Month: November 2024
Font
යුක්තිය සඳහා සමාන ප්‍රවේශයන් සදන ශ්‍රී ලංකා නීති ආධාර කොමිෂන් සභාව
යුක්තිය සඳහා සමාන ප්‍රවේශයන් සදන “ශ්‍රී ලංකා නීති ආධාර කොමිෂන් සභාව”
ශ්‍රී ලංකාව යනු ප්‍රජාතන්ත්‍රවාදී රටකි. ලංකාවේ නීති පද්දධතිය ගතහොත් විනිවිදභාවයකින් යුත් ශක්තිමත් නීති පද්ධතියක් ලෙස හඳුන්වාදිය හැකිය.
කෙසේ නමුත් ශ්‍රී ලංකාවේ පුරවැසියන්ට අසාධාරණයකදී තමන් උදෙසා යුක්තිය ඉෂ්ට කරගැනීම පිණිස බොහෝ වියදම් දැරීමට සිදුවන බව ඔබ අප කවුරුත් දන්නා සාමාන්‍ය කරුණකි.
නමුත් එසේ වියදම් දරාගෙන තමන් වෙනුවෙන් යුක්තිය ඉෂ්ට කර ගැනීමට අපහසු පුද්ගලයින් අප අතර ඕනෑතරම් සිටිති.
අද අප ඔබ හමුවට ගෙන එන්නේ ආර්ථික අපහසු තා ඇති පුද්ගලයන් වෙනුවෙන් පෙනීසිටිමින් ඔවුනට නීති සහන සලසන ශ්‍රී ලංකාවේ දැනටමත් ක්‍රියාත්මක වන ආයතනයක් පිළිඹඳවයි. එනම් ” ශ්‍රී ලංකා නීති ආධාර කොමිෂන් සභාව” යි.
ශ්‍රී ලංකා නීති ආධාර කොමිෂන් සභාවේ මෙහෙවර වන්නේ රටේ නීතිමය පිහිට ලැබිය යුතු පුද්ගලයන්ට නීති ආධාර ලබාදීමයි. ශ්‍රී ලංකා නීති ආධාර කොමිෂන් සභාවේ දැක්ම වන්නේ
“සියලුම ශ්‍රී ලාංකිකයන්ට යුක්තිය සඳහා සමාන ප්‍රවේශයන් තිබිය යුතු සමාජයක් නිර්මාණය කිරීමයි.” මෙම අරමුණ සාක්ෂාත් කර ගැනීම සඳහා ශ්‍රී ලංකා නීති ආධාර කොමිෂන් සභාව බොහෝ ව්‍යාපෘති සිදු කරමින් පවතියි.
නීතිය ඉදිරියේ සියලුම පුද්ගලයන් සමානය යන්න ආණ්ඩුක්‍රම ව්‍යවස්ථාවෙන්ම පිළිගත් මූලික අයිතිවාසිකමකි.
එහෙත් තමුන්ට සිදු වූ අසාධාරණය වෙනුවෙන් නඩුවක් පැවරීම සඳහා නීතිඥවරයකුට මුදල් ගෙවීමට වත්පොහොසත්කමක් නොමැති පුද්ගලයන්ට නීතියේ සාධාරණත්වය සමානව හිමිවේද යන්න ගැටලු සහගතය. එවැනි තැනැත්තන්ට එනම් දිළිඳු හා අඩු ආදායම්ලාභීන්ටද නීතියේ සමාන ආරක්ෂාව තහවුරු කිරීම සඳහා 1978 අංක 27 දරන පනතින් ශ්‍රී ලංකා නීති ආධාර කොමිෂන් සභාව පිහිටුවා ඇති අතර ප්‍රාදේශීය මධ්‍යස්ථාන 85 ක් දක්වා විහිදුණු පුළුල් සේවාවන් එමඟින් සිදු කරනු ලබයි. ශ්‍රී ලංකා නීති ආධාර කොමිෂන් සභාව 1978 අංක 27 දරන පනත මඟින් ස්ථාපිත කරන ලදී. ශ්‍රී ලංකා නීති ආධාර කොමිෂන් සභාව දිවයින පුරා පළාත් 9ක මධ්‍යස්ථාන 85ක පවත්වාගෙන යන අතර ඒ වෙත පැමිණෙන ඕනෑම පුද්ගලයකුට නීති උපදෙස් ලබාදීම සහ දැනුවත් කිරීම ආදායම් සීමාවකින් තොරව සිදු කරනු ලබයි. ආධාර කොමිෂන් සභාවයටතේ ස්ථිර නීතිඥයන් 120කට අධික සංඛ්‍යාවක් සේවයේ නිරත වේ.
අධිකරණයේ පෙනී සිටීම සඳහා නීතිඥ නියෝජනය ලබා දීමේදී මාසික ආදායම රුපියල් 25,000ට වඩා අඩුවෙන් ලබන පුද්ගලයන් නොමිලේ නීතිඥ සහාය ලැබීමට සුදුසුකම් ලබයි. අදාළ නීති ආධාර ඉල්ලුම්කරු, ඉල්ලුම්කාරිය පදිංචි වී සිටින ප්‍රදේශයේ ග්‍රාම නිලධාරිවරයා විසින් ඉල්ලුම්කරු හෝ ඉල්ලුම්කාරියගේ ආදායම් තත්ත්වය පිළිබඳව සහතික කළ යුතුය. ග්‍රාම නිලධාරිවරයාගේ සහතිකය ප්‍රමාණවත් වන අතර අවශ්‍ය
අවස්ථාවලදී පමණක් ප්‍රාදේශීය ලේකම්වරයාගේ සහතික අවශ්‍ය වේ.
නීති ආධාර කොමිෂන් සභාව විසින් නඩු වර්ග කිහිපයකට නොමිලේ නීතිඥ සේවය ලබාදීමට කටයුතු කර ඇත.
01). කාන්තාවන් සහ දරුවන් සම්බන්ධ නඩුවලදී නීති ආධාර කොමිෂන් සභාව ඔවුන්ගෙන් කිසිදු මුදලක් අය කරන්නේ නැත. කාන්තාවන්ට තමන්ට සිදුවන අසාධාරණයන් නීතිය හමුවට ගෙනයාමට, තම දරුවන්ට සිදුවන අසාධාරණයන් නීතිය හමුවට ගෙන යාමට නීති අදාළ කොමිෂන් සභාව ලබාදෙන්නේ මහත් සහයෝගයකි. ඔවුන්ට කිසිදු ගෙවීමකින් කිසිදු අය කිරීමකින් තොරව නීතිඥයන්ගේ සහය සහ උපදෙස් ලබාදීමට නීති ආධාර කොමිෂන් සභාව සැදී පැහැදී සිටියි.එසේම දරුවන් සම්බන්ධ නීතිමය කාරණයකදී මව, පියා හෝ භාරකරු විසින් දරුවාගේ යහපත පිණිස කරනු ලබන ඉල්ලීමකදී මෙම රුපියල් 25,000ක ආදායම් සීමාව අදාළ වන්නේ නැත.
02). නඩත්තු නඩු;
ස්වාමිපුරුෂයා විසින් සිය බිරිය හෝ දරුවන් පෝෂණය නොකර
පැහැර හරින අවස්ථාවක බිරිය සහ දරුවන්ගේ යැපීම වෙනුවෙන් මුදල් ලබාගැනීම සඳහා මහෙස්ත්‍රාත් අධිකරණයේ නඩත්තු නඩු පැවැරීම නීති ආධාර කොමිෂන් සභාව මඟින් බහුලව සිදු කරනු ලබයි. ඉල්ලුම්කරුගේ ආදායම් තත්ත්වය සලකා බැලීමකින් තොරව මෙහිදී සහාය ලබා දෙනු ලැබේ.
03). රිය අනතුරු වන්දි නඩු ;
රිය අනතුරක් සිදු වූ අවස්ථාවක අනතුරට ලක් වූ පුද්ගලයාට පවුලේ යැපෙන්නන්ට වන්දියක් ලබා ගැනීම සඳහා අනතුර සිදු වූ ප්‍රදේශයේ අධිකරණයේ වසර දෙකක් ඉක්මවා යෑමට පෙර නඩු පැවැරීමටද නීති ආධාර කොමිසම මඟින් නීතිඥ සහාය ලබා දීම සිදු කරයි.
04). දික්කසාද/භාරකාරත්ව නඩු ;
වෛවාහක වරදක් ඔප්පු කිරීමෙන් දිසා අධිකරණයේ දික්කසාද නඩු ගොනු කිරීමටත්, දික්කසාද නඩුවක විත්තිකාර පාර්ශ්වය වෙනුවෙන් පෙනී සිටීමටත්, දරුවන්ගේ භාරකාරත්වය සම්බන්ධයෙන් නියෝග ලබාගැනීමටත්, විශේෂයෙන්ම අඩු ආදායම්ලාභී කාන්තාවන් වෙනුවෙන් නීති ආධාර කොමිසම නීතිඥ සහාය ලබා දේ.
ඉහත කරුණු අදාළ වන්නේ විවාහය තුළින් අසාධාරණට ලක් වූ කාන්තාවන්ටය. අමිහිරි ජීවිත කතාවල හිමිකරුවන්ට තව දුරටත් මුදල් නොමැතිකම නිසා හෝ නීතිය නොදැනසිටීම නිසා හෝ දුක්විඳීමට අවශ්‍ය වන්නේ නැත.
ඊට අමතරව නීති ආධාර කොමිෂන් සභාව විසින් නොමිලේ නීති ආධාර ලබාදෙන අවස්ථා රැසක්ද හඳුනාගත හැකිය.
05). ඉඩම්/නෙරපීම් නඩු
අඩු ආදායම්, ලාභීන්ගේ ඉඩම් සම්බන්ධ නඩු කටයුතුවලට සහ ඔවුන්ගේ දේපළක බලහත්කාරයෙන් රැඳී සිටින්නෙක් ඉවත් කිරීමට හෝ අසාධාරණ ලෙස දේපළකින් ඉවත් කිරීමට ලක් වූ අයෙක් වෙනුවෙන් පෙනී සිටීමට නීති ආධාර කොමිෂන් සභාව නීතිඥ සහාය ලබා දේ.
06). මුදල් නඩු සහ
අනෙකුත් සිවිල් නඩු
යම් මුදල් ගනුදෙනුවක් හෝ බැංකු ණයක් සම්බන්ධ කටයුත්තකදී අසාධාරණයට ලක් වූ පාර්ශ්වයකට සහ කුලී සින්නක්කර ගිවිසුමක් සම්බන්ධ නඩුවකදී අසාධාරණයට ලක් වූ විත්තිකාර පාර්ශ්වයට ඉතා සීමිත අවස්ථාවන්වලදී අධ්‍යක්ෂ ජනරාල්වරයාගේ විශේෂ අනුමැතිය මත ඉහත කී ආදායම් සීමාවට යටත්ව දිසා අධිකරණයේ පෙනී සිටීම සඳහා නීති ආධාර ලබා දෙනු ඇත.
07). අනෙකුත් මහෙස්ත්‍රාත්
අධිකරණ නඩු:
නීති සහාය ලැබීමට සුදුසු පුද්ගලයනට, දේපළ සම්බන්ධයෙන් ප්‍රාථමික නඩු විධාන සංග්‍රහයේ 66 වගන්තිය යටතේ නඩුකර ගොනු කිරීමට නීතිඥ සහාය ලබාදීම.
2000 අංක 09 දරන පනත යටතේ වැඩිහිටි නඩත්තු ඉල්ලීම් මණ්ඩලය මඟින් දෙනු ලබන නඩත්තු නියෝග ක්‍රියාත්මක කරගැනීම සඳහා ඉල්ලුම්පත් ගොනු කිරීමට නීතිඥ සහාය ලබාදීම.
අවශ්‍ය අවස්ථාවල අපරාධ වින්දිතයන්ගේ අයිතිවාසිකම් වෙනුවෙන් පෙනී සිටීමට නීතිඥ සහාය ලබා දීම.
08).මූලික අයිතිවාසිකම් නඩු
අග්‍රවිනිශ්චයකාරවරයා විසින් ඍජුවම නීති ආධාර කොමිසමට යොමු කරනු ලබන අයිතිවාසිකම් උල්ලංඝනයන් සම්බන්ධ පැමිණිලි සහ නීති ආධාර කොමිසමට පැමිණෙන (මාසයක කාලය ඉක්මවා යෑමට පෙර) අඩු ආදායම්ලාභීන්ගේ මූලික අයිතිවාසිකම් උල්ලංඝනයන් සම්බන්ධ පැමිණිලි සඳහා නීතිඥ සහාය ලබා දේ.
09).ඇප සම්බන්ධ නඩු
වසරකට වඩා වැඩි කාලයක් ඇප ලබා ගැනීමට නොහැකිව බන්ධනාගාරගතව සිටින නීතිඥ සහාය ලබා ගැනීමට ආදායම් නොමැති සැකකරුවන් (ළමා අපචාර/ස්ත්‍රී දූෂණ චෝදනා ලැබූවන් හැර) සඳහා නීති ආධාර කොමිෂම ඇප ලබා ගැනීමට නොමිලේ නීතිඥ සහාය ලබා දෙනු ලැබේ.
10). අභියාචනා නඩු
අපරාධ නඩුවල අභියාචනා හැර අනෙකුත් සියලුම අභියාචනා සහ ශේ‍ර්ෂ්ඨාධිකරණ නඩුද රීට් ආඥා නඩුකර සහ ප්‍රතිශෝධන නඩු සඳහාද නීති ආධාර කොමිසම අඩු ආදායම්ලාභීන්ට නොමිලේ නීතිඥ සේවය ලබා දේ.
එසේම අසාධාරණ සේවා සමාප්තියක් සිදුවී ඇති අවස්ථාවක නැවත සේවය හෝ වන්දි ලබා ගැනීමට මාස 06ක් ඇතුළත කම්කරු විනිශ්චය සභාවල නඩු ගොනු කිරීමට නීති ආධාර කොමිසම නීතිඥ සහාය ලබාදේ. තවද හදිසි මුදල් අවශ්‍යතාවක් වෙනුවෙන් තම නිශ්චල දේපළක් ණයක් සඳහා උකස් තබා උකස්කර හෝ සින්නක්කර ඔප්පු ලියා ඇති අවස්ථාවක එම ණය මුදල් ගෙවා ගැනීමට අපහසු වීම නිසා අසාධාරණ ලෙස දේපළේ අයිතිය ණය හිමි විසින් ලබාගැනීමට උත්සාහ කරන අවස්ථාවක අසාධාරණයට ලක්වන අඩු ආදායම්ලාභී තැනැත්තන් වෙනුවෙන් නීති ආධාර කොමිසම නීතිඥ සහාය ලබාදීම සිදු කරයි.
නීති ආධාර කොමිෂන් සභාව විසින් නඩු වලට පෙනී සිටීමේදී රුපියල් 200ක ලියාපදිංචි ගාස්තුව හැරුණු විට ඉහත සඳහන් කිසිදු නඩුවක් වෙනුවෙන් අධිකරණයේ පෙනී සිටීම සඳහා නීතිඥවරයකුට කිසිදු ගාස්තුවක් සේවාදායකයකු විසින් ගෙවිය යුතු නොවේ. විශේෂිතම කරුණ නම් නඩත්තු නඩුවකදී රු.200.00 ක ලියාපදිංචි ගාස්තුවද අය නොකිරීමයි.
ඔබ යුක්තිය පතා කරන සටනේදී තව දුරටත් බියගුලුව සැඟවී සිටිය යුතු නැත.
අලුත්කඩේ උසාවි සංකීර්ණය අසල පිහිටා ඇති නීති ආධාර කොමිෂන් සභාව ප්‍රධාන කාර්යාලය වෙත පැමිණීමෙන් නීතිඥ සහය සහ නීති උපදෙස් ලබා ගැනීම පිළිබඳ තවදුරටත් දැනුවත් වීමේ හැකියාව පවතී. එසේම පහත ලිපිනය සහ දුරකථන අංක ඔස්සේ ද වැඩිදුර තොරතුරු විමසා සිටීමේ හැකියාව පවතියි.
ශ්‍රී ලංකා නීති ආධාර කොමිෂන් සභාව
අංක 129, අලුත්කඩේ වීදිය,
කොළඹ – 12,
දුරකථන :-
+94 115 335 329/ +94 115 335 281
+94 112 433 618
ඊමේල් :- legalaid@sltnet.lk
සටහන -: මංගලා පවිත්‍රානි
Back Cover
නිතරම කම්මැලිකම දැනීම රෝග ලක්ෂණයක්ද?
නිතරම කම්මැලිකම දැනීම රෝග ලක්ෂණයක්ද?
සිරුරේ සමස්ත නීරෝගීබව සඳහා තයිරොයිඩ් ග්‍රන්ථියේ නිසි ක්‍රියාකාරීත්වය ඉතා වැදගත් වේ. ගෙලෙහි මධ්‍යයේ පිහිටා ඇති තයිරොයිඩ් ග්‍රන්ථිය මගින් හෘදය, මොළය, අක්මාව, වකුගඩු හා සම වැනි වූ සිරුරේ ඉතා වැදගත් ඉන්ද්‍රියන්ගේ ක්‍රියාකාරීත්වය සඳහා ප්‍රධාන කාර්‍ය්ය භාරයක් ඉටු කරන අතරම පරිවෘත්තීය වශයෙන් ද විශාල මෙහෙයක් ඉටු කරයි.
තයිරොයිඩ් ග්‍රන්ථිය ආශ්‍රිතව හටගනු ලබන රෝග අවස්ථා අතර Hyperthyroidism, Hypothyroidism, ගලගණ්ඩය, තයිරොයිඩ් ගැටිති, තයිරොයිඩ් ග්‍රන්ථි ප්‍රදාහය (Thyroiditis), තයිරොයිඩ් ග්‍රන්ථි පිළිකා ප්‍රධාන වේ.
තයිරොයිඩ් ග්‍රන්ථිය මඟින් නිපදවන T3 හා T4 හෝර්මෝන නියමිත ප්‍රමාණයට වඩා අඩු හෝ වැඩි වීම සහ පිටියුටරි හෝර්මෝන වන TSH හෝර්මෝන මට්ටමේ වෙනස් වීම නිසා තයිරොක්සීන් හෝර්මෝනයේ නිපදවීම අඩු හෝ වැඩි වීම සිදු විය හැක.
මෙම වෙනස්වීම නිසා චිත්තවේගීය හා ශාරීරික වෙනස්කම් රාශියක් මිනිස් සිරුර තුල ඇති විය හැක.
ඇතැම් විට හෝර්මෝන මට්ටම නියමිත ලෙස තිබියදීත් Euthyroid නම් අවස්ථාව ස්ත්‍රීන් අතර බහුලව දක්නට ලැබෙන අතර, ගර්භණීන් හා මල්වර අවස්ථාවේ සිටින ගැහැණු දරුවන් අතර මෙම අවස්ථාව බහුලව වාර්තා වේ.
T3 හා T4 හෝර්මෝන ප්‍රශස්ත මට්ටමට වඩා ඉහළ යාම සහ TSH හෝර්මෝන මට්ටම පහළ අගයක් ගැනීම නිසා රුධිරගත තයිරොක්සීන් හෝර්මෝන මට්ටම වැඩි අගයක් ගැනීම Hyperthiroidism රෝගී අවස්ථාවයි.
ප්‍රධාන රෝග ලක්ෂණ :-
• සිරුරේ උෂ්ණත්වය අධික වීම/ උණ ස්වභාවය
• අවිවේකී බව, ක්‍රියාශීලී බව වැඩි වීම
• ශරීරයේ දුර්වල බව, අධික මහන්සිය
• කුසගිනි අධික බව, අධික පිපාසය
• නිතර දහඩිය දැමීම
• සිරුරේ බර අඩු වීම
• මානසික ආතතිය
• නිතර බඩ බුරුල්ව මල පහ පිටවීම
• අත් පා වෙව්ලීම, උණුසුම දරාගත නොහැකි වීම
• නින්දට බාධා වීම
• අධිකව කෙස් ගැලවී යාම
• හෘද ස්ඵන්දන වේගය තමාටම දැනීම/ හෘද ස්ඵන්දන වේගය වැඩිවීම
• හුස්ම ගැනීමේ අපහසුව
• ඔසප් චක්‍රය ආශ්‍රිත ගැටලු
• ඇතැම්විට ඇස් ඉදිරියට නෙරා ඒම (Exopthalamus)
තයිරොක්සීන් හෝර්මෝනයේ ඌනතාවය නිසා ඇතිවන Hypothyroidism අවස්ථාවේදී රෝග ලක්ෂණ:-
• ඇඟපත වෙහෙස
• සිරුරේ බර වැඩිවීම
• සමේ වියළි බව ඇතිවීම
• දහඩිය දැමීම අඩුවීම
• පාණ්ඩු ස්වභාවය
• මලබද්ධය නිතර ඇතිවීම
• කම්මැලි කම, නිතර නිදිමත දැනීම
• ආහාර අරුචිය
• මුහුණ ඉදිමීම
• හෘද ස්ඵන්දනය අඩු වීම
• නියපොතු කැඩී යාම
• මාංශපේශී වේදනාව
• ඔසප් චක්‍රයේ අක්‍රමිකතා, අධික ආර්තවහරණය
• ශීතල දරා ගැනීමට අපහසු වීම
ගලගණ්ඩය (goiter) යන රෝග අවස්ථාවේදී තයිරොයිඩ් ග්‍රන්ථියේ ඉදිමීම ප්‍රධාන රෝග ලක්ෂණය වේ.
ගෙල ඉදිරිපස නෙරීම සහිත ඉදිමීම (මෙම ඉදිමුම බෙල්ලේ බාහිරට මෙන්ම අභ්‍යන්තරයට සිදුවන අවස්ථා දක්නට ලැබේ), ආහාර ගිලීමේ අපහසුව, කටහඬ වෙනස් වීම හා හුස්ම ගැනීමේ අපහසුව ( ඉදිමුම මගින් ශ්වාස නාලය තෙරපීමට ලක්වන බැවින් රාත්‍රී නින්දේ දී හුස්ම ගැනීමේ අපහසුතාව ඇති වේ).
මීට අමතරව, තයිරොයිඩ් ග්‍රන්ථියේ ව්‍යුහාත්මක වෙනස්කම් ලෙස,
– Solitary nodule goiter (තයිරොයිඩ් ග්‍රන්ථියේ එක් ගැටිත්තක් සහිත අවස්ථාව)
– Multi noduler goiter (ගැටිති කීපයක් සහිත අවස්ථාව)
– Diffuse smooth goiter (සම්පූර්ණ ග්‍රන්ථියම විශාල වීම හා මෘදු ස්වභාවයක් පැවතීම) දක්නට ලැබේ.
රුධිර පරීක්ෂණ මඟින් Thyroid profile පරීක්ෂා කිරීම, FNAC (Fine needle aspiration cytology) පරීක්ෂණ හා ස්කෑන් පරීක්ෂණ මඟින් රෝගී තත්ත්වය නිවැරදි ලෙස විනිශ්චය කිරීම ඉතා වැදගත් වන අතර ඉහත සඳහන් රෝග ලක්ෂණ කල්තියා හඳුනා ගැනීම තුලින් ප්‍රතිකාර සඳහා යොමු වීම රෝගීන් විසින් සිදු කල යුතු ය.
බටහිර වෛද්‍ය ප්‍රතිකාරයට අනුව හෝර්මෝනමය ගැටලු සඳහා හෝර්මෝන පෙති ලබා දීමත් එම මාත්‍රාව දිනපතා භාවිතයට උපදෙස් ලබා දෙන අතර ග්‍රන්ථියේ පිළිකාමය අවස්ථාවන් සඳහා විකිරණශීලී අයඩින් භාවිතා කර සෛල විනාශ කිරීම මඟින් ප්‍රතිකාර සිදු කෙරේ.
ආයුර්වේද වෛද්‍ය විද්‍යාවට අනුව ඉහත රෝග අවස්ථාවන් සඳහා නිදාන පරිවර්ජනය, සංශෝධන, සංශමන හා රසායන චිකිත්සා ප්‍රතිකාර අනුගමනය කරනු ලැබේ.
ආහාර නියමාකාරයෙන් දිරවීමට හා ක්‍රමවත් අවශෝෂණයට ඉඩ සලසමින් සිරුරේ පෝෂණය නිසි පරිදි පවත්වා ගැනීමට හෝර්මෝන යාන්ත්‍රණය නිවැරදි කිරීමට මූලික අවධානය ලබාදීම ද ප්‍රතිකාරයේ දී විශේෂිත වේ.
මේ සඳහා පිත ප්‍රධාන ශාරීරික දෝෂ නිවැරදි කිරීම සිදු කෙරේ.
කුසගින්න හා ආහාර දිරවීමේ හැකියාව නිවැරදි මට්ටමේ පවත්වා ගැනීමට සුදුසු ආහාර, පාන, කෂාය, ගුලි, කල්ක, චූර්ණ ඖෂධ නිර්දේශය මෙන්ම, පංච කර්ම ප්‍රතිකාර ලෙස වමන, විරේචන, නස්‍ය, වස්ති, රක්තමෝක්ෂණ ප්‍රතිකාර අඩංගු චිකිත්සා පද්ධතියක් වෛද්‍යවරුන් විසින් නිර්දේශ කරනු ලැබේ.
දුම් ඇල්ලීම වැනි ස්වේද ප්‍රතිකාර මෙන් ඖෂධීය ධූම පාන, උද්වර්තන, ශිරෝධාරා හා ප්‍රලේප ආලේපනය වැනි විශේෂිත ආයුර්වේද ප්‍රතිකාර ක්‍රම බාහිර ප්‍රතිකාර ලෙස උපයෝගී කරගන්නා අතර ගුගුල් ඖෂධ වන කංචනාර ගුග්ගුලු හා ත්‍රිඵලා ගුග්ගුලු කොබෝනීල පොතු තැම්බූ වතුරෙන් ප්‍රයෝගය චිකිත්සාවේ සාර්ථක ප්‍රතිඵල ගෙන දේ.
Hyperthyroidism තත්ත්වයේදී ඝෘත වර්ග මගින් තර්පණයත්, Hypothyroidism අවස්ථාවේදී ලේඛන ප්‍රතිකාර යොදා ගැනීමත්, පිටියුටරි ග්‍රන්ථිය උත්තේජනයට රසායන යෝග භාවිතයත් විශේෂිත ආයුර්වේද වෛද්‍ය ප්‍රතිකාර අතර වේ.
එමෙන්ම අතිස්ථෞල්‍ය, ඔසප් අක්‍රමිකතා වැනි රෝගී සංකූලතා හඳුනා ගැනීමෙන් පසු ලාක්ෂණික චිකිත්සාවන් අනුගමනය කිරීමද වෛද්‍යවරු විසින් යුක්ති යුක්තව සිදු කරනු ලැබේ.
සුදුසු ආහාර:-
තයිරොක්සීන් ඌනතාවයේදී,
– අයඩින් මිශ්‍රිත ලුණු ආහාරයට ගැනීම.
– මුහුදු මාළු, සාලයන්, හුරුල්ලන්, හාල්මැස්සන් ආහාරයට ගැනීම.
– ඉඟුරු, ගම්මිරිස්, තිප්පිලි, කොල්ලු, සුදුළූණු වැනි කුළුබඩු වර්ග ආහාර සඳහා එක් කර ගැනීම.
– දන්දිල අල, මුකුණුවැන්න, ගොටුකොළ, වට්ටක්කා, බීට්, කැරට්, කොමඩු, නෙල්ලි, නොපිසූ සලාද වර්ග ආහාරයට ගැනීම.
– නැවුම් එලවළු, පලතුරු ආහාරයට එක් කර ගැනීම.
තයිරොක්සීන් මට්ටම වැඩි Hyperthyroidism අවස්ථාවේදී බාර්ලි, ගිතෙල්, මුං ඇට, එළකිරි ආහාරයට ගැනීම.
නුසුදුසු ආහාර:-
– ක්ෂණික, කෘත්‍රිම ආහාර, දිරවීමට අපහසු මස්, මාංශ, මීකිරි වැඩි වශයෙන් ආහාරයට ගැනීම.
– අධික ලුණු අඩංගු, තෙල් දැමූ ආහාර බහුලව ආහාරයට ගැනීම.
– උෂ්ණ ආහාර වර්ග නිතර ආහාරයට එක් කර ගැනීම.
– ගෝවා, රාබු, නෝකෝල් ආහාරයට ගැනීම.
එමෙන්ම මද්‍ය පානය, දුම්පානය නුසුදුසු වන අතර, භාවනා කිරීම, යෝග අභ්‍යාස, විවේකය හා මානසික සහනය රෝගයෙන් මිදීමට බෙහෙවින් ඉවහල් වේ.
තව ද පවුල් ඉතිහාසයේ තයිරොයිඩ් ග්‍රන්ථිය ආශ්‍රිත ගැටලු පවතී නම් රෝගය පිලිබඳ අවදානයෙන් සිටීම ඉතා වැදගත් වේ.
තෙහෙට්ටුව අධිකව දැනීම, දිවා කාලයේ ශක්තියක් නොමැති වීම, දිවා නින්දක් හෝ විවේකයක් නොමැතිව දෛනික කටයුතු කරගැනීමට නොහැකි වීම, රාත්‍රියට නින්ද නොයාමේ අපහසුතා හට ගැනීම, ශරීර බරෙහි හදිසි වෙනස්වීම, මානසික අවපීඩන තත්ත්ව, ශීතල හා උණුසුම් බව දැනීමේ වෙනස්කම් ඇතිවීම, ඔසප් ගැටලු, හිසකෙස් අධිකව ගැලවී යාම, කටහඬ හදිසියේ වෙනස් වීම, නින්දෙන් ගෙරවීම වැනි ලක්ෂණ පවතීනම් සුදුසුකම් ලත් වෛද්‍යවරයෙක් වෙත ගොස් කල්තියා පරීක්ෂා කරගැනීම සුදුසු වේ.
නිසි ප්‍රතිකාර ලබා ගැනීමෙන් අතුරු ආබාධ වලින් තොරව ශල්‍ය කර්ම වලට යොමු නොවී දීර්ඝ කාලීන ඖෂධ භාවිතයෙන් තොර ප්‍රතිකාර ලබා ගැනීමේ රෝග අවස්ථාවක් ලෙස ආයුර්වේද වෛද්‍ය විද්‍යාව තුල සඳහන් රෝග අවස්ථාවකි. එ බැවින් රෝග ලක්ෂණ හටගත් මුල්ම අවස්ථාවේ ප්‍රතිකාර සඳහා යොමුවීම තුලින් සාර්ථක ප්‍රතිඵල ලබා ගත හැක.
වෛද්‍ය නාලිකා හංසිනී ජයතිලක
BAMS – Colombo (SL)
මේ කොයි යන්නේ?
“පුතේ, පාඩම් වැඩ ටික විතරනෙ ඔයාට කරන්න තියෙන්නේ.. ඒ ටික හරියට කරන්න. අනිත් වැඩ ඔක්කොම අපි කරලා දෙන්නම්”
මෙන්න මේ පණිවිඩය හැදෙන වැඩෙන දරුවකුගේ මනසට අනවශ්‍ය ලෙස කාවද්දන්න එපා කියන ආදරණීය ආයචනයත් එක්ක අද දවසේ ලිපියට අවතීර්ණ වෙන්න හිතුවා.
අධ්‍යාපනය දරුවකුගේ ජීවිතය තුළ ඉතාම ප්‍රබල භුමිකාවක් නිරූපණය කරනවා. ඒ පිළිබඳව කිසිදු තර්කයක් නැහැ. නමුත් එතැනින් එහාට අධ්‍යාපනයට නොදෙවෙනිව දරුවාගේ පෞරුෂය වර්ධනයට හා ආකල්පමය සංවර්ධනයට අවශ්‍ය බොහොමයක් මෙවලම් සැපයීම සිදුවන්නේ දරුවා ජීවත් වන පරිසරයෙන්.
කුඩා අවදියේ සිටම ආත්මාභිමානය, ආත්මශක්තිය, සුබවාදී චින්තනය, අන්‍යෝන්‍ය ගරුත්වය, ස්වාධීනත්වය යනාදී මනුෂ්‍ය පැවැත්මට බෙහෙවින් ඉවහල් වන සාධක පිළිබඳ යම් සංවේදනයක් දරුවා තුළ ඇතිකිරීමට මෙන්ම, එකී සාධක වර්ධනය කරගැනීමට දරුවාට සහයවීම දෙමව්පියන් ප්‍රමුඛ සෑම වැඩිහිටියකුගේම සමාජයීය හා කාලීන වගකීමක් ලෙස මා දකිනවා.
දෛනික ක්‍රියාවලිය තුළ කිසිදු පෙර සූදානමක් නැතිව දරුවකුට අධ්‍යාපනිකව මෙන්ම ආකල්පමය වශයෙන්ද සාර්ථක පුද්ගලයකු වීමට ඔබට සහය විය හැකි අවස්ථාව බොහොමයි. අවශ්‍ය වන්නේ එම අවස්ථාවන් හඳුනා ගැනීම හා ක්‍රියාත්මක කිරීමයි.
තවත් කෙනෙකුට ඒ පුද්ගලයාගේ යම් අපහසුතාවක් මත දිගු පෝළිමක මැදින් ඉඩක් පිරිනමන්නේත්‍, වීදියක අයාලේ යන සතෙකුට කෑමට යමක් පිළිගන්වන්නේත්‍, වෙනත් පුද්ගලයකුගේ විපතකදී කම්පා වන්නේත් එක්තරා වකවානුවක දරුවෙක් ලෙස බිහිවී මා ඉහත කී සාධක අවශෝෂණය කරගනිමින් දැඩිවුණු වැඩිහිටියෙක්. වෙනසකට ඇත්තේ ඔහු හෝ ඇය විසින් අධ්‍යාපනයට අමතරව හෝ කිසිදු අධ්‍යාපන පසුබිමක් නොමැතිව වුවද ජීවත් වීමට අවශ්‍ය කලාව ප්‍රගුණ කර තිබීමයි.
තමන්ගේ කෑම පිඟාන පිරිසිදු කිරීමේ සිට හැකි සෑම අවස්ථාවකම තමා වෙනුවෙන් පෙනී සිටීමට හා ක්‍රියාත්මක වීමටත්‍, එම ක්‍රමවේදයම පෙරළා තවත් කෙනෙකු වෙනුවෙන් කැපකිරීමට ඉදිරිපත් වීමත් දක්වා දරුකුගේ චින්තනය ඔපමට්ටම් කල හැක්කේ වැඩි වශයෙන් දෙමව්පියන්හටයි. මේ කවර අවස්ථාවකදීවත්‍, තමාගේ ස්ත්‍රී පුරුෂභාවය ඊට බාධකයක් හෝ නිදහසට කරුණක් නොකරගැනීමට තරම් ඔබේ දරුවා සරල, සාධාරණ පුද්ගලයකු විය යුතුයි.
මුළුතැන් ගෙය සහ දරුවන් කාන්තාවටත්‍, ඉස්තෝප්පුව සහ කුටුම්බ ආදායම ඉපයීම පිරිමියාටත් තනි භුක්තියට කොටුකරන රාමු නිර්මාණය වීම වැළැක්විය හැක්කේ වැඩිහිටියන් වන අපටයි.
ඉතින් මතුරැකෙනා ශිල්ප උගත්‍, වියත් වැඩිහිටියකු තුළ, මානවහිතවාදියකු, නිර්මාණකරුවකු, තවත් අයෙක් සුවපත් කරන්නකු, සංවේදී මිනිසකු තැනීමේ ආදරණීය වගකීම අපි නොපමාව ඉටුකරමු. හැම අතින්ම නිවැරදි ඉසව්වට දරුවන් යොමු කරමු.
දිමුතු සේනාදි
Pan Fried Cauliflower Steak (Fusion Style)
ලොවක් මවිත කෙරූ කිඳුරු ප්‍රවාද
ල ොවක් මවිත ලෙරූ කිඳුරු ප්‍රවොද
මිනිසා අතීතයේ සිටම විවිධ මිථ්‍යා සත්වයෙන් පිළිබඳ කුතුහලයෙන් පසු වී ඇත.ඒ අතර දිෙ කිඳුරු
ප්‍රවාදෙන්ට හිමි වන්යන් සුවියශේෂී අවධානෙකි.දිෙ කිඳුරන් ෙනු ශරීරයෙන් උඩ ය ාටස මිනිසේ
සේවරූපෙක් ද,ශරීරයෙන් ෙට ය ාටස මත්සය සේවරූපෙක් ද ගන්නා මිථ්‍යා සත්වයෙකි.දිෙ කිඳුරන් පිළිබඳ
විවිධ වූ ප්‍රවාදෙන් පවතියි.
ග්‍රී මිථ්‍යා තාවල සයිරන් නම් දිෙ කිඳුරිෙක් පිළිබඳ දැක්යේ. සයිරන් ග්‍රී යේවතාවිෙක් වන අතර
ඇතැම් තැන්වල ඇෙ මුහුදු සත්වයෙකු යලස හැදින්යේ.බටහිර දිෙ කිඳුරු ප්‍රවාද තාවල ආරම්භෙ යලසද
ඇෙව හැඳින්විෙ හැකිෙ.
ජනප්‍රවාදවල සඳහන් වන අන්දමට ඇෙ තමන්යේ දූපත අසලින් ගමන් රන නැේවල නැවිෙන්ව
තමන්යේ සංගීතයෙන් වශී රවායගන ,ගල්පර වලින් වට වූ තමායේ දූපතට ඔවුන්යේ නැව
යගන්වායගන නැව මුහුදුබත් රයි.මිථ්‍යා තා වලට අනුව ඇෙයේ සංගීතයෙන් කිසියවකුට යේරී සිටිෙ
යනාහැකිෙ.ඇෙයේ සංගීත භාණ්ඩෙ වන්යන වීණාව වන අතර එම වීණා හඬට සවන් යදන නැවිෙන්
යමෝහනෙ වන බව පැවයසේ.
ඇෙයේ හැඩ රුව දිෙ කිඳුරිෙ ට සමාන වන අතර ග්‍රී සිතුවම් තුළ ඇෙ අර්ධ ගැහැණු හා අර්ධ
පක්ියෙකුයේ ලක්ෂණවලින් යුත් පක්ෂෙකු යලස දක්වා තියේ. පසු ාලීනව ඇෙයේ ඉයනන් ඉහළ
ය ාටස ාන්තාව යලසත් , පහළ ය ාටස මත්සය සේවරූපයෙන් සිත්තම් ර ඇත.
මූලාශ්‍රවලට අනුව සයිරන් සිටින්යන් ගල්කුළුවලින් පිරුණු දූපත වන අතර එම දූපත මිනී ඇට ටු වලින්
පිරී ඇත.ෙයමක් ඇෙයගන් යේරී පලා ගිෙයහාත් ඇෙ සිෙදිවී නසා ගන්නා බවද කිෙයේ.
එයමන්ම චීනයේ ද දිෙ කිඳුරිෙන් පිළිබඳ විවිධ මිථ්‍යා මත ඇත.චීන ජාති ෙන් දිෙ කිඳුරිෙන් විවාහ ර
ගැනීම අ ාලයේ මිෙ ොමක් බව විශේවාස රති.චීන ජන තා වලට අනුව දිෙ කිඳුරිෙන් ඉතාමත් සුන්දර
ාන්තාවන් බවත්, යමම යහේතුව නිසා මුහුයේ ගමන් ගන්නා ධීවරෙන් විවිධ මාො ර්ම රමින් දිෙ
කිඳුරිෙන් වසඟ ර ඔවුන් සමඟ විවාහ වී අ ාලයේ මිෙගිෙ බවත් එම ජන තාවල දැක්යේ.චීන
ධීවරයෙෝ අදටත් මුහුදු ොමට යපර පහනක් දල්වා තමන්ව යමම කිඳුරු ශාපයෙන් යේරගන්නා යලසට
යදවිෙන්ට ොඥා රති.
මීට අමතරව රුසිොනු ජනප්‍රවාදයේ රුසල් ා නම් දිෙ කිඳුරිෙක් පිළිබඳව කිෙයේ.මිථ්‍යා තාවලට අනුව
රුසල් ා ඉතා රූමත් ෙ. දීප්තතිමත් දුඹුරු ඇසේ සහ සිහින් සිරුරක් ඇෙ සතුෙ.ඇෙ තරුණිෙක්ව සිටිෙදී
ඇෙයේ විවාහෙට යපර මරා දමන ලද බවත්,එම යරෝධෙ නිසා ඇෙ විල දිෙ කිඳුරිෙක් වී එම විල
අසලින් ෙන මිනිසුන්ව මිහිරි ගීත ගො, වසඟ ර මරා දමන බවත් කිෙැයේ.එයමන්ම ඇෙට මිනිසේ යවසේ
ගැනීයම් හැකිොවද ඇත.
යමයලස විවිධ මිථ්‍යා මත දිෙ කිඳුරිෙන් ගැන සඳහන් වන නමුත් ඔවුන් පිළිබද පැහැදිලි සාක්ිෙක්
තවමත් යසාොයගන නැත.
සටහන- පියුමි යනළුමි ා
ශ්‍රී ජෙවර්ධනපුර විශේවවිදයාලෙ
මහ බ්‍රිතාන්‍යයේ ජය කෙහෙලි නංවන ශ්‍රී ලාංකික ක්‍රිකට් කණ්ඩායම
මහ බ්‍රිතාන්‍යයේ ජය කෙහෙලි නංවන ශ්‍රී ලාංකික ක්‍රිකට් කණ්ඩායම –
Serendib Lions
ලෝක ක්‍රිකට් වංශ කථාවේ මහගෙදර ලෙස සැලකෙන එංගලන්තය ඇතුලු මහා බ්‍රිතාන්‍යයේ එදා මෙන්ම අදටත් ක්‍රිකට් ක්‍රීඩකයන්ගේ මෙන්ම ප්‍රේක්ෂකයන්ගේ ක්‍රිකට් වෙනුවෙන් ඇති උනන්දුව නොවෙනස්ව අදටත් දකින්නට පුලුවන්. ජාතික මට්ටමට පමනක් සීමා නොවී බ්‍රිතාන්‍ය පුරා එංගලන්ත ක්‍රිකට් පාලක මණ්ඩලයට අනුබද්ධව පලාත් මට්ටමින් , ක්‍රීඩා සමාජ මට්ටමින් තරගාවලි රැසක් පැවැත්වෙනවා. මෙම තරගාවලි සදහා දක්ෂ ශ්‍රී ලාංකික ක්‍රීඩකයන් සිය දක්ෂතා නිරන්තරයෙන්ම එක් කරනු ලබනවා. ලෝක ක්‍රිකට් සන්නාමයක් වූ කුමාර සංගක්කාර 2024 වසරේ Shillingstone ක්‍රිකට් කණ්ඩායම නියෝජනය කරමින් Dorset League county Division තරගාවලිය නියෝජනය කරනු ලැබුවා.
මෙලෙස ශ්‍රී ලාංකිකයන් ක්‍රීඩා කරන බ්‍රිතාන්‍යයේ ක්‍රිකට් ක්‍රීඩා සමාජ මෙන්ම ශ්‍රී ලාංකිකයන් පමණක්ම ක්‍රීඩා කරන ක්‍රිකට් කණ්ඩායම් රැසක් බ්‍රිතාන්‍යයේදී දැක ගන්නට පුලුවන් . අද අපි ඔබට හදුන්වා දෙන්නේ ඒ අතරට 2024 වසරේ එක්වූ නවතම ක්‍රිකට් ක්‍රීඩා සමාජයයි. ඒ මෙවර South East Wales Cricket League Division 13 Champions 2024 කිරුල හිමිකර ගත් Serendib Lions ක්‍රිකට් ක්‍රීඩා සමාජයයි.
ගයාන් මහවත්ත ගේ නිර්මාතෘත්වයෙන් සහ සාගර ලියනගේ , තාරක සදරුවන් ගේ මූලිකත්වයෙන් 2024 ජනවාරියේදී ආරම්භ කල Serendib Lions කණ්ඩායම නිර්මාණය වීමේ මූලික අරමුණ වී තිබුනේ මවු බිමෙන් ඈත්ව බ්‍රිතාන්‍යයේ තරගකාරී ජීවන රටාවෙන් වෙහෙසට පත් , ක්‍රිකට් ක්‍රීඩාවට ආදරය කරන ශ්‍රී ලාංකික මිතුරන්ට එක්ව ක්‍රිකට් ක්‍රීඩාව තුල වූ සතුට සොම්නස බෙදා ගැනීමයි.
2024 වසරේ නිමාවූ South East Wales Cricket League Division 13W Champions 2024 ජයග්‍රාහකයින් ලෙස සිය මංගල තරග වාරය ඉතිහාසයට එක් කල කිරි කෝඩු Serendib Lions සිංහයන් එම කිරුල හිමි කර ගන්නේ වේල්සයේ ඉතා පැරණි , ශක්තිමත් , දක්ශ , පලපුරුදු මෙන්ම නම් දැරූ බ්‍රිතාන්‍යයේ දේශීය ක්‍රීඩකයන්ගේ කණ්ඩායම් 10ක් සමග කරට කර තරග වදිමින් සියලු තරග ජයගත් අපරාජිත කණඩායම ලෙස වීම අති විශේෂ සිදුවීමකි. එය ශ්‍රී ලාංකික නාමය බ්‍ර්තාන්‍යයේ ක්‍රිකට් ක්‍රීඩා සමාජ ඉතිහාසයේ සටහන් කල මතකයක් වනු ඇත.
ජයග්‍රාහී ලෙස 2024 වසර නිම කල Serendib Lions ක්‍රීඩා සමාජයේ වාර්ෂික සම්මාන උළෙල සහ සුහද හමුව පසුගිය ඔක්තෝබර් 20 වෙනිදා කාඩිෆ් නගරයේ Radisson Blu හෝටල් පරිශ්‍රයේදී පවත්වන ලදී. ක්‍රීඩකයන් සහ ඔවුන්ගේ පවුල් වල සාමාජිකයන්ගේ සහභාගිත්වයෙන් පැවති මෙම උත්කර්ෂවත් රාත්‍රිය ශාන් පෙරේරාගේ DJ සංගීතයෙන් රසවත් වුනා. පිත්තෙන් සහ පන්දුවෙන් දස්කම් පෑ ක්‍රීඩකයන් සම්මානයෙන් පිදුම් ලැබූ අතර හොදම පිතිකරුවන් ලෙස ප්‍රථම ස්ථානය – ශෂී බණ්ඩාර , දෙවන ස්ථානය – සුරංග මහවත්ත , තෙවන ස්ථානය – තාරක සදරුවන් ටත් හිමිවුනා . හොදම පන්දු යවන්නන් ලෙස ප්‍රථම ස්ථානය ක්‍රිස්ටියන් E.S. පෙරේරා , දෙවන ස්ථානය – රාහුල් දොන් ලියනගේ , තෙවන ස්ථානය – දම්මික ගමගේ ටත් හිමිවුනා.
Serendib Lions ක්‍රිකට් ක්‍රීඩා සමාජයේ සාර්ථකත්වයට ශක්තියක් වෙමින් ප්‍රදාන අනුග්‍රාහකත්වය ලබා දෙන්නේ Universal Retail Group ( Mr.Suresh Edirimuni ) සමාගමයි. එමෙන්ම සම්මාන රාත්‍රිය වෙනුවෙන් Sagara Service Centre ( Mr.Sagara Don Liyanage ) සහ Owl Financial ( Mr. Indika Pathiraja ) අනුග්‍රාහකත්වය ලබා දෙන ලදී.
ශ්‍රී ලාංකික නාමය හිරු නොබසින දේශයේ ක්‍රිකට් ක්‍රීඩාව තුල ජයග්‍රාහී ලෙස සටහන් කරන්නට ඉදිරියේදීත් ශක්තිය ලැබේවා යයි Serendib Lions ක්‍රිකට් ක්‍රීඩා සමාජයට අපි ප්‍රාර්ථනා කරමු.
ත්‍රීමාලී Biggest Awards Ceramony 2024
ප්‍රවීණ කලාකරුවන් රැසකගේ සහභාගීත්වයෙන් පැවැත්වෙන වසරේ දැවැන්තම සම්මාන රාත්‍රිය
ත්‍රීමාලී Biggest Awards Ceramony 2024
2019 වර්ෂයේ ආරම්භ කරනු ලැබූ ත්‍රීමාලී Biggest Awards Ceremony මෙවරත් අති උත්කර්ෂවත් අන්දමින් මේ දිනවල සංවිධාන කටයුතුවල නිරත වෙමින් පවතිනවා. 2019 වසරේ Bridal Show විතරයි තිබුණේ. 2019 අවුරුද්දේ ත්‍රීමාලී Biggest Awards Ceremony එක විතරයි විවාහ ක්ෂේත්‍රයන් සහ වෙනත් ක්ෂේත්‍රයන් උදෙසා ඔවුන්ගේ ව්‍යාපාර වලට නිසි ඇගයීමක් සහ වටිනාකමක් ලබාදුන්නේ. මෙම සම්මාන උළෙල තෙවසරක්ම ත්‍රිකුණාමලය දිස්ත්‍රික්කයේ ප්‍රධාන හෝටල් පරිශ්‍රයක පැවැත් වූ අතර මෙවර 2024 වසරේ මට අවශ්‍ය කර තිබුණා එම සම්මාන උළෙල කොළඹ දිස්ත්‍රික්කයට ගෙන එන්නට. එම තීරණයේ ප්‍රතිඵලයක් ලෙස ශ්‍රී ලංකා පදනම් ආයතනයේ ශ්‍රවණාගාරයේදී ත්‍රීමාලී Biggest Awards Ceremony 2024 පැවැත්වීමට සියලුම කටයුතු සූදානම් කර අවසන් වී තිබෙනවා.
විශේෂයෙන්ම සඳහන් කරන්න ඕනේ, ශ්‍රී ලංකාවේ සම්මාන සහ ඇගයීම් ලැබෙන්නේ හැමදාම එකම කෙනාටයි. මට අවශ්‍ය කර තිබුණා, එතනින් එහාට ගිහින් හැමෝම කරන දේවල් නොකර, සුදුස්සන්ට සුදුසු තැන ලබා දෙන්න. ත්‍රීමාලී Biggest Awards Ceremony කියන්නේ, සුදුස්සාට සුදුසු තැන ලබාදෙන, විවාහ ක්ෂේත්‍රය තුළ සිටින දක්ෂ නවකයන් ප්‍රවීණත්වය කරා රැගෙන යන සම්මාන රාත්‍රියක් බව සඳහන් කළ යුතුයි.
මෙවර ත්‍රීමාලි Biggest Awards Ceremony හිදී සම්මානයට පාත්‍ර වන ක්ෂේත්‍රයන්….
01. Beat Photography
02. Best kandian Dresser
03. Best Hindu Dresser
04. Best Weston Dresser
05. Best Muslim Dresser
06. Best Tattoo Artist
07. Best Mehndi Artist
08. Best Nail Artist
09. Best Cake Designer
10. Best DJ
11. Best Wedding Planner
12. Best Dancing Group
13. Best Vediography
14. Best Music Band
15.Best Wedding Decorations
16. Best Nilame Dresser
17. Best Dress Designer
18. Best Groom Dress Designer
19. Best Hair Dresser
20. Best Wedding Card
21. Best Up Coming Modler
(විවාහ ක්ෂේත්‍රයේ නියැලී සිටින ප්‍රවීණයන් සඳහා)
එමෙන්ම පෙර සඳහන් කළ Top 20 ක්ෂේත්‍රයන්හි ශ්‍රී ලංකාවේ දක්ෂතම ප්‍රවීණයන් උදෙසා ප්‍රවීණත්ව විශිෂ්ටතා සම්මානයන් ලබාදීමට කටයුතු සූදානම් කර තිබේ.
තාරුණ්‍යයේ හදවත් වලට කතා කළ ආදරණීය මායාකාර හඬේහි නියමුවා… ප්‍රවීණ නිවේදක තිසංක ගමගේ සහ ඉංග්‍රීසි මාධ්‍යයෙන් ප්‍රවීණ නිවේදක කසුන්ජිත්.
* Best Media Beauty TV (Peo TV 131)
* Best Media Pinna Production
* Best Media Tharindu Welhenage
* Best Media Janith Kodikara
* Best Media Art With Eranga
* Best Photography Bee Event
* Best Digital Magazine (අපි Magazine)
* Best Digital Magazine (Pink Women’s Magazine)
* Best Digital Magazine (පිනි වර්ණ Digital Magazine)
මූල්‍යමය අනුග්‍රහයන්…..
ස්ථානය :- ශ්‍රී ලංකා පදනම් ආයතනය
දිනය :- 2024 දෙසැම්බර් මස 01 වෙනිදා
වේලාව :- සවස 04. 00 සිට රාත්‍රී 08. 00 දක්වා
ඔබ විවාහ හෝ රූපලාවන්‍ය ක්ෂේත්‍රයේ (ඉහත සඳහන් ක්ෂේත්‍ර යටතේ) සුදුසුකම් සහිත ප්‍රවීණයෙකු වීමට බලාපොරොත්තුවෙන් සිටී නම්, මේ අවස්ථාව ඔබේම කරගන්න පුළුවන්.
ත්‍රීමාලී Biggest Awards Ceremony
ත්‍රීමාලී විජේවීර (අධ්‍යක්ෂ)
071 788 13 55 (whatsapp)
077 880 98 58 (whatsapp)
