හරියට දිව්‍යලොකයට ආවා වගෙයි…. සීතල පරිසරය…. කමිමුල් පවා මගේ මෙි සිසිලසට හිරි වැටිලා, අතැගිලි අයිස් කැට වගෙයි, සීත ගඟුලේ සීතල දිය දාහාරාවල්, මනස්කාන්ත කදු යායවල් , ඇත්තටම මාව අමුතුම ලෝකයකට අරන් ගිහින්…. ගස් වැල් අතු මත පිපි ඇති නේක විද මල් , එ මල් වල පැණි බොන ලස්සන සමනළයන් , නේකවිද කුරුල්ලන්ගේ ගී නාදයන් මගේ හිත ගත දෙකම සනසවනවා…. විටින් විට හමන මද සුළග තවත් මාව කුල්මත් කරනවා….. මං පෙමි බඳිමි මෙි මනස්කාන්ත සුන්දර පරිසරයට….. “සමනොළ අඬවිය”
විටින් විට පුදුමාකාර ලෙස නාසයට දැනෙන නේකවිද මල්වල සුවඳ… හරි පුදුමයි… එවැනි මල් දෑස් මානයේ කොහෙවත් පෙණෙන්නට නෑ… එ උනත් මල් සුවඳ නාසයට දැණෙන්නේ අපිට හොරෙන් නෙපෙණෙන්නට කවුරුන් හො සිරිපා වන්දනාවෙි යන බව නොවෙිද….
දහවලට එහෙමයි….එත් රාත්‍රියට….. එක අමුතුම ලොකයක්.. විදුලි ආලොකයත් එක්ක මට නමි පෙණෙන්නේ දිව්‍ය විමානයකට යන මාවතක් වගේ…. අහස් කුස සිපගෙන විහිදෙන ආලෝකය අමුතුම චමත්කාරයක් එකතු කරලා….. ඉතිං.. එ තරමට මට හදිසියි එහාට යන්න…. අත්තටු ලැබුණානමි කියා විටෙක මට සිතුනා… පුදුමාකර ප්‍රියවු දසුණක්…. ඇතින් ඇහෙන තුන්සරණේ කවි… සුදො සුදු වතින් සැරසිලා සමනොළ ගිර තරණය කරන බැතිමතුන් කිසිම විටකවත් කට නමි වරද්දගන්නේ නෑ….. මොකද එ තරමට හාස්කමි පිරි භූමියක්…. කට වරද්දා ගැණිමි නිසා සිදුවු සිදුවීමි නමි ඈත අතීතයේ ඉදන් බොහො කතා තියනවා….
බුද්ධන් සරනේ සිරස දරාගෙණ
දම්මන් සරණේ සිත පහදාගෙණ
සංගන් සරණේ සිවුරු දරාගෙණ
ඉඤ්ඤයි තුන් සරණේ අදහාගෙන
“වදින්න යන මෙි නඬෙිට සුමන සමන් දෙවි පිහිටයි”
“වැදලා බහින මෙි නඬෙිට සුමන සමන් දෙවි පිහිටයි”
වදින්න යන අයගෙන් , වැදල බහින අයගෙන් ආශිර්වාද ලැබෙන්නේ එ ලෙසයි….. මස්කෙලිය නඟරය පහු කරගෙන නල්ලතන්නිය කරා එද්දි වටපිට පරිසරය ගැන ආදරයක් ආසාවක් හිතට ඇතුල් වෙන්නේ කියාගන්න බැරි තරමි… ඇතින් පෙණෙන සමනළ කන්ද දැක්කාම ඉඟිලිලා යන්න තරමි හදිසියක් හිතට දැනෙනවා…..
මං මෙි ගමනට කොඩුකාරයෙක්…. පිටකොටුව දුමිරිය සථානයෙන් බදුල්ල බලා යන රාත්‍රි තැපැල් දුමිරියෙන් අපි පස්දෙනෙක් පිටත් උනේ සිරිපාදේ යන්න…. සුන්දර මාතලේ පදිංචි මම එහෙම යන්න තීරණය කලෙත් අත්දැකීමක් ලබන්න ඇති ආසාව නිසා…. රාත්‍රියේ දුමිරිය ගමන නමි වචනයෙන් කියලා නිම කරන්න බැරි තරමි සුන්දරයි… කලින්ම ආසන වෙන්කරගෙන තිබුණු නිසා ගමන තවත් පහසු උනා… හරියටම පාන්දර හතර පමණ වෙනවිට අපි හැටන් දුමිරිය ස්ථානයෙන් බැසගත්තේ බොගවන්තලාවට යන්න… එ මගේ මිතුරියකගේ නිවසට.. එත් එහාට යන්න බස් රථය පැමිණෙන්නේ හයට.. එ වන තුරු අපි දුමිරිය ස්ථානයේ ඇති විවෙිකි ශාලාවෙි රැදි සිටියේ දැඩි සීතලද රිසිසේ විද දරාගෙන… හැටන්වල මෙි පාන්දර යාමයේ සීතල ගැන අමුතුවෙන් කිවයුතු නෑ……..
එදා උදේ වරුව විවෙිකි සුවය අරගෙන බොගවන්තලාවෙන් කූලි පදනම මත වෑන් රථයක් රැගෙන හවස දෙකට පමණ අපි පිටත් උනා…. හිතම අමුතුම ආගන්තුක සතුටකින් පිරිලා… තේ වතු මැද අයිස් වගේ වතුර පිරිලා ඉතිරිලා යන උල්පතකින් අපි හැමොම නාලා පිරිසිදු උනේ පුන්‍ය භූමියට ඇතුල් වෙන්න පෙරමයි….
උස මිටර් 2243 , සිරිපා අඬවියේ භූමි ප්‍රමාණය හෙක්ටයාර 22380ක් පමණ වන බවයි ගණනය කර ඇත්තේ. 1940 ඔක්තෝබර් 25වනදා අභය භූමියක් බවට ප්‍රකාශයට පත් කර තිබෙන මෙි අපුරු සමනොළ අඬවිය ලංකාවෙි තුන්වන උසම කන්ද….
නල්ලතන්නි පොලිසිය අසලින් ගමන ආරම්භ කලේ නැවත වතාවක් සමන්දෙවිහාමුදුරුවනේගෙ ආරක්ෂාව ලැබෙිවායි පතාගෙනමයි… අපි පුංචි නඬයක්.. සීත ගඟුලේදි මගේ මිතුරියක් දෙහි ගොඩියක් දෙකට කපලා මගේ අතපය වලා ගාලා මගේ මුණ සේදුවා… ඇය එපා කියද්දිම මම වතුරට බැස්සා… හැබැයි බැස්සට වඩා ඉක්මනින් මම නැවත ගලක් මතට ගොඩ උනේ කකුල් දෙක නෑ වගේ දැණුන නිසා… අයිස් පෙටිටියකට බැස්සා වගේ….
කෙමෙන් රාත්‍රිය උදාවෙමින් තිබුණු නිසාම සීත ගඟුල නමි මෙි දියපරේ වැඩි පිරිසක් ස්නානය කරනවා මම දැක්කේ නෑ… මං බලන් සිටියේ මගේ මිතුරිය දිහා…. ඇයගේ තුන්වන හො හතරවන ගමන් වාරය මෙි…… මගේ හිතේ එ මොහොතේ තිබුණේ ආගන්තුක හැඟිමි ගොන්නක්… මෙි අයිස් වගේ වතුර නාන්න ආසවක් හිතට ආවත් කොඩු කාරෙක් උනු මම මගේ ආසාව යටපත් කරගෙන මිතුරිය පසු පස වැටුණේ ඇය ඊලගට මාව ඇදන් යන්නේ කොහාටදැයි නොදන්නා නිසා… සීත ගඟුල අසලම ඇති කුඩා සමන් දෙවියන්ගෙ දේවාලයක්, සුදු රෙදිකඩක ගැට ගැසු පඩුරක් අරන් ඇය මගේ අතේ වැළමිට හරියෙන් ගැට ගැස්සුවා එහි සිටි කපු මහතෙකුලවා… ගමන ආරමිභයේ සිට අවසානය දක්වා සමන්දෙවි ආරක්ෂාව ලැබෙිවා කියලා ආශිර්වාද ලැබුණා… උඩ මලුවෙිදි පඬුර ලිහා එහි ඇති පිං කැටයට දමන ලෙසත් කපු මහතා උපදෙස් දුන්නා…..
මෙසේ පඬුරු අතේ බදින්නේ කොඩු කාරයන් හදුණා ගන්නත් ආරක්ෂාවටත් එසේ කරන බවයි මිතුරිය පැවසූවෙි…. මම බැළුවෙි මගේ දකුණු අතේ ගැට ගැසු පඬුරත් පිරිත් නූලත් දිහා.. එක එ මොහොතේ මට දැණුනේ රත්රන් වලට වඩා වටිනා දෙයක් විදිහට… හරියට මාව සමන් දෙවි හාමුදුරුවන්ට භාර කලා වැනි හැඟිමක්….. එදා මගේ මුල්ම සිරිපා ගමන පටන් ගත්තේ එහෙමයි…..
ඉතිං මෙි ශ්‍රිපාද වන්දනා සමයයි.. මට හිතුනා මෙවර හාස්කමි පිරුණු එ අසිරිමත් පරිසරය ගැන විස්තර ටිකක් ලියන්න…. එදා මම දුටුව දේවල් වගේම අත්විදි දෙවල් අපි මැගසින් එක හරහා ඔබටත් කියන්න…. උඳුවප් පොහොයෙන් අරමිභ වන ශ්‍රි පාද වන්දනා වාරය අවසන් වෙන්නේ වෙසක් පොහොයෙන්….
සමනල අඩවියේ වාර්ෂික වර්ෂාපතන සාමාන්‍ය මිලිමීටර් 5000 ක් පමණ බවයි එ පිළිබදව තොරතුරු සොයනවිට මට දැනගන්න ලැබුණේ… වසරේ මාස හයක්‌ පුරාවට ඉතා හොඳ වර්ෂාපතනයක් මෙහි පවතිනවා.. නිරිතදිග මෝසම පවතින මැයි , ජුනි , ජුලි මාසවලදී වැඩිම වර්ෂාපතනයක් ලැබෙන්නේ සමනළ අඬවියට.. දෙසැම්බර් , ජනවාරි , පෙබරවාරි දක්වා ලැබෙන ඊසාන දිග මෝසමේදී ලැබෙන වර්ෂාපතනය ඉතා අඩුයි. එබැවින් කාලගුණික බාදා මෙම සමයේදී අවම බැවින් ශ්‍රීපාද වන්දනා සමය උඳුවප් පොහොයෙන් ආරම්භව වෙසක් පොහොය දක්වා පවතීනවා.
සිංහල බෞද්ධයන් සැදැහැ සිතින් පේ වෙලා ශ්‍රි පාදස්ථනය වන්දනා කරන්න යන්නේ ඉමහත් භක්තියෙන්… එ යන අතර මග සුමන සමන් දෙවියන් වැද භාරහාර වි යන්නත් අමතක කරන්නේ නෑ.. මතක තියාගන්න සමන් දේවාලය ඇතුලට කළු පැහැති ඇදුමි නමි ඇදන් යන්න දෙන්නේ නෑ….. මෙි සුමන සමන් දෙවියන්ගේ අඬවිය… බොහො හාස්කමි ඇති බුද්ධ පාද ස්පර්ශ ලැබු වන්දනීය ස්ථානය…….. අපේ රට ගැන අපේ කම ගැන බෞද්ධයන්වු අපි ගැන ආඩමිබරයක් ඇතිවන තැනක්….
බොහො අය එක එක කතා මැද සිරිපා කරුණා කලත් මම ගමන් කලේ මගේම ලෝකයක…. මගේ මුළු මනසම දැහැනකට සමවැදිලා වගේ…. අදුර මැදින් පරිසරයත් යන එන මිනිසුන් දෙසත් ඇත අහස මත ආලොකයෙන් බබළන දිව්‍ය විමාණයත් මගේ මුළු හිතම හොරාගෙන…. තනිවම මම මගේ ගමන ආරමිභ කලේ මට නිදහසේ ඇවිද යන්න අවැසි නිසා.. එ යන අතරතුර මතකෙට නැඟුණේ අපේ ඉතිහාසය….
බුදු බව පතනා සුමන සමන් දෙවියන්… සිංහල බෞද්ධ අපගේ අප්‍රමාණ ගෞරවයට වන්දනාවට පත් වන මෙි හෙළයේ දෙවි කෙනෙක්… සිරිපා කරුණාකරන සියළුම බෞද්ධයන් සුමන සමන් දෙවියන්ට බාරහාර වී ගමන ආරමිභ කරන්නේ පටන් ගැන්මෙි සිට අවසානය දක්වා කිසිදු උපද්‍රවයක් ලගා නොවිමට ආශිර්වාද ලබාගෙනමයි..
පුජාවලියෙ සදහන් වන පරිදි සමනළ කන්දට අධිපති සුමන සමන් දෙවියන්… බුදු රජාණන්වහන්සේගේ පළමු ලංකාගමනය සිදු වුයේ මහියංගනයට… එදා යක්ෂ ගොත්‍රිකයන් අතර මහා සටනක් සිදු වීය… එ සටන අතරවාරයේදී බුදුන්වහන්සේ අහසින් වැඩ අහසෙහිම පලක් බැද ඉර්ධි බලයෙන් ගිණි දුමි මවද්දි එ කවුරුත් බිය වි සටන නවතා ඇති බවයි සදහන් වෙන්නේ..
මෙි යක්ෂ දමණය කරන මොහොතේ බුදු බල මහිමය දුටු සමන් දෙවියන්ගේ හිත බොහොසේ පැහැදි තිබෙනවා… බුදු හාමුදුරුවන්ගේ බණ ඇසු දෙවිවරුන් සසර දුකින් මිදුණු බව පුජාවලියෙ සදහන් වෙනවා…. සමන් දෙවියන් එදා බණ අසා සොවාන් වී තිබෙනවා… එ විතරක් නෙවෙයි සමන් දෙවියන් බුදු හාමුදුරුවන්ගෙන් පුජාවට යමක් ඉල්ලා සිටි මොහොතේ බුදු රජාණන්වහන්සේ සිරස පිරිමැද කෙස් රොදක් ගෙන සුමන සමන් දෙවියන්ට දුන් බවත් සදහන්….
මහියංගනය පුද බිමෙි බුදු රදුන් වැඩහුන් ස්ථානයේ සත් රියනක් උස දාගැබක් ඉදිකර කේස දාතුන් වහන්සේ එහි තැන්පත් කර ඇත්තේද සුමන සමන් දෙවියන් විසින්…. එයයි ලක්දිවෙහි ස්ථාපිත ප්‍රථම චෛත්‍ය…….
ලංකාවේ මුල් කාල වල සිටි දෙවිවරුන්ගේන් සමහර දෙවියන්ට හිංදු උපතක් තිබුණත් සුමන සමන් දෙවියන් නමි පැහැදිලිවම සිංහල බෞද්ධ දෙවි කෙනෙක්.. බන අසා සොවාන්වු එකම දෙවියනුත් සුමන සමන් දිව්‍යරාජයා පමණයි….
බොහොම ශාන්ත විලාසටකට උරුම කමි කියන සුමන සමන් දෙව්යන් සුදු පැහැති ශ්‍රි දේහයකින් යුතු එක් අතකින් නෙළුමි මලක් දරාගෙන, ස්වර්ණාභරණයෙන් සැරසී, හිසෙහි ඔටුන්නක්ද පැළද සිටියි.. මෙි දෙවියන්ගෙ වාහනය ලෙස සැළකෙන්නේ සුදු ඇතෙක්…. ( ඇලි ඇතා නමින්ද හදුන්වයි . සුදු වර්ණයට කියන තවත් නමක්) තේජවන්ත ඇත් රාජයෙක්… ඇත් රාජයාගේ හොඬවැලෙහිද නෙළුමි මලක් තිබෙනවා… එ බුදුහිමි සිරිපතුල පිදුමට…
බුදුන් ලක්දිවට පැමිණි සමයේ එම ප්‍රදේශයේ අධිපති ලෙස සිටි සුමන දේව නැමති දේව වංශික ප්‍රභු වරයා බුදු බණ අසා සොවාන් වු පසු සබරගමු වාසින් විසින් ඔහු දේවත්වයෙන් පිදු බව සදහන් වෙනවා… එ විතරක් නොවෙයි සුමන සමන් දෙවියන්ගැන තවත් කතා නමි එමටයි……
බුද්ධත්වයෙන් අටවැනි වර්ෂයේ දී ,බුදුන්වහන්සේ ලංකාවට තෙවන වරට වැඩම කලේ කැළණියේ නා රජු ගේ ආරාධනයක් අනුවයි….. එම ගමනේදී සුමන සමන් දෙවියන්ගේ ආරාධනයෙන් සමනොළ ගිර සිරිපාද සළකුණ පිහිටුවන්නට ඇතැයි බෞද්ධයෝ විශ්වාස කරනවා වගේම ඉතිහාසයෙත් සදහන් වෙනවා….. කැලණියට වැඩමකල බුදුන් වහන්සේ සමන් දේවියන්ගේ ආරාධනය අනුව තම වම් සිරිපා සලකුණ මෙහි තැබු බවයි ඉතිහාසයේ සදහන් වෙන්නේ…
රොබට් නොක්ස්ගේ ග්‍රන්ථයේ “ආදම්” ගේ පා සටහන ලෙස වරදවා හඳුන්වාදි තිබෙනවා.. බටහිර ජාතීන් ඒ නිසා සමනොළ ගිර “ඇඩම්ස් පීක්” (Adam’s peak) යනුවෙන් හැඳින්වනවා… නමුත් එය ආදම්ගේ පිය සටහනක් බව ලෝකයේ කිතුනුවෝ නමි විශ්වාස කරන්නේ නෑ…. මුස්ලිම් භක්තිකයෝ සමනළ සිරසේ “බබාද මලෙයි /ආදම් මලෙයි” යනුවෙන්ද භාවිතා කරනවා….. ශිව භක්තිකයෝ ශිව දෙවියන්ගේ පා සළකුණ එහි පිහිටා ඇතැයි විශ්වාස කරනවා. ඔවුන් එය හඳුන්වන්නේ “ශිවන් ඔලි පාදම්” යනුවෙන්.
නමුත් මෙහි සැබෑ අයිතිය සිංහල බෞද්ධයින් සතු බවට ඔවුන්ගේ වසර 2500 අධික ලිඛිත ඉතිහාසය සාක්ෂි සාධක සහිතව මනාව පිරික්සා බැලිමේදි සදහන් වෙනවා…
දඬු කොඬු කාරයෙක් වන මං හෙමින් ගමන් කල නිසා මහන්සියක් නොදැණුනා.. ඉදිකටු පහන ලගට එනකමි මට වැඩි සීතලක් නමි නොදැණුන තරමි.. නමුත් එතිනින් එහාට ඇග හීගඩු පිපිළා… අත්වැට අල්ලා ගන්නවත් බැරි තරමට අත් හිරි වැටිලා… යකඩ අත් වැටත් අයිස් වගේ… ඉදිකටුවට ඇමුණු නුල ඇදගෙනම මම ඉදිරියට පියවර තැබුවෙි මගේ මිතුරිය මට කියා දුන් පරිද්දෙන්මයි….
මහා හාස්කමක් ඇති භුමියේ මහා ගිරිදබයට ලං වෙද්දි නමි ඇතින් අහස් කුස ආලොකයෙන් ආලොකමත්වි ඇති සිරිපාද පද්මය දකින විට මට සිතුනේ අපි අසා ඇති තවුතිසා දිව්‍යලොකය මෙයවත්දැයි කියලමයි…. එ තරමි මගේ නෙත පිනවන දර්ශනයක්… කෙමෙන් කෙමෙන් සීතල වැඩි වෙද්දි සිරිපා පද්මයට පැමිණ බුදුන්වහන්සේගේ වාම සිරිපතුල භක්තියෙන් වැද පුදාගෙන එ අසලම ඇති සුමන සමන් දේව ප්‍රතිමාවත් වැද පුදාගෙන පසෙකටවි බලා සිටියේ මෙි අසිරිමත් පුජා භූමිය දැසින් රිසි සේ විදගනිමින්…
එත් අවසනාවකට වගේ මගේ දැසටත් එක් දසුනක් හසුවුවෙි මොහොතකට මගේ හදවතත් නතර වෙනවා වගේ දැනෙද්දි… එක්තරා තරුණයින් දෙදෙනෙක් පාවහන් පැළදගෙනම සුමන සමන් දෙව ප්‍රතිමාව ඇති කුඩා කුටිය අසලට යන පඩි පෙල් දෙකත් නැඟලා.. ඔවුන් දෙදෙනාම බිමතින්… විනාඩියක් ගත වන්නට ප්‍රථම එහි භාරකාරිත්වය දරණ කීපදෙනෙක් පැමිණ එ තරුණයන් දෙදෙනාට අතුල්පහර දෙකක් ගසා මළුවෙන් පන්නා දැමිමෙි එහි සිටි හැමදෙනාගෙම අවදානය එ දෙසට යොමු වෙද්දි….
සිරිපා කරුනාවෙිදි කට වරද්දා ගැනීමි නොකරන ලෙසයි වැඩිහිටියන් උපදෙස් දෙන්නේ.. එසේ කට වරද්දා ගන්නා යමි උදවියට තවමත් සිරිපා වන්දනා කරන්නට යන්නට නොලැබි ඇති බවට කතාද එමටයි… දැනට වසර ගණනකට පෙර සිරිපා වදින්න යන අවස්ථාවෙි මස්කෙලිය ආසන්නයේදි නඩයක් ගමන් ගත් බස් රථයේ රේජියෙටරය පුපුරා එහි ඇති උණු වතුර ඇගට වැටි පිලිස්සුමි තුවාල ලැබු අය ගැන මම පුද්ගලිකවම අසා ඇත.. එ වගේම ඔවුන්ට කිසිදා සිරිපා කරුනා කරන්නට අවස්ථාවද තවමත් ලැබි නැත….. එසේ වන්නට හේතුව දන්නෙත් ඔවුන්ම පමණයි…
රත් කන්ද, බෑන සමනළ, කුඩා බෑන සමනළ, කුණු දිය පවුව, හීන් පිදුරුතලාගල , මහා පිදුරුතලාව, යකා හැඩු කන්ද , බල්ලා බැදි ගල…. මෙි වගේ කදු යායක් සමනළ කන්ද වටා සිටින්නේ සමනොළ කන්දේ ආරක්ෂාවට වගේ…. කේතුවක හැඩයක් ගත් සමනොළ කන්දේ හෙවනැල්ල දුටු විට මතකෙය එන්නේ පිරමිඩ… ස්වාභාවික පිරමිඩ…. එ ගැනත් හිතන්න බොහො දේවල් මගේ හිතට නැඟුනා.. කදු යායවල් වලින් වටවී විරාජමානව සිටින සමනොළ ගිර සිට මම ඇත බලාගෙන එහි සුන්දරත්වය වින්දේ ජිවිතයේ ලද මහඟු අත්දැකිමක් හදවතේ පරිස්සමට තියාගෙන..
බතට කන්න බැරි බතලේ ගල කන්ද
අලට කන්න බැරි අලගල්ලේ කන්ද
හූනට කන්න බැරි හුන්නස්ගිරි කන්ද
මෙි කදු තුනට නායක සමනොළ කන්ද
යන්ට හොඳයි තේවතු බල බලායේ
කන්ට හොඳයි පැණිරස අග්ගලායේ
ඉන්ට හොඳයි සීතල පිනි බබායේ
වැන්දොත් හොඳයි සමනොළ පිං පුරායේ
ජිවිතයේ එක් වරක් හො ශ්‍රී පාදස්ථනය වන්දනා කරන්න යන්න…. එතරමි එ අත්දැකීම පුදුමාකාරයි…. හිතට නැඟෙන සිතුවිලි නමි නිමක් නැති තරමි… මගෙ හිත තනිවම කවි කියනවා…. එ තරමි මම මෙි පරිසරයට බැදිලා…. නමුත් බොහො අය ඇවිත් යන්නේ තමන් ගෙනා දේවල් මෙහිම දමලා… ප්ලාස්ටික් බොතල්, පොලිතින් බෑග් , යොගටි කප්, අයිස් පැකටි, ලන්චි සිටි, හැම තැනම…. යන එන පාර දෙපසම දමා ගිහින්….. එවා දැක්කාම මට හිතුනේ සමනළයන් යන මාවතේ කැරපොත්තන්ද යන බවයි…. සුන්දර පරිසරයට වින කටින්නේ අපේ රටෙි අපේම මිනිස්සුයි…. එ ගැන හිතට දැනෙන්නේ කණගාටුවක්.. තමන් රැගෙන යන දේවල් ටොෆි කොලයේ පටන් තමන්ගේ සියළු කුණු නැවත නිවසටම රැගෙන යනවා නමි මොනතරමි අඟනේද?….
ශ්‍රී පාද වන්දනාව
( තථාගතයන් වහන්සේගේ පා සටහනට බෞද්ධයෝ “ශ්‍රී පාදය” යි ව්‍යවහාර කෙරෙති. එය උද්දේශික චෛත්‍යයට අයත් ය. )
ජනානං වන්දමානානං – පත්ථානං සාධකං වරං,
තථාගතපදං වන්දෙ – දෙවින්දෙහි’පි වන්දිතං.
(වඳින ජනයාගේ ඒ ඒ ප්‍රාර්ථනාවන් සිදු කරන්නා වූ දේවේන්ද්‍රයන් විසිනුදු වඳින්නා වූ උත්තම වූ තථාගතයන් වහන්සේ ගේ පා සටහන වඳිමි.)
සමනොළ කන්ද සොබා දහම් මාතාව ගේ අපූර්වතම නිර්මාණයක් වනවා සේ ම ශ්‍රී ලංකාද්වීපයට ආශිර්වාදයක්…. අපි පන සේ එය රැක ගත යුතුයි… එ පරිසරය අපි ආරක්ෂා කර ගත යුතුයි… මෙි සිරිපා වන්දනා සමයේ වන්දනාවෙි යන සියළු දෙනාගෙන්ම ඉල්ලා සිටින්නේ රැගෙන යන සියල්ල නැවත රැගෙන එන්න… පා සළකුණු පමණක් ඉතිරි කර එන්න…
සුමන සමන් දෙවි පිහිටයි… වදින්න යන හැම නඬයට…. සැම සිත් පහන් වෙිවා…
ධර්මය අවබොද වෙිවා!
සමන් දෙවි හාමුදුරුවන්ගෙ පිහිටයි !
නිසංසලා රණසිංහ
