සැනසූ සිත්සතන් මොහොතක් නවතා
දගකර සිනහා පාමින් හැමතැන දුවනා
තුන්වස් ඇවෑමෙන් පෙරපාසල් යවනා
නිවුන්දූ නැතිව මුලු ගේ පාලුව දවනා…
ඉන්නා විටදී ලග හැමවිට දැවටී
දැනුනා නොවේ යනබව මොහොතක තනිවී
මනුසත් කමින් හා දැනුමෙන් සමවී
වැඩියන් දරුවනේ ඒ මහමෙරක් වටී…
නොමනා කම් වලින් දුසිරිතෙන් මිදී
යහගුණ සේම සවිබළයෙන් ඔද වී
නොමිනිස් සිත්සතන් හා කිසිදින නොගැටී
දිරිදී වැඩෙන් සැනසුම සාමය ගෙනදී…
දූවරු තිදෙන පණ හා සම වේ මාගේ
නැහැ කිසිදිනෙක වෙනසක් දරු පෙම හා මේ
උන්නොත් උරිනුරින් සම වී වාගේ
ඒ වේ මා පැතුම ජීවේ අවසානේ…

රීනා