PINIRU AWARDS CEREMONY 2024
පිනිරු සම්මාන උළෙල කලාකරුවන් රැසකගේ සහභාගිත්වයෙන් මෙසේ නිමාවට පත්වුණා.
PINIRU AWARDS CEREMONY 2024 ඉතා විචිත්‍රවත් අයුරින් ප්‍රවීණ කලාකරුවන් රැසකගේ සහභාගිත්වයෙන් කොළඹ ජාතික ලේඛණාරක්ෂක දෙපාර්තුමේන්තු ශ්‍රවණාගාරයේදී 2024 ඔක්තෝබර් 12 සෙනසුරාදා සවස නිමාවට පත්විය.
නූතන පරම්පාරාවේ සුවිෂේශි කලා හැකියාවන් ඇති නවක කලාකරුවන් සහ පින්න ප්‍රඩක්ෂන් මාධ්‍ය ජාලයේ කලා ශිල්පීන් සහ ශිල්පිනියන් රැසක් වෙනුවෙන් නිර්මාණය වූ PINIRU AWARDS CEREMONY ය, මෙවර ප්‍රවීණ කලාකරුවන් රැසක් වෙනුවෙන් සම්මාන ලබාදිම සහ ප්‍රවීණ කලාකරුවන් කිහිපදෙනුකු ඇගයීමද එහි විශේෂත්වයක් ලෙස සැලකිය හැකියි. එහිදී ජාත්‍යන්තර සම්මානලාභී ප්‍රවීණ රංගධර ජ්‍යෙෂ්ඨ කථිකාචාර්ය විල්සන් ගුණරත්නයන්, සාහිත්‍යවේදි ආචර්ය රත්න ශ්‍රි විජේසිංහයන්, ප්‍රවීණ ගේය පද රචක බංඩාර ඇහැලියගොඩයන්, ප්‍රවිණ ගායන ශිල්පී රෝහණ බෝගොඩයන්, ප්‍රවීණ රංගන ශිල්පිනි උදය කුමාරි, අංජලි ලියනගේ, ජනප්‍රිය රංගන ශිල්පිනී එමාෂා සෙනෙවිරත්න, ප්‍රවීණ ගායන ශිල්පිනි උරේෂා රවිහාරි, ප්‍රවීණ ජනමාධ්‍යවේදී හරීන්ද්‍ර ජයලාල්, TV දෙරණ කාලීන ප්‍රවෘත්ති අංශයේ සාමාන්‍යාධිකාරී වසන්ති නානයක්කාර, ප්‍රවීණ ගායන ශිල්පිනි නෙරංජලා සරෝජනී, දිමිත්‍රා රත්නායක, අනුරාධා නන්දසිරි ඇතුළු තවත් කලා ශිල්පින් සහ ශිල්පිනියන් රැසක්ම එහිදි සමිමානයට පාත්‍ර විය.
2022 පිනිරු සම්මාන උළෙලට වඩා ඉතා උත්කර්ශවත් අන්දමින් පැවැත්වු මෙම PINIRU AWARDS CEREMONY 2024 හිදී නවතම ග්‍රන්ථ කිහිපයක් දොරට වැඩිමට කටයුතු කර තිබීම තවත් සුවිශේෂී කාරණයක් බව සඳහන් කළ යුතුයි.
එහිදි පින්න ප්‍රඩක්ෂන් මාධ්‍ය ජාලය විසින් නිෂ්පාදනය වූ නිර්මාණාත්මක නිර්මාණ රැසක්ම එළිදැක්වීමට කටයුතු කර තිබුණා.
වසර කිහිපයක් පුරාම තම ශ්‍රමය ධනය වියදම් කරමින් මෙවැනි සොඳුරු සම්මාන උළෙලක් පැවැත්විම තම ආත්මාභිමානය උදෙසා කරන සුන්දර වැඩක් බව පින්න ප්‍රඩක්ෂන් මාධ්‍ය ජාලයේ සභාපති දේශමාන්‍ය කලා විශාරද බුද්ධික පින්නදුව මහතා සහ SLRR ප්‍රඩක්ෂන් මාධ්‍ය ජාලයේ සභාපති ආචාර්ය කලා විශාරද රුවන් රත්නායක මහතා පවසා තිබුණා. මෙහි ප්‍රධානතම විශේෂත්වය වන්නේ පිනිරු සම්මාන උළෙල සඳහා විශාල කලාකරුවන් රැසක් සහභාගි වීම සහ ශ්‍රී ලංකාවේ හඬකැවීම් අංශය සඳහා සම්මාන ලබාදෙන එකම සම්මාන උළෙල බව මෙය හැඳින්විය හැක. මෙහි තවත් සුවිශේෂත්වයක් වන්නේ ප්‍රධාන පෙළේ මාධ්‍ය ජාලාවල ශිල්පීන් සහ ශිල්පිනියන්, ප්‍රවීණ කලාකරුවන් සහ කලාකාරිනියන් විසින් පිනිරු සම්මාන උළෙල පිළිබඳව දැක්වූ අග්‍රගන්නේ අදහස් දැක්වීමයි.
සංවිධානය
PINIRU AWARDS CEREMONY
PINNA PRODUCTION බුද්ධික පින්නදුව
SLRR PRODUCTION රුවන් රත්නායක
