සමහර වෙලාවට මට ඕනි කරන්නේ ඇත්තටම හොඳ හුස්මක් ගන්න ඉතින් ඒ වෙනුවෙන් ඕන දෙයක් මට කරන්න පුළුවන්..ඉතිං අද මම කියන්නේ යන්නේ අන්න ඒ වගේ හොද හුස්මක් හොයන් ගිය සුන්දර ලස්සනම ඉසව්වක් ගැන…
දොළොස්භාගේ දේදුගල මාර්ගය… ඇත්තටම මේ මාර්ගය සුරපුරයක් කියලා කියන්න පුළුවන් මම ඇවිද ගියපු මාර්ග අතර තවත් සුන්දර මාර්ගයක් තමයි මේ දොළොස්භාගේ මාර්ගය…
ඇත්තටම ඇවිදින අයට මම ආදරෙන් ආරාධනා කරනවා. යන්න ඒ මාර්ගයේ දොළොස් භාගේ පාරේ දේදුගල බුලත් කෝපිටිය පැත්තෙන් ඇත්තටම පුදුම තරම් ලස්සනයි…
මීදුමත් එක්ක වැස්ස මැදින් මේ පාරේ යන්න ඕනේ. ඒ තරමට මේ පාර වැස්සට මීදුමට පුදුම තරම් හිත නිවනවා..
නිදහසේ හරි ලස්සන සින්දුවක් අහගෙන යන්න තියෙනවනම් ඇත්තමයි හිත නිවෙනවා…
කිසිම කලබලයක් නැතුව මේ පාරෙ යන ඔයාලට දිය ඇලි බොහොමයක් දැක ගන්න පුළුවන්..
එ විතරක් නෙවෙයි දිය දහාරාවන් තියෙනවා මේ පාරේ යනකොට ඔයාලට දැක ගන්න පුළුවන්. ඒ තැන්වලින් ඔයාලට කිසිම කරදරයක් නැතුව නා ගන්න පුළුවන් සීතල වතුර ටිකක්….
දිය නෑ මට සුදුසුයි කියලා බෝඩ් ගහලා තියෙනවා.. ඉතින් ඒකම ගොඩක් වටිනවා….
මනුස්සයෙක්ගෙ හිත සනසන්න ඒ වගේම හිත නලවන්න පුළුවන් එකම දේ මේ සොබාදහම කියලා මේ වෙනකොට මම තේරුම් අරන් තියෙන්නේ… ඉතින් මගේ හිත සනසන්න මගේ හිත නලවන්න මේ වගේ සුන්දර මාර්ගයක් කියන්නේ ඇත්තටම මට වචනයෙන් කියලා නිම කරන්න බැරි තරම් සම්පතක්…..
හැබැයි එක දෙයක් කියන්න ඕනේ අපිට සුන්දරත්වය ගේන මේ ප්‍රදේශ ඇත්තටම හරි දුෂ්කරයි මොකද මම එනකොට දැකපු දේවල් ගොඩක් තිබුනා… තේ වතු විතරක් නෙවෙයි මං දැක්කා සමහර තැන්වල රබර් තියෙනව… ඒ වගේම මේ පැත්තේ ඉන්න මිනිස්සු ජීවත් වෙන්න ගන්න ලොකු උත්සාහය ඇත්තටම යන එනකොට අපිට බලාගන්න පුළුවන්.. වැඩි හරියක් මං හිතන විදිහට මේ පැත්තේ ඉන්නේ දමිළ ජනතාව…
මේ මාර්ගයේ මේ දේදුගල පැත්තේ ඉන්නේ දමිළ මිනිස්සු තේ දළු ටික නෙළාගෙන ඒ තේ දළු පොහොර බෑග් වලට දාගෙන එක එක ස්ථානවල දළු ලොරි එනකමි බලන් ඉන්නවා මම දැක්කා… මාසෙ වියදම හොයාගන්න වෙහෙසෙන මේ මිනිස්සු මේ වගේ පැත්තක තියන සුන්දරත්වය විඳින අපි වගේ අය වගේ නෙවෙයි එයාලා ලොකු දුෂ්කරතාවයකට මුහුණ දෙනවා…
ඉතින් මේ පාරේ බුලත් කොහු පිටිය පැත්තට යනකොට දිය ඇලී පාරාදීසයක් කිව්වනේ ඒ දියඇලි පාරාදීසෙන් ඉස්සෙල්ලාම හම්බවෙන්නේ සුරබ ඇල්ල , ඊළඟට විලද ඇල්ල හම්බවෙනවා. ආයෙ රිකිළි අල්ල හම්බවෙනවා.
තව නලඟන ඇල්ල.. ඉතින් මේ නාලඟන ඇල්ල ටිකක් විශේෂයි මොකද මේ ඇල්ල ගොඩක් අය අතර ජනප්‍රියයි.. කියනවනෙ නළගනක් වගේ කියලා හැබැයි ඉතින් එදා අපි යනකොට නම් තනිකර මඩ පාටයි… මොකද අපි ගියේ වැස්සෙ නිසා වැස්සට වතුර පාර වැඩී ඉතින් මඩ වතුරත් එක්ක තමයි තිබුනේ… නළඟන ඇල්ල විතරයි හැබැයි එහෙම මඩ වතුර අපි දැක්කේ මොනවා වුනත් හරි සුන්දර පැත්තක් මොකද නළඟන ඇල්ලට යන්න චුට්ටක් යන්න තියෙනවා පයින්.. ඒ පයින් යන ටික රබර් වතු මැද්දෙන් තමයි යන්න තියෙන්නේ.. රබර් ගස්වල කිරි කපලා එවාට ඉටිරෙදි බැදලා තිබුණා.. මම දැක්කේ හරියට රබර් ගස්වලට යටසායවල් අන්දවලා වගේ..
නලගෙන ඇල්ල පහු කරලා යනකොට හම්බවෙන්නේ රුක්මල් ඇල්ල.. ඉතින් මෙතන රොටී කඩයක් තියෙනවා. ඒ රොටි කඩෙන් ලුණු මිරිස් එක්ක රොටියක් කාලා ප්ලේන්ටියක් බීලා එතන ටිකක් වෙලා ගිමන් හැරලා අපි ආයෙත් එන්න පටන් ගත්තා. ඇත්තටම මේකනම් සුරපුරයක් කියලා කියන්න පුළුවන්..
කියන්නම ඕනේ. දොළොස්භාගෙට යන පාර නම් මාරම ලස්සනයි. ඒක හරියට වෙනම ලෝකයක් වගේ තමයි මම දැක්කේ. එක පැත්තකින් මීදුම අනිත් පැත්තෙන් තනිකරම කොළ පාට ඒ කොල පාටත් එක්ක මීදුම ගලාගෙන යනකොට ඇත්තටම මේක වෙනම ලෝකයක් කියලා හිතෙනවා…
දවසක ඔයාලත් යන්න දොළොස් භාග පාරේ මේ ලස්සන බලන්න… ඔයාලට පුළුවන් යන්න නාවලපිටියට ගිහින් දොළොස්භාගේ පාරේ යන්න… එහෙමත් නැත්නම් කෑගල්ලේත් දොළොස්භාගේ පාරේ ගිහින් නාවලපිටිය පැත්තේ ඇවිදින්න ඔයාලට පුළුවන් ඉතින් දවසක යන්න මේ සුන්දරත්වය විඳින්න… හැබැයි කියන්නම ඕනි දෙයක් තියෙනවා නලඟන ඇල්ල ළඟ පරිසරය නම් විනාස කරල තියනව දැක්කා. පොලිතීන් ප්ලාස්ටික් බිස්කට් කවර එතන නැති දෙයක් නෑ. ඉතින් යන තැන පරිස්සම් කරන්න මොකද මේ සොබාදහම අයිති අපිට විතරක් නෙවෙයි මේ සොබාදහම අපි පරිස්සම් කරන්න ඕනේ අපි මේ සොබාදහමේ එක කොටසක් විතරයි. ඒ නිසා එ පරිසරයත් පරිස්සම් කරගෙන එ සුන්දරත්වය විදින්න යන්න කියලා මං ඔයාලට ආදරයෙන් ආරාධනා කරනවා..
නිසංසලා රණසිංහ
