(ශුද්ධ මතෙව් 1:21)
ඈ පුතෙකු බිහි කරන්නී ය; උන් වහන්සේට ජේසුස් යන නාමය තැබිය යුතු ය; මන්ද, සිය සෙනඟ ඔවුන්ගේ පාපවලින් මුදාලන්නේ එතුමාණෝ ය”යි කී ය. මාගේ ප්‍රේමවන්ත සහෝදර සහෝදරියනි ඔබ සැමටම ආශිර්වාදමත් වර්ෂයක් වේවා කියා මා හදවතින්ම ප්‍රාර්ථනා කරන්නෙමි.
ඔබ මොහොතක් කල්පනා කර බලන්න ඉහත බයිබල් පදයෙන් ඇයට පවසන්නේ කුමක්ද කියා. ජේසුස් ඉපදුනේ ඇයි කියලා ඔබට දැන් තේරෙනවා නේද? ජේසුස් වහන්සේගේ ඉපදීමේ ප්‍රධාන හේතුව නම් පව්කාර මනුෂ්‍යයින්ව ගැලවීම සඳහාය.
ඉතින් ඔබ නව වසරකට යන්න ප්‍රථමයෙන් ජේසුගේ උපතේ සැබෑ තේරුම තේරුම් අරගෙන යන්න එවිට ඔබ පාපයෙන් ඈත් වෙන වසරක් වේවි. ඒ විතරක් නෙමෙයි ජේසුස් වහන්සේ ඉපදුනේ දෙවියන් වහන්සේ අපට කොපමණ ප්‍රේම කරනවද කියා පෙන්වීමටයි.
(1 යොහාන් 4:9)
දෙවියන්වහන්සේගේ ප්‍රේමය අප අතරේ ප්‍රකාශ වූයේ මෙලෙසිනි: එනම් දෙවියන්වහන්සේ ස්වකීය එකම පුත්‍රයාණන් මෙලොවට එවීමෙනි. එසේ කළේ, උන්වහන්සේ මඟින් අප ජීවත් වන පිණිසය.
මෙම පදය ඔබ හොඳින් මෙනෙහි කරන්න දෙවියන් වහන්සේ ඔබට මට මොන තරම් ප්‍රේම කරනවද තම ඒකජාතක පුත්‍රයාව දෙන තරම් උන්වහන්සේ අපට ප්‍රේම කරනවා.
ඉතින් ඔබ මෙම ප්‍රේමය අවතක්සේරු නොකර මෙම ප්‍රේමය තුළින් ජීවිතයජයගන්න.
ඉතින් ඔබට දැන් තේරෙනවාද ජේසු ඉපදුනේ ඇයි කියලා. ඉතින් මාගේ සහෝදරයිනි මෙය හොඳින් තේරුම් ගෙන ලබන්නා වූ නව වසරට ආශිර්වාදමත් ලෙස ජීවත් වීමට තීරණයක් ගන්න.
ඔබ සැමට ජේසු පිහිටයි!!
ඉවැන්ජලිස්ත අමිල දිසානායකමාර්ගය සහෝදරත්වය සභාව – මහරගම
