– මං බැන්දා –
අල්ලපු ගෙදර මල්ලිත් බැන්දයි සැලය
ගම්මුන් අසයි දීමට පිලිතුරු නැතිය
උඹ නොබඳින්නෙ වැදිලාදෝ මොන හෙනය
දැන් පෙරටත් වඩා ගෙදරින් බර බරය
මට නම් දුවන්නට බෑ ඕවට ඔන්න
අප්පච්චිටත් හොඳ නෑ කරදර දෙන්න
උඹ හොඳ එකක් තෝරා ගෙන බැඳගන්න
අම්මට ඕනි කොහොමින් හරි බන්දන්න
මට නම් කම්මැලී ඕවට වෙලා නැතී
උද්ධමනෙත් වැඩී ලොකු වියදමුත් යතී
ඊටත් වඩා බැන්දට පසු ගියොත් කැඩී
කාටත් වඩා මට දැනෙනා දුකත් වැඩී
එනමුත් ඉතිං නොම බැඳලත් බැරි හින්දා
සසරෙත් ලොවෙත් අනියත බව හිත රන්දා
මාහට උදව්වට ප්‍රිය බිරිඳත් කැන්දා
මේවර වෙසක් එකටත් කූඩුව බැන්දා
තාරක ජයතිලක
