පරික්ෂාවෙන් ජයගමු.
(1 කොරින්ති 10:13)
මනුෂ්‍යයා විසින් ඉසිලිය හැකි පරීක්ෂාවක් මිස අනිකක් නුඹලාට පැමුණුණේ නැත. නුමුත්
දෙවියන්වහන්සේ විශ්වාස කෙනෙක්ය. උන්වහන්සේ නුඹලාගේ පුළුවන්කමට වඩා නුඹලා පරීක්ෂාකරනු
ලබන්ට ඉඩ නොදී, නුඹලාට පරීක්ෂාව ඉවසිය හැකිවන පිණිස ඒ සමඟ ගැළවෙන මාර්ගයද සාදාදෙනසේක.
මාගේ ප්‍රේමවන්ත සහෝදර සහෝදරීයනි මොහොතක් ඉහත බයිබල් පදය දෙස ඔබගේ
මනස ඉතා හොඳින් යොමු කර බලන්න.
ඔබ හොඳින් සිතට ගන්න පරීක්ෂාව යනු පාපයක් නොවෙයි. නමුත් පරීක්ෂාවෙන් ඔබ
වැටුණහොත් එය පාපය වෙයි. ඒ වගේම තමයි අපිට ඉහත බයිබල් පදය තුළ අපට
පෙන්වනවා ඉවසාගත නොහැකි පරීක්ෂාවන් අපට එන්නට නොදෙන බව. ඒ වගේම
තමයි එන්නාවූ පරීක්ෂාවෙන් ජයගන්න මාර්ගයද අපට පෙන්වා දෙන බව. එම නිසා අපි
පරීක්ෂාවට බිය විය යුතු නැත.
(රෝම 6:12)
එබැවින් පාපී ආශාවනට ඔබ අවනතනො වන පිණිස මැරෙන සුළු වූ ඔබේ
සිරුර තුළ රජකම් කිරීමට පාපයට ඉඩ නොදෙන්න.
මෙම බයිබල් පදය දෙස ද ඔබගේ මනස ඉතා හොඳින් යොමුකර බලන්න. මෙහිදී අපට
පෙන්වන්නේ අපගේ ශරීරය ඉල්ලන තෘෂ්ණාවන් වලට ඉඩ නොදී පාපයෙන් ඔබගේ
ශරීරය ගලවා ගන්න කියායි. ඉතින් මාගේ ප්‍රේමවන්ත සහෝදරයිනි මොහොතක් ඉහත කී
කාරණය ගැන නැවත නැවත මෙනෙහි කර බලන්න.
හොඳයි අපි බලමු මෙම පරික්ෂාවෙන් ගැලවෙන මාර්ග මොනවාද කියලා..
(ශුද්ධ මාර්ක් 10:17)
උන්වහන්සේ මාර්ගයට යද්දී එක්තරා කෙනෙක් දුවගෙන ඇවිත් උන්වහන්සේ ඉදිරියෙහි දණින් හිඳ:
යහපත් ආචාරීන් වහන්ස, සදාකාල ජීවනය උරුම කරගන්නා පිණිස මා විසින් කුමක් කරන්ටදැයි
උන්වහන්සේගෙන් ඇසුවේය.
මෙහිදී අපට පෙන්වා දෙනවා උන්වහන්සේව අදහන අපට තිබෙන්නාවූ බලය
කොපමනක්ද කියා. ඉතින් මෙම බලය පාවිච්චි කරමින් ඔබට පුළුවන් කම ලැබෙනවා
පරීක්ෂාවෙන් ජයගන්න. ඒවගේම තව එක් කරුණක් නම්…
(ශුද්ධ ලූක් 22:40)
උන්වහන්සේ ඒ ස්ථානයට පැමිණ සිටියදී කතාකොට:නුඹලා පරීක්ෂාවට නොපැමිණෙන ලෙස යාඥා
කරන්නැයි ඔවුන්ට කී සේක.
අපට පෙන්වා දෙනවා පරීක්ෂාවන් නොඑන ලෙස යාඥා කරන්න කියා. යාඥාවෙන් අපට
සියල්ල ජයගත හැකි වේ.
(එපීස 6:10 – 14)
ඉතින් ස්වාමීන්වහන්සේ තුළද උන්වහන්සේගේ ශක්තියේ බලවත්කමෙහිද
බලවත්වෙන්න. යක්ෂයාගේ උපායවලට විරුද්ධව සිටින්ට ඔබ සැමට
පුළුවන්වන පිණිස දෙවියන්වහන්සේගේ සියලු යුද්ධායුධ පැළඳගන්න.
මක්නිසාද අපේ පොරබැදීම වනාහි මාංසයට සහ රුධිරයට විරුද්ධව නොව,
අධිපතිකම්වලටත් පරාක්‍රමධාරීන්ටත් මේ අන්ධකාරයේ ලෝක මුලාදෑනීන්ටත්
ස්වර්ගීය ස්ථානවල සිටින දුෂ්ටකමේ ආත්ම සේනාවන්ටත් විරුද්ධවය. එබැවින්
නපුරු දවසේදී විරුද්ධව සිටින්ටත් සියල්ල සම්පූර්ණකරගන ස්ථිරව සිටින්ටත්
පුළුවන්වෙන පිණිස, දෙවියන්වහන්සේගේ සියලු යුද්ධායුධ අරගන්න. එබැවින්
ඔබ සැමගේ ඉඟටි සැබෑකම නැමති පටියෙන් බැඳගෙන, ධර්මිෂ්ඨකම නැමති
ළයවැස්ම පැළඳගෙන,
මෙම පදය දෙසද ඔබ හොඳින් බලන්න එවිට ඔබට පේනවා නේද මෙම පරීක්ෂාවන්ගෙන්
ගැලවෙන්න මාර්ග කොපමණ අපට තිබෙනවාද කියා. ඉතිං මාගේ ප්‍රේමවන්තයිනි අදම
තීරණයක් ගන්න ජීවිතය ජයගන්න.. පරීක්ෂාවෙන් ජයගන්න..
ඔබ සැමට ජේසු පිහිටයි!
ඉවැන්ජලිස්ත මිල දිසානායක
මාර්ගය සහෝදරත්වය සභාව – මහරගම
