කිසිම දිනක ඔබව අත්නාරින යේසුස් ඔබ
සමඟයි!!
(යෝෂුවා 1:5)
"නුඹේ ජීවිතයේ සියලු දවස්වල කිසිවෙකුට නුඹට විරුද්ධව සිටින්ට
නොහැකි වන්නේය. මම මෝසෙස් සමඟ සිටියාක් මෙන්ම නුඹ
සමඟත් සිටින්නෙමි. නුඹෙන් අහක්ව නොයන්නෙමි, නුඹ
අත්නාරින්නෙමි."
මාගේ ප්‍රේමවන්ත සහෝදර සහෝදරියනි තවත් මාසයක ආරම්භයකට අපි පැමිණ
සිටින්නෙමු. මෙසේ දෙවියන් වහන්සේ මැවූ ඉතා අලංකාරමත් වූ මේ දවස ගැන
උන්වහන්සේට අපි ස්තුතිවන්ත වෙමු.
එදා මෝසෙස් තුමාට මඟ පෙන්වූ දෙවි පියාණෝ ඔබත් මාත් සමග අදත්
ජීවමානව සිටීම මහත් වූ ශක්තියක් බලයක් නොවේද? එමෙන්ම ඉහත ප්‍රධාන
දේව වචනයේ ප්‍රකාරයටම උන්වහන්සේ අප සමග සිටින බව අපි දනිමුව. ඉතින්
අලුත් මාසයකට මා ද මුළු හදවතින්ම යේසුස් වහන්සේගේ නාමයෙන් ඔබට
ආශිර්වාද කර සිටිමි.
ඉතින් මාගේ ප්‍රේමවන්ත සහෝදරයනි ඔබ හොඳින් ඉහත බයිබල් පදය දෙස
ඔබගේ මනස යොමු කර බලන්න. උන්වහන්සේ කවමදාක්වත් අපව අත්
නොහරින බව ඉතාම පැහැදිලිව ප්‍රකාශ කර තිබෙනවා නේද? ඉතින් ඔබගේ
ජීවිතයේ කුමන අභියෝගය ආවත් බයවෙන්න එපා මන්ද යේසු සමිඳුන් ඔබ
සමඟයි. කිසිම දිනෙක උන්වහන්සේ ඔබව අත්නාරින දෙවිඳුන් දෙවිඳුන් වේ.
ඔබගේ ජීවිතයේ කුමන අභියෝගයක් ආවත් නොබියව යාඥාවෙන් දෙවියන්
වහන්සේට සියල්ල බාර දෙන්න.
(නික්මයාම 3:14 )
"එවිට දෙවියන්වහන්සේ කථාකොට: මම යම්සේ සිටිම්ද එසේම
සිටිමියි මෝසෙස්ට කීසේක. තවද උන්වහන්සේ කියනසේක්: නුඹ
ඉශ්‍රායෙල් පුත්‍රයන්ට කථාකොට: ස්වයම්භූ නම් තැනන්වහන්සේ
නුඹලා වෙතට මා එවූසේකැයි කියන්නැයි කීසේක."
බලන්න මෙම බයිබල් පදයේ ඔබට කුමක්ද ප්‍රකාශ කරන්නේ කියලා.මෝසෙස්
තුමාට පොරොන්දු වූ ජීවමාන දෙවි සමිදානෝ අදත් මේ මොහොතේදිත් ඔබ සමග
සිටින සේක. මෙම පදය තුළින් එය අපට මනාව පැහැදිලි වෙනවා නේද?
ඉතින් ඔබ මොහොතක් කල්පනා කරන්න උන්වහන්සේ කවමදාකවත් ඔබව
අත්නාරින සෑම මොහොතෙම ඔබ ළඟින්ම සිටින දෙවිඳුන් වේ.
මාගේ ප්‍රේමවන්තයිනි ඔබ දැන්වත් යේසුස් ක්‍රිස්තුස් වහන්සේට ළං වෙන්න,
ජීවිතය ජයගන්න.
ඔබ සැමට ජේසු පිහිටයි!
ඉවැන්ජලිස්ත අමිල දිසානායක
මාර්ගය සහෝදරත්වය සභාව මහරගම
