කාලයක් ගතවෙලා යයි සිතෙන හැමවිටම

‘ බොහෝ දේ වෙනස් වී ඇත‘ සිතෙයි නිසැකවම

කාලයම විසින් ඒ වෙනස ඇතිකරනවද?

වෙනස් වීමම කාලයක් ලෙසින් දැනෙනවද?

පැයක් යනු පැයක් මයි ඔරලෝසු කටුවකට

නමුත් එය වෙනස් වෙයි  මිනිසෙකුගෙ මනසකට

විටෙකදී පැය විනාඩියක් ලෙස දැනෙනකොට

තව විටෙක විනාඩිය පැයක් සේ දැනේ මට

වැරදි ඔරලෝසුවද? කාලය ද? අපෙ හිත ද?

කාලයේ අර්ථයම අපිට දැනෙනා දේ ද?

නිසැක ස්ථිරම දේ ‘වෙනස් වෙන බව‘ නේද?

නිසැකවම දැනගන්න, කාලයක් ගත වෙයිද?

 *තාරක ජයතිලක*