Api-Slide-50-1
Api-Slide-50-2
Api-Slide-50-3
previous arrow
next arrow

සමිදුන් තුළ අරමුණක් ඇතුව හැසිරෙමු.

(එපීස 4:17)

එබැවින් අන්‍යජාතීන් තමුන්ගේ සිත්වල නිෂ්ඵලකමින් හැසිරෙන්නාක්මෙන්,

ඔබ සැම තවත් නොහැසිරෙන්නැයි ස්වාමීන්වහන්සේ තුළ සාක්ෂිදෙමින්

කියමි.

ඔබ සැමටම ආශිර්වාදමත් මාසයක් වේවා!

මාගේ ප්‍රේමවන්ත සහෝදර සහෝදරයෙනි නොයෙක් ආගම් හා

දර්ශන ද නොයෙක් දෙවිදේවතාවන් අදහන මනුෂ්‍යයා ද ලොවේ

ජීවත් වෙයි. ඒ අතරින් ඔබත් මාත් අදහන්නාවූ කුරුසපත් වූ

නැවත උත්ථාන වූ ජීවමාන යේසුස්වහන්සේගේ නාමය අබියස

දණින් වැටී දවස අරඹන ඔබ වාසනාවන්තයෙක් ය.එමෙන්ම

සදාකාල ජීවනයේ ආශිර්වාදය ලැබූ ඔබගේ දෛනික කටයුතු ද

යේසුස් යන නාමයෙන් සඵලවත් වේවා.

මාගේ ප්‍රේමවන්තයිනි මොහොතක් ඉහත බයිබල් පදය දෙස

ඔබගේ අවධානය යොමු කරන්න.ප්‍රධාන වචනයෙන් ඔබට අවවාද

කරන්නේ අන්‍ය ජාතීන් ඔවුන්ගේ සිත්වල නිෂ්ඵල කමෙන්

හැසිරෙන්නාක් මෙන් නුඹලා තවත් නොහැසිරෙන්නායි කියාය. මන්ද

ලෝකාකාර වූ අපගේ සමහර අසල්වාසීන්ගේ මූලික අරමුණු වනුයේ

ආර්ථික සපලත්වය වේ.එපමණක්ද නොව දේපළ,වස්තු, තමාගේ

දරුවන්ගේ අනාගතය යන නොයෙක් දේ ගැනය.නමුත්

ප්‍රේමවන්තයෙනි ආත්මික වන ඔබ හා මගේ මූලික අරමුණ වනුයේ

ජීවනය පිළිබඳවයි.මන්ද පළමුව ධර්මිෂ්ඨකමත්,දේව රාජ්‍යයත්

සොයන්න එවිට ඔබට අවශ්‍ය සියල්ල දෙනු ලැබේ යැයි කියා තිබේ.

(ශුද්ධ මතෙව් 6:33)

නුමුත් පළමුකොට උන්වහන්සේගේ රාජ්‍යයද උන්වහන්සේගේ

ධර්මිෂ්ඨකමද සොයන්න; මේ සියල්ලත් ඔබ සැමට දෙනුලබන්නේය.

එම නිසා ඔබ නිතරම භූමික දේ ගැන පමණක් සිතමින් ඔබගේ

සිත බර කර නොගන්න.මක්නිසාද දෙවියන් වහන්සේ ඔබව

තෝරගෙන ඔබට දුන් දේව ආත්මය කරණකොටගෙන සියලු

ආකාරයෙන් පෝෂණය කරමින් සිටින සේක.තවද දෙවිඳුන් ඔබව

වල්ගය නොව හිසක් කොට තබන සේක.

(ද්වීතීය කතාව 28:14)

මා අද ඔබට අණකරන ඔබේ දෙවිවූ ස්වාමීන්වහන්සේගේ ආඥා පවත්වමින්

ඉෂ්ටකරන ලෙස ඔබ ඒවාට කීකරුවන්නෙහි නම්, ස්වාමීන්වහන්සේ ඔබ

වල්ගය නොව හිස වෙන්ට සලස්වනවා ඇත; ඔබද යටින් නොව ඉහළින්ම

සිටිනවා ඇත.

එබැවින් ඔබ ධෛර්යමත් වන්න.මාගේ ප්‍රේමවන්තයෙනි සමහර

ආත්මිකයින් සහ සභාවන් අතර යම් යම් නිෂ්ඵල දේ කරමින්

කාලය නාස්ති කරන බව ඔබ දැක තිබේද?මොහොතක් කල්පනා

කරන්න..

නමුත් අප කළ යුතු වන්නේ නිශ්ඵල දේ නොව දෙවිඳුන් අපට

ප්‍රකාශ කර ඇති සුභාරංචිය ප්‍රචලිත කිරීම නොවේද?එබැවින් ඔබ

අන්‍ය ජාතිකයින් මෙන් නිෂ්ඵල ව නොහැසිර වාර්ගික අරමුණෙන්

හැසිර ආශිර්වාද ලබන්න.

ඔබට ජේසු පිහිටයි!

ඉවැන්ජලිස්ත අමිල දිසානායක

amilamadara@gmail.com

Sign up for our newsletter