(යෝෂුවා 1:5)
“ඔබේ ජීවිතයේ සියලු දවස්වල කිසිවෙකුට ඔබට විරුද්ධව සිටින්ට නොහැකි වන්නේය.මම මෝසෙස් සමඟ සිටියාක් මෙන්ම ඔබ සමඟත් සිටින්නෙමි.ඔබෙන් අහක්ව නොයන්නෙමි,ඔබ අත්නාරින්නෙමි.”
ප්‍රේමවන්ත දේව දරුවනේ තවත් අළුත් ආරම්භයක්,දෙවියන් වහන්සේගෙන් ශක්තිමත් පණිවිඩයක්.
ඔබ මොහොතක් ඉහත බයිබල් පදය දෙස ඔබගේ අවධානය යොමු කරන්න.
එදා මෝසස් තුමාට මග පෙන්වු දෙවි පියාණෝ ඔබත් මාත් සමඟ අදත් ජීවමානව සිටීම මහත් වූ ශක්තියක්, බලයක් නොවේද?එමෙන්ම ඉහත දේව වචනය ප්‍රකාරයට “මම මෝසෙස් සමඟ සිටියාක් මෙන්ම නුබ සමඟත් සිටින්නෙමි, නුඹෙන් අහක්ව නොයන්නේමි,නුබ අත්නාරින්නෙමි” කියා දෙවි සමිඳාණෝ ඔබටත් මටත් පොරොන්දු වන සේක.ඉන් මේනිසාම ඔබව හොඳින් තේරුම්ගත් දෙවියන් වහන්සේ ඔබව කවදාවත් අත් නාරින සේක.
ඒ වගේම සෑම මවක්ම තමන්ගේ දරුවන් ගැන ඉතා ආදරයෙන් සහ පිරී ඉතිරී යන සෙනෙහසින් සලකන්නාක් මෙන් අපගේ ස්වර්ගීක දෙවි පියාණන් වහන්සේද අපගේ මව්වරු මෙන් ද ඊටත් වඩා ද අප ගැන සලකන සේක.එබැවින් ඔබ කිසි කලක දුක් වෙන්න එපා මන්ද ඔබව දෙවියන් වහන්සේ අත් නොහරී.
ඉතින් මේ කාරණා නිසාම මම ඔබට කියන්නේ ජීවිතේට පැමිණෙන ප්‍රශ්න,පීඩා,කරදර ගැන බිය නොවන්න.දෙවියන් වහන්සේ ඔබ ගැන සලකන බව මෙනෙහි කරමින් ඔබගේ සියලු කාරණාවල දී ඔබ උන් වහන්සේට යාඥා කරන්න.තවද
(නික්මයාම 3:14)
“එවිට දෙවියන්වහන්සේ කථාකොට: මම යම්සේ සිටිම්ද එසේම සිටිමියි මෝසෙස්ට කීසේක.”
කියා මෝසෙස් තුමාට පොරොන්දු වූ ජීවමාන දෙවියන් වහන්සේ අදත් මේ මොහොතෙදිත් ඔබ සමඟ සිටින සේක.එබැවින් උන්වහන්සේ ඔබගේන් අහක්ව යන්නේවත්,ඔබ අත්නාරින්නේවත් නැත.
ඔබ සැමට ආශිර්වාදමත් මාසයක් වේවා!
ජේසු පිහිටයි!
