(ගීතාවලිය 1:2-3)
"ස්වාමීන්ගේ ව්‍යවස්ථාවෙහි ප්‍රීතිවන්නාවූ, උන්වහන්සේගේ ව්‍යවස්ථාව රෑ දාවල්
මෙනෙහිකරන්නාවූ, මනුෂ්‍යයා ආශීර්වාදලද්දේය." "ඔහු දිය ඇළවල් ළඟ හිඳුවූ, නියම කලට
ඵල දෙන, නොමැලවෙන කොළ ඇති ගසක් හා සමාන වන්නේය; ඔහු කරන සියල්ල
සඵලවෙයි."
ඔබ සැමටම ආශිර්වාදමත් මාසයක් වේවා!!…
මාගේ සෙනෙහෙවන්තයිනි, ඉහත කාරණය ගැන මොහොතක් කල්පනා කර
බලන්න.ඔබත් ඔබගේ ජීවිතය ආශිර්වාදමත් සඵලවත් ජීවිතයක් කරගන්න
කැමතියිද?එසේ නම් මේ ඉහත බයිබල් පදය තුළ ජීවත් වෙන්න උත්සාහ
කරන්න.
ස්වාමීන් වහන්සේගේ ව්‍යවස්ථාව යනු කුමක්ද? ඒ තමයි ශුද්ධ බයිබලය. ඔබ
බයිබලයට අනුකූලව ජීවත් වනවා නම් ස්වාමීන් වහන්සේ තුළ ඔබ සඵලවත්
මනුෂ්‍යයෙක් වෙන්ට යනවා. ඒ වගේම තමයි ඔබ උන්වහන්සේගේ වචනය තුළ
ගමන් කරන විට ඔබට එන්නාවූ සෑම පීඩාවකදී එය ප්‍රීතියෙන් භාරගෙන
උන්වහන්සේගේ වචනය තුළම ප්‍රීති වන්න.එවිට ඔබ ජය ගන්නවා නියතයි.
ඒ වගේම තමයි උන්වහන්සේගේ ව්‍යවස්ථාව රෑදවල් මෙනෙහි කරන්නම කියා
තිබෙනවා.ඒ කියන්නේ ඔබ බයිබලය කියවන්නම ඕනේ.ඔබ යාඥා කරන
මනුෂ්‍යයෙක් වෙන්නම ඕනේ.එවිට ඔබ ජීවිතය ජය ගන්නවා නියතයි.මෙම
සියල්ල හොඳින් මෙනෙහි කර සඵලවත් මනුෂ්‍යයෙක් වෙන්න.
ඔබ සැමට ජේසු පිහිටයි!!
ඉවැන්ජලිස්ත අමිල දිසානායක
මාර්ගය සහෝදරත්වය සභාව – මහරගම
