මගේ නිවන… මගේ පැල්පතයි…
මිණිකැට දෙකකි ලැබුයේ මගෙ උපන් දිනේ,
රන් මිණි පහනකුත් තිබුනා තව ඇකයේ,
එතරම් කිසි දෙයක් නැහැ මට තව ඕනෑ උනේ,
මවකට තව මොනවනම් ලබනද දිවි කතරේ…
ඉපදුනුදාම තෝරාගෙන ඇයිද කියා,
වදනට සිතුයේ රිදෙනවා නේද අසා,
මා ලද දිවියේ තව කිමනම් අරුත සොයා,
තේරුම් කරනු බැහැ ඒ මගේ ලෝකේ නිසා…
මාමව් පියන් මතු බුදු වන්න කියා,
පතනට අවැසි නෑ ඒ මට නිසැක නිසා,
සැමියද දෙවියෙකී මා හැබැහින් දකිනා,
මේ ලොව තවත් නෑ දිව් සැප මට ඕනා…
නිවුනුන් හීනයකි මට මා ලද දිනයේ,
හැබවින් දුටුවේ සුරඅගනාවියන් ලෙසේ,
දෑවුරුද්දකුත් ලබලා හීන්සැරේ,
නිවනකි මං ලැබුයේ මේ ජිවිතයේ…
රීනා
