දෙවිඳුන් දෙස බලන්න
ජීවිතය ජය ගන්න..
(උත්පත්ති 42:1)
"නුඹලා එකිනෙකා දිහා බලා සිටින්නේ මක්නිසාද?"
ඔබ සැමටම ආශිර්වාදමත් මාසයක් වේවා!!
මාගේ ප්‍රේමවන්ත සහෝදර සහෝදරයිනි ඉහත බයිබල් පදය දෙස මොහොතක්
ඔබගේ මනස යොමු කරන්න එවිට ඔබට බොහෝ දේ පැහැදිලි වෙනවා නොවේද?
නුඹලාගේ ජීවිතයේ එන ප්‍රශ්න, පීඩා, කරදර, වේදනා සියල්ලේ දී ඔබ බැලිය
යුත්තේ මනුෂ්‍යයන් දෙස නොවේ. මන්ද ඔබ මනුෂ්‍යයන් දෙස බලා ගෙන යන
සෑම විටම ඔබ තවත් ප්‍රශ්න රාශියකට මුහුණ පානවා ඇත. එම නිසා ඉහත
බයිබල් පදය දෙස ඉතා ඕනෑ කමින් බලා එය හිතට ගෙන ඔබ සෑම ප්‍රශ්නයක්
ම දෙවිඳුන්ට බාර දී උන්වහන්සේ දෙස පමණක් බලා ගෙන ගමන් කරන්න. එවිට
ඔබ ජීවිත ගමන ජය ගන්නවා ඇත.
(ගීතාවලිය 25:15)
"මාගේ ඇස් නිතරම ස්වාමීන් වහන්සේ වෙතට යොමුව තිබේ. මක්නිසාද උන්වහන්සේ මාගේ
පාද දැලෙන් මුදා ගන්නා සේක."
බලන්න මෙහි දී අපට පෙන්වා දෙනවා දෙවිඳුන් දෙස බලා සිටින විට
උන්වහන්සේ අපව ආරක්ෂා කරන්නේ කෙසේ ද කියා.
(ගීතාවලිය 141:8)
"මාගේ ඇස් ඔබ වෙත යොමු වී තිබේ. මාගේ විශ්වාසය ඔබ කෙරෙහි තබමි."
ඉතින් මාගේ සෙනෙහෙවන්තයිනි ඔබ බැලිය යුත්තේ දෙවිඳුන් දෙසය මන්ද
උන්වහන්සේ මා ළඟ දෙන්ට යමක් නැත කියා කිසි දා නොකියන දෙවියන්
වහන්සේය උන්වහන්සේ දෙසම බලන්න..
(ගීතාවලිය 46:1)
"ස්වාමීන් වහන්සේ අපේ සරණ හා ශක්තිය ය. දුකේ දී ඉතා ළං වූ පිහිටක්ය."
ඔබ සැමට ජේසු පිහිටයි!!
ඉවැන්ජලිස්ත අමිල දිසානායකමාර්ගය සහෝදරත්වය සභාව – මහරගම
