Api-Slide-53-1
Api-Slide-53-2
previous arrow
next arrow

මහා බ්‍රිතාන්‍යයේ ජනප්‍රිය සංගීත කණ්ඩායම් සමඟින් අපි

එක්සත් රාජධානිය තුළ ශ්‍රී ලාංකේය සප්ත ස්වරයේ අනන්‍යතාවය විදහා දක්වමින් ඉතාමත් කෙටි කාලයක් තුළ ස්ථාවර හා ශක්තිමත් ගමනක් යාමට වෙර දරණ සංගීත කණ්ඩායමක් ලෙස ” Roots සංගීත කණ්ඩායම ” හඳුන්වා දිය හැකි ය. 

2019 වර්ෂයේදී සාමාජිකයන් කිහිපදෙනෙකුගෙන් සමන්විත ව කැල්ෆ්සෝ සංගීත කණ්ඩායමක් ලෙස තම මූලික ප්‍රවිශ්ඨය තබන්නට ඔවුනට හැකි විය.

චිලාන් ඩි සිල්වාගේ ප්‍රමුඛත්වයෙන් රූට්ස් සංගීත කණ්ඩායම ආරම්භ වේ. සමන් ඩි සිල්වා නම් වූ ශ්‍රී ලාංකීය කණ්ඩායම් සංගීතය හා බයිලා සංගීත කලාව තුළ නොමැකෙන මතකයන් සනිටුහන් කළ දක්ශ කලාකරුවාගේ අඩිපාරේ යමින් ඒ ගුරුහරුකම් සහ ආභාසයන් උකහා ගනිමින් තමන්ට ආවේණික ලෙස ඉතාම කෙටි කාලයක් තුළ සංගීත ලොව දිග්විජය කරන්නට Roots සංගීත කණ්ඩායමට හැකි විය.

මේ වන විට Roots සංගීත කණ්ඩායම රාත්‍රී ප්‍රිය සම්භාෂණ , උපන්දින සාද, විවිධ උත්සව අවස්ථා සඳහා සමස්ත සංගීත කණ්ඩායම වශයෙන් මෙන්ම ඔබගේ අවශ්‍යතාවයට අනුකූල ව හා උචිත ආකාරයට කණ්ඩායම් සාමාජිකයන් දෙදෙනෙකු – තිදෙනෙකු වශයෙන් වුවද සංගීතය සපයන්නට සූදානමින් සිටින අතර ඔබගේ උත්සව ස්ථානය අනුව නිවෙස්- එළිමහන් හෝ හෝටල් පරිශ්‍රය තුළ ආදී වූ මේ සෑම ආකාරයකින් ම ඔවුන්ගේ රසික ප්‍රජාව වෙත ස්වකීය සේවාවන් සැපයීමට අනලස් ව සැදී සිටියි. එලෙස සංගීතය සැපයීම සඳහා දිනෙන් දින යාවත්කාලීන වන සංගීතමය මෙවලම් හා නවීන තාක්ෂණය මනා ලෙස සම්මිශ්‍රණය කරමින් අපූර්වතම සංගීත රසයක් සිය ප්‍රේක්ෂක රසිකයන්ට තිළිණ කරන්නට ඔවුන්ට හැකි වී ඇත.

එසේම Roots සංගීත කණ්ඩායම ඉදිරියේදී තමන්ටම ආවේණික වන අයුරින් සුවිශේෂී වූ නිර්මාණ කිහිපයක් සිදුකිරීමේ අපේක්ෂාවෙන් පසු වේ. 

වර්තමානයේදී එතරම් නො ඇසෙන පැරණි ගීත නව සංගීත ශෛලියකට මුසු කොට නවමු ආකාරයකින් – නව රසයකින් යුතුව ප්‍රේක්ෂක හදවත් තුළට ගෙන එමින් ස්වකීය රසික ප්‍රජාව ආමන්ත්‍රණය කරන්නට ඔවුන් සූදානමින් සිටී. 

එසේම Roots සංගීත කණ්ඩායමට ධ්වනික- Acoustic වාද්‍ය වෘන්දයක් ලෙස English , Tamil , Hindi, Baila mix යන ආකාරයේ විවිධ ශෛලීන්ගෙන් හා විවිධ භාෂාවන්ගෙන් තම රසික ප්‍රජාව අමන්දානන්දයට පත් කරන්නට හැකියාව ලැබී ඇත.

තවද Roots සංගීත කණ්ඩයම ස්වකීය නාද මාලාවන් හරහා ලංකාවේ සිට එක්සත්‍ රාජධානියේ සංගීත ප්‍රසංගයන් සඳහා සහභාගී වන ප්‍රවීණ – ජනප්‍රිය – රසික ඔබේ සිත් අමන්දනන්දයට පත්කරවන ඔබ කැමතිම කලාකරුවන් සඳහා පසුබිම් සංගීතය සැපයීමේ කටයුතු වල ද නියැලෙන්නේ රසිකයන්ගේ තෘප්තිය උපරිම කරලමින් මියුරු සංගීත අත්දැකීමක් ලබා දෙන බලාපොරොත්තු ඇතිවයි. 

හිරු නො බසින අධිරාජ්‍යයේ ශ්‍රී ලාංකේය සන්නාමය ලොවට විදහා පාමින් , විවිධ භාෂා ශෛලීන් උපයෝගී කොට ගනිමින් , තමන්ට ආවේණික ලෙස ඉතාම ශක්තිමත් සහ සාර්ථක මෙන් ම ස්ථාවර ගමනක් යන්නට වෙර දරණ චිලාන් ඩී සිල්වා ප්‍රමුඛ Roots සංගීත කණ්ඩායමට උණුසුම් සුබපැතුම් පිරිනමන අතර තමන්ගේ හැකියාවන් උපරිමයෙන් විදහා දක්වමින් සෙසු සංගීත කණ්ඩායම් අභිබවමින් ඉදිරියට පැමිණීමටත් හැකියාව ලැබේවා’යි ඉතාම නිහතමනී ව හා ආදරයෙන් යුක්ත ව ප්‍රාර්ථනා කරමි.

Sign up for our newsletter