…..නූතන පරමාදර්ශී ස්ත්‍රීත්වයේ ගවේශණාත්මක සිනමා
ප්‍රක්ශේපනය…..
තම ස්වාමි පුරුෂයා හට යහපත් බිරිඳක විලසිනුත් තම දරුවන් හට යහපත්
මවක විලසිනුත් ආදර්ශමත් කුඨුම්භ දිවියක් ගතකරමින් සිටින මැදිවියේ පසුවන
තේජා නම් ස්ත්‍රියගේ දිවි සැරිය මූලික ප්‍රස්තුතය කොටගනිමින්, ඇගේ පෞද්ගලික
දෘෂ්ඨිකෝණය ඔස්සේ සිනමාපටය දිශානුගත වන බව සිනමාපටයේ ආක්‍යානය
සම්බන්ධයෙන් සැකෙවින් පැවසිය හැකිය.
සිය ස්වාමියා හට අනපේක්ෂිත ලෙසින් මුහුණපාන්නට සිදුවන භිහිසුණු උවදුර
පසුබිම්කොටගෙන තේජාගේ දිවිසැරියේ සිදුවන අභියෝගාත්මක විපර්‍යාසයන්
තාත්විකව ගෙනහැරපාමින් සහ එයම හිණිමගක් කොටගනිමින් ශ්‍රී ලාංකේය
වෘතීය අරගල ඉතිහාසයේ නොමැකෙන මතක සටහනක් ඉතිරි කරවන්නට සමත්
වූ, වර්ෂ 1982 ත් 1985 ත් අතර කාලසීමාවේදී එක්තරා නිදහස් වෙළඳ කලාපයක
එක්තරා ඇඟළුම් කම්හලක් ඇසුරු කරගනිමින් එහි පීඩාකාරී කළමනාකරණ
උපක්‍රම මෙන්ම දුක්ඛිත සේවා කොන්දේසි වලට එරෙහිව දියත්වුණු කාන්තා
කම්කරු අරගලය පිළිබඳව ප්‍රමානවත් කතිකාවතක් ගොඩනැංවීමට තිර රචකයා
සහ අදියුරුවරයා අප්‍රතිහත වෑයමක් දරා ඇති බව පෙනෙන්නට තිබේ.
නිර්මළ ස්ත්‍රීත්වයත්, මනුදම් පහවගිය දේශපාලනයත්, ධණවාදය පෙරටුකොටගත්
වාණිජකරණයත් පශ්චාත් නූතනවාදී සමාජ, සංස්කෘතික, ආගමික සංදර්භයන්
ඉදිරිපිට අහඹු ලෙසින් එකිනෙක අතිඡ්චාදනය වීම වඩාත් තාත්විකව සහ
සිනමාත්මක නීති රීතීන් හට අවනත වෙමින් ප්‍රශස්ථව පිළිපිඹු කිරීමට
සිනමාපටය උදෙසා රංගනයෙන් දායක වූ ප්‍රතිභාන්විත රංගවේදීනී නීටා ප්‍රනාන්දු මහත්මිය
ඇතුළු අනෙකුත් සියලුම රංගවේදීන් පැසසුම්ලාභී මෙහෙයක් ඉටුකොට ඇති බව
නොවළහා පැවසිය යුතුයි.
රංගවේදීන්
නීටා ප්‍රනාන්දු
අයිරාංගනී සේරසිංහ
මහේන්ද්‍ර පෙරේරා
අනුරුද්දිකා පාදුක්කගේ
චමිලා පීරිස්
සුජානි මේනකා
අතුල පතිරණ
ශ්‍රීමාල් වෙඩිසිංහ
කේ. ඒ. මිල්ටන් පෙරේරා
කුමා අත්තනායක
මෙලනි අශෝකා
කරුණාරත්න අමරසිංහ
මිලින්ද පෙරේරා
කුමාර සිරිවර්ධන
ඩී. බී. ගංගොඩතැන්න
රහල් බුලත්සිංහල
ගුණවර්ධන හෙට්ටිආරච්චි
නිලන්ති ගුණවර්ධන
රවිනි විරංගා (ළමා නිළි)
හෙලවුඩ් සිනමාපටයන්හි ඉතා කලාතුරකින් දක්නට ලැබෙන සිනමා සංගීතය හා
චිත්‍රපටය තුළ දිගහැරෙන රූප රාමු එකිනෙක මනාව අතිච්චාදනය වී තිබීම
තුළින් ප්‍රේක්ෂකයා හා සිනමාපටය අතර ඉතා ශක්තිමත් බැඳීමක්
නිර්මාණයකොට තිබීම ස්මස්ථ නිර්මාණයේ සාර්ථකත්වය තවදුරටත් ඔපමට්ටම්
කිරීම සඳහා විශාල පිටුවහලක් සපයන බව කිවයුතු විශේෂ කාරණාවකි. මීට
අමතරව සමස්ථ සිනමාපටය පුරාවටම දිගහැරෙන එකම ගීතය මෙන්ම එහි
තේමා ගීතයද වන “ ලිහිණියක නොවී “ ගීතය තුළින් සිනමාපටයේ සමස්ථ
භූමිකාව කාව්‍යාත්මක පද පේළි කිහිපයක් තුළ සකසුරුවම්ව සංගිත කරවන්නට
සමත්වීම ද ඇගයීමට ලක්විය යුත්තක් සේ දකිමි.
ගීත රචනය – වසන්ත කුමාර කොබවක
සංගීතය – නවරත්න ගමගේ
ගීත ගායනය – උමාලි තිලකරත්න
හෙලවුඩ් සිනමා කර්මාන්තයේ අනාගතය පිළිබඳ සාධනීය අපේක්ෂාවන් ඇති
කරවන මෙවන් අවංක ආත්මීය ප්‍රශස්ථ සිනමා භාවිතාවක් පුරා දශක අටකට
ආසන්න හෙලවුඩ් සිනමා වංශකතාව වෙත තිළිණ කරවීම උදෙසා ස්මස්ථ
නිෂ්පාදන කණ්ඩායම දරනු ලබන අපමණ වෙහෙස හා කැපවීම සියළුම
දේශප්‍රේමී හෙලවුඩ් සිනමාලෝලීන්ගේ ස්ම්භාවනාවට ලක්විය යුතු බව සිතමි.
නිෂ්පාදන කණ්ඩායම
තිර රචනය සහ අධ්‍යක්ෂණය – නිලන්ත හපන්වීර
නිෂ්පාදනය – නීටා ප්‍රනාන්දු, සුරංග ද අල්විස්, මහීල් ආර්. පෙරේරා
කැමරා අධ්‍යක්ෂණය – කාවින්ද රණවීර
සංස්කරණය – ස්ටැන්ලි ද අල්විස්
සංගීතය – නවරත්න ගමගේ
කලා අධ්‍යක්ෂණය – මංජුල අයගම
ශබ්ද සංකලනය සහ ශබ්ද ප්‍රයෝග – ලයනල් ගුණරත්න, සශික රුවන් මාරසිංහ
සහය අධ්‍යක්ෂනය – චන්දන ඉරුගල්බණඩාර
නිෂ්පාදන කළමනාකරණය – සරත් වීරසේකර
අංග රචනය – මනෝ සෙල්වරාජ්, හංසක සුහීර
මාධ්‍යය සම්බන්ධීකරණය – ඇන්ටන් ජේ. ප්‍රනාන්දු
වීරයා, දුෂ්ඨයා, පෙම්වතිය පෙරටුකොටගත් තුන්කොන් ආදරය ඉස්මතුවෙන
කතාංගයන් හෝ රාජකීයත්වය සමගින් පෑහුණු බෞද්ධ සංස්කෘතිය ඔප්නැංවෙන
කතාංගයන් හෝ තේමා කරගන්නවා වෙනුවට අභියෝගාත්මක,
ආන්දෝලනාත්ම්ක තේමාවන් තෝරාගෙන සිනමා නිර්මානකරණයට පිවිසීමේ
වත්මන් ධණාත්මක ප්‍රවණතාවය පිළිබඳව සිනමා කර්මාන්තයේ සහ ටෙලිවිෂන්
මාධ්‍යයේ වෘතීය තිර රචකයෙකු ලෙසින් කටයුතුකරන මා හට ඇත්තේ හද පිනා
යන සන්තුෂ්ටියක් බව මා අවංකවම පවසමි.
සම්ප්‍රධායික ගතානුගතික රාමු අභිබවා අනාගත ලෝකය සමඟින් මැනවින්
යාවත්කාලීන වන නැවුම් අනාගත ශ්‍රී ලාාංකේය සිනමාවක පහස විඳීමට කැමති
සියළු දේශානුරාගී සිනමායලෝලීන් සඳහා නුදුරේදීම මෙම චිත්‍රපටය නැරඹීමට
අවස්ථාව උදාවීම සම්බන්ධයෙන් මා ඉතා ප්‍රයමෝදයට පත්වෙමි.
එමෙන්ම තම කුළුඳුල් සිනමා අධ්‍යක්ෂණය තුළින් හෙලවුඩ් සිනමා වාංශකතාවේ
අදියුරු භූමිකාවට පිළිපන් කෝඩුකාර සිනමාකරු නිලන්ත හපන්වීර මහතා හට
මෙම සිනමාපටය සමඟ දීර්ඝ චාරිකාවක් යාමටත් නුදුරු අනාග්‍තයේදී මෙවන්
තවත් අපූරු නිර්මාණයකින් අප හමුවට පැමිණීමටත් අවැසි සියළු හේතු සම්පත්
සැලසේවායි මා මුළු හදවතින්ම පතමි.
සැකසුම – හිරාන් ගමගේ
