්ණ වූ අතිශය සියුම් වූ මනෝභාවයන්  වන

ආලය, අනුකම්පාව, තණ්හාව, ඊර්ෂ්‍යාව, කෝපය, විරහව, සාංඛාව, කාංසාව, සංතාපය, ත්‍රාසය, භීතිය,

 කුතුහලය, ආදිය විනෝදාස්වාදය ද තුරන්ව නොයන විලසින් මහත් සංයමයකින් යුතුව රිදී තිරය මත

ප්‍රක්ශේපනය කිරීමට උත්සාහ කිරීම.

උක්ත ප්‍රශස්ථ සාධකයන් රිදී තිරය මතදී සිනමාරූපණයෙන් වියමන් කරවන්නට අසහාය හේතුපාඨ

සපයන්නේ අන් කවරක්වත් නොව යථාර්ථවාදී වූත් අද්විතීය වූත් රංගන ප්‍රතිභාවම බව සිනමාව

කියවගන්නා කවරෙකුට උවද නිරායාසයෙන්ම වැටහිය යුතුය.

එදා මෙදා තුර ශ්‍රී ලාංකේය රිදී තිරය මත කිසිවිටෙකත් එකිනෙක මුනනොගැසුණු උක්ත රංගධරයන්ගේ

එකී රංගන ප්‍රාතිහාර්‍ය අඩු ලුහුඩුකම් විරහිතව පූර්ණ වශයෙන් විදහාපෑමට මං සලසන්නේ ප්‍රශස්ථ

සංකල්පය, තිර රචනය, අදියුරුත්වය, අර්ථ පතීත්වය, කැමරා අදියුරුත්වය, කලා අදියුරුත්වය, රංග

වස්ත්‍ර හා මෝස්තර නිර්මාණය හා වේශ නිරූපණය සිදුකරනා උක්ත නිර්මාණ ශිල්පීන්ගේ කෘතහස්ථ

සිනමා ප්‍රාගුණ්‍යම බව නොවලහා පැවසිය යුතුමයි.

සුරංගනීට මාළු ගෙනාවා… යන නමින් මෙරට ලක්ෂ සංඛයාත ගීතකාමී ධීවර ප්‍රජාවගේ දෙසවන්

කුල්මත් කරවූ ඉපැරණි ගීතයේ නව ශ්‍රව්‍ය දෘශ්‍ය අනුවාදයක් සකස්කොට උචිත අයුරින් අන්තර්ගත

කිරීමට දරා ඇති අනඝි උත්සාහය පිළිබඳව අදියුරුවරයාට මාගේ හෘදයාංගම තුති පිදීමට මෙම සිනමා

විචාරය අවස්තාවක් කරගන්නෙමි.

….* රංගන ධායකත්වය *….

හේමාල් රණසිංහ

මහේන්ද්‍ර පෙරේරා

අශාන් ඩයස්

ප්‍රියන්ත සිරිකුමාර

සුරන් දසනායක

දසුන් පතිරණ

දර්ශන් ධර්මරාජ්

….* නිෂ්පාදන කණ්ඩායම *….

තිර රචනය සහ අධ්‍යක්ෂණය | අරුණ ජයවර්ධන

නිෂ්පාදනය | ඉන්ද්‍රජිත් සිල්වා

කැමරා අධ්‍යක්ෂනය | චන්න දේශප්‍රිය

දිය යට සිදුකෙරුණු විශේෂ රූගත කිරීම්හී කැමරා අධ්‍යක්ෂනය | මැක්ලේන් ඇඩම්ස්

සංස්කරණය | ඩිලන්ත පෙරේරා

සංගීත අධ්‍යක්ෂණය | චින්තක ජයකොඩි

සහය අද්‍යයක්ෂණය | දමින්ද ඩී මඩවල

වර්ණ සංයෝජනය | අසංක වික්‍රමසිරි

ගීත ගායනය | හේමාල් රණසිංහ, මහේන්ද්‍ර පෙරේරා, අශාන් ඩයස්, ප්‍රියන්ත සිරිකුමාර, සුරන්

දසනායක, දසුන් පතිරණ, දර්ශන් ධර්මරාජ් සහ බිමල් ජයකොඩි

ශබ්ද සැලසුම්කරනය | සසික රුවන් මාරසිංහ

අංග රචනය | ප්‍රියන්ත තිලක් රත්නායක

කලා අධ්‍යක්ෂනය | සුනිල් ප්‍රේමරත්න

නිෂ්පාදන සැලසුම්කරණය | අංජලී බුධවත්ත

නිෂ්පාදන කළමනාකරණය | ගිහාන් පෙරේරා

නිෂ්පාදන සම්බන්ධීකරණය | මල්කි විජේමාන්න

උපසිරැසි ගැන්වීම | මලිත් හෑගොඩ

ගීත රචනය | අරුණ ජයවර්ධන, අංජලී බුධවත්ත

මාධ්‍යය සම්බන්ධීකරණය | ඇන්ටන් ජේ. ප්‍රනාන්දු

අන්තර්ජාතික සිනමා ඇගයුම් උළෙල කිහිපයකම ඔප්නැංවෙමින් හෙලවුඩ් සිනමා කර්මාන්තයේ අනාගතය

පිළිබඳ සාධනීය අපේක්ෂාවන් ඇති කරවන මෙවන් ප්‍රශස්ථ සිනමා භාවිතාවක් සමඟින් නැවතත් හෙලවුඩය

වර්ණවත් කිරීමට අවැසි සියළු හේතු සම්පත් සැලසේවායි අරුණ ජයවර්ධනයන් අතුළු සමස්ථ නිෂ්පාදන

කාර්‍ය මන්ඩලය වෙත මුළු හදින්ම සුභාශිංශන එක්කරමි.

අවසන් වදන…..

මනුසතුන්ගේ විරුද්ධ ලිංගික ආකර්ෂණය සිදුවන්නේ හුදු ස්වයං නිර්ණ අයිතිය මත පමණක්ද?

එසේත් නැතිනම් එය ජීවයේ පදනම වන ප්‍රජනන යාන්ත්‍රණයේ මොළය හා ලිංගික හෝර්මෝන හරහා

සිදුවෙන හුදු මෙහෙයවීමක් පමණක්ද? එය එසේ නම්, මානවයා යනු ස්වභාවධර්මයේ අණසක ඉටුකිරීම

උදෙසා නිමවුණු තවත් එක් සත්ත්ව විශේශයක් පමනක්ද?

ප්‍රමුඛතම මානව හැඟුමන්ගෙන් එකක් වන විරුද්ධ (හෝ සමරිසි) ලිංගික ආකර්ෂණය මෙලෙසින්

ප්‍රභේදගත කරවිය හැකිද?

එය නිරාමිස ආදරයක් පමනක්මද?, එසේත් නැතිනම් එය හුදු රාගයමද? නොඑසේනම් එය රාගය මිශ්‍රිත

ආදරයක් ද? එනම්, අනුරාගය ද?

අත්දැකීම් ඇත්තෝ පිළිතුරු සපයත්වා…

සකසුම : හිරාන් ගමගේ