එක්සත් රාජධානිය විසින් පසුගිය වසර අවසානයේ මෙරටට පැමිණිමේදී බලපාන සංක්‍රමණ නීති රැසක් වනස් කිරීම හේතුවෙන් 2024 වසර මුල සිට මෙරටට පැමිණෙන සංක්‍රමණිකයනි සංඛාව සීඝ්‍රයෙන් පහළ වැටුනා. එම බලපෑම ශ්‍රි ලංකාවටත් එක ලෙසම දැනුනු අතර ඒ අනුව පසුගිය වසරට සාපේක්ෂව එක්සත් රාජධානියට සංක්‍රමණය වූ ශ්‍රි ලාංකිකයන් සංඛාව සීඝ්‍රයෙන් පහත වැටී තිබෙනවා. මේ පිළිබඳව හෙලිදරව් වූයේ වසරේ මුල් කාර්තු දෙකෙහි සංක්‍රමණ දත්ත පිළිබඳව මෙරට ආගමන විගමන ආයතනය විසින් නිකුත් කර ඇති දත්ත වාර්තා වලිනි.
බ්‍රිතාන්‍යය රජය විසින් මින් පෙර නිකුත් කල සංඛ්‍යා දත්ත අනුව 2019 මුල් කාර්තුවේ සිට 2023 අවසන් කාර්තුව දක්වා විවිධ වීසා අංශ යටතේ 45,000 ක පිරිසක් ලංකාවේ සිට එක්සත් රාජධානියට සංක්‍රමණය වී තිබුනා. ඒ අතරින් කී දෙනෙකු නැවත ලංකාවට හෝ වෙනත් රටකට පිටත් වී ගියේදැයි පැහැදිලි නැතත් එක්සත් රාජධානිය වෙත එම කාලය තුල වැඩිම පුද්ගලයන් සංක්‍රමණය වූ රටවල් 10 අතර ශ්‍රි ලංකාව අඛණ්ඩව ලංකාව රැඳී සිටියා.
නිකුත් කල නවතම දත්ත වාර්තා වලට අනුව 2024 වසරේ මුල් මාස 6 තුල එක්සත් රාජධානිය විසින් ශ්‍රි ලාංකිකයන්ට නිකුත් කල Entry වීසා ප්‍රමාණය 7,381 ක් වේ. ඒ අතරින් 5,228 රැකියා වීසා සඳහා වන අතර 1,224 ක් අධ්‍යාපන අරමුණින් පැමිණෙන්නන් සහ එම පවුල් වල අය වෙනුවෙන් නිකුත් කල වීසා වේ. මීට අමතරව වසරේ මුල් මාස 6 තුල පමණක් සංචාරක වීසා 12,891 ක් බ්‍රිතාන්‍යය විසින් ශ්‍රී ලාංකිකයන්ට නිකුත් කර තිබේ.
2024 වසරේ මුල් මාස 6 තුල දී අධ්‍යාපනය හා රැකියා ඇතුළු විවිධ සංක්‍රමණික වීසා යටතේ ශ්‍රි ලාංකිකයන් 8,243 දෙනෙකු වීසා අයදුම් කර ඇති අතර ඒ අතර අයදුම්පත් 1,020 ප්‍රතික්ෂේප වීමෙන් අනතුරුව 7,381 දෙනෙකු සඳහා වීසා පිරිනැමීමට මෙරට අභ්‍යන්තර කටයුතු අමාත්‍යාංශය තීරණය කර ඇත.ඊට අමතරව මෙම වසරේ ගෙවුනු මාස 6 තුලදී ශ්‍රි ලාංකිකයන් 21 දෙනෙකු විසා සහිතව මෙරට ඇතුළුවීමට උත්සාහ කිරීමේදී එක්සත් රාජධානියේ ගුවන් තොටුපළ වලදී හා අනෙකුත් තොටුපළ වලදී නැවත හරවා යවා තිබේ. වලංගු වීසා බලපත්‍රයක් දරන්නේ උවද බ්‍රිතාන්‍යය දේශසීමා බලධාරීන් සෑහීමකට පත්නොවන අවස්ථිවකදී රටට ඇතුළුවීම ප්‍රතික්ෂේප කර නැවත හරවා යැවීමේ අයිතිය එම නිළධාරීන් සතුවේ.
2024 වර්ශයේ මුල් මාස 6 ට සාපේක්ෂව 2023 වසරේ මුල් මාස 6 සලකා බැලීමේදී පසුගිය වසරේ මුල් මාස 6 තුල ලංකාවේ සිට එක්සත් රාජධානියට පුද්ගලයන් 11,886 දෙනෙකු සංක්‍රමණය වී ඇති අතර ඒ අතරින් අධ්‍යාපනය සඳහා පුද්ගලයන් 4,150 දෙනෙකු සහ රැකියා වීසා මත 6,637 දෙනෙකු මෙරටට පැමිණ තිබේ. එම කාලසීමාවන් දෙක සංසන්දනය කිරීමේදී පසුගිය වසරේ මුල් මාස 6 ට සාපේක්ෂව මේ වසරේ මුල් මාස 6 තුල ශ්‍රි ලංකාවේ සිට මෙරටට සංක්‍රමණය වූ පුද්ගලයන් සංඛාව 4,505 කින් පහත වැටී ඇත. ප්‍රධාන වශයෙන් අධ්‍යාපනික වීසා සහ රැකවරණ සේවක වීසා මත පැනවූ නව වෙනස්කම් මෙම ප්‍රබල වෙනසට හේතුවිය හැකියැයි අපට උපකල්පනය කල හැකි වේ.
ඒ අතර. 2024 වසරේ මුල් මාස 6 තුලදී පමණක් ශ්‍රි ලාංකිකයන් 2,684 දෙනෙකු සඳහා බ්‍රිතාන්‍යය පුරවැසිභාවය පිරිනමා තිබේ. ඒ අතරින් පුද්ගලයන් 2,193 දෙනෙකු මෙරට වසර පහක් හෝ අදාළ කාලය රැඳී සිට ලැබූ සුදුසුකම් මත බ්‍රිතාන්‍යය පුරවැසිභාවය ලබාගෙන ඇති අතර පුද්ගලයන් හා දරුවන් 491 දෙනෙකු ලියාපදිංචිය මගින් පුරවැසිභාවය ලබාගෙන ඇත. කෙසේ උවද පසුගිය රජය මගින් ආරම්භ කල බ්‍රිතාන්‍යයට පැමිණෙන සංක්‍රමණිකයන් සීමා කිරීමේ ප්‍රතිපත්තිය මෙම රජය මගින්ද ක්‍රියාත්මක කිරීමට තීරණය කර ඇති හෙයින් ඉදිරියේදී එක්සත් රාජධානියට පැමිණෙන සංක්‍රමණිකයන් ප්‍රමාණය තවදුරටත් පහත වැටීමට නියමිත වේ.
තිලාන් ජයසේකර
