ඔබේ ලෝකය හා මගේ ලෝකය
විඩාපත් වූ ඔබේ මුහුණට
සිනාවක් ගෙන දෙන එකම දේ
මගේ ඇසුරයි මගේ දසුනයි
මගේ සතුටත් ඔබේ ඇසුරයි
උදේ පාසැල්, හවස පංතිය
රෑට පොත් පත් වල ගෙදර වැඩ
අතර ලැබෙනා කෙටි විවේකය
ඔබේ මාගේ මිතු නිමේශය
මගේ වරලැති බඳ සැලෙනු දැක
මොහොතකට තුටු වන ඔබේ සිත
මවගෙ ඇමතුම ලැබුණ සැණකින්
මැලව යනු දැක දැවේ මසිතද
නමුත් ලමයෝ නොදනී ද ඔබ
මමත් ඔබ මෙන් හිඳිමි සිරවී
යහලු රෑනක සමාගමයට
මමත් ඔබ තරමටම කැමතී
ඔකසිජන් හා කෑම බීමත්
දෙදෙනටම අඩු නැතිව ලැබුණත්
ඔබට මට පොදු විසල් තනිකම
ඔබට මට මිස ලොවට නොදැනේ
තාරක ජයතිලක
