24-06-04

මානසික රෝග සැගවිය යුතු නැත

මම, අපි magazine එකට ලියන පලවෙනි වතාව මේක. Mental Health Disease එකක් පිළිබඳව ලියන නිසා මගේ background එක චුට්ටක් කියන්නම්. මම Registered Manager කෙනෙක් Complex Needs  Nursing Home එකක. Biomedical Science කියන Degree එක හදාරලා, Scientist Licence එක ගත්තත්, මම Private Healthcare join වෙන්න තීරණය කලේ 2015 අවුරුද්දෙයි. ඉතින් Mental Health Diseases ගැන  මම හදාරන්නේ 2015 න් පස්සේ. මේ දවස් වල Therapeutic Counsellor කෙනෙක් වෙන්නත් practice කරන නිසා, මට හිතුනා මානසික රෝග ගැන තියන දැනුම ඔයාලත් එක්ක බෙදාගන්න.

ලංකාවේ අධ්‍යපන ක්‍රමයේ නම් මානසික ලෙඩ ගැන  උගන්නන්නෙම නැති තරම්. ඒක නිසා මානසික රෝගීන් පිස්සන් හැටියට ලේබල් කරනවා. ලංකාවේ අපි මේ වගේ අසනීප වලට බෙහෙත් ගන්න යන්නත් අදී මදි කරනවා. . අපේ සමාජයේ මේ පිළිබඳව තිබෙන දැනුවත්කම අවම නිසාම මිනිසුන්ම මවාගත්තු මිත්‍යා දර්ශනයන්  ඔස්සේ , ප්‍රතිකර්ම වලට යොමු වෙනවා. ඉතින් රෝගයට අවශ්‍ය ඖෂධ හෝ චිකිත්සාවන් නොලැබීම හේතුවෙන් රෝගය උත්සන්න වෙන අවස්ථා බොහොමයි.

ඉතින් මන් ඔයාලත් එක්ක අද කතා කරන්න හදන්නේ Schizophrenia කියන මානසික රෝගය ගැන.මේ නම ඔයාලා ගොඩ දෙනෙක් අහල නැති උනාට, රෝග ලක්ෂණ ඇහෙනකොට , ඔබට අනිවාර්යෙන් මේ අසනීපය තිබ්බ කෙනෙක්ව හෝ මේ සම්බන්දයෙන් අහන්න ලැබුණු පුවතක් හෝ මතක් වෙයි.

Schizophrenia කියන්නේ syndrome එකක්. Syndrome එකක් කියන්නේ එක රෝගයකට.  රෝග ලක්ෂණ  ගණනාවක් සහ රෝග ලක්ෂණ පුද්ගලයාගෙන් පුද්ගලයාට   තරමක් විචල්‍ය වෙන නිසයි.

මේ රෝගය සම්ප්‍රේෂණය වෙන ජාන නියතව සොයාගෙන නැති උනත්, මෙයට හේතු වන්නේ අපේ මොළයෙන් නිදහස් කරන Dopamine සහ Glutamate කියන neurotransmitters වල තියන අසමතුලිත බවකියල පරීක්ෂණ වලින් ඔප්පු කරගෙන තියනවා.

මේ රෝගය දෙමව්පියන්ගෙන් දරුවන්ට ප්‍රවෙනිගතව සම්ප්‍රේෂණයවෙන ප්‍රවනතාවය 80%ක් තරම්. මීට අමතරව, විද්‍යාත්මක පරීක්ෂණවලට අනුව දීර්ග කාලීනව Cannabis මත්ද්‍රව්‍ය වලට ඇ බ්බෙහි වූ පුද්ගලයනටද මෙම රෝගය වැලඳෙන්න පුළුවන්. තවද ගර්භනී සමයේ හටගන්නා ඇතම් Viruses කලලයට සම්ප්‍රේෂණය වී Schizophrenia රෝග ලක්ෂණ තරුණ කාලයේදීම පෙන්නුම් කරන්න පුළුවන්.

මේ රෝගයේ ප්‍රධාන රෝග ලක්ෂණ positive, negative සහ cognitive කියල වර්ග කරනවා. Positve ලක්ෂණ වෙන්නේ මේ රෝගීන්ට අපි හෙමොටම පෙන්නේ නැති දේවල් පේනවා. ඒ කියන්නේභෞතිකව අපිට නොපෙනන දේවල් මෙයාලට පේනවා. මේකට කියනවා visual hallucination එහෙමත් නෙත්තම් සිංහලෙන් දෘශ්‍ය මායාවන්. ඒ වගේම මෙයාලට, අපිට ඇහෙන්නේ නැති දේවල් ඇහෙනවා. ඒ කියන්නේ කව්රුහරි කතා කරනවා වගේ, හරියටම ඔලුව ඇතුලෙන් කවුරුහරි command කරනවා, එහෙම නැත්නම් මඟ පෙන්වන්න හදනවා. මේකට කියන්නේ auditory hallucination එහෙමත් නැත්නම් ශ්‍රවන මායාවන්. උදාහරණයක් කිව්වොත් මෙයාලට අපිට නොපෙනන දේවල්/පුද්ගලයන් පෙනෙන  නිසා, මෙයාල තනියම කතාකරනවා. ඒ කියන්නේ එයාල කතා කරන්නේ අපිට නොපෙනෙන කෙනෙක් එක්ක, එහෙමත් නැත්තම් එයාලගේ ඔලුවෙන් ඇහෙන සද්දෙකට එයාල උත්තර දෙනවා. Schizophrenia රෝගය උග්‍රවීම නිසා සිදුවුණ ඝාතනයන් , සියදිවිනසා ගැනීම් සහ ඝාතනතැත් කිරීම්, ඉතා බහුලව සමාජයේ දකින්න පුලුවන් . 

මේ රෝගීන්ව අපි හදුන්වනවා delusional කියල, ඒ කියන්නේ මේරෝගීන් හිතින් මවාගත් දේ  විශවාස කරනවා. උදාහරණයක් කිව්වොත් මට මුනගැහිලා තියනවා පිටසක්වල ජීවින් සමග සම්බන්දතා තියනවා කියන, ඒ වගේම TV එකේ news කියන කෙනා මා එක්ක කතාකරනවා කියල හිතන අයව. 

තවත් positive රෝග ලක්ෂණයක් තමයි  අවුල් සහගත කතාව සහ හැසිරීම. මෙයාල කතා කරද්දී වචන හොයාගන්න ටිකක් වෙලාගන්නවා, ඒ වගේම සමහරුන් හරිම කම්මැලි එහෙමත් නැත්නම් හෙමින් වැඩ කරන්නේ. එහෙමත් නැත්නම් එක එක bizarre දේවල් කරනවා, උදා: එක ඇදුමක් උඩින් තව ඇදුම් කීපයක් දානවා., හොඳටම රස්නේ දවසක ඇදුම් layers කීපයක් දාගෙන ඉන්නවා .

Negative රෝග ලක්ෂණ වෙන්නේ මෙයාල යම් දෙකට ප්‍රතික්‍රියකරන්න ප්‍රමාද වීම, නුසුදුසු ප්‍රතික්‍රිය සහ බොහෝමයක් මේරෝගීන්  සමාජයෙන් ඇත් වෙනවා, සමාජ ආශ්‍රයෙන් ඇත් වෙනවා.

මේ රෝගීන්ට ප්‍රශ්නයක් ගැන හිතන්න තියන මානසික ශක්තිය අඩු යි. ඒ නිසාම මෙයාලට ජීවිතේ තීරණ ගන්න තවත් කෙනෙක්ගෙ උදව් අනිවාර්යයෙන්  අවශ්‍යයි. 

මේ තමයි  cognitive රෝග ලක්ෂණ.

Schizophrenia රෝගය නිශ්චය කරගන්නේ positive සහ negativeරෝග ලක්ෂණ මස 6ට වැඩි කාලයක් තිබීමෙන්. මස  6 ඇතුලත රෝගලක්ෂණ අඩු වැඩි වීමෙන්, රෝගියා මානසිකව withdrawn තත්වයක ඉන්න පුළුවන්. Schizophrenia වලදී රෝග ලක්ෂණ අඩු වැඩි වෙන එක චක්‍රයක් වගේ. මානසිකව සිදුවෙන මේ වෙනස්කම් චක්‍රානුකුල වුනත්, හරි ආකරව රෝගය අදුනගෙන treatment නොකර හිටියොත්, රෝගියා ටිකෙන් ටික දුර්වල වෙනවා..

මාස 6 රෝග ලක්ෂණ තිබුනද කියල හොයල බලන්නේ, අනිත් මානසික රෝග rule out කරගන්න නිසා. 

දැන් හිතල බලන්නකෝ අපිට මේ රෝග ලක්ෂණ තියන එක්කෙනෙක් ගැන හරි අහන්න දකින්න හම්බවෙලා නැද්ද කියල. අපි කොයිතරම් කතා වෙලා ඇතිද ” ඒ  මිනිහට පිස්සු කියල” “තනියම හිනා වෙනවා, තනියම කියවනවා ඌට පිස්සු”. මමත් එහෙම හිතපු/කියපු කාලයක් තිබ්බා, දැන් නම් අහන්නේ, “ඔයාල මෙයාට බේත් කරනවද” කියලා. මානසික රෝග ගැන දැනගෙන අපේ approach එක වෙනස් වෙන්න ඕනේ. ඒ වගේම මානසික රෝග ගැන අපේ සමාජයේ තියන මිත්‍යා මත වෙනස් වෙන්නත් ඕනේ.

ඇත්තටම හිතල බලන්නකෝ කීයෙන් කීදෙනාද මේ ලෙඩේට හරියටtreat කරනවද කියල. ලංකාවේ මන් දැකලා/අහලා තියනවා, තමුන්ගේ පවුලේ කෙනෙක්ට මේ රෝග ලක්ෂණ තියෙද්දී තොයිල් නටනවා, යකෙක් වැහිලා කියනවා, එහෙමත් නැත්තම් පවුලටම හූනියම් කරලා කියනවා., ගුරුකම් වලින් ලෙඩ සනීප කරන්න හදනවා. අනිත් කාරණාව තමයි Doctor කෙනෙක් Psychiatrist කෙනෙක් ගාවට ගිහින් මේ ලෙඩ කියන්න මිනිස්සු ලැජ්ජයි. 

මේ රෝගය කලින් අදුනගෙන පිළියම් කලොත් මේ රෝග ලක්ෂණ බොහෝ දුරට පාලනය කරන්න පුළුවන්. මේ රෝගයට අපි treatකරන්නේ Antipsychotic medication  වලින්. මේ රෝගය long term/chronic condition එකක් නිසා, Antipsychotic Medication ජීවිත කාලයටම ගන්න වෙනවා. ඒ වගේම Cognitive behaviour therapy වගේ අතිශයෙන් ප්‍රයෝජනවත් Counselling Therapies තියනවා.

Schizophrenia රෝගය උත්සන්න වෙලා ජීවිත හානි සිද්ද වෙනවා, දිවිනසා ගැනීම් වෙනවා, අනිත් ජීවිත වලට හානි කරන්න පෙලඹෙනවා. මේ රෝගයෙන් පෙලෙන අ යට තමුන්ගේ ක්‍රියාවන්වල හොඳ නරක පෙන්නේ නැති තරම්. බොහෝ වෙලාවල් වලට එයාලගේ ඔලුවෙන් ඇහෙන commands වලට එයාල react කරනවා වෙන්න පුළුවන්.

මට මේ ලිපියෙන් කියන්න ඕනේ වුනේ මෙහෙම රෝග ලක්ෂණ තියන කෙනෙක් ඔබේ පවුලේ හෝ යාළුවන් නෑදෑයන්  අතර හෝ ඉන්නවා නම් එයාලව ප්‍රමාද නොවී treatment වලට යොමු කරන්න. මානසික රෝග අපි හංගගෙන ඉන්න ඕනේ නැහැ . අපි අද ඉන්නේ හරිම Stressful ජීවිතයක් ගත කරන වකවානුවක. ඉතින් අපේ ශරීරය වගේම මනසත් දුර්වල වෙන වාර අනන්තයි. අද වෛද්‍ය  විද්‍යාව සහ ඒ සම්බන්ධ  සෑම සේවාවක්ම දියුණුයි , ඉතින් අපිව කවුරුත් judge කරයි කියන සිතුවිල්ලෙන් මානසික අපහසුතා හංගගෙන ඉන්න එපා.

සටහන

තෝෂිණි මුණසිංහ

24-05-08

‘අපි’ ව කවියෙන් හැඩ කරන,කිවිඳිය   

Reena De Silva

* කවුද මේ රීනා කියන්නේ?

 සරල, අපේකමට කවදත් මුල්තැන දුන්නු, ඇත්තටම ආදරණීය පොඩි කවයක් ඇතුලේ ඉන්න, අවංක එක් මනුස්සයෙක් තවත්….

* ඔබේ නම, ගම, පවුලේ විස්තර ටිකක් කිව්වොත්?

මගේ සම්පූර්ණ නම- බ්‍රින්ලි රිනාටා ද සිල්වා. නමුත් හැමෝම කතාකරන්නේ රීනා කියලා ලේසියට. මගේ ගම බොරැල්ල, කොළඹ 08. මම පවුලේ එකම ලමයා. අප්පච්චිනම් දැනට අවෘදු 10 කට කලින් නැති වුනා. අම්මා මං ගාව එංගලන්තේ පදිංචි වෙලා ඉන්නේ.

හස්බන්ඩ්, මම, සහා බබාලා 3 දෙනෙක් අපිට ඉන්නවා. 

* කොහොමද මෙහෙම හිත්වලට දැනෙන්න කතාකරන්නේ කවියෙන්?

ඒක මං ලැබූ භාග්‍යක්. නිදහස් මනසින් ඉන්නකොට ඒ එන අදහස් හරි පුදුම ලස්සනයි.

ගොඩක් වෙලාවට මං ලියන්න අවශ්‍යදේ මුලින්ම මගේ කරගන්නවා,ඉන්පස්සේ ඉබේම පද පෙළගැහෙනවා.

* කොහෙන්ද මේ පද ගලපන්න ඉගෙනගත්තේ?

මම ඉගෙන ගත්තේ බොරැල්ල සියලු සාන්තුවරයින්ගේ කන්‍යාරාමයේ. ඉස්කෝලේ 8,9 වසරවලදී පුවත්පතකට ලිව්වා මුලින්ම, ඉන්පස්සේ උසස් පෙළ පංති වලදි තමයි සදැස් නිසදැස් ලියන්න පටන් ගත්තේ, සමස්ත ලංකා දක්වා මං ලිව්වා අන්තිමේදී. තව පාසලේ වාණිජ- කලා තේමා ගීතත් නිර්මාණය කරා.

* පද්‍ය හා බැදුනු රසවත් සිදුවීම් තියෙනවාද?

ඔව්, මුලින්ම මං පුවත්පතට ලියපු කවි පේළි ලිව්වේ යුද්ධයේදී මගේ අයියා නැතිවුනා හා සමාන අත්දැකීමක් ලැබුවා වගේ, “අයියණ්ඩියේ” තේමාවෙන්. ඒකට මට ලැබුනු ප්‍රතිචාර ලිපි ප්‍රමාණේ හිතාගන්නත් බැරි වුනා. ඉනුත් යුධ සෙබළුන්ගෙන් වැඩියෙන්ම. ඒ හැමෝම හිතලා තිබුනේ මගේ අයියා ගැනයි මං ලිව්වේ කියලා. 

ඉන්පස්සේ මං උසස්පෙළ පංති වලදී

ඒ පබැදුමටම මට පේරාදෙණිය විශ්වවිද්‍යාල කලා ශිෂ්‍ය සංගමෙන් ආරාධනා කර එවුවා පාසලටම, ඔවුන්ගේ කලා උත්සවේකට සහභාගී වෙන්න ආරධනා කරලා.  ඒවා පාසැල් ශිෂ්‍යාවක් හැටියට මට මිල මුදලටත් වඩා වටිනා අත්දැකීම්.

* එතකොට ජනමාධ්‍ය? 

 උසස් පෙලින් පස්සේ සර් එඩ්වින් ආරියදාසයන් යටතේ ජනමාධ්‍ය හා සන්නිවේදනය හැදෑරුවා. එතනින් ඇරඹි ලිවීම නැමැති කලාව දරුවන් ලැබීමත් සමගම ටිකක් මග හැරුනට, සංගීතය හා ජනමාධ්‍ය කියන්නේ මගේ ප්‍රියතම විශයයන් කවදත්. ඒක මං දැන් ආයේ “අපි” මැගසින් නිසා ඇරඹුවා කිව්වොත් තමයි වඩාත් හරි.

* අවසන් වශයෙන් අපි magazine එකට සම්බන්ද වීම ගැන ඔබේ අදහස?

විවාහය, දරුවන් එක්ක යටපත් උනු හැකියාවන්ට නැවත් උපරිම නිදහසේ අකුරු කරන්නටත්, ලෝකේ පුරා විසිර සිටින සුවහසක් ලාංකිකයන් අතරට ඒ පැබැදුම් ගෙනයන්නටත් තෝතැන්නක් උනේ අපි magazine එකයි. ගයාන් සහෝදරයාගේ ඒ කැපවීමත්, ධ්‍යිර්‍යත් හා එක්ව මෙම සගරාව ගොඩ නොනැගෙන්න මමත් මගේ පොතක අකුරකට සීමාවෙන්න තිබුනා. වසර 4 ක් නොව පුලුවන් උපරිම කාලයක් මෙවන් හොද වැඩක් හොදින්ම පවත්වාගෙන යෑමට මම සුභ පතනවා.

අමන්ද්‍යා උත්පලි

පහුගිය කාලයේදි අපට අහන්න සහ දකින්න ලැබුන ගීත අතර “රැජිනට ඇන්දා” නම් වු වෙනස්ම ආරයක ගීයක් ලංකාව පුරා මෙන්ම ලෝකය පුරා වෙසෙන ශ්‍රී ලාංකිය ප්‍රේක්ෂකයන්ගේ ආකාර්ශණය සහ ආදරය ඉතා ඉහලින් දිනා ගන්නට සමත් වුනා. මෙම ගීතයෙහි හඩ පෞර්ෂය, පද පේළි, සංගීතය මෙන්ම රූප රචනයද ඉතාමත් සුවිශේෂිවිම ගීතයෙහි ජනප්‍රියත්වයට හේතු පාදක වුවා කියා නිතර්කයෙන්ම අපට කිව හැකිය. අප කාගෙත් සිත් සොරාගත් මෙම ගීතයෙහි හිමිකාරිය පිළිබදව විපරම් කල විට දැන ගන්නට ලැබුනේ ඇය ලාංකික ප්‍රේක්ෂක ආදරය දිනාගත් දක්ෂ රංගන ශිල්පියෙකු වු ගිරිරාජ් කෞෂල්‍යය මහතාගේ දෙටු දියණිය බව සහ සහන් රන්වල මහතාගෙන් කාලයක් තිස්සේ ගුරුහරුකම් ලබන රන්වල බලකායේ සමාජිකවක් බවයි. ගායනට, නර්තනයට මෙන්ම රංගනයට ඇය අති දක්ෂ බව පහුගිය වකවානුවේදි පුංචි තිරයෙහි ජනප්‍රිය වු නාඩගම්කාරයෝ ටෙලි නිර්මාණය තුලින් මනාවට පිළිඹිබු වුනා. මෙවර අපි Magazine හරහා රැජිනට ඇන්දා ගයන නන්දා නම් වු අති දක්ෂ සකල කලාවෙන් පරිපූර්ණ වු ශිල්පිනියක් වන අමන්ද්‍යා උත්පලි සමග සොදුරු කතා බහක යෙදෙන්නයි අපගේ සුදානම…

(1) අමන්ද්‍යා, මොනවාද මේ දවස්වල තොරතුරු?

පහුගිය දවස්වල මම ඉතාම කාර්යබහුල වුනා. පෙබරවාරි මාසයේ 24 වෙනිදා Waters edge හෝටල් පරිශ්‍රයේදි “රැජිනට ඇන්දා Live on stage” නමින් මගේ පළමුවෙනි ඒක පුද්ගල ගීත ප්‍රසංගය ඉතා සාර්ථකව පැවැත්වුනා. එමෙන්ම මෙම දිනවල අනෙකුත් ප්‍රසංග සදහා ගීත ගායනයෙන් සම්බන්ධ  වෙනවා.

(2)”රැජිනට ඇන්දා වේදිකාවට” ඔබේ පළමු ප්‍රසංගය පහුගිය දිනෙක ඉතා ඉහළ ප්‍රේක්ෂක ප්‍රතිචාර ලබමින් අති සාර්ථක ලෙස නිමාවට පත්වුනා. ප්‍රසංගයේ තතු පිළිබදව කියමුද?

දැනට ලංකාවේ පැවැත්වෙන ප්‍රසංගවලට වඩා වෙනස් වු සෞන්දර්යාත්මක අත්දැකිමක් ප්‍රේක්ෂකයන්ට ලබා දෙන පරමාර්ථයෙන් “රැජිනට ඇන්දා Live on stage” ප්‍රසංගය බිහි වෙනවා. ශාස්ත්‍රිය ගීත, පැරණි ගීත, බටහිර ආරයේ ගීත, නාට්‍යය ගීත, නැටුම්, බෙර වාදන, ජන ගී සහ හින්දි තනු නාදමාලාවන් සහිත ගීත ඇතුලත් සංගිතයේ විවිධ පැතිකඩ පෙන්නුම් කල ඒක පුද්ගල ගීත ප්‍රසංගයකට එහා ගියපු විශේෂයෙන්ම මම ප්‍රාසාංගික ශිල්පිනියන් වශයෙන් ප්‍රේක්ෂකයන්ට සමීපව වන්නට දැරු උත්සාහය ප්‍රේක්ෂකාගාරය පිරි යමින් අති සාර්ථක වුනා කිවුවොත් නිවැරැදියි.

රැජිනට ඇන්දා ගීතය පදනම් කරගෙන ලංකාවේ බොහෝ අය මාව ශිල්පිනියක් විදියට හදුනා ගන්නවා. එම ගීතයට ආදරය කරන ප්‍රේක්ෂක පිරිස මගේ ඒක පුද්ගල ප්‍රසංගයක් නැරඹීමට පැමිණිම මට ඉමහත් සතුටක්. ප්‍රසංග සදහා යුග ගීත ගායනයෙන් රොඩ්නි වර්ණකුල මහතා සහ උදේෂ් ඉන්දුල අයියා සම්බන්ධ වුනා. එමෙන්ම සම්භාව්‍ය ඝණයේ සාම්ප්‍රදායික ප්‍රසංගයකට එහා ගියපු පවුලේ සියලුම දෙනා සතුටු වෙන ආකාරයේ ප්‍රාසාංගික ඇත්දැකිමක් ප්‍රේක්ෂකයන්ට ලබා දිමේ අරමුණින් ජනයි ප්‍රියයි දෙපල පූරක දෙපළ වශයෙන්ද මෙම ප්‍රසංගයට එකතු කර ගත්තා. නිර්මාණාත්මක අධක්ෂණයෙන් මගේ තාත්තා ගිරිරාජ් කෞෂල්‍ය මහතා, මගේ ගුරුතුමා සහන් රන්වල මහතා සහ මගේ සැමියා සාරංග කලුගලගේ යන තිදෙනා ප්‍රසංගයේ සියලුම බර කරට ගෙන විශාල දායකත්වයක් ලබා දුන්නා.

(3) “රැජිනට ඇන්දා” ගීතය ඔබව මෙතෙක් දුරක් ගෙන යයි කියලා ඔබ හිතුවාද?

රැජිනට ඇන්දා ගීතය නිර්මාණය කරද්දි ලොකු කුඩා වයස් භේදයකින් තොරව මෙතරම් ජනාප්‍රසාදයක් ලැබෙයි සහ ප්‍රේක්ෂකයන් මෙතරම් වැලද ගනි, ආදරය කරයි කියලා මම හිතුවේ නැහැ. මෙම ගීතය ජන ගී නාද මාලා ඔස්සේ නිර්මාණය වු නාට්‍යයානුසාරි ගීතයක්විම මෙතරම් ජනප්‍රියවිමට ප්‍රධානම හේතුව වෙන්න ඇති කියලා මම හිතනවා. මෙම ගීතය එලි දක්වන කාලයේදි තිබුන ගීත අනුව මෙවැනි ගීතයක් නිර්මාණය කිරිම ඇත්තටම අභියෝගයක් වුනා නමුත් මෙම නිර්මාණය සදහා දායක වුන සියලුම දෙනාට එම අභියෝගය ගනිමින් වෙනස් විදියේ නිර්මාණයක් බිහි කිරිමට අවශ්‍ය වුනා. ඉතින් අපි හිතුවටත් වඩා, හිතා ගන්න බැරි ආකාරයට ලංකාවේ මෙන්ම විවිධ රටවල්වල වෙසෙන ශ්‍රී ලාංකික ප්‍රේක්ෂකයන්ගේ ආදරය ලබා ගන්න ඒ කරපු වෙනස් නිර්මාණයට හැකි වුනා. පහුගිය කාලයේ පැවැති රියලිටි තරග කිහිපයකම තරගකරුවන් මෙම ගීතය තරගය සදහා ඉදිරිපත් කිරිමට තොරා ගැනිමත් විශේෂත්වයක් වුනා.

(4) ඔබේ අලුත්ම ගීත නිර්මාණය පිළිබදව විස්තර කියමුද?

“තාත්තා” නමින් උමා අසේනි ශිල්පිනියගේ තාත්තගේ උපන්දිනය වෙනුවෙන් ඇය අතින් ලියවුන හිතට දැනෙන වචන ටිකට විදු කහපොලආරච්චි මහතාගේ සංගීතය මුසු කෙරුන ගීතයක් Youtube අවකාශය ඔස්සේ මෙම වර්ෂයේ මුලදි මම එලි දැක්වුවා. මගේ කටහඩට ඇයගේ තාත්තා කැමතිවිම සහ මගෙයි තාත්තයි අතර තියන සම්බන්ධතාවයට සමාන සම්බන්ධතාවයක් ඇයයි ඇයගේ තාත්තගෙයි අතර පැවතිම වැනි හේතු මත මට අහඹු ලෙස මෙම ගීතය ගායනා කරන්න අවස්ථාව ලැබුනා. අහපු රස විදපු අයගෙන් ඉතා විශාල ප්‍රතිචාර ලැබෙනවා.

(5) ප්‍රේක්ෂක සිත්තුල ඉතා අපූරු මතක එක්කල අපට සිටින අති දක්ෂ කලා ශිල්පයෙකු වන ගිරිරාජ් කෞෂල්‍යය ඔබේ පියාගේ සෞඛ්‍ය තත්වය පිළිබදව ප්‍රේක්ෂක අපි කෙටියෙන් දැන ගන්න කැමතියි.

දැනට අවුරුදු දෙකහමාරක විතර කාලයක් තිස්සේ තාත්තා අසනිපය සදහා ප්‍රතිකාර ලබනවා. පහුගිය කාලයේදි ප්‍රතිෂක්තිකරණය අඩුවිම හේතුවෙන් නැවත අසනීප තත්වයක් ඇති වුනා. ඔහු මේ වනවිට ඒ සදහා ප්‍රතිකාර ලබමින් ඉන්නවා.

(6) ඔබගේ කලා ගමනට ඔබේ පවුලෙන්, ඔබේ ආදරණීය ස්වාමියාගෙන් ඒවගේම ඔබ වටා සිටිනපිරිසගෙන් ලැබෙන සහයෝගය කොහොමද?

කුඩා කාලයේ ඉදන්ම අම්මයි තාත්තයි මගේ ගීත ගායන හැකියාව අදුන ගෙන මාව ඒ සදහා යොමු කරමින් වැඩිදුර අධාපනය ලබා දුන්නා. කලා කටයුතු වෙනුවෙන් යොමුවිම නිසා තාත්තා කාර්යබහුලවිම නිසා විශේෂයෙන්ම අම්මා මගේ අධාපනය කටයුතු සදහා ඉතා ඉහල සහයෝගයක් ලබා දුන්නා. දැන් මගේ සැමියාගෙන් මට විශාල සහයෝගයක් ලැබෙනවා. රැජිනට ඇන්දා Live on stage ප්‍රසංගයේ මූලික අදහස මට ලබා දෙමින් සහ ප්‍රසංගයේ සම්පූර්ණ වැඩ කටයුතු කළමනාකරණය කරමින් ඔහු මට විශාල සහයෝගයක් දුන්නා. කලා ශිල්පිනියක් විදියට මගේ කලා ගමනට ඔහුගෙන් ලැබෙන සහයෝගය ලොකු ශක්තියක් කිවුවොත් මම නිවැරදියි. තවත් සුවිශේෂි පුද්ගලයන් දෙදෙනෙකු වශයෙන් සහන් රන්වල ගුරුතුමා සහ ජය ප්‍රකාශ් සිවගුරුනාදන් මහතා හදුන්වන්න පුලුවන්. කථිකත්වය, පෞර්ෂත්වය ගොඩ නගා ගැනිම, පිරිසක් ඉදිරියේදි ගීතයක් නර්තනයක් ඉදිපත් කිරිම වැනි සියලුම දේවල් රන්වල බලකාය සමග සම්බන්ධ වෙමින් සහන් රන්වල ගුරුතුමාගේ ගුරුහරුකම් ලබමින් මගේ ජිවිතයට එකතු කර ගන්න මම වාසනාවන්ත වුනා. ජය ප්‍රකාශ් සිවගුරුනාදන් මහතා නාඩගම්කාරයෝ ටෙලිනාට්‍යය හරහා ටෙලිනාට්‍යය රංගනයට මාව සම්බන්ධ කර ගනිමින් රංගන ශිල්පිනියක් වශයෙන් විවරණ ලබන්නට මට අවස්ථාව සලසා දෙනවා. මගේ ජිවිතයේ ශක්තියක් වුන මෙම සියලු දෙනාට ස්තුතිවන්ත වන්නට මම මෙය අවස්ථාවක් කර ගන්නවා.

(7) රන්වල බලකාය සමග ඔබගේ බැදිම පිළිබදව සහ බලකාය සමග සම්බන්ධවිමට බලාපොරොත්තු වන පිරිසට බලකාය ගැන විස්තර ටිකක් කියමුද?

මම රන්වල පදනමට සම්බන්ධ වුනේ 2007 වර්ෂයේදි ඉන්පසු 2011 වර්ෂයේ සිට රන්වල බලකායේ සාමාජිකාවක් විදියට කටයුතු කරනවා. මගේ ජිවිතය වෙනස් මානයකට ගෙනගිය සංදිස්ථානයක් ලෙස රන්වල බලකාය සමග සම්බන්ධවිම හදුන්වන්න පුලුවන්.

සහන් රන්වල ගුරුතුමා බලකාය තුල හදාරන සියලුම සිසු සිසුවියන්ගේ වර්ධනය වෙනුවෙන් අවශ්‍ය උපදෙස් ලබා දෙමින් නිරන්තරයෙන්ම වැඩ කරයුතු කරනවා. රන්වල බලකාය සමග සම්බන්ධ විමෙන් දරුවෙක්ට තමන්ගේ ජිවිතය යහපත් අතට හරවා ගන්න, දැනුම එකතු කර ගන්න, කණ්ඩායමක් විදියට වැඩ කරන්න ඉගෙන ගන්න අවස්ථාව ලැබෙනවා. විදේශ රටවල්වල වෙසෙන දරු දැරියන් වෙනුවෙන් පැවත්වෙන පාඨමාලාවන් පිළිබද තොරතුරු රන්වල බලකායෙහි ලංකාeපාසල (lankaeschool.com) වෙබි පිටුව මගින් ලබා ගන්න පුලුවන්.

(8)ඔබව ඉදිරියේදි ප්‍රේක්ෂක අපට දකින්නට ලැබෙන කලා කටයුතු මොනවාද?

රැජිනට ඇන්දා Live on stage ප්‍රසංගයත් සමග ලංකාවේ විවිධ පැතිවලින් සහ විදේශීය රටවල්වලින් මට විශාල ආරාධනා ප්‍රමාණයක් ලැබෙනවා. ඉතින් ඉදිරියේදි රැජිනට ඇන්දා Live on stage ප්‍රසංගය ලංකාව පුරා වගේම ලෝකය පුරාත් අරගෙන යන්න බලාපොරොත්තු වෙනවා.

පහුගිය අවුරුදුවල වගේම රන්වල බලකාය සමග ජන ගීය අරන් ලෝකය පුරා යන්න බලාපොරොත්තු වෙනවා. ඊට අමතරව ජය ප්‍රකාශ් සිවගුරුනාදන් මහතාගේ ටෙලිනාට්‍යය හරහා මගේ රංගන හැකියාවන් ප්‍රේක්ෂකයන්ට දැක ගන්න ලැබේවි.

ඉදිරියේදි එලි දැක්විමට නියමිත මගේ ගීත රසවිදින්න සියලුම දෙනාට ආරාධනා කරනවා. 


අමා නාකන්දලගේ

ප්‍රේමණීය සිතුවිලි නිදහසේ අකුරු කරන ගගන ගුරුගේ

ගගන ගුරුගේ කියන්නෙ ඇත්තටම කව්ද ?

බොහොම නිහඬ චරිතයක්, ඒ වගේම අලුතින් දේවල් ඉදිරිපත් කරන්න වෙහෙසෙන කෙනෙක්,

ගගන කියන නම දැම්මෙ කවුද කියලා ඔයගේ රසිකයො දැන ගන්න කැමති ඇති

ගොඩාක් අය ඔය ප්‍රශ්නෙ මගෙන් අහනවා, ඇත්තටම ඒක මගේ පුංචි දාපු නමක් පුංච්ට ඇයි එහෙම නමක් දාන්න හිතුනේ කියල නම් දන්නේ නැහැ, ඒත් ඇය දැන් ජීවතුන් අතරත් නැහැ, සමහර විට මගේ නමත් යම් තරමක් ඉවහල් වෙන්නත් ඇති 

රසිකයන් අතරට මාව යන්න,

ගගනගෙ පවුලේ විස්තර ටිකක් දැනගන්න ආසයි?

මගේ පවුලේ දැනට ඉන්නෙ අම්මයි, මායි අක්කයි, මල්ලියි,  මල්ලයි, අක්කයි, දැනට එයාලගේ ව්‍යාපාර වල නිරත වෙනවා, තාත්ත නම් ජීවතුන් අතර නෑ , තව දෙයක් මතක් කරන්න ඕන මගේ අය්ය ගැන, එයා රට වෙනුවෙන් දිවි දුන්න වීරෝධාර රණවිරුවෙක්, ඒ අතීතේ බොහොම කනගාටු දායක අතීතයක්,

හිත්වලට මෙච්චර දැනෙන්න ලියන්න ආරම්භය වුනේ කොහොමද ?

ඉස්කෝලේ යන කාලෙ ඉදන්ම ලියන්න මන් හරි ආසයි, පුවත්පත් වලටත් නිර්මාණ යොමු කරල තියෙනවා,  කෙටි කතා එහෙම ලියල තියෙනවා, අදනම් ඒව කොහේද දන්නේ නෑ , ඉතින් එහෙම ටික ටික ලියන්න මන් ඇබැහි උනෝ කිව්වොත් නිවැරදියි,

Facebook වල ගගන කිව්වොත් නොදන්න කෙනෙක් නැති තරම්. ඒ තැන හදාගත්තෙ කොහොමද?

ඒක නම් කියන්න සතුටුයි, මන් හිතුවෙත් නෑ මෙච්චර වටිනාකමක් මගේ නිර්මාණ වලට එයි කියල,  ඒක ආරම්භ උනේ ” ගගන ගුරුගේ ” මගේ නමින් තියෙන පේජ් එකෙන්, මම කිව්වනේ මන් වෙනසක් කරන්න කැමති කෙනෙක් කියල, ඉතින් මන් කැමති නෑ කාගෙවත් කොපියක් වෙන්න, පැවැත්මක් තියෙන්නෙ වෙනසක් කලොත් විතරයි කියන විශ්වාසේ මට තිබුනා, ඉතින් වෙනස්ම විදිහට නිර්මාණ කරන්න පෙළබුනා, ඒක ගොඩාක් අයගේ ආත්මයටම දැනුන කියල මට

හිතෙන්නේ, අද බොහෝ පිරිසක් ඉන්නව මට ආදරේ කරන මාව පරිස්සම් කරන, ඇත්තටම ඒ ගැන මට ගොඩාක් ආඩම්බරයි, 

ගගනගෙ එදිනෙදා ජීවිතයේ කටයුතුත් එක්ක මේ ලියන වැඩේ කොහොමද බැලන්ස් කරගන්නෙ?

ඒක ගැන නම් කියන්නම ඕන, මන් සංචාරක ව්‍යාපාරයට සම්බන්ද රැකියාවක් කරන්නේ,

ඇත්තටම කාර්‍යබහුලයි,  ලැබෙන පොඩි වෙලාවෙත් බලන්නේ නිර්මාණයක් කරන්න , කොහොම හරි හැමදේම බැලන්ස් කරගන යනවා,

ගගන ලියන ගොඩක් දේවල් අපේ හිත්වලට කාවදින්නෙ ඒවා ලියවෙන්නෙ අත්දැකීමෙන් කිව්වොත් ?

ම්ම්ම්ම්.. ඇත්තම කිව්වොත් අත්දැකීම් නැත්තෙමත් නෑ, තියෙනවා,  ගොඩාක් ඒවා මට හිතෙනේවා, හිනාවෙලා හිටියට සමහරු විදවනවා, තව සමහරු විදිනවා, සාරාංශය ඕක තමයි,

කොහොමද මෙච්චර ලස්සනට හැඟීම් අකුරු කරන්නෙ ? 

අනේ මංදා .. මට අදහස් එන විදිහ තමයි, ඒකට ගොඩාක් අය කැමතියි, ආදරෙන් වැලඳ ගන්නවා,

අපි දන්නවා ගහන ගීත රචකයෙක් කියලා .. ඒ ගැන විස්තර ටිකක් කියන්න.

විශේෂයෙන් ඒ ගැන කියන්න ඕන,  ඒකට මුළින්ම ස්තුති කරන්න ඕන සෙව්වන්දි අක්කට, ඇය මට කතා කරල මෙහෙම ගීතයක් ඕන කියද්දි මට විශ්වාස කරන්න බැරි උනා, මම සෙව්වන්දි අක්කට කිව්ව මං කලින් ගීත රචනා කරල නෑ කියල, අනික ලොකුම අභියෝගය උනේ ඒ ගීතය ලියන්න තිබුණේ තනුවකට වීම,  සාමාන්‍යන් බොහෝ අය කරන්නේ වචන වලට තනුව දානෙක මට ඉතින් ඒකේ අනිත් පැත්ත, සෙව්වන්දි අක්කත් උදව් කරන්නම් කිව්ව නිසා මන් අභියෝගය බාරගත්ත, ඒ සිංදුව තමයි ” මං නුඹේ වෙන්නේ නෑ ” කියන ගිතය, ඇගේ සැමියා නිහාල් වික්‍රම එදිරිසූරියත් ගොඩාක් අගය කරල තිබුන ඒ ගීතය ගැන .. මේක අවස්ථාවක් කරගන්නව ඒ දෙදෙනාටම ස්තුතියි කරන්න,  තව ගීත කීපයක් ලියල තියෙනවා , එක ගීතයක වැඩකටයුතු මේ දවස්වල කෙරීගන යනව, ළඟදීම හැමෝටම අහන්න ලැබෙයි,

ගගනගෙ නිර්මාණ එකතු කරලා පොතක් එළිදක්වන්න බලාපොරොත්තු වෙනවද?

එහෙම ආසාවක් තිබුන කීප දෙනෙක් කිව්ව උදව් කරන්නම් වැඩේ කරමු කියල, කොහොම හරි ඒක මඟහැරුනා, බලමු නේද ඉස්සරහට,

අපි මැගසින් එකත් එක්ක සම්බන්දවීම ගැන මොකද හිතෙන්නෙ සහ මැගසින් එක ගැන හිතෙන දේ කිව්වොත්

ඇත්තටම හරි සතුටුයි අපි මැඟසින් එකට සම්බන්ද  වෙන්න පුළුවන් වීම ගැන, ඒකට ගයාන්ට විශේෂයෙන් ස්තුති කරන්න ඕන, ඒ වගේ මැගසින් එකකට සම්බන්ද කරගැනීම ගැන, 

” අපි මැඟසින් ” එක ගැන හිතෙන දේ කිව්වොත්, ඇත්තටම ඉතාම හරවත් රසවත්, හැම අතින්ම දැනුම බෙදන මහගෙදරක් කිව්වොත් නිවැරදියි,අද සෝසල් මීඩියා වලින් ඉහලින්ම තියෙන මැගසින් එකක්, ගයාන් සහ කාර්‍ය මංඩලය වගේම මාත් ආඩම්බර වෙනවා ඒ ගැන, හොද ගමනක් තියෙන හොද ගමනක් යන්න පුළුවන් මැගසින් එකක්

නදින් නන්දෙස කිතුගොස පතුරන හිරුෂි

චිත්‍ර ශිල්පය, ගායනය, නර්තනය, නිරූපණය, රූපණය, නිවේදනය, පූරකත්වය හා

ලේඛණය ආදී වූ කලාත්මක කෞශල්‍යයන් රැසක් උපතින්ම ධායාදකොටගනිමින් සංගීත

සංද්වනියේ නව්‍ය රස නිෂ්පත්තීන් සිසාරමින් මව්භිමේ කිතුගොස ජාත්‍යන්තර සංගීත

කරළිය අභිමුව රැව්පිළි රැව් නැංවීමට වෙරදරන තරුණ වෘත්තීමය ගායන ශිල්පිණී හිරුෂි

ජයසේන නම් ඇයගේ ආද්‍යාත්මයේ, දේශපාලනික ආක්‍යානයෙහි හා වෘත්තීත්වයේ ප්‍රථූල

හරසකඩක් සම්මුඛ කරවීමට ලත් වෑයමකි මේ.

Q). ඔබ පුද්ගලයෙකු වශයෙන් ඔබව දකින්නෙ කුමන අයුරකින්ද යන්න පිළිබඳව සඳහනක්

කරමු.

A). මම කලාවට බෙහෙවින් ආදරේ කරන මා ඇසුරු කරන තවත් නිර්මාණශීලී කලාශිල්පීන්

සමඟින් එකතුවෙලා විවිදාකාරයේ නිර්මාණයන් බිහිකිරීමට කැමති කෙනෙක්.

Q). ඔබ ජීවිතය යන්න දකින්නෙ කුමන අයුරින්ද යන්න පිළිබඳව හැඳින්වීමක් කරමු.

A). තමන්ගෙ අනන්‍යතාවය පිළිබඳවත් ඒ වගේම තමන් ජීවත්වෙන පරිසරය වෙතින්

පංචේන්ද්‍රියයන් හරහා සංවේදනය වන අත්දැකීම් සමුදාය දෙසත් සිදුකරන නිරීක්ෂණයක්

ලෙසින් මම ජීවිතය කියවගන්න කැමතියි. මම මේ සංකීර්ණ ලෝකය තුළ සරළ දේවල්

ඇසුරුකොටගෙන ජීවත් වෙන්න කැමති කෙනෙක්.

Q). ඔබේ ආගම හෝ දර්ශනය යන්න කුමක්ද යන්න සඳහන්කොට ඔබ අවබෝධකොටගත්

ආකාරයට එම ආගමේ හෝ දර්ශනයේ මූලික හර පද්ධතිය පිළිබඳව සෛද්දාන්තික විග්‍රහයක්

ඉදිරිපත්කරමින් ඒ තුළින් ජීවිතයට ලබාගත් වටිනාම දේ හෝ දේවල් මොනවාද යන්න

පිළිබඳවද විග්‍රහයක් සිදුකරමු.

A). බෞද්ධාගම හා බුදුදහම යන සංදර්භයන් ද්විත්වය ජීවිතය තුළට යොදවාගනු

ලැබෙන්නේ දෙවිදිහකට. මම බුදුදහම ඇසුරුකොටගෙන ජීවත්වෙන්න කැමති කෙනෙක්.

අනිත්‍ය ආදී වූ තිලකුණු පිළිබඳව අවධාරණයෙන් හදාරද්දි පෙනීයන්නෙ මිනිසුන් වශයෙන්

පුද්ගලික අනන්‍යතාවය පදනම්කොටගෙන විශාල විවිධත්වයක් පවතින්නාක් මෙන්

පෙනීගියත් සත්‍යයාකාරයෙන් අප සැවොම සුවිසල් විශ්වීය ගොඩනැගීමක කුඩා

සංරචකයන් සමූහයක් පමණක් යන්නයි.

බුදුදහම ඇසුරුකිරීම ඔස්සේ ලැබුණු පුහුණුව නිසා මිනිසුන් ඇසුරේ පවතින සියළු ආකාරයේ

විශ්වාසයන් හා ඒවා පදනනම්කොටගෙන ගොඩනැගුණු සියළු මාදිලියේ සංස්කෘතික

සංරචකයන් හා ඒවා විහිදීගොස් ගොඩනැගුණු දැනුම් පද්ධතීන් සියල්ල පිළිබඳවත් වඩාත්

පුළුල්ව කියවාගන්න මෙන්ම අවංකවම ඒ සියල්ලටම ගරු කරන්න මම පුරුදු උනා.

පරිසරය තුළ ජීවත්වෙද්දි ස්වකීය පාලනයෙන් ගිලිහුණු තත්ත්වයන් හමුවේ පුද්ගලත්වයේ

හෙවත් මමත්වයේ හැසිරීම හෙවත් තීරණ ගැනීම හා ප්‍රතිචාර දැක්වීම ඵලදායි අයුරින්

කළමනාකරණය කොටගැනීමට පහසුකම්ද එතුළින් සැලසුණා.

ජීවියෙක් විදිහට සියල්ල දෙස අවධාරණයෙන් සිහියෙන් නිරීක්ෂණය කිරීම පමණක්

සිදුකිරීමත් තමන් තුළට අවශෝෂණය නොකොටගෙන විනිශ්චයකට නොඑල්බී සිටීමත්

තමයි බුදුදහම තුළින් උකහාගත් සුවිශේෂීම දෙය විදිහට සළකන්න පුළුවන්.

මගේ අවබෝධයේ හැටියට ඇත්තෙන්ම ජීවිතය කියන්නෙ හරිම සරළ මෙන්ම හරිම සුන්දර

දෙයක් පුද්ගලත්වය හෙවත් මමත්වය විසින් සකස්කෙරෙන මායාත්මක වටිනාකම් වලින්

තොර වූ විටදී. ජීවිතය පිළිබඳව මම ලබාගත් මේ කියවාගැනීම සම්බන්ධයෙන් මම

අවංකවම ගොඩක් සන්තෝෂයට පත්වෙනවා.

Q). ඔබේ වැටහීමේ පරිද්දෙන් මනුශ්‍යත්වය අරුත්ගන්වාගන්නේ කෙසේද හා ඒ හට ඉහළම

වටිනාකමක් හිමිකරදෙන්නේ කෙසේද යන්න පිළිබඳව විස්තරයක් සිදුකරමු.

A). ඇත්තෙන්ම මම තවමත් මේ ලෝකයේ ජීවත්වෙලා තියෙන්නෙ දශක දෙකකට මඳක් වැඩි

කාලයක්. මම විශ්වාස කරන විදිහට ජීවිතය කියන්නෙ අඛණ්ඩ දීර්ඝ හැදැරීමක්. "

සංවේදනාව ", " කරුණාව " හා " පරෝපකාරය " යනු මනුශ්‍යත්වයේ ප්‍රදානම ගුණයන්

ලෙස මම සළකණවා.

ලෝකය තුළ විවිධාකාර සාධකයන් පදනම්කොටගෙන විවිධාකාර වර්ගීකරණයන්

පවතිනවා. ඒ ඇතැම් වර්ගීකරණයන් තුළින් සුවිසල් ලෙස මුදල් ඉපයීම හෙවත් ව්‍යාපාරයන්

සිදුකෙරෙනවා. උදාහරණ ලෙස රූපශ්‍රිය පදනම්කොටගෙන සිදුකෙරෙන වර්ගීකරණයන්

තුළින් විනෝදාස්වාදය සපයන කර්මාන්තයන් තුළත් ජාතීන් හෝ ආගම ආදී සංස්කෘතික

මූලාශ්‍රයන් පදනම්කොටගෙන සිදුකෙරෙන වර්ගීකරණයන් තුළින් යුධගැටුම් නිර්මාණය

කිරීමත් ඒවාට අවැසි ආයුධ නිපදවා අලෙවිකරණයත් දක්වන්න පුළුවන්.

පුද්ගලිකව අපට මුහුණදීමට සිදුවන ගැටළුන්හි ආක්‍යානයන් එකිනෙකට වෙනස් වූවත්

ප්‍රජාවක් ලෙස සැළකූවිටදී එම ආක්‍යානයන්ගේ මූලික ගොඩනැංවීම පොදුයි.

උදාහරණයක් ලෙස දුක, සතුට, භය, කුසගින්න ආදී වූ භාවාත්මික ප්‍රකාශනයන් හා

අවශ්‍යතාවයන් දක්වන්න පුළුවන්.

මේ යථාර්ථය අවබෝධකොටගෙන කවුරුන් හෝ සහය අවැසි කෙනෙකු හඳුනාගෙන

තමන්ගේ සීමාවන්ද ආරක්ෂාකොටගනිමින් අවංකව ඔහු හට කරුණාව පාමින් හැකි අයුරින්

උපකාර කිරීමට හැකිනම් ඒ තුළින් මනුශ්‍යත්වයට වඩාත් සංවේදී වටිනාකමක්

එකතුකරන්න පුළුවන්.

ගායනශිල්පිණියක් ලෙස මම ඉදිරියේදී උත්සාහ කරනවා විධිමත් හැදෑරීමකින් අනතුරුව

විවිධාකාර වූ මිනිසුන්ගෙ විවිධාකාර වූ අත්දැකීම් පිළිබඳව කථිකාවතක් මගේ නිර්මාණයන්

තුළින් ගොඩනංවන්න. මම තරයේ විශ්වාස කරනවා නිර්මාණශීලීත්වය

උපයෝගීකොටගනිමින් කලාව තුළින් සකලවිධ මනුශ්‍යය ප්‍රජාව භාවාත්මිකව ඒකරාශි

කිරීමට පුළුවන් යන බව.

Q). ඔබ මානව මනෝවිද්‍යාව යන විෂය පථය පිළිබඳව ඇමරිකා එක්සත් ජනපදයේ

විශ්වවිද්‍යාලයකින් මැනවින් අද්‍යාපනය හදාරලා තිබෙන අයෙකු විදිහට එම හැදෑරීම

ඔබේ ජීවිතය මෙන්ම ඔබේ ළබැඳියන්ගේ ජීවිත ආලෝකමත් කරගැනීම සඳහා

උපයෝගීකොටගත් ආකාරය පිළිබඳව අනාවරණය කරමු.

A). මානව මනෝවිද්‍යාව තුළින් මූලික වශයෙන් සිදුකෙරෙන්නෙ මිනිස් මනස පිළිබඳව

කියවාගැනීමයි. එනම් කෙටියෙන් කියතොත් පුද්ගලයෙකුගේ චර්‍යාවන්, පුරුදු හා

ආකල්පයන්ගේ ඔප්නැංවීම හා මූලාශ්‍රයන් පිළිබඳ ගවේෂණයයි. ජීවිතයේ අපිට

නොයෙකුත් මාදිලිවල පුද්ගලයන් මුණගැසෙනවා. ඔවුන් සමඟින් විවිදාකාරයේ ගණුදෙනු

කිරීමට සිදුවෙනවා.

මේ විවිධත්වය මත නානාප්‍රකාර රුචි – අරුචි කම් සියල්ලද තීරණය වෙනවා මෙන්ම ඒ

හේතුවෙන් ඇතැම්විට යම් යම් ගැටළුකාරී තත්ත්වයන් වුවද හටගැනීමට ඉඩකඩක්

තියෙනවා.

උදාහරණයක් ලෙස භාවාත්මිකව උද්වේගකාරී පුද්ගලයෙකුගේ එම චර්‍යාවන්, පුරුදු හා

ආකල්පයන් හටගැනුනු හා ඔප්නැංවුනු මූලාශ්‍රයන් ලෙස පවුල් පසුබිම, පාසැල්

අධ්‍යාපනය, මොළයේ භෞතික හා රසායනික ක්‍රියාවලිය හේතුවෙන් හටගැනුනු

මානසික තත්ත්වයන්, කුඩා අවධියේදී මුහුණදීමට සිදු වූ අත්දැකීම්, විවිදාකාරයේ

ජනමාධ්‍ය මූලාශ්‍රයන් තුළින් උකහාගත් දේවල්, සමාජයෙන් එල්ලවන බලපෑම් ආදී වූ

විවිධාකාර කාරණාවන්ගේ සෘජු හෝ වක්‍ර යෙදවීම් දක්වන්න පුළුවන්.

සාමාන්‍යයෙන් පුද්ගලයෙකු පරිණත වන අවධියේදී ඉහත විග්‍රහ කළ ආකාරයට ඔහු හෝ

ඇයව යම් නිශ්චිත ආකාරයකට රාමුගත වීමක් නෛසර්ගිකව සිදුවෙනවා. ඉන්පසු ඔහු හෝ ඇය

ඉදිරි කාලසීමාව ගතකරනු ලබන්නේ එම රාමුහත වීමට අනුකූලවයි.

මානව මනෝවිද්‍යාව හැදෑරීම තුළින් මම අවබෝධයක් ලබාගත්තෙ මෙම අතිශය සංකීර්ණ,

සියුම් හා ගැඹුරු වයුහගත ක්‍රියාවලිය පිළිබඳවයි. ඒ අවබෝධය තුළින් මට සුවිශේෂී

හැකියාවක් ලැබෙනවා අනෙකුත් පුද්ගලයන්ගේ නෛසර්ගිකත්වය පිළිබඳව මෙන්ම

විශේෂයෙන්ම මගේ නෛසර්ගිකත්වය පිළිබඳවත් ප්‍රමාණවත් කියවීමක් සිදුකරගන්න.

එතුළින් මා තුළ තිබෙන යම් යම් දුර්වලතා, දක්ෂතා, නිවැරදි විනිශ්චයන්, වැරදි

විනිශ්චයන්, අවශ්‍යතාවයන් හා සීමාවන් ආදිය පිළිබඳව පැහැදිලි හඳුනාගැනීමක්

සිදුකරන්න පුළුවන්. එය සෘජුවම ඉවහල් වෙනවා මගේ පෞද්ගලික ජීවිතය මෙන්ම

වෘත්තීය ජීවිතය වඩාත් සකසුරුවම්ව, ඵලදායීව හා කාර්‍යක්ෂමව පෙළගස්වාගන්න.

ඇතැම්විට අපි අපිවම රවටාගන්නා අවස්ථාවනුත් නැත්තෙම නෑ. නමුත් අපි අපේ හදවතටත්

එතුළින් නැඟෙන සිතැඟිවලට අවංක උනොත් ඒ හරහා ගුණාත්මක භාවයෙන් වඩාත් ඉහළ

මානව සම්බන්ධතා ජාලයක් අප වටා නිර්මාණය කරගැනීමේ වාසිය සලසාගන්න පුළුවන්.

ව්ශේෂයෙන්ම නිර්මාණශිල්පිනියක් විදිහට ප්‍රේක්ෂකයන්ගේ සිතුම් පැතුම්,

අවශ්‍යතාවයන්, ප්‍රවණතාවයන් ආදිය පිළිබඳව ප්‍රාමාණික හා ගුණාත්මක

විශ්ලේෂණයක් සිදුකොටගැනීමටත් එම තොරතුරු පදනම්කොටගෙන තමන්ගේ

සංකල්පනාවන් කැටිකොටගත් නිර්මාණශීලීත්වයෙන් හා ගුණාත්මක භාවයෙන්ද ඉහළ

ඵ්ළධායී නිෂ්පාදනයක් බිහිකිරීමට ඉහත කී අවබෝධය විශාල පිටිවහලක් සපයනවා.

Q). ඔබ කලාමාද්‍යයක් ලෙස සංගීතය හඳුනාගන්නේ කෙසේද යන්න පිළිබඳව පැහැදිලි

කිරීමක් කරමු.

A). මම පෞද්ගලිකව සංගීතය යන්න හඳුනාගන්නේ මම හැදෑරීමට කැමති විෂයක්

හැටියටත් වෘත්තීය වශයෙන් භාවිතාවේ යෙදීමට කැමති කර්මාන්තයක් හැටියටයි.

එමෙන්ම සෑමවිටම මම මටම අනන්‍ය වූ ප්‍රගතිගාමී දර්ශනයක් සමඟින් මඳකුදු හෝ

නව්‍ය වූ සංකල්පයක් පෙරදැරිකොටගත් සංවේදනාත්මක මෙන්ම විනෝදාත්මක

නිර්මාණයන් ප්‍රේක්ෂකයන් හට ඉදිරිපත්කිරීමට අපේක්ෂා කරනවා.

ඒ සඳහා ගායන කුසලතාවයට අමතරව විශේෂයෙන්ම වර්ථමානයේ වෙනත් සංගීත

කර්මාන්තයන්හි භාවිතාවන දියුණු තාක්ෂණික ප්‍රයෝගයන් සමඟින් රූපණ කුසලතාවයද

සුනම්‍ය අයුරින් මුසු කිරීමෙන් අනතුරුව ගෝලීය නව්‍යකරණයන්ට හා ප්‍රවණතාවයන්ට

අනුකූලව එකිනෙකට වෙනස මානයන් තුළින් ප්‍රේක්ෂකයන් ආමන්ත්‍රණය කළ හැකි

ප්‍රභල ප්‍රකාශන මාද්‍යයක් හැටියටත් සංගීතය අරුත්ගන්වාගන්න පුළුවන්.

" සංගීතය යනු විශ්ව භාෂාවක් " යන්න ඒ පිළිබඳව විශේෂ ප්‍රාගුන්‍යයක් දරන බොහෝ

විද්වතුන්ගේ මතයක්. මගේ අත්දැකීමේ හැටියට ඒකට ප්‍රදානතම හේතුව වන්නේ සංගීත

භාවිතාව තුළදී එහි මූලික සංරචකයන් හරහා ප්‍රේක්ෂකයන් වෙතට ජනනය කිරීමට

උත්සාහ කෙරෙන්නේ භාවයන් සමුදායක් වීමයි.

භාවයන් යනු ඉහත කී පරිදි මිනිසුන් හට පොදු ප්‍රස්තූතයක්. ඇතැම්විට වචන රහිත වූ හුදු

වාද්‍ය ඛන්ඩයකින් පවා අතිශයින් ප්‍රභල මානසික උත්තේජනයක් හටගන්වන්න පුළුවන්.

ඉන් වක්‍රාකාරයෙන් කියවෙන්නේ භාෂාව යනු ද්වීතියික ප්‍රකාශන මාදිලියක් බවයි.

Q). " සිනමාව යනු සකලවිධ කලා මාද්‍යයන්ගේ කූඨප්‍රාප්තියයි " යන්න විෂය පිළිබඳ

විශේෂ ප්‍රාගුන්‍යයක් සපිරි බොහෝ ශාස්ත්‍රීය විද්වතුන්ගේ මතයයි. සිනමාව තුළ

සංගීතයේ භාවිතාව පිළිබඳව ඔබේ අදහස් ඉදිරිපත්කරමු.

A). කෙසේනමුත් දකුණු ආසියානු කලාපය තුළ නිර්මාණය වන සිනමා නිර්මාණයන්හි ඉහත

කී පරිදි මානව භාවයන් සරු ලෙස උද්දීපනය කළ හැකි සංවේදනාව දනවන සුළු

ප්‍රාසාංගික ගීතයන් නොමඳව අන්තර්ගත කිරීමේ සම්ප්‍රධායක් ඒවායේ නිර්මාණකරුවන්

විසින් බිහිකොට තියෙනවා.

එම සම්ප්‍රධාය හේතුවෙන් දකුණු ආසියානු සිනමා භාවිතාව ලෝකයේ අනෙක් කලාපයන්හි

සිනමා භාවිතාවන්ගෙන් පැහැදිලි ලෙස වෙන් වී අනන්‍යානුකූලව ඉස්මතු වීමටත් ඒ හරහා

ලොව පුරා විසිරී සිටිනා සංගීත ලෝලීන් විශාල වශයෙන් එම සිනමා භාවිතාව

වැළඳගැනීමටත් මඟ සලසා තිබෙනවා.

එමෙන්ම මගේ අත්දැකීමේ හැටියට සංගීත කර්මාන්තය තුළ බිහිවන නිර්මාණයන්හීදීත්

රූපණය සිනමාත්මකව යෙදවීම තුළින් සිනමාලෝලීන් විශාල වශයෙන් එම නිර්මාණයන්

කරා ආකර්ෂණය වීමට වටපිටාවක් සලසණු ලබනවා.

සංගීතය හෝ සිනමාව එකිනෙකින් වියුක්තව පවතිනවාට වඩා ප්‍රශස්ථ ආක්‍යානයක්

ඔස්සේ මනා සුනම්‍යකරණයක් සහිතව අතිච්චාදනය කරවීමෙන් වඩාත් සංවේදනාත්මක

මෙන්ම වඩාත් ප්‍රාසාංගික නිර්මාණයන් උපද්දවන්නට හැකියි.

Q). ඔබේ වෘත්තීය සංගීත ජීවිතය තුළ ලබාගත් සුවිශේෂී ජයග්‍රහණයන් පිළිබඳ

මතකාවර්ජනයක් සිදුකරමු.

A). සාම්ප්‍රදායික අයුරින් සභාගර්භයක් මද්‍යයෙන් පැමිණ ආලෝකමත් වේදිකාවක් මතදී

ලබාගන්නා ඇගයීම්වලින් ඔබ්බට ගිය ලාංකීය සංගීතය ජාත්‍යන්තරකරණයට

යොමුකරවන්නට සමර්ථ අන්දමේ වටිනා කඩඉම් සමූහයක් පසුකරලන්නට සමත්වීම

සම්බන්ධයෙන් මම නිහතමානී ආඩම්බරයකිනුත් විශාල ප්‍රමෝදයකිනුත් පසුවෙනවා.

" BBC Radio London " ගුවන්විදුලි නාළිකාවෙහි මා ඇතුළු තවත් හිතවත් දක්ෂ ගී

රචකයින්, සංගීත නිෂ්පාදකවරුන්, මෝස්තර නිර්මාණ ශිල්පීන්, නර්තන අංගරචකයින්,

කැමරා ශිල්පීන්, විශේෂ දෘශ්‍ය ප්‍රයෝග නිර්මාණශිල්පීන් හා අදියුරුවරුන් ඇතුළු

නිර්මාණශිල්පීන් කිහිපදෙනෙකුගේ වෑයමක් ලෙසින් නිපදවුණු ගීතයන් කිහිපයක් විකාශය

වීම මෙන්ම " youtube " අවකාශයේ එවන් නිර්මාණයන් කිහිපයක්ම ප්‍රේක්ෂකයන් විසින්

උත්කර්ෂයට නංවා තිබීම ගුණාත්මක හා ප්‍රාමාණාත්මක උදාහරණයන් ලෙසින්

දක්වන්නට පුළුවන්. ඇමරිකා එක්සත් ජනපදයේදී රංගනය පිළිබඳ වෘත්තීය පුහුණු

පාඨමාලාවක් හැදෑරීම සඳහා මා නිර්දේශ වීමට පවා එම ජයග්‍රහණයන් ශක්තිමත්

පිටුවහලක් උනා.

ඊට අමතරව ජාත්‍යන්තරව කීර්තිමත් සංගීත කර්මාන්තයේ නියැලෙන්නන් කිහිපදෙනෙකු

සමඟින් නිර්මාණකරණයේ යෙදීමට භාග්‍යය උදාවුනා. උදාහරණයක් ලෙස උතුරු ඉන්දීය

සංගීත හා සිනමා කර්මාන්තයේ ප්‍රමුඛතම ගායන ශිල්පියෙකු හා සංගීතවේදියෙකු වන "

ශාන් මුඛර්ජී " හා මා එක්ව සිදුකෙරූ යුග ගායනය " මෙරී සින්දගී " ගීතය පිළිබඳව සඳහන්

කරන්න පුළුවන්. එය මගේ පළමු හින්දි ගී නිර්මාණයයි.

ජාත්‍යන්තරව කීර්තියට පත් කලාශිල්පීන් සමූහයක් සමඟින් සිදුකෙරුණු රසවත්

නිර්මාණයන් ගොන්නක් ඉදිරියේදීත් ප්‍රේක්ෂකයන් වෙතට මුදාහැරීම සඳහා අවැසි සියළු

කටයුතු ඉතා සාර්ථකත්ව සිදුවෙමින් පවතින බව ඉතාමත්ම ප්‍රමෝදයෙන් යුතුව ප්‍රකාශ

කිරීමට කැමතියි. මං තරයේ විශ්වාස කරනවා ඒවා ලාංකීය ප්‍රේක්ෂකයන් මෙන්ම විදේශීය

ප්‍රේක්ෂකයනුත් ඉතාමත්ම ආදරෙන් වැළඳගනියි කියලා.

Q). තරුණ වෘත්තීය ගායන ශිල්පිනියක් ලෙස සංගීත කර්මාන්තය තුළින් ජාත්‍යන්තරය

ජයගැනීම කෙරෙහි ඇති ඔබේ අභිලාෂය මුදුන්පත්කරගැනීමේදී මුහුණදීමට සිදුවන

අභියෝගයන් හා ඒවා ජයගැනීම වෙනුවෙන් ක්‍රියාත්මක කරමින් සිටින සැලසුම් පිළිබඳව

කෙටි විග්‍රහයක් කරමු.

A). දේශීය සංගීත කර්මාන්තය අතික්‍රමණය කරමින් ජාත්‍යන්තර සංගීත කර්මාන්තයන්

වෙතට පියමැනීම පිළිබඳව මා දකින්නේ ඉතාමත්ම ධණාත්මක විභවයක් හැටියටයි. අපේ

මව්බිමේ ජනගහනය මිලියන 22 කට සීමාවෙනවා. එබැවින් ලෝකයේ වෙනත් කලාපයන්හි

සංගීත ලෝලීන්ද ආකර්ෂණය කොටගැනීමට සමර්ථ වූ රස නිෂ්පත්තීන් ජනිතකොට මනා

කළමනාකරණයකින් යුතුව ජනගත කළ හැකිනම් එතුළින් ශ්‍රී ලාංකීය නාමය

සම්භාවනාවට බඳුන් කිරීමට මෙන්ම මූල්‍ය අංශයේ විකසනයක් කරා මෙහෙයවීමට පවා

සම්භාවිතාවක් තියෙනවා. ලාංකීය සංගීත කර්මාන්තය හා ජාත්‍යන්තර සංගීත

කර්මාන්තය අතරේ ශක්තිමත් වෘත්තීය සබැඳියාවන් ඔප්නැංවීමටත් ඒ ඔස්සේ අවකාශය

සැලසෙනවා.

නමුත් මා මෙහිදී ගෙනහැර පෑ යුතු විශේෂ කාරණාවක් තියෙනවා. නිර්මාණකරුවන්

වශයෙන් අපි ආරම්භයේ පටන් අවසානය දක්වාම ප්‍රමුදිතව නිර්මාණකරණයේ

යෙදෙන්නට අත්‍යාවශ්‍යයි. අවසාන ප්‍රතිඵලයන් කෙරෙහි සාපේක්ෂ පුරෝකථනයන්

සිදුකරමින් නිර්මාණකරණයේදී කැපකිරීම් සිදුකිරීම මා දකින්නෙ අරුත්සුන් තීරණයක්

ලෙසයි.

සාපේක්ෂ පුරෝකථනයන්ගෙන් තොරව සාමූහික ප්‍රයත්නයක් වශයෙන් සිදුකෙරෙන

අවංක නිර්මාණ වෑයමකදී බොහෝ වටිනා දෑ පිළිබඳව අත්දැකීම් කේන්ද්‍රකොටගෙන

උගත හැකියි. එම ඉගෙනුම අනාගත ප්‍රශස්ථ නිර්මාණකරුවෙකු බිහිකරවීමේ වස්තු

බීජයන් උපද්දවන්නට සමර්ථ වෙනවා.

ඉහත කී පරිදි මම සාමාන්‍යයෙන් නිර්මාණකරණයේ යෙදෙන්නේ සාමුහිකවයි. එහිදී අපි

අතරෙ නිරන්තරයෙන් අදහස් හුවමාරු කෙරෙනවා. ඒ අතරින් සාමුහික එකඟතාවය

සපයාගන්නා ප්‍රශස්ථ අදහස් නිර්මාණයන් හට උපයෝගී කෙරෙනවා.

ජාත්‍යන්තර සංගීත වෙළඳපොළ කේන්ද්‍රකොටගෙන සිදුකෙරෙන නිෂ්පාදන කටයුත්තක්

සම්බන්ධයෙන්නම් ඉහත කී ක්‍රියාවලිය නිරවද්‍යභාවය සහිත සංඛයාත්මක තොරතුරු

විශ්ලේෂණයක් උපයෝගීකොටගනිමින් වඩාත් සෛද්දාන්තිකව සිදුකෙරෙනවා. නමුත් මගේ

අත්දැකීමේ හැටියටනම් ඒ සියළු උත්සාහයන්ගේ අවසන් ප්‍රතිඵලය හුදු ප්රේක්ෂක සංගීත

භාවිතාව මත තීරණය වනවා.

Q). සංගීත කර්මාන්තය තුළ ඔබ වර්ථමානයේ නිරත වී සිටින නිර්මාණාංගයන් හා

ඉදිරියේදී එළිදැක්වීමට සැලසුම් කරමින් සිටින නිර්මාණාංගයන් පිළිබඳව හෙළිදරව් කරමු.

A). මේ වනවිටදී සිනමා නිර්මාණයන් කිහිපයකම පසුභිම් සංගීතය සැපයීම වෙනුවෙන්

මගේ කාලය විඩංගු කෙරිලා තියෙනවා. ඒ නිර්මාණයන් ඉදිරියේදී ඒ සිනමා නිර්මාණයන්

සමඟින්ම මුදාහැරෙයි. එමෙන්ම ජාත්‍යන්තර සංගීත කර්මාන්තයන්හි වෘත්තීය ලෙසින්

නියැලෙන ප්‍රමුඛතම සංගීතවේදීන් කිහිපදෙනෙකු සමඟින් නිර්මාණය කෙරුණු නවමු

ආරයන්ගේ ගීතයන් කිහිපයක්ද එළිදැක්වීමට නියමිතව තියෙනවා. ඇත්තෙන්ම ඒවා

පොපියමින් තිබෙන යෞවනත්වය උදෙසාම වෙන් වේවි කියලා අපේක්ෂා කරනවා.

අවංකවම ප්‍රකාශ කළෝතින් මගේ සංගීත නිර්මාණයන් තුළ සිනමාත්මක රූපණය

හුවාදැක්වීම පිළිබඳ මම විශාල උනන්දුවක් දක්වනවා. මගේ දැනුමේ පරිද්දෙන් සංගීත

ඛන්ඩවලින් හා භාෂාවකින් නිරාවරණය කරගත නොහැකි මට්ටමේ ඇතැම් පරිකල්පනයන්

රූපණය තුළින් ද ප්‍රේක්ෂකයන් වෙත සම්ප්‍රේෂණය කළ හැකි වෙනවා. ඇමරිකා එක්සත්

ජනපදයේදී ලබාගත් වෘත්තීය රංගන පුහුණු පාඨමාලාව තුළින් ලත් සෛද්දාන්තික හා

ප්‍රාසාංගික ආභාශය මේ සඳහා බෙහෙවින්ම උපයෝගී කරගන්නවා.

Q). ඔබ ඇමරිකා එක්සත් ජනපදයේ වෘත්තීය රංගන පුහුණු පාඨමාලාවක් සාර්ථකව

නිමකර සිටින අයෙක් වශයෙන් ලාංකීය සිනමා කර්මාන්තය වෙනුවෙන් ඔබේ රංගන

ධායකත්වය සැපයීම සම්බන්ධයෙන් දරන අදහස පැහැදිලි කරමු.

A). මගේ රූපණ දක්ෂතාවයන් සාර්ථක ලෙසින් පිළිපිඹු කිරීමට ශඛ්‍යතාවයක් සහිත

ප්‍රශස්ථ පිටපතක් ලැබුණොත් නියත වශයෙන්ම ඒ පිළිබඳව පුර්ණ අවධානය

යොමුකරන්න බලාපොරොත්තු වෙනවා.

සැකසුම : හිරාන් ගමගේ

NALIKA JAYATHILAKE

ආයුර්වේදයෙන් රෝග නිවාරණයට මග කියනා අපේ වෙදැදුරුතුමිය – NALIKA JAYATHILAKE

• ඔබේ නම, ගම, පවුලේ විස්තර ටිකක් කිව්වොත්?

මම නාලිකා හංසිනී ජයතිලක. ගම අනුරාධපුර. මට ඉන්නවා හරිම ආදරණීය පවුලක්. පවුලේ අම්මා, අප්පච්චි, අයියලා දෙන්නා සහ මම. 

• මේ දවස්වල මොකද කරන්නෙ?

මේ දවස්වල මම ඉන්නෙ දකුණු කොරියාවෙ. මම සහ මගෙ සැමියා උසස් අධ්‍යාපන කටයුතු සඳහා විදෙස්ගත වෙලා ඉන්නෙ. ඊට අමතරව මාර්ගගත ක්‍රමයෙන් ආයුර්වේද වෛද්‍ය උපදෙස් ලබාදීමත් (online consultation), සමාජ මාධ්‍ය ඔස්සේ ආයුර්වේදය සම්බන්ධ දැනුම සමාජගත කිරීමත් තමයි විශේෂයෙන්ම කරන්නෙ.

• ආයුර්වේද වෛද්‍යවරියක් දක්වා ඔබ පැමිණි ගමන්මග ගැන විස්තර කලොත්?

මම ප්‍රාථමික අධ්‍යාපනය ලැබුවේ ගල්නෑව ප්‍රාථමික විද්‍යාලයෙන්. පහ වසර ශිෂ්‍යත්ව විභාගය සමත් වෙලා කොලඹ දේවි බාලිකා විද්‍යාලයට ඇතුලත් වෙන්න ලැබීම මට ලැබුණ ලොකු භාග්‍යයක්. ඒවගේම උසස් පෙල විභාගය ජීව විද්‍යා අංශයෙන් සමත් වෙලා, කොලඹ විශ්ව විද්‍යාලයේ දේශීය වෛද්‍ය පීඨයට ඇතුලත් වීමෙන් පසුව ආයුර්වේද වෛද්‍ය හා ශල්‍යවේදී උපාධිය ලබාගෙන, ආයුර්වේද වෛද්‍යවරියක් විදිහට සේවය කරන්න මට අවස්ථාව ලැබෙනවා.

• වෛද්‍යවරියක් විදිහට ඔබේ වෘත්තිමය ජීවිතය ගැන කතා කලොත්?

මම මුලින්ම රැකියාව කරන්නෙ පෞද්ගලික අංශයේ. ආයුර්වේද ප්‍රතිකාර බලාපොරොත්තුවෙන් ලංකාවට පැමිණෙන විදේශීය සේවාලාභීන්ට ප්‍රතිකාර හා විශේෂඥ උපදෙස් ලබාදෙන වෛද්‍යවරියක් විදියට. විදේශිකයන්ට  ප්‍රතිකාර කිරීමේදී ආයුර්වේද වෛද්‍ය විද්‍යාව පිලිබඳ ඔවුන් දැරූ ධනාත්මක ආකල්ප මගේ ප්‍රතිකාර වල මේදක්වා සාර්ථකත්වයට විශාල රුකුලක් උන බව කියන්නම ඕන. ඉන්පස්සෙ මම රාජ්‍ය අංශයේ ප්‍රජා සෞඛ්‍ය ආයුර්වේද වෛද්‍ය නිලධාරිනියක් ලෙස සේවය කිරීමෙන් පසුව ස්ථානභාර වෛද්‍යවරියක් ලෙසත් සේවය කලා. ඊට අමතරව මගේ පෞද්ගලික වෛද්‍ය මධ්‍යස්ථානය මගිනුත් රෝගී ප්‍රතිකාර කටයුතු සිදු කලා. රෝගීන්ගේ ජීවිත වලට සුවයක් ලබා දීම කියන කාරණාව ඇතුලෙ  

මම මගේ වෘත්තීය ජීවිතය ගැන ඉතාම තෘප්තිමත්.

• එතරම් තෘප්තියකින් මේ වෛද්‍ය වෘත්තියේ නිරතවීමට විශේෂ හේතුවක් තියනවා ද?

අපි ඉගෙනගත්ත සංස්කෘත ශ්ලෝක පාඨයක් තියනවා. ඒකෙ සිංහල තේරුම මේ ප්‍රශ්නෙට උත්තරයක් කියලා මම හිතනවා. ඒ ශ්ලෝකයට අනුව,

“වෛද්‍ය කර්මය තැනකදී පින් ද, තැනකදී මිතුරුබව ද, කිසි තැනකදී වස්තුව ද, කිසි තැනකදී කීර්තිය ද, කිසි තැනකදී කර්මාභ්‍යාසය ද ගෙන දේ. එහෙයින් එය කිසි විටෙකත් නිශ්ඵල නොවේ.”

ඉතිං ඒ විදිහට මට මගේ වෘත්තිය ගැන තෘප්තිමත්  වෙන්න විශේෂ හේතු ගොඩක් තියනවා.

• ඔබේ උසස් අධ්‍යාපන කටයුතු සිදුවෙන්නෙ කොහොමද?

මම දැනට කැලණිය විශ්වවිද්‍යාලයයේ රෝහල් කලමණාකරණය පිළිබඳ පශ්චාත් උපාධිය සම්පූර්ණ කරලා තියෙනවා. මේ දවස්වල දකුණු කොරියාවෙ ජාතික විශ්වවිද්‍යාලයක පෝෂණවේදය සම්බන්ධව උපාධි පාඨමාලාවක් හදාරමින් ඉන්නවා. 

• විවිධ වෛද්‍ය ක්ෂේත්‍ර තුල ආයුර්වේද වෛද්‍ය විද්‍යාවේ ඇති විශේෂ වැදගත්කම ගැන ඔබ මොකද හිතන්නෙ?

වචනාර්ථයෙන් ආයුර්වේදය කියන්නෙ ආයුෂ පිලිබඳ වූ විද්‍යාව. නීරෝගී පුද්ගලයන් රෝගී බවින් ආරක්ෂා කිරීමත්, රෝගී පුද්ගලයන් රෝගී බවින් මුදවා ගැනීමත් අරමුණු කරගනිමින් ස්වභාවික පරිසරයේ ද්‍රව්‍ය ඖෂධ ලෙසට යොදා ගනිමින්  ප්‍රතිකාර සිදු කරන වෛද්‍ය ක්‍රමයක්. අවුරුදු 5000කට වඩා පැරණි ඉතිහාසයක් පවතින වෛද්‍ය ක්‍රමයක් වුණත් අදටත් චිකිත්සා ප්‍රයෝග ප්‍රත්‍යක්ෂ ප්‍රතිඵල ලබා දෙන, බටහිර රටවල පවා විශාල ඉල්ලුමක් පවතින, වටිනා දරශනයක් සහිත විද්‍යාත්මක ඉගැන්වීමක්. ඒ නිසා වර්තමාන ලෝකයේ ආයුර්වේද වෛද්‍ය විද්‍යාව ගොඩක් උසස් තැනක තියනවා. 

• ඔබ අදහස් කරන්නෙ වර්තමානයේදී ආයුර්වේද ප්‍රතිකාර ක්‍රම සඳහා යොමුවීමේ වැඩි නැඹුරුතාවක් තියනවා කියන එකද?

ඇත්තටම ඔව්. බටහිර වෛද්‍ය විද්‍යාවට අනුව පැහැදිලි කල නොහැකි ඇතැම් රෝග තත්වයන් ආයුර්වේද සංකල්ප තුලින් පහසුවෙන් පැහැදිලි කල හැකි වීමත්, චිකිත්සා මූලධර්ම බොහෝ රෝග අවස්ථාවන් සඳහා වර්තමානයේ පවා  ප්‍රයෝග කල හැකි වීමත් ආයුර්වේදයේ වර්තමාන සාර්ථකත්වයට හේතුවක් වෙලා තියනවා. විශ්ව විද්‍යාල අධ්‍යාපනයේදී ආයුර්වේද වගේම බටහිර වෛද්‍ය විද්‍යා මූලධර්මත් හදාරන්න අවස්ථාව ලැබෙන නිසා උපාධිධාරී ආයුර්වේද වෛද්‍යවරුන් ඉතාම සාර්ථක ලෙස රෝග ප්‍රතිකාර වල යෙදී සිටිනවා. ඒ වගේම පුද්ගල සෞඛ්‍ය සංරක්ෂණය සඳහා රෝග වලින් වැළකීමට ආයුර්වේද ඖෂධ භාවිතය නවීන ලෝකයේ වැඩි නැඹුරුතාවයක් තියෙනවා. 

• ආයුර්වේද ප්‍රතිකාර සඳහා වර්තමාන තරුණ පරපුරේ යොමුවීම මොන වගේද?

 කාර්‍යබහුල ජීවන රටාවත් එක්ක වර්තමානයේ තරුණ පරපුර බොහෝ අයහපත් සෞඛ්‍යය පුරුදු අනුගමනය කරන්න පෙළඹිලා තියෙනවා.ඒ වගේම නිසි ව්‍යායාම නොමතිවීම හා මානසික ආතතිය හේතුවෙන් නොයෙක් බෝ නොවන රෝග තරුණ වයසේදීම වැළඳීම නිසා දීර්ඝකාලීන බටහිර ඖෂධ ලබා ගැනීම වෙනුවට ආයුර්වේද ප්‍රතිකාර සඳහා යොමුවීමෙන් මුල් අවස්ථාවේදීම රෝග සුව කර ගැනීමට උත්සහ දැරීම තරුණ පරපුර අතර දකින්නට ලැබෙනවා. අද සමාජය තුල නොයෙකුත් රෝගාබාධ වයස් භේදයකින් තොරව වැළඳීමේ හැකියාව තියෙන නිසා රෝග වැළඳීමට පෙර රෝග වලක්වා ගැනීම සඳහා ආයුර්වේද ප්‍රතිකාර සඳහා යොමුවීම වර්තමානයේ සිදුවිය යුක්තක්.

• සමාජ මාධ්‍ය වලට සම්බන්ධව කටයුතු කරන වෛද්‍යවරියක් විදිහට සෞඛ්‍ය අධ්‍යාපනය ලබාදීම මගින් රෝගාබාධ පිලිබඳ සමාජය දැනුවත් කිරීමට සමාජ මාධ්‍ය යොදාගැනීම සිදුකලයුත්තේ කෙසේද?

රටක දියුණුව මිනුම් කරණ නිර්ණායක අතර සෞඛ්‍ය නිර්ණායක ඉදිරියෙන්ම තියෙනවා. එමනිසා සෞඛ්‍ය අධ්‍යාපනය අතිශය වැදගත්.

රෝග පිලිබඳ දැනුවත් වීම වගේම, නොයෙකුත් වෛද්‍ය ක්‍රම සතු ප්‍රතිකාර විධි පිලිබඳ දැනුවත් වීමෙන් පසු වෛද්‍යවරයකු හමුවී තමාට අවශ්‍ය ප්‍රතිකාර රෝගියා විසින්ම තෝරා ගැනීම බොහෝ දියුණු රටවල සිදුවන ක්‍රමවේදයක්. වෛද්‍යවරු රෝගීන්ට නිවැරදි සෞඛ්‍යය අධ්‍යාපනය ලබාදීම අතිශය වැදගත්වන්නේ ඒ නිසා. විද්‍යුත් මාධ්‍ය හා සමාජ මාධ්‍ය ඔස්සේ වෛද්‍ය කතිකාවත් ඇති කිරීම නිසා වර්තමානයේ පුද්ගල සෞඛ්‍ය අධ්‍යාපනය නගා සිටුවීමට ලොකු පහසුවක් ඇති වෙලා තියෙනවා.  පුද්ගලිකව මම සමාජ මාධ්‍ය ඔස්සේ විවිධ රෝග තත්ත්වයන් සඳහා ආයුර්වේද ප්‍රතිකාර පිලිබඳව වගේම රෝග ඇතිවීම වළක්වා ගැනීමට අදාලව දැනුවත් කිරීම් කරමින් වෛද්‍යවරියක් ලෙස සමාජ කාර්‍යභාරයක් සිදුකරනවා.

• වෛද්‍යවරියක ලෙස ගෙවන ජීවිතය කාර්‍යබහුල නැද්ද?

ඇත්තෙන්ම දැනට විදෙස් ගතවෙලා ඉන්න නිසා පවුලෙන්, යහළුවන්ගෙන්, නෑදෑයන්ගෙන් ඈත්වෙලා ගෙවන ජීවිතය ටිකක් විතර ඒකාකාරියි. ඒ වගේම අධ්‍යාපන කටයුතු නිසා ටිකක් කාර්‍යබහුලයි. නමුත් සියලු දේ මනාව කලමණාකරණය කරගෙන මානසික ආතතිය දරාගැනීමට පුලුවන් මට්ටමක රඳවා ගන්න තමයි හැමවෙලේම උත්සහ ගන්නෙ.

• මානසික ආතතිය අවම කර ගන්න ඔබ මොන වගේ දේවල් ද අනුගමනය කරන්නේ?

නිරෝගීව ඉන්න නම් මානසික නීරෝගීබාවයත් අතිශයින්ම වැදගත්. පුලුවන් හැමවෙලාවෙම ඒකාකාරී බවෙන් මිදෙන්න වගේම මාව සතුටු කරන්න වෙලාවක් හොයාගන්න උත්සහ කරන කෙනෙක් මම. ඉතින් ලස්සන තැන්වල ඇවිදින එක මගේ විනෝදාංශ වලින් එකක්. පරිසරයේ ලස්සන දකින්න වගේම තවත් කෙනෙක්ට ඒ ලස්සන අත්දැකීම් එක් කරන්න තියෙන උවමනාව හින්දම Travel with Doc කියන YouTube නාලිකාව මමත් මගේ සැමියාත් නිර්මාණය කරපු අපේ විවේක කාලය හරවත් දෙයකට වෙන්කරපු අලුත් වැඩක්.

• නාලිකා කියන්නෙ මොනවගේ චරිතයක්ද?

කලින් කිව්වා වගේම වෘත්තියෙන් වෛද්‍යවරියක්. ඒවගේම ආදරණීය දුවක්, ආදරණීය නැගණියක්, ආදරණීය බිරිඳක්, ආදරණීය යෙහෙළියක්, හිතවතියක්.

ජීවිතය දිහා ආදරෙන් බලන සරල කාන්තාවක්.

• අපි මැගසින් එකත් එක්ක සම්බන්ධ වීම හා මැගසින් එක ගැන හිතෙන දේ කිව්වොත්..

මට අපි මැගසින් කියන විද්‍යුත් සඟරාවේ ලේඛිකාවක් ලෙස ලිපි ලිවීමට ආරාධනාවක් ලැබෙන්නෙ මගේ මිතුරෙක් වන ප්‍රසංග මදුසංක මාර්ගයෙන්. මේ විද්‍යුත් සඟරාවේ විශේෂත්වයක් මම දකිනවා. එක් එක් ක්ශේත්‍රයන් වල අත්දැකීම් ඇති අයවලුන් විවිධ රටවල ජීවත් වුණත් එකම අරමුණකට ගෙනවිත් ගයාන්ගේ නිවැරදි නායකත්වය හා මඟ පෙන්වීම් අවසානයේ රසවත්, හරවත් e-magazine එකක් විදියට ප්‍රේක්ෂකයන් අතරට පත්වෙනවා. කියවීම මිනිසුන්ගෙන් ඈත් වෙලා තියන වර්තමාන සමාජයට කියවීමේ අත්දැකීම නවීන තාක්ෂණය ඔස්සේ ලබාදෙන්න අපි මැගසින් කණ්ඩායම සැබැවින්ම අගය කල යුතු ලොකු උත්සාහයක් දරනවා.

පුරා වසරකට අධික කාලයක් අපි මැගසින් කණ්ඩායම සමඟ එක්ව වැඩ කරන්නට ලැබීම පිලිබඳව පුද්ගලිකව මම ගොඩක් සතුටු වෙනවා වගේම අපි මැගසින් කණ්ඩායම කණ්ඩායම් හැඟීමෙන් වසර හතරක් පුරාවට සිදුකරන සමාජ සත්කාරය අගය කල යුතුම දෙයක්. අවසාන වශයෙන් මම අපි මැගසින් වෙනුවෙන් හදවතින්ම සුබ පැතුම් එක් කරනවා. ඒ වගේම දිගටම අපි මැගසින් එකත් එක්ක රැඳිලා ඉන්න බලාපොරොත්තු වෙනවා.

Suraj Mapa

වැටුණු තැන් සහ පැරදුණු තැන් වලින් පාඩම් ඉගෙන ගෙන මගේ ගමන පුරුදු පරිදි නිදහසේ හෙමින් සීරුවේ යන්න බලාපොරොත්තු වෙනවා.

පුංචි තිරයෙහි අති සාර්ථක ලෙස විකාශනය වු ඕලූ, පුජා වැනි ටෙලිනාට්‍යය තුලින් ප්‍රේක්ෂක සිත් තුල අමතක නොවන මතක සටහන් එකතු කල ඔහු රිදි තිරයද සාර්ථකව ස්පර්ශ කල දක්ෂ රංගන ශිල්පයෙකු වනවා. ලතින් ඇමරිකානු නර්තනය සම්ප්‍රදාය සහ උඩරට නර්තන සම්ප්‍රදාය ඉතා හොදින් ප්‍රගුණ කල ඔහු විවිධ නර්තනය තරග නියෝජනය කර ජයග්‍රහණය ලබන්නට වාසනාවන්ත වුනා. විලාසිතා නිරූපණයට මෙන්ම නොනිමි වැනි උසස් ඝණයේ නිර්මාණය අධක්ෂණයටද ඔහු උපන් හපනෙකු ලෙස හදුන්වා දිය හැකිය. තවද ව්‍යාපාර කලමනාකාරණය පිළිබදව දැනුමින් පෝසත් වු ඔහුට වර්තමානයේ Elsa සහ Veer සන්නාම තුලින් ව්‍යාපාර ක්ශේත්‍රයට සාර්ථකව එලබෙන්නට හැකි වුනා. මෙකි වතගොත තවත් දැන ගන්නට සුරාජ් මාපා නම් වු දශක ගණනාවක පුංචි තිරයේ ප්‍රේමවන්තයාව සමග කෙරුණු සාකච්ඡාව කියවන්නට අපි Magazine පාඨක ඔබටයි මේ ආරාධනය…

1)සුරාජ්, 2024 අලුත් අවුරුද්දේ අලුත් විස්තර මොනවද?

Covid වසංගතය සහ රටේ ආර්ථික අස්ථාවරත්වය වැනි විවිධ හේතුන් නිසා පහුගිය අවුරුදු කිහිපයේදි සැලසුමකට අනුකූලව වැඩ කිරිමේ හැකියාවක් තිබුනේ නැහැ නමුත් 2024 වසර සැලසුමකට අනුව
වැඩ කරන්න බලාපොරොත්තු වෙනවා. මෙම වසරේදි මගේ මීලග ටෙලිනාට්‍යය අධක්ෂණය සදහා සුදානම් වෙනවා. දැනට රංගන දායකත්වය ලබා දෙන සුසුම් රස්තියාදුවක්, සර්කස්කාරයෝ සහ උන්මාදිනි
ටෙලිනාට්‍යය තුන සදහා මෙම දිනවල රූපගත කිරිම්වලට සහභාගි වෙනවා. ඉදිරියේදි විදේශ සංචාර කිහිපයක් සදහා කාලය වෙන් කරන්න බලාපොරොත්තු වෙනවා. එමෙන්ම නර්තන ප්‍රසංගයක් පැවැත්විමට වැඩ කටයුතු සැලසුම් කරගෙන යනවා. ඊට අමතරව මගේ ව්‍යාපාර කටයුතු සැලසුම් කරගත් ආකාරයට සාර්ථකව කරගෙන යන්න බලාපොරොත්තු වෙනවා.

2)මෙම දිනවල පුංචි තිරයෙහි අති සාර්ථකව විකාශනය වන සුසුම් රස්තියාදුවක්, සර්කස්කාරයෝ සහ උන්මාදිනි ටෙලිනාට්‍යය ත්‍රිත්වය පිළිබදව ඔබේ අදහස සහ ලැබෙන ප්‍රේක්ෂක ප්‍රතිචාර පිළිබදව කියමුද?

මම සාමාන්‍යයෙන් ලැබෙන හැම නිර්මාණයම භාර ගන්න පුද්ගලයෙක් නෙවෙයි. නිර්මාණයක් භාර ගැනිමේදි පිටපත් රචනය, අධක්ෂණය, ‍නිර්මාණයෙන් සමාජයට දෙන පණිවිඩය, අභියෝගාත්මක චරිත තුලින් ලැබෙන ආත්ම තෘප්තිය වැනි කරුණු පිළිබදව විශේෂයෙන්ම සැලකිලිමත් වෙනවා.

උන්මාදිනි ටෙලිනාට්‍යයෙහි මම පෙනි සිටින්නේ ඉතාම අඩු කොටස් ප්‍රමාණයක වුවත් එම චරිතය මුලු නාට්‍යය පුරාම දිවෙනවා. එම චරිතය තුල වෙනස් වු ආකාරයේ චරිත රග දක්වන්නට මට අවස්ථාව ලැබෙනවා. එමෙන්ම සුසුම් රස්තියාදුවක් සහ සර්කස්කාරයෝ ටෙලිනාට්‍යය ද්ව්ත්වයත් මම ඉතාමත් කැමැත්තෙන් භාර ගත් අපූරු පිටපත් රචනයන් සහිත, දක්ෂ කලාකරුවන් රංගන දායකත්වය ලබා දෙන, අති දක්ෂ අධක්ෂකවරුන් දෙපලක් විසින් නිර්මාණය කරන, සමාජයට යහපත් පණිවිඩයක් ලබාදෙන ටෙලිනාට්‍යය ලෙස හදුන්වන්න පුලුවන්. මෙම ටෙලිනාට්‍යය ත්‍රිත්වයම සදහාම මා වටා එකතුවෙලා ඉන්න මට ආදරය කරන බුද්ධිමත් ප්‍රේක්ෂකයන්ගෙන් ඉතාම ඉහල ප්‍රතිචාර ලැබෙනවා.

3)ප්‍රේක්ෂක ජනදරය ඉතා ඉහලින් දිනු නොනිමි ටෙලිනාට්‍යයෙන් පසුව අධක්ෂණකවරයෙකු හැටියට ඔබේ ඊලග පියවර කුමක්ද?

කුඩා දරුවන් සම්බන්ධයෙන් වැඩිහිටියන්ට වැදගත් වු පණිවිඩයක් ලබා දෙන්න උත්සාහ කරන මගේ මීලග ටෙලිනාට්‍යය සදහා මෙම දිනවල පිටපත සුදානම් වෙමින් පවතිනවා. පිටපත සම්පුර්ණ වුවාට පසු රූපගත කිරිම් පිළිබදව සැලසුම් ආරම්භ කරන්න බලාපොරොත්තු වෙනවා. මෙම ටෙලිනාට්‍යය විශේෂ වෙනස් විදියේ අත්දැකිමක් ලබා දෙන්න පුලුවන් නිර්මාණයක් වෙයි කියලා මම හිතනවා.

4)සුරාජ්ගේ වැඩි කැමැත්ත රංගනයටද, නර්තනයටද, අධක්ෂණයටද?

මෙම අංශ තුනටම මම එක ලෙස ගරු කරනවා සහ ආදරය කරනවා. රංගනය තුලින් ජිවිතය සහ සමාජය පිළිබදව, නර්තනය තුලින් ස්භාවධර්මයෙහි රිද්මය පිළිබදව මම ගොඩක් දේවල් ඉගෙන ගත්තා. එමෙන්ම
අධක්ෂණය කියන්නේ හොයාගෙන යන දෙයක් කියලා මම හිතනවා. ඉතින් එක අංශයකට කොටු නොවි හැකි අයුරින් සියලු අංශ ඉදිරියේදි නියෝජනය කරමින් ප්‍රේක්ෂක රසවින්දනය වෙනුවෙන් අර්ථවත් නිර්මාණවලට දායක වෙන්න බලාපොරොත්තු වෙනවා.

5)සුරාජ් ඔබ ප්‍රේක්ෂක සිත් දිනාගත් කලා කලාකරුවෙකු මෙන්ම දක්ෂ ව්‍යාපාරිකයකුද වෙනවා. ඔබේ ඇගළුම් ව්‍යාපාර කටයුතු පිළිබදව කියමුද?

මම පොඩිකාලේ ඉදලාම විලාසිතා සදහා වැඩි කැමත්තක් දක්වනවා. විලාසිතා නිරූපණ ශිල්පයෙකු වශයෙන් කාලයක් විවිධ සන්නාම නියෝජනය කලා. Elsa සහ veer සන්නාම දෙක යටතේ පිරිමි සහ කාන්තා ඇගළුම් ODEL ආයතනය සදහා මම නිෂ්පාදනය කරනවා. මෙම සන්නාම දෙක ඉදිරියේදි පියවරින් පියවර ඉදිරියට ගොඩ නගා ගෙන යන්න බලාපොරොත්තු වෙනවා.

එමෙන්ම ඉදිරියේදි කෘෂි කර්මාන්ත කටයුතු සදහා යොමුවිමට බලාපොරොත්තුවක් තියනවා. Ravan නමින් මම පවත්වාගෙන යන නිෂ්පාදනය ආයතනය මගින් ටෙලිනාට්‍යය සහ ච්ත්‍රපට නිෂ්පාදනය කටයුතු කරන්න සැලසුම් කරගෙන යනවා. කලා කටයුතුවල නියැලෙන ගමන් ව්‍යාපාර කටයුතු සමබරව කරගෙන යන්න බලාපොරොත්තු වෙනවා.

6)ව්‍යායාම කටයුතු කිරිම, පෝෂ්‍යදායක ආහාරපාන ගැනිම වැනි නිරෝගි ජිවන රටාවකට අවශ්‍ය මූලික කරුණු පිළිබදව ඔබ වැඩි උනන්දුවක් දක්වනවා නේද?

වෘත්තීය කලා ශිල්පියෙකු සහ ව්‍යාපාරිකයෙකු වශයෙන් අනාගතයේදි එම කටයුතුවල නොනවත්වා නිරතවන්න සෞඛ්‍ය තත්වය හොදින් පවත්වාගෙන යාම ඉතාම වැදගත් වෙනවා. මහන්සි වෙලා රැකියාවන්වල නිරත වෙන නමුත් ශරීර සෞඛ්‍ය පිළිබදව අවධානය යොමු කරන්නට කාලය කලමනාකාරණය කර ගැනිමට නොහැකිවිමෙන් ලෙඩ රෝග නිසා පීඩා විදින බොහෝ දෙනෙක් මම දැකලා තියනවා. අනාගතයේදි මගේ සෞඛ්‍ය මට්ටමෙහි මොන මොන වෙනස්කම් වෙයිද කියලා කියන්න දන්නේ නැහැ නමුත් ව්‍යායාම කටයුතු කිරිම, පෝෂ්‍යදායක ආහාරපාන ගැනිම මෙන්ම ලැබුන ජිවිතය සතුටින් රස විදිමින්, සැහැල්ලු මානසික සෞඛ්‍යය තත්වයක් පවත්වාගෙන යෑමට මම නිතරම උත්සාහ කරනවා.

7)සුරාජ් වඩා කැමති තනිකඩ ජිවිතයද? ආදරය ගැන ඔබේ අදහස…

බොහෝ දෙනා විවාහ වෙන්නේ ආදරය නිසාද නැතිනම් විවාහ විය යුතුය යන සමාජ මතය නිසාද? යන්න ප්‍රශ්නාර්ථයක් වෙනවා. මගේ අදහස විවාහ නොවි තනිකඩව ඉන්න හෝ ඉක්මනින් විවාහ වෙන්න ඕනේ කියන එක නෙවෙයි. සමාජය අහන ප්‍රශ්නවලට පිළිතුරක් ලබා දෙන්න ඕනේ නිසා මම විවාහ වෙන්න සුදානම් නැහැ. ආදරය දැනෙන, ගැලපෙන කෙනෙක් තෝර ගන්න මට අයිතියක් තියනවා. මගේ ජිවිතය සතුටින් ගත කරන්න සහ ආදරය කියන සුන්දර දෙය විදින්න මම කැමතියි නමුත් මට ගැළපෙන කෙනෙක් ලැබෙයිද නොලැබෙයිද කියලා මම දන්නේ නැහැ. විවාහ ජිවිතය තුල සතුටින් ජිවත් වෙන්න උත්සාහ කරන කෙනෙක් ලැබුනොත් නිවැරැදි තීරණයක් ගන්න මම බලාපොරොත්තු වෙනවා.

8)ඔබව ඉදිරියේදි ප්‍රේක්ෂක අපට දකින්නට ලැබෙන කලා කටයුතු මොනවාද?

මාව පහු කරගෙන ගියපු අය සහ මම පහු කරගෙන ආපු කිසිම කෙනෙක් එක්ක මට තරගයක් නැහැ. වෙනදා වගේම කරන දෙය හරියට කරගෙන වැටුණු තැන් සහ පැරදුණු තැන් වලින් පාඩම් ඉගෙන ගෙන මගේ ගමන නිදහසේ හෙමින් සීරුවේ ඉදිරියේදිත් යමින් ප්‍රේක්ෂක රසාස්වාදය සහ බුද්ධි මට්ටම වැඩි කිරිම වෙනුවෙන් කලා කටයුතුවල නිරත වෙන්න, උසස් තත්වයේ නිර්මාණ සමග සම්බන්ධ වෙන්න බලාපොරොත්තු වෙනවා.

අමා නාකන්දලගේ

2024 – Jan – 06

සීසර්ලා ටෙලිනාට්‍යය තුලින් වෙනස්ම විදියේ චරිතයකට දායකවන්නට මට අවස්ථාව ලැබුනා.

2024 වසරෙහි අපි Magazine ජනවාරි මස කලාපය සදහා දශක කිහිපයක රංගන අත්දැකිමෙන් පරිපූර්ණ එදත් අදත් පුංචි තිරයේ සොදූරු ප්‍රේමවන්තයෙකු වන චරිතාංග රංගන ශිල්පියෙකුගේ තොරතුරු ඔබ වෙත ගෙන එන්නටයි සුදානම.

‍පුංචි තිරයෙහි ප්‍රේක්ෂක ජනාදරයට පත්වු පබළු, අමා, සත්‍ රළ පෙළ, කෝරලේ මහත්තයා, චායා, උතුම් පැතුම්, රන් තරු, අහස් මාළිගා සහ මෙම වකවානුවේදි විකාශනය වන සීසර්ලා, කියා දෙන්න ආදරේ තරම් වැනි ටෙලිනාට්‍යය සමග ආලින්දයට පැමිණ ප්‍රේක්ෂක සිත් තුල අමතක නොවන චරිත තුලින් තම රංගන කුසලතාය මනාවට පිළිබිඹු කිරිමට සමත් වු විශ්ව කොඩිකාර නම් වු නිරහංකාර අතිදක්ෂ චරිතාංග රංගන ශිල්පයාගෙන් රංගන ක්ශේත්‍රයට ලැබුනේ මහගු දායකත්වයක්.

දක්ෂ රුවැති බිරිඳක්, හුරතල් දියණියක් සහ දගකාර පුතෙකුගෙන් පරිපුර්ණ වු ඔහුගේ සුන්දර පුංචි කැදැල්ලට එන්න අප සමග ගොඩ වි ඔහුගේ වතගොත විමසන්නට…

1) විශ්ව, මොනවද මේ දවස්වල අලුත් විස්තර?

මෙම දිනවල දෙරණ නාලිකාවෙහි සතියේ දින පහේම රාත්‍රි 9 ට විකාශනය වන සීසර්ලා ටෙලිනාට්‍යයෙහි රංගන කටයුතු ගොඩක් ආසාවෙන් කරගෙන යනවා. මම මෙතෙක් රංගනයෙන් දායක වු චරිත අතුරින් වෙනස්ම විදියේ චරිතයකට රංගන දායකත්වය ලබා දෙන්න සීසර්ලා තුලින් මට අවස්ථාව ලැබුනා. ඊට අමතරව කියා දෙන්න ආදරේ තරම් ටෙලිනාට්‍යයෙහි රූපගත කිරිම් කෙරෙමින් පවතිනවා. එමෙන්ම අලුත් ටෙලිනාට්‍යය දෙකක් සදහා සුදානම් වෙනවා. රිදි තිරය ගැන කතා කරනකොට අජිත් ධර්මසූරිය මහත්මයාගේ නිර්මාණයක් වන වර්ණ ච්ත්‍රපටය මෙම වසරේදි තිරගතවිමට නියමිතයි.

2)”සීසර්ලා” ටෙලිනාට්‍යය සමග සම්බන්ධ වෙන්න ලැබුන අවස්ථාව පිළිබදව සහ ලැබෙන ප්‍රේක්ෂක ප්‍රතිචාර පිළිබදව කියමුද?

බුද්ධික සේමසිංහ මහතාගේ තිර පිටපතකට අනුව නිර්මාණය වන “සීසර්ලා” ටෙලිනාට්‍යය අධක්ෂණය කරන විශ්ව ලංකා මහතාගේ ඇරයුමෙන් එහි ප්‍රධාන චරිතයකට රංගනයෙන් දායක වන්න මට අවස්ථාව ලැබුනා. මෙය මම මෙතෙක් සම්බන්ධ නොවුන වෙනස්ම විදියේ චරිතයක්. නාට්‍යය සහ රංග කලාව පිළිබදව මගේ ගුරුතුමා වන මහේන්ද්‍ර පෙරේරා මහතා නිරන්තරයෙන්ම අපට උපදෙස් ලබා දෙන්නේ විවිධ චරිත කරන්න උත්සාහ කරන්න කියලා. එම හේතුව නිසා සහ චරිතය පිළිබදව මගේ තාත්තාගේ ධනාත්මක අදහසත් ඇතුව මෙම චරිතය භාර ගන්න මම තිරණය කලා.

මෙහි ප්‍රධාන චරිත කිහිපයක් තියනවා. එම සියලූම චරිතවලට සාධාරණයක් වන අයුරින් බුද්ධික සේමසිංහ මහතා සහ විශ්ව ලංකා මහතා සීසර්ලා ටෙලිනාට්‍යයෙහි නිර්මාණය කටයුතු කරගෙන යනවා.
සීසර්ලා සදහා ඉතාම හොද ප්‍රේක්ෂක ප්‍රතිචාර ලැබිම පිළිබදව මට අතිශය නිහතමානී ආඩම්බරයක් තියනවා. මෙම චරිතය මට නොගැලපෙන බව කියන ඉතාම සුළු පිරිසක් ඉන්න නමුත් මට ආදරය කරන සියලු ප්‍රේක්ෂකයන්ගේ ප්‍රතිචාර මම ඉතාම ආදරයෙන් භාර ගන්නවා.

3)”කියා දෙන්න ආදරේ තරම්” ටෙලිනාට්‍යයෙහි අමතක නොවන අත්දැකීම් පිළිබදව මතක් කලොත්..

ඇත්තටම කිවුවොත් “කියා දෙන්න ආදරේ තරම්” ටෙලිනාට්‍යයෙහි මම වැඩ කටයුතු කලේ ඉතාම අඩු කාලයක් නිසා ඒ පිළිබදව විශේෂ යමක් මට කියන්න නැහැ.

4)විශ්ව රංගනයෙන් දායක වු “වර්ණ” ච්ත්‍රපටයට නුදුරේදි තිරගතවිමට නියමිතද? ච්ත්‍රපටය සදහා ඔබට ඇරයුම් ලැබුනේ කොහොමද?

අජිත් ධර්මසූරිය මහතා සහ මම මහනුවර ධර්මරාජ විද්‍යාලයෙහි ආදි ශිෂ්‍යයන්. පාසලේ හිතවතෙකුගේ මාර්ගයෙන් දවසක් මට අජිත් අයියා කතා කරලා “ඇයි වෙනස් විදියේ චරිත කරන් නැත්තේ? එවැනි චරිත ලැබෙන්නේ නැද්ද? නැත්තම් කරන්න අකැමැතිද? ” වගේ ඔහුගේ නිර්මාණය පිළිබදව ඉගි නොකර ප්‍රශ්න කිහිපයක් ඇහුවා. වෙනස් විදියේ දෙයක් කරන්න ඉතාමත් කැමැත්තෙන් එවැනි චරිත ලැබෙයි කියලා බලාපොරොත්තු ඉන්න බව මම ඔහුට කිවුවා. ඉන්පසු ඔහු මෙම නිර්මාණයෙහි පිටපත මට ලැබෙන්න සැලැස්සුවා.

මෙම චිත්‍රපටය මම හදවතින්ම පුදුම ආසාවකින් දායක වුන නිර්මාණයක්. විශේෂයෙන්ම මහනුවර මගේ ගමේ චිත්‍රපටියෙහි රූපගත කිරිම් කල නිසා නුවර පරිසරයෙහි සුන්දරත්වය විදිමින් සහභාගි වුන ඉතා විශිෂ්ට නිර්මාණයක් කිවුවොත් මම නිවැරැදියි.
වර්ණ චිත්‍රපටයෙහි අධක්ෂණකතුමා අජිත් ධර්මසූරිය මහතා පැවසු පරිදි මෙම වසරේදි ච්ත්‍රපටය තිරගතවිමට නියමිතයි.

5)රංගන කටයුතු සදහා ඔබේ ගෙදරින් ලැබෙන සහයෝගය කොහොමද?

රංගන ක්ශේත්‍රයට අවතීරණය වන්නට මුලිකවම අඩිතාලම යොදලා දුන්න මගේ තාත්තාව මුලින්ම ආදරයෙන් මතක් කරන්න ඕනේ. මාව රංගන ක්ශේත්‍රයට හදුනා දෙන්න මෙය සුදුසුම කාලය කියලා අදහස් ඉදිරිපත් කල රොයි ද සිල්වා මහත්මයා සහ ගාමිණි සමරසිංහ මහත්මයාවත් මතක් කරන්න මම මෙය අවස්ථාවක් කර ගන්නවා. රංගනය පිළිබදව හැදැරීම සදහා මහේන්ද්‍ර පෙරේරා මහත්තයා යටතේ පාඨමාලාවක් සදහා මුලින්ම තාත්තා මාව යොමු කරනවා. මම මුලින්ම රංගනයෙන් දායක වුයේ මගේ තාත්තගේ නිර්මාණයක් වන “සදාධර ජෝති” ච්ත්‍රපටයෙහි ඉන්පසු තාත්තගේ නිර්මාණ කිහිපයකම මම රංගනයෙන් දායක වුනා. එදා මෙන්ම අදටත් ගුරුහරුකම්, අදහස් ලබා දෙමින් තාත්තා මගේ රංගන ගමනේ ලගින්ම ඉන්නවා. එමෙන්ම මගේ ජිවිතයේ හයියක් වුන ආදරණීය අම්මාගෙන්, හදවතින්ම ලගින් ඉන්න මගේ අක්කගෙන් ලැබෙන සහයෝගයත් මතක් කරන්න ඕනේ.

මගේ බිරිඳ ගැන ඇත්තම කියනවා නම් අපි විවාහ වුන මුල් කාලයේදි රංගන ශිල්පියෙකුගේ වෘත්තීය ස්භාවය තේරුම් ගෙන මට සහයෝගය දෙන්න කොහොමද කියලා එයාට අවබෝධයක් තිබුනේ නැහැ. නමුත් පහු කාලිනව එයා සෑහෙන දුරට මෙම වෘත්තීය පිළිබදව තේරුම් අරගෙන අද වෙනකොට ඉතාම හොද සහයෝගයක් මට ලබා දෙනවා.

6)වෘත්තිමය රංගන ශිල්පියෙකු වශයෙන් චරිත තෝරා ගැනිමේදි සීමාවන් තියනවාද?

ඇත්තටම තියනවා. වෘත්තීය රංගන ශිල්පයෙකු වශයෙන් විවිධ චරිත සදහා රංගනයෙන් දායකවන්නට මම කැමති නමුත් ලංකාව වැනි සංස්කෘතියක් සහිත රටක රංගන කටයුතු කිරිමේදි පවුලේ සියලු දෙනාටම එකට ඉදගෙන නැරඹිය හැකි ටෙලිනාට්‍යය සහ ච්ත්‍රපට තෝරා ගෙන මගේ දායකත්වය ලබා දෙන්න මම සැලකිලිමත් වෙනවා. එවැනි අවස්ථාවක් සදහා උදාහරණයක් විදියට කිවුවොත් වර්ණ ච්ත්‍රපටය රූපගත කිරිමේදි පිටපතෙහි තිබුන කොටසක මම රංගනයෙන් දායකවන්නට කැමති සීමාවන් පිළිබදව අජිත් ධර්මසූරිය මහතා සමග සාකච්ඡා කරගෙන අපි වෙනස්කම් කර ගත්තා.

7)ඉදිරියේදි රංගනයෙන් දායකවන්නට අවස්ථාව ලැබෙයි යැයි බලාපොරොත්තුවෙන් ඉන්න චරිත තියනවාද?

රංගනයෙන් දායක වන්නට කැමති චරිත නම් ගොඩක් තියනවා. ස්වාමින්වහන්සේ නමකගේ චරිතයක් කරන්න ලැබුනොත් සහ ගොළු තාත්තා ටෙලිනාට්‍යයෙහි මහේන්ද්‍ර පෙරේරා මහත්මයා අති සාර්ථකව රග දැක්වු ගොළු චරිතය වැනි චරිත නිරූපණයට මෙන්ම අන්ධ පුද්ගලයෙකුගේ චරිතයක් වැනි වෙනස් ආකාරයේ චරිත සදහා දායකත්වය ලබා දෙන්න මම හරිම කැමතියි.

8)ඔබ සමාජ මාධ්‍යය භාවිතා කරනවාද?

මම සාමාජ මාධ්‍යය භාවිතා කරනවා. අපේ පවුලේ සියළු දෙනාම එකතුව විශ්ව එරංදි නමින් Youtube නාලිකාවක් පවත්වාගෙන යනවා. Facebook මම කාලයක් භාවිතා කලේ නැහැ නමුත් විවාහයෙන් පස්සේ මගේ බිරිඳගේ උනන්දුවෙන් Facebook ගිණුමක් මම ආරම්භ කලා. මගේ නමින් මගේ නොවන වෙනත් පුද්ගලයන් විසින් මෙහෙය වන Facebook ගිණුම් බොහෝමයක් තියන නිසා Facebook ගිණුම් හරහා මා සමග සම්බන්ධ විමේදි නිවැරදි ගිණුම තහවුරු කර ගන්න කියන පණිවිඩය මගේ ප්‍රේක්ෂකයන්ට ලබා දෙන්න මම මෙය අවස්ථාවක් කර ගන්නවා.

9)ප්‍රේක්ෂක ආදරය නිබදව දිනා ගත් විශ්ව කොඩිකාර නම් වු දක්ෂ රංගන ශිල්පියාව අපට ඉදිරියේදි දැක ගන්නට ලැබෙන නිර්මාණය මොනවාද?

මම කලින් සදහන් කල ආකාරයට මෙම දිනවලදි දෙරණ නාලිකාවෙහි විකාශනය වන සීසර්ලා ටෙලිනාට්‍යය සමග සම්බන්ධ වෙලා වැඩ කටයුතු කරගෙන යනවා. එමෙන්ම ඇරයුම් ලැබුන ටෙලිනාට්‍යය දෙකක් මෙම වසරේදි රූපගත කිරිම් ආරම්භ වෙයි කියලා බලාපොරොත්තුවෙන් ඉන්නවා. රිදිතිරය පිළිබදව කිවුවොත් වර්ණ ච්ත්‍රපටය තුලින් සහ ඇරයුම් ලැබුන තවත් ච්ත්‍රපටයක් තුලින් ඉදිරියේදි මාව ප්‍රේක්ෂකයන්ට දැක ගන්න ලැබේවි.

අමා නාකන්දලගේ

Vishwa Kodikara

සීසර්ලා ටෙලිනාට්‍යය තුලින් වෙනස්ම විදියේ චරිතයකට දායකවන්නට මට අවස්ථාව ලැබුනා.

2024 වසරෙහි අපි Magazine ජනවාරි මස කලාපය සදහා දශක කිහිපයක රංගන අත්දැකිමෙන් පරිපූර්ණ එදත් අදත් පුංචි තිරයේ සොදූරු ප්‍රේමවන්තයෙකු වන චරිතාංග රංගන ශිල්පියෙකුගේ තොරතුරු ඔබ වෙත ගෙන එන්නටයි සුදානම.

‍පුංචි තිරයෙහි ප්‍රේක්ෂක ජනාදරයට පත්වු පබළු, අමා, සත්‍ රළ පෙළ, කෝරලේ මහත්තයා, චායා, උතුම් පැතුම්, රන් තරු, අහස් මාළිගා සහ මෙම වකවානුවේදි විකාශනය වන සීසර්ලා, කියා දෙන්න ආදරේ තරම් වැනි ටෙලිනාට්‍යය සමග ආලින්දයට පැමිණ ප්‍රේක්ෂක සිත් තුල අමතක නොවන චරිත තුලින් තම රංගන කුසලතාය මනාවට පිළිබිඹු කිරිමට සමත් වු විශ්ව කොඩිකාර නම් වු නිරහංකාර අතිදක්ෂ චරිතාංග රංගන ශිල්පයාගෙන් රංගන ක්ශේත්‍රයට ලැබුනේ මහගු දායකත්වයක්.

දක්ෂ රුවැති බිරිඳක්, හුරතල් දියණියක් සහ දගකාර පුතෙකුගෙන් පරිපුර්ණ වු ඔහුගේ සුන්දර පුංචි කැදැල්ලට එන්න අප සමග ගොඩ වි ඔහුගේ වතගොත විමසන්නට…

1) විශ්ව, මොනවද මේ දවස්වල අලුත් විස්තර?

මෙම දිනවල දෙරණ නාලිකාවෙහි සතියේ දින පහේම රාත්‍රි 9 ට විකාශනය වන සීසර්ලා ටෙලිනාට්‍යයෙහි රංගන කටයුතු ගොඩක් ආසාවෙන් කරගෙන යනවා. මම මෙතෙක් රංගනයෙන් දායක වු චරිත අතුරින් වෙනස්ම විදියේ චරිතයකට රංගන දායකත්වය ලබා දෙන්න සීසර්ලා තුලින් මට අවස්ථාව ලැබුනා. ඊට අමතරව කියා දෙන්න ආදරේ තරම් ටෙලිනාට්‍යයෙහි රූපගත කිරිම් කෙරෙමින් පවතිනවා. එමෙන්ම අලුත් ටෙලිනාට්‍යය දෙකක් සදහා සුදානම් වෙනවා. රිදි තිරය ගැන කතා කරනකොට අජිත් ධර්මසූරිය මහත්මයාගේ නිර්මාණයක් වන වර්ණ ච්ත්‍රපටය මෙම වසරේදි තිරගතවිමට නියමිතයි.

2)”සීසර්ලා” ටෙලිනාට්‍යය සමග සම්බන්ධ වෙන්න ලැබුන අවස්ථාව පිළිබදව සහ ලැබෙන ප්‍රේක්ෂක ප්‍රතිචාර පිළිබදව කියමුද?

බුද්ධික සේමසිංහ මහතාගේ තිර පිටපතකට අනුව නිර්මාණය වන “සීසර්ලා” ටෙලිනාට්‍යය අධක්ෂණය කරන විශ්ව ලංකා මහතාගේ ඇරයුමෙන් එහි ප්‍රධාන චරිතයකට රංගනයෙන් දායක වන්න මට අවස්ථාව ලැබුනා. මෙය මම මෙතෙක් සම්බන්ධ නොවුන වෙනස්ම විදියේ චරිතයක්. නාට්‍යය සහ රංග කලාව පිළිබදව මගේ ගුරුතුමා වන මහේන්ද්‍ර පෙරේරා මහතා නිරන්තරයෙන්ම අපට උපදෙස් ලබා දෙන්නේ විවිධ චරිත කරන්න උත්සාහ කරන්න කියලා. එම හේතුව නිසා සහ චරිතය පිළිබදව මගේ තාත්තාගේ ධනාත්මක අදහසත් ඇතුව මෙම චරිතය භාර ගන්න මම තිරණය කලා.

මෙහි ප්‍රධාන චරිත කිහිපයක් තියනවා. එම සියලූම චරිතවලට සාධාරණයක් වන අයුරින් බුද්ධික සේමසිංහ මහතා සහ විශ්ව ලංකා මහතා සීසර්ලා ටෙලිනාට්‍යයෙහි නිර්මාණය කටයුතු කරගෙන යනවා.
සීසර්ලා සදහා ඉතාම හොද ප්‍රේක්ෂක ප්‍රතිචාර ලැබිම පිළිබදව මට අතිශය නිහතමානී ආඩම්බරයක් තියනවා. මෙම චරිතය මට නොගැලපෙන බව කියන ඉතාම සුළු පිරිසක් ඉන්න නමුත් මට ආදරය කරන සියලු ප්‍රේක්ෂකයන්ගේ ප්‍රතිචාර මම ඉතාම ආදරයෙන් භාර ගන්නවා.

3)”කියා දෙන්න ආදරේ තරම්” ටෙලිනාට්‍යයෙහි අමතක නොවන අත්දැකීම් පිළිබදව මතක් කලොත්..

ඇත්තටම කිවුවොත් “කියා දෙන්න ආදරේ තරම්” ටෙලිනාට්‍යයෙහි මම වැඩ කටයුතු කලේ ඉතාම අඩු කාලයක් නිසා ඒ පිළිබදව විශේෂ යමක් මට කියන්න නැහැ.

4)විශ්ව රංගනයෙන් දායක වු “වර්ණ” ච්ත්‍රපටයට නුදුරේදි තිරගතවිමට නියමිතද? ච්ත්‍රපටය සදහා ඔබට ඇරයුම් ලැබුනේ කොහොමද?

අජිත් ධර්මසූරිය මහතා සහ මම මහනුවර ධර්මරාජ විද්‍යාලයෙහි ආදි ශිෂ්‍යයන්. පාසලේ හිතවතෙකුගේ මාර්ගයෙන් දවසක් මට අජිත් අයියා කතා කරලා “ඇයි වෙනස් විදියේ චරිත කරන් නැත්තේ? එවැනි චරිත ලැබෙන්නේ නැද්ද? නැත්තම් කරන්න අකැමැතිද? ” වගේ ඔහුගේ නිර්මාණය පිළිබදව ඉගි නොකර ප්‍රශ්න කිහිපයක් ඇහුවා. වෙනස් විදියේ දෙයක් කරන්න ඉතාමත් කැමැත්තෙන් එවැනි චරිත ලැබෙයි කියලා බලාපොරොත්තු ඉන්න බව මම ඔහුට කිවුවා. ඉන්පසු ඔහු මෙම නිර්මාණයෙහි පිටපත මට ලැබෙන්න සැලැස්සුවා.

මෙම චිත්‍රපටය මම හදවතින්ම පුදුම ආසාවකින් දායක වුන නිර්මාණයක්. විශේෂයෙන්ම මහනුවර මගේ ගමේ චිත්‍රපටියෙහි රූපගත කිරිම් කල නිසා නුවර පරිසරයෙහි සුන්දරත්වය විදිමින් සහභාගි වුන ඉතා විශිෂ්ට නිර්මාණයක් කිවුවොත් මම නිවැරැදියි.
වර්ණ චිත්‍රපටයෙහි අධක්ෂණකතුමා අජිත් ධර්මසූරිය මහතා පැවසු පරිදි මෙම වසරේදි ච්ත්‍රපටය තිරගතවිමට නියමිතයි.

5)රංගන කටයුතු සදහා ඔබේ ගෙදරින් ලැබෙන සහයෝගය කොහොමද?

රංගන ක්ශේත්‍රයට අවතීරණය වන්නට මුලිකවම අඩිතාලම යොදලා දුන්න මගේ තාත්තාව මුලින්ම ආදරයෙන් මතක් කරන්න ඕනේ. මාව රංගන ක්ශේත්‍රයට හදුනා දෙන්න මෙය සුදුසුම කාලය කියලා අදහස් ඉදිරිපත් කල රොයි ද සිල්වා මහත්මයා සහ ගාමිණි සමරසිංහ මහත්මයාවත් මතක් කරන්න මම මෙය අවස්ථාවක් කර ගන්නවා. රංගනය පිළිබදව හැදැරීම සදහා මහේන්ද්‍ර පෙරේරා මහත්තයා යටතේ පාඨමාලාවක් සදහා මුලින්ම තාත්තා මාව යොමු කරනවා. මම මුලින්ම රංගනයෙන් දායක වුයේ මගේ තාත්තගේ නිර්මාණයක් වන “සදාධර ජෝති” ච්ත්‍රපටයෙහි ඉන්පසු තාත්තගේ නිර්මාණ කිහිපයකම මම රංගනයෙන් දායක වුනා. එදා මෙන්ම අදටත් ගුරුහරුකම්, අදහස් ලබා දෙමින් තාත්තා මගේ රංගන ගමනේ ලගින්ම ඉන්නවා. එමෙන්ම මගේ ජිවිතයේ හයියක් වුන ආදරණීය අම්මාගෙන්, හදවතින්ම ලගින් ඉන්න මගේ අක්කගෙන් ලැබෙන සහයෝගයත් මතක් කරන්න ඕනේ.

මගේ බිරිඳ ගැන ඇත්තම කියනවා නම් අපි විවාහ වුන මුල් කාලයේදි රංගන ශිල්පියෙකුගේ වෘත්තීය ස්භාවය තේරුම් ගෙන මට සහයෝගය දෙන්න කොහොමද කියලා එයාට අවබෝධයක් තිබුනේ නැහැ. නමුත් පහු කාලිනව එයා සෑහෙන දුරට මෙම වෘත්තීය පිළිබදව තේරුම් අරගෙන අද වෙනකොට ඉතාම හොද සහයෝගයක් මට ලබා දෙනවා.

6)වෘත්තිමය රංගන ශිල්පියෙකු වශයෙන් චරිත තෝරා ගැනිමේදි සීමාවන් තියනවාද?

ඇත්තටම තියනවා. වෘත්තීය රංගන ශිල්පයෙකු වශයෙන් විවිධ චරිත සදහා රංගනයෙන් දායකවන්නට මම කැමති නමුත් ලංකාව වැනි සංස්කෘතියක් සහිත රටක රංගන කටයුතු කිරිමේදි පවුලේ සියලු දෙනාටම එකට ඉදගෙන නැරඹිය හැකි ටෙලිනාට්‍යය සහ ච්ත්‍රපට තෝරා ගෙන මගේ දායකත්වය ලබා දෙන්න මම සැලකිලිමත් වෙනවා. එවැනි අවස්ථාවක් සදහා උදාහරණයක් විදියට කිවුවොත් වර්ණ ච්ත්‍රපටය රූපගත කිරිමේදි පිටපතෙහි තිබුන කොටසක මම රංගනයෙන් දායකවන්නට කැමති සීමාවන් පිළිබදව අජිත් ධර්මසූරිය මහතා සමග සාකච්ඡා කරගෙන අපි වෙනස්කම් කර ගත්තා.

7)ඉදිරියේදි රංගනයෙන් දායකවන්නට අවස්ථාව ලැබෙයි යැයි බලාපොරොත්තුවෙන් ඉන්න චරිත තියනවාද?

රංගනයෙන් දායක වන්නට කැමති චරිත නම් ගොඩක් තියනවා. ස්වාමින්වහන්සේ නමකගේ චරිතයක් කරන්න ලැබුනොත් සහ ගොළු තාත්තා ටෙලිනාට්‍යයෙහි මහේන්ද්‍ර පෙරේරා මහත්මයා අති සාර්ථකව රග දැක්වු ගොළු චරිතය වැනි චරිත නිරූපණයට මෙන්ම අන්ධ පුද්ගලයෙකුගේ චරිතයක් වැනි වෙනස් ආකාරයේ චරිත සදහා දායකත්වය ලබා දෙන්න මම හරිම කැමතියි.

8)ඔබ සමාජ මාධ්‍යය භාවිතා කරනවාද?

මම සාමාජ මාධ්‍යය භාවිතා කරනවා. අපේ පවුලේ සියළු දෙනාම එකතුව විශ්ව එරංදි නමින් Youtube නාලිකාවක් පවත්වාගෙන යනවා. Facebook මම කාලයක් භාවිතා කලේ නැහැ නමුත් විවාහයෙන් පස්සේ මගේ බිරිඳගේ උනන්දුවෙන් Facebook ගිණුමක් මම ආරම්භ කලා. මගේ නමින් මගේ නොවන වෙනත් පුද්ගලයන් විසින් මෙහෙය වන Facebook ගිණුම් බොහෝමයක් තියන නිසා Facebook ගිණුම් හරහා මා සමග සම්බන්ධ විමේදි නිවැරදි ගිණුම තහවුරු කර ගන්න කියන පණිවිඩය මගේ ප්‍රේක්ෂකයන්ට ලබා දෙන්න මම මෙය අවස්ථාවක් කර ගන්නවා.

9)ප්‍රේක්ෂක ආදරය නිබදව දිනා ගත් විශ්ව කොඩිකාර නම් වු දක්ෂ රංගන ශිල්පියාව අපට ඉදිරියේදි දැක ගන්නට ලැබෙන නිර්මාණය මොනවාද?

මම කලින් සදහන් කල ආකාරයට මෙම දිනවලදි දෙරණ නාලිකාවෙහි විකාශනය වන සීසර්ලා ටෙලිනාට්‍යය සමග සම්බන්ධ වෙලා වැඩ කටයුතු කරගෙන යනවා. එමෙන්ම ඇරයුම් ලැබුන ටෙලිනාට්‍යය දෙකක් මෙම වසරේදි රූපගත කිරිම් ආරම්භ වෙයි කියලා බලාපොරොත්තුවෙන් ඉන්නවා. රිදිතිරය පිළිබදව කිවුවොත් වර්ණ ච්ත්‍රපටය තුලින් සහ ඇරයුම් ලැබුන තවත් ච්ත්‍රපටයක් තුලින් ඉදිරියේදි මාව ප්‍රේක්ෂකයන්ට දැක ගන්න ලැබේවි.

අමා නාකන්දලගේ