පෙම් කව

මා දිහා ආදරෙන් නෙත් හෙලූ දා – 

සිත් ගැබේ සහස් මල් පීදුණා

ගං තෙරේ අත් වෙලී රහස් කී දා –

සිත මගේ ඔබෙ නමට නතු වුණා..

මෙතුවක් කල් මා පෙම් කලා වූ, රෑ සිහිනෙන් ළං වුණා වූ

සුර කුමරිය අද මගේ සතු වෙලා..

මෙතුවක් කල් මා මග බලා වුන්, පෙම් පැතුමන් ඉටු කලා වූ

ඔබෙ සෙනෙහෙන් මා හැඟුම් මත් කලා..

පෙර සසරේ පුරුදු විලසින් – දැනුණා මට මුල් දිනේ

මතු සසරෙත් රැඳෙන විලසින් – අපෙ හදවත් යා වුණේ

මගෙ ලෝකේ වේදනාවන් – ඔබෙ තුරුලේ දියවුණේ

පෙම් ලෝකේ මල් සිනා කැන් – තරු වැස්සේ නැහැවුණේ

තාරක ජයතිලක