Api-Slide-53-1
Api-Slide-53-2
previous arrow
next arrow

බය නොවන්න

(යෙසායා 41:10)

බිය නොවන්න; මම නුඹ සමඟ ය. මා නුඹේ දෙවිඳාණන් වන බැවින් තැති නොගෙන සිටින්න. මම නුඹ ශක්තිමත් කර නුඹට උපකාර කරන්නෙමි. මාගේ ජය හස්තයෙන් නුඹ ආරක්ෂා කර නුඹ ගළවන්නෙමි.

මාගේ ප්‍රේමවන්ත සහෝදර සහෝදරියනි දෙවියන් වහන්සේ තුළ ඔබ සැමට ආශිර්වාදමත් මාසයක් වේවා!!

හොඳයි අද දවසේ අපි බලන්න යනවා අපි බය වන්නේ කුමකටද අපි දෙවියන් වහන්සේගේ දරුවන් ලෙසට අපි බිය විය යුතු දැයි කියා.ඉතිං ඔබ මොහොතක් ඉහත බයිබල් පදය දෙස ඔබගේ මනස යොමු කරන්න. බලන්න උන්වහන්සේ අපට පැහැදිලිවම කියා තිබෙනවා බය නොවන්න කියලා මන්ද උන්වහන්සේ කියනවා මම නුඹ සමග සිටිමි කියා.ඉතින් මාගේ සහෝදරයෙනි අපි ඇයි බය වෙන්නේ උන්වහන්සේ පැහැදිලිවම ප්‍රකාශ කරනවා අපි සමග සිටින බව. එම නිසා ඔබගේ අනාගතය ගැන තිබෙන බය අද දවසේ සම්පූර්ණයෙන්ම අයින් කරගන්න ලෙස මම ඔබට ඉතා ප්‍රීතියෙන් ප්‍රකාශ කර සිටිනවා. එම නිසා ඔබ කිසිදු ප්‍රශ්නයකට බයවෙන්න එපා තැති ගන්න එපා මන්ද උන්වහන්සේ අපට පැහැදිලිවම ප්‍රකාශ කරනවා මම නුඹේ දෙවියන් වහන්සේ කියා. ඉතින් දෙවියන් වහන්සේ අප සමග නම් අපි බිය වන්නේ කුමකටද.එම නිසා අදම ඔබගේ බිය හිතින් අයින් කරගන්න.

හොඳයි ඒ වගේම අපි තව බයිබල් පදයකට යොමුවෙමු..

(ගීතාවලිය 23:4)

මරණය වැනි ගන’ඳුරු රුදුරු නිම්නය මැදින් ගියත්, ඔබ මා සමඟ බැවින්, මට කිසි බියක් නොවන්නේ ය. ඔබේ කෙවිට ද සැරයටිය ද මා නියත සැනසිල්ල වන්නේ ය.

බලන්න මෙම පදයේ ප්‍රකාශ කරන්නාවූ දේ.අපගේ ජීවිතයට මරණාසන්න ප්‍රශ්නයක් ආවත් දෙවියන්  වහන්සේ අපව එයින් මුදවගන්නවා. ඔබ උන්වහන්සේව තදින් විශ්වාස කරනවා නම් උන්වහන්සේ ඔබගේ ජීවිතයේ අලුත් පිටුවක් පෙරලන යනවා. ඒ වගේම අවසාන වශයෙන් මා තව එක් පදයක් ප්‍රකාශ කොට මෙම ලිපිය අවසන් කරන්න යනවා.

(නික්මයාම 14:13)

මෝසෙස් සෙනඟට පිළිතුරු දෙමින්, “බිය නොවන්න, ස්ථිර ව සිටින්න, සමිඳාණන් වහන්සේ අද ඔබ ගළවාලන පිණිස උන් වහන්සේ ඉටු කරන දේ ඔබ දකින්නහු ය. අද ඔබ දකින මිසර වාසීන් මින්පසු ඔබ කවදා වත් නොදකින්නහු ය.

ඔබ බලන්න දෙවියන් වහන්සේ මෙතනත් අපට ප්‍රකාශ කරනවා බයවෙන්න එපා කියලා. අපට නිශ්චලව සිට උන්වහන්සේ කරන ගැලවීම දෙස බලා ඉන්න කියා. ඉතින් මගේ සහෝදරයිනි තවත් බයට ඉඩ තබන්න එපා..

ඔබ සැමට ජේසු පිහිටයි!!

ඉවැන්ජලිස්ත අමිල දිසානායක 

මාර්ගය සහෝදරත්වය සභාව – මහරගම 

Sign up for our newsletter