Month: February 2025

“එයා නම් හරිම දක්ෂ කෙනෙක්, හරිම කරුණාවන්ත කෙනෙක්, හරියට අනිත් අයට උදව් කරනවා…” මේ විදියට කෙනෙක් තවත් කෙනෙක් අගයනවා අපිට ඕනෑතරම් කන වැකිලා ඇති. අපිම තවත් අයව මේ වචන වලින්ම ලෝබ නැතුව අගය කරලත් ඇති. ඒ අතරවාරයේ තමන් විසින් තමාවම අගය කරලා ඇත්තේ කීයෙන් කී දෙනාද? Self Appreciation එහෙමත් නැත්නම් ස්වයං ඇගයීම හරිම බලසම්පන්න මානසික ක්‍රියාවලියක්. තවත් අතකට සාර්ථකව හිත එකාග්‍ර කරවන්නට සමත් ව්‍යායාමයක්.

තමන්ගේ ශක්ති ප්‍රමාණයෙන් දිනාගත් ඕනෑම දෙයක් ජයග්‍රහණයක්. ඒ වෙනුවෙන් තමාට තමාවම නොමඳ ඇගයීමට ලක් කරන්න පුලුවන්. තමන් පසු කරන ලද අභියෝගාත්මක අවුරුදු, කාර්තු, මාස, සති, දින වගේම තත්පර ගණන් උනත් මොනතරම් දරා ගැනීමකින් පසුකලාද කියන්නට හොඳින්ම දන්නේ තමාම පමණයි. ඉතින් ඒ ඒ අවස්ථාවන් වලදී තමන් ශක්තිමත්ව ඉදිරියට ගිය ගමන ගැන නැවතිලා මෙනෙහි කරන්න තරම් වටිනවා. ඒ තුළින් විශාල බලගැන්වීමල් අපි තුළම වෙන ආකාරය අත්දැකලාම බලන්න අවැසි දෙයක්.හිතට මොනතරම් සතුටක් ඒ තුළින් ලබන්න පුලුවන්ද? 

පාසලක හෝ රැකියා ස්ථානයක හෝ ක්‍රීඩා පිටියක හෝ වෙන යම් අවස්ථාවක, ඇගයීම වාචිකව මෙන්ම භෞතිකව ප්‍රකාශනයට පත් වෙනවා. සිහිවටනයක්, ත්‍යාගයක් එහෙමත් නැත්නම් උත්තේජනාත්මක වචන ටිකක් මේ කියන ඇගයීම සංකේතවත් කරන්නට යොදා ගන්නවා. ඉතින් තමන්ට තමන් වෙනුවෙන් මේ දේ කරන්න පුලුවන්. ඔයා ඔයාටම කතා කරන්න. අගයන්න. ඔයා වෙනුවෙන් තෑගි ගන්න. අවංකවම මේ ක්‍රියාවලියේ නිරත වෙලා බලන්න. හෙට දවසේ සාර්ථක ආරම්භයකට මේ දේම හොඳ අස්වැසිල්ලක් වෙයි.

දිමුතු

 Polish posh වෙන්නේ කොහොමද?

ඇත්තටම පොෂ් වෙන්නේ මෙහෙමයි.

පොෂ් වෙන්න උතුරන්න සල්ලි වත් නැත්තං සල්ලි තියෙන පවුලකින් පැවත එන්න වත් ඕනෙ වෙන්නේ නැහැ.පොෂ් මනුස්සයෙක් වෙනවා කියන එකෙන් අපි අදහස් කරගෙන ඉන්නේ හොඳට අඳින පල දින අලුත් ඇඳුම් පැළඳුම් භාවිතාකරන ට්‍රෙන්ඩ් එකට යන ,මිල අධික ජංගම දුරකථන යාන වාහන භාවිතා කිරීම,සහ තවත් සල්ලි වියදම් කරලා කරන්න පුළුවන් බොහෝමයක් දේවල් අපි පොෂ් විදියට දකිනවා.

මම ඒක නැහැ කියන්නේ නැහැ. නමුත් පොෂ් වෙන්න ඉහත කියපු දේවල් වගේම smart වෙන්නත් ඕනේ.

ඉතිං හරියටම පොෂ් වෙන්නේේ කොහොමද?

1.උගත්කම

විශේෂයෙන්ම උගත්කම පොෂ් මනුස්සයෙක්ට සම්බන්ධ වෙන්නම ඕන දෙයක්.ඔබ විශේෂයෙන් දැකලා ඇති ගොඩාක් අය හොඳට ඇඳුම් පැළඳුම් ඇඳලා ගොඩක් expensive දේවල් භාවිතා කරනවා. නමුත් සමහර වෙලාවට ඔවුන්ගේ වචන හසුරන්නවත් ඔවුන් දන්නේ නැහැ. එතනට බලපාලා තියෙන සාධකය තමයි  අපි දැන් කතා කරන උගත්කම.

ඒ නිසා අනිවාර්යෙන් මනුස්සයෙක් පොෂ්ද නැද්ද කියලා දැනගන්න  උගත්කමත් එක හේතුවක් වෙනවා. විශේෂයෙන්ම ඇසූ පිරූ තැන් තියෙන අවශ්‍ය වෙලාවෙදි අවශ්‍ය දේ කතා කරන තැනට සුදුසු නුවණ භාවිතා කරන්න පුළුවන් වීමත් මේ එක්තරා පොෂ් වීමේ ලක්ෂණයක්.

ඒ නිසා අනිවාර්යෙන් තමන් පොෂ් වෙනවා කියන්නේ තමන්ටම සරිලන education level එකක් හදාගන්න එක.

මොකද නැත්තං කොච්චර පොෂ් විදියට ඇඳලා ගියත් උගත් පිරිසක් අතරට ගිහිල්ලා කතා කරද්දි අපිට බයවෙන්න වෙනවා.

අන්න ඒ නිසා පොෂ් වෙනවනම් අනිවාර්යෙන්ම තමන්ගේ education ලෙවල් එටත් මුල් තැන දෙන්න.

2.හොඳ ආත්ම විශ්වාසයක් සහ ආකර්ෂණීය පෙනුමක්.

දැන් මෙතන ආත්ම විශ්වාසය පැත්තකින් තියමුකෝ? හොඳ පෙනුමක්ද මේ හොඳ ආකර්ශනීය පෙනුමක් කියන්නේ දැන් ඔයාලට හිතෙන්න පුළුවන් ආකර්ෂණීය පෙනුමක් කොහෙන්ද අපිට.අපි ඉතින් උපතින්ම කැත මිනිස්සුනේ.

මෙතන මං කතා කරේ ආකර්ෂණීය පෙනුම කියන්නේ ලස්සන ගැන නෙමෙයි.තමන්ගේ පර්සනලිටි එක ගැන.

තමන්ට තියෙන සම්පත් ප්‍රමාණය භාවිතා කරලා ඒවගෙන් උපරිම කොලිටියට ඉන්න මනුස්සයෙක් වෙන්නේ කොහොමද කියන එක ගැන.

සමබර ආහාර වේලක් ලබා ගැනීම ශාරීරික ව්‍යායාම ඒ වගේම තමන්ගේ කොණ්ඩය නිසියාකාරයෙන් පීරීම,හැමවිටම පිරිසිදු ඇඳුම් පැළඳුම් ඇඳීම ආකර්ශනීය පෙනුමට බලපානවා. 

ඔබේ පෙනුම කෙසේ වෙතත් ඔබ පිරිසුදුව පිළිවෙලට ඉන්න මනුස්සයෙක් වුනොත් ඔබට යන තැන බැබලෙන්න පුළුවන්.

ඒ වගේම තමන් හොඳ ආත්ම විශ්වාසයක් තියෙන්න ඕනේ තමන් ගැන හැම විටම තමන් කරන කියන දේ තමන් අඳින පළඳින විදිය ගැන තමන්ට ආත්ම විශ්වාසයක් තියෙන්න ඕනේ.කිසිම අවස්ථාවක තමන් වෙනුවෙන් තමන්ගේ ආත්ම විශ්වාසය කඩ කරගන්න එපා.අරයා කරනවට මෙයා කරනවට දේවල් කරන්න යන්නත් එපා. ඒකත් තමන්ගේ ආත්ම විශ්වාසය කඩවීමට බලපාන ලොකුම හේතුවක්.

3. fashion trends අනුගමනය කරන්න නමුත් තමන්ට ගැලපෙන විදියට.

ඇඳුම් පැළඳුම් ෆැෂන් නම් අද කාලේ වැහි වැහැලා.ගෑණු ළමයිටනම්  ඉතින් අමුතුවෙන් කියන්න ඕන නෑ නේ එන හැම ෆැෂන් එකම ට්‍රයි කරනවා.

හැබැයි ඔයා කොයිම වෙලාවකවත් එහෙම එන හැම ෆැෂන් එකම ට්‍රයි කරද්දි හිතුවද මේ මං කරන fashion එක මට ගැලපෙයිද?

ඔව්. එහෙම සමහරවිට ඔබ හිතලා නැතුව ඇති. එන හැම ප්‍රශන් එකම ට්‍රයි කරනවා ඇති. නමුත් එන හැම ෆැෂන් එකම ඔබට ට්‍රයි කරන්න ආස හිතුනත්, එය පළවෙනියට බලන්න තමන්ට ගැලපෙනවද නැද්ද කියලා.ලෝකයට ෆැෂන් එක ට්‍රෙන්ඩ් එක උනාට තමන්ට ෆැෂන් එක ගැලපෙන්නෙ නැත්නම් කිසිසේත් ඒ ෆැෂන් එක අනුගමනය කරන්න එපා.

 ට්‍රෙන්ඩ්  එකත් එක්ක යනකොට හැමවෙලේම  තමන්ට ගැලපෙන ට්‍රෙන්ඩ් එක පමණක් අනුගමනය කරන්න වග බලාගන්න.

තමන්ට fashionable ඇඳුම් තෝරා ගැනීම් සම්බන්ධව දැනුමක් නැත්නම් ඒ ගැන හොයලා බලලා කරන්න උනන්දු වෙන්න මොකද දැන් සමාජ මාධ්‍ය ගත්තොත් ගොඩක් දියුණු වෙලානේ තමන්ට ගැලපෙන විලාසිතාව තමන්ට තෝරාගන්න පුළුවන් තැනටම පත්වෙලා තියෙනවා.

ඒ නිසා හැම වෙලේම බොඩිෂේප් එකට තමන්ට තමන්ගේ ස්ටයිල් එකට ගැලපෙන ෆැෂන් ට්‍රෙන්ඩ් පමණක් අනුගමනය කරන්න.

නැත්තං පොෂ් වෙන්න යන ඔබට  අපි සරල කතාබහෙන් කියනවා වගේ ගොඩේ චරිතයක් වෙන්ඩ  යන්නේ සුළු වෙලාවක් පමණයි.

4.ඕපදූප නවත්වන්න

සමහර අවස්ථාවලදී අපි දැකලා තියෙන මිනිස්සු අතරේ ඔවුන්ට කොච්චර සල්ලි තිබ්බත් ඔවුන් කොච්චර ලස්සනට ඇන්දත් ඔවුන්ට කොච්චර යාන වාහන තිබ්බත් ඔවුන් කැමතිම තව කෙනෙක්ට ගරහන්න සහ තව කෙනෙක්ගේ ඕප දූප කතා කරන්න.

ඇත්තටම ඔබ කොච්චර පොෂ් විදිහට ඇන්දත් පැළඳුවත් කෑවත් බිව්වත් සමාජ ජීවත් වුණත්.ඔබගේ කට එහෙමත් නැත්නම් අනවශ්‍ය විදිහට ඕපදූප කීම මත ඔබගේ තත්ත්වය ඔබම විනාශ කරගන්න පුළුවන්.

අපි අහලා තියෙන කියමනක් තියෙනවා mind your own bussiness කියලා .ඉතින් පොෂ් වෙන්න බලපාන ප්‍රධාන සාධකයක් තමයි මේ. හැමවෙලේම තමුන්ගෙ රාජකාරිය පමණක් හොයාගන්න පුද්ගලයාට අනිත් අයගේ ඒවා හොයන්න වෙලාවක් නැහැ.

නමුත් හැම වෙලේම අනුන්ගේ ඒව හොයන පුද්ගලයාට තමුන් ගැන හොයන්න වෙලාවක් නැහැ. සමහර වෙලාවට ඔවුන්ට ඔවුන්ගේ පවුල් ජීවිතය තමන්ගේ පර්සනල් ලයිෆ් එක පවා අවුල් වෙන්න ඉඩකඩ ඉතා වැඩි. ඉතින් පොෂ්මනුස්සයෙක් වෙන්න තියා තමන්ගේ ජීවිතයේ ජීවත් වෙන්නේ කොහොමද කියලවත් මේ මිනිස්සුන්ටනම් තේරුම් ගන්න ගොඩක් අමාරුයි.

ඉතින් පොෂ් මනුස්සයෙක් වෙන්න නම් අනිවාර්යයෙන්ම ඕපදූප වලින් බැහැරවෙන්න.

5.ආචාරශීලී මනුස්සයෙක් වෙන්න.

අද කාලේ ගොඩක් දෙනෙක් ආචාරශීලී වෙන්න ඕන කියන එක ඒ තරම් හිතන්නෙ නෑ. හැබැයි ඇත්තටම පොෂ් ස්මාර්ට් මනුස්සයෙක් දන්නවා ආචාරශීලී වීමේ වැදගත්කම.  තමන්ට දෙයක් කරලා දෙන, තමන්ට බඩුවක් විකුණන, තමන්ට සේවාවක් සපයන කෙනෙක්ට ස්තුතියි කියන එක කියන්න ලැජ්ජ වෙන්න ඔනේ නැහැ . ඒ විතරක් නෙවෙයි, පොෂ් මනුස්සයෙක් හැසිරෙන විදියේ ඉඳලා කථාබහ කරන දේවල් දක්වා ඒ ආචාරශීලීත්වය තියෙනවා.

6.සමාජ මාධ්‍ය භාවිතය

මනුස්සයෙක් පොෂ් ද නැත්තම් අමු ගොඩේ ද කියලා හිතාගන්න පුළුවන් අලුත්ම සහ ලේසිම මිනුම් දණ්ඩ තමයි එයාගේ සෝෂල් මීඩියා භාවිතය.

 විනෝදකාමී දේවල් රසකාමී දේවල්  වගේ ගොඩාක් දේවල් මිනිස්සු මේ සමාජ මාධ්‍ය තුළ ප්‍රචාරය කරනවා.

නමුත් මේ ප්‍රචාරය කරන දේවල් අතරින් දුක මාකට් කිරීම තමයි ප්‍රධාන වශයෙන්ම නරක පුරුද්ද.ඉතින් ඔබට හරියටම පොෂ් වෙන්න ඕනනම්  මේ සමාජ මාධ්‍ය තුළ දුක මාකට් කරන එකත් නවත්තන්න වෙනවා.

තමන්ගේ පෞද්ගලික කරුණු කාරණා සමාජ මාධ්‍ය තුළ ප්‍රචාරය කිරීම සම්පූර්ණ වරදක්. ඒකෙන් ඔබේ පෞද්ගලික දේවල් රටට ලෝකෙට වගේම ඔබ ගැන යම් අප්‍රසන්න හැඟීමක් මිනිසුන්ට දනවන්න පුළුවන්.ඉතින් හැම වෙලේම තමන් තමන්ගේ ශෝශල් මීඩියා තුළ ශෙයා කරන දේවල් මොනවද කියලා දැනගෙන ශෙයා කරන්න කටයුතු කරන්න. එහෙම නැති වුනොත් ඔබ කොච්චර හොඳට ඇඳ පැළඳලා පොෂ් විදිහට ජීවත් වෙන්න  try කරත් ඔබ මේ ශෙයා කරන දේවල් තුලින් ඔබ ගොඩේ ජීවියෙකු බවට පත්වෙනවා නිසැකයි.

ඉතින් පොෂ් වෙනවා කියන්නේ එච්චර අමාරු දෙයක් නෙමේ. අපි මේ කතා කරපු ඉහත කරුණු කාරණා ටික නිසියාකාරයෙන් පිළිපදිනවා නම් පොෂ් මනුස්සයෙක් වෙන එක ඉතාම ලේසි දෙයක්. ඉතින් ඇඳුමෙන් ඇඳුමෙන් පැළඳුමෙන් එක්ස්පෙන්සිව් දේවල් භාවිතා කිරීමෙන් කොටින්ම  කිව්වොත් ඇපල් ෆෝන් වගේ දේවල් භාවිතා  කිරීමෙනුත් තමුන්ට පෝෂ් වෙන්න බෑ කියලා දැන් ඔබට තේරෙනවා ඇති.ඉතින් පොෂ් වෙන්න ඒ දේවල් විතරක්ම මදි.අපි ඉහත කතා කරපු කාරණා කිහිපයත් අපිට පොෂ් වෙන්න අවශ්‍ය වෙනවා.

ඒ නිසා ඒ කරුණු ටිකත් ඔබේ ජීවිතයට එකතු කරගන්න polish posh මනුස්සයෙක් වෙන්න උත්සහ කරන්න.

ඔබට ජය!

සටහන 

නවෝද්‍යා දෙව්මිණි ආරියවංශ.

සෝ සුසුම්

නැගෙනවා සිතින්,

පෙර මතක

අමතක නෑ ඉතිං,

ජීවිතේ උරුම 

පමණි එක පෙමක්,

ලං උනත් නුඹ

හදවතේ නැත ඉඩක්,

සමා වෙනු මැනේ

ජීවිතේ මගෙ වරද,

හැඟීමක් නැති බැඳීමක

ජීවිතේ ගෙවනවා මං,

වෙනස් වෙන්නට

හැකිය මුත්  මට

වෙනස් වෙන්න බෑ

ජීවිතේ …

ගෙවිය යුතුය දඬුවම් …

ගගන ගුරුගේ

~ අපරිමිත දාරක ස්නේහයෙන්

නිර්මිත අභිවන්දනීය මාතෘත්වයේ සිනමාත්මක ප්‍රතිරූපණ

ය ~

ගෙවීගිය වර්ෂ 1961 දී පටන් ගෙවීයන වර්ෂ

2025 ඇරඹුම සනිටුහන් වන

මේ කාලවකවානුව වන විටත් පුරා දශකයන් සයක්

පුරාවටම ශ්‍රී ලාංකේය කලා

කෙත සකලවිද ආක්‍යානයන්ගෙන් යෙහෙන් අස්වද්දනු

රිසියෙන් මෙන්ම ඉන් නොනැවතී ශ්‍රී

ලාංකේය අනන්‍ය කලා කෞශල්‍යයන් ගෝලීය විස්කෘත ක

ලා කෞශල්‍යයන් ඉදිරියේ විරාජමාන වනු දකිනු

රිසියෙන් අඛන්ඩව අනවරතව සාහිත්‍යවේදියෙකු, ගත්

කතුවරයෙකු, කවියෙකු, ගීත රචකයෙකු, තිර

රචකයෙකුසහ

සිනමාකරුවෙකු ආදී නන් වැදෑරුම් කලා ශිල්පයන්ගේ මස්

තකප්‍රාප්තිය මොනවට විහිදුවාපාමින් වදනකින් කෙළවර

දකිනු නොහෙන තරමේ අනූපමේය

මෙහෙවරක් සපුරාලූ " විද්‍යෝදය විභූෂන සාහිත්‍ය කලා

ශිරෝමනී, සුනිල් ආරියරත්න කුරුවිට

බන්ඩාර " නොහොත් සම්මානිත මහාචාර්‍ය සුනිල් ආරියරත්

නයන්ගේ අසමසම අදියුරු නෙතින් ශ්‍රී ලාංකේය

සිනමා වංශකතාව වෙතට තිළිණ වන අපරිමිත දාරක

ස්නේහයෙන්

නිර්මිත අභිවන්දනීය මාතෘත්වයේසිනමාත්මක ප්‍රතිරූපණය

යි " ගෞතම බුද්ධ මාතා ". 

එකල දඹදිව රාජ්‍යයේ කපිලවස්තු පුරයේ ශාක්‍ය වාංශික

සුදෝවුන් මහරජුට දාව දෙව්දහනුවර ශාක්‍ය වාංශික අග්‍ර

බිසොවුන් වූ තම එක කුස උපන් වැඩිමහල් සොහොයුරිය

වන මායාදේවිය දස මසක් කුස දරා මනු ලෝ තලයට

ජනිත කළ මහා බෝධිසත්ත්වයින් වහන්සේ හට උරුමවිය

යුතු මාතෘ ස්නේහයට අල්ප මාත්‍රයක්වත් අඩුවක් වන්නට

ඉඩ නොතබමින් දාරක ස්නේහය පරිපූර්ණ වශයෙන්ම දායාද

කෙරවූ මහාප්‍රජාපතී දේවියගේ ආදර්ශවත් ජීවන මංපෙතත්

එහි දැක්වෙන එක් සුවිශේෂී පරිඡ්චේදයක් විලසින්

භික්ෂුණී ශාසනය පිහිටුවීම

උදෙසා පුරෝගාමීත්වය සැලසීමත් සිනමාපටයේ

ප්‍රදාන ප්‍රස්තූතයන් ලෙසින් ගෙනහැර පාන්නට හැකියි. 

….. * විදේශීය රංගවේදීන් * …..

පාල්ගුනී ඛන්නා

අදිති සිං

තුෂාර් චිබ්බර්

හිමංෂි ජෛන්

කිම් ඩක් ජෝ

….. * ස්වදේශීය රංගනවේදීන් * …..

දිල්හානි ඒකනායක

අනුරාද මල්ලවආරච්චි

සම්පත් ජයවීර

ඉඳුවර සූර්‍යබන්ඩාර

නෙතූ ගම්ලත්

නිලූෂි පවන්‍යා

චානුක ප්‍රබුද්ධ

නිරෝෂන් විජේසිංහ 

ජයනි වීරසිංහ

ධනංජය සිරිවර්ධන 

ගෙවින් අභිෂේක්

ප්‍රියංකා සමරවීර

උදයන්ති කුලතුංග

ආශා එදිරිසිංහ 

සූර්‍යා දයාරුවන්

සරළා මිෂෙල් දිල්හාරා

හිරාන් යටෝවිට

කේ. ඒ. මිල්ටන් පෙරේරා

….. * ශ්‍රී ලාංකේය සිනමාලෝලීන් හට සිනමාපටය

නැරඹීමට විශේෂ හේතු * ……

1). බුදුන් වහන්සේගේ ජීවන පුවත,

බුදුදහමේ සෛද්දාන්තික සහ ප්‍රායෝගික අන්තර්ගතය සහ

බුදුදහම බිහිවීමේ ඓතිහාසික –

 තාක්ෂණික පසුබිම ආදිය කේන්ද්‍රකොටගෙන කෙතරම්

නාට්‍යරූපී සහ වාර්ථාමය සිනමාපටයන් මෙන්ම

ටෙලිමාලාවන් ද ලෝකයේ විවිද කාලවකවානුවල විවිද

භාෂාවන්ගෙන් විවිද ශෛලීන්ගෙන් නිපදවූවත් භික්ෂූණී

ශාසනය පිහිටුවීමත් එහි පුරෝගාමීත්වය සම්බන්ධයෙනුත්

ප්‍රශස්ථ කතිකාවක් මේ වනතෙක් හටගැන්වීමට උත්සුක

නොවීම. 

2). ගෝලීය සිනමා වංශකතාවේ සෑහෙන කලක සිට එකම

ආරක වූ වීරයා, පෙම්වතිය සහ දුෂ්ඨයා කේන්ද්‍ර කරගත්

තුන්කොන් ප්‍රේමයෙන් සම්පූර්ණයෙන්

වෙනස් මාතෘත්වය,පුහුදුන් දාරක

ස්නේහය, ස්ත්‍රීත්වය, මානව

දයාව ආදී මානව විද්‍යාත්මක කාරණාවන් ගොනුවක්

එකිනෙක මුහුකරමින් නිපදවුණු ඓතිහාසික –

 චරිතාපදාන ක්ෂානරයේසිනමාපටයකට දර්ශීය උදාහරණය

ක් වීම. 

3). වර්ථමානය වනවිට විද්‍යාව හා තාක්‍ෂණය කෙතරම්

උද්දීපනය වුවද ඉන් පැහැදිලි කළ නොහැකි

ස්වභාවධර්මයේ ක්‍රියාත්මක වන ඇතැම් යාන්ත්‍රණ

පිළිබඳ සිනමාරූපී කතිකාවතක් නිර්මාණය කිරීමට

උත්සාහ කිරීම.

4). සකලවිධ මනු සංතානයන්හි නෛසර්ගිකව පහළවන්නා

වූ නිරන්තරයෙන් වෙනසට බඳුන් වන්නා වූ අතිශය

සංකීර්ණ වූ අතිශය සියුම් වූ

මනෝභාවයන්  වනආලය, අනුකම්පාව, තණ්හාව, ඊර්

ෂ්‍යාව, කෝපය, විරහව, සාංඛාව, කාංසාව, සංතාපය, 

ත්‍රාසය, භීතිය, කුතුහලය, විනෝදය ආදිය 

මහත් සංයමයකින් යුතුව රිදී තිරය මත ප්‍රක්ශේපනය

කිරීමට උත්සාහ කිරීම

5). සෑම රූප රාමුවකම වාගේ මිනිස් ඇසට මෙන්ම

මනසට ද සුන්දරත්වයක් මෙන්ම ප්‍රභාවක් එකතුකිරීමට

සමර්ථ වන දර්ශන තලයන් රැසක රූගත කර ඇති

මෙම සිනමාපටයේ පසුතල, රංගවස්ත්‍ර හා රංගභාන්ඩ

පාරිසරික සාධකවලට ගැළපෙන පරිදි

නිර්මාණය කිරීම හා තේමාවට උචිත අයුරින් සංගෘහිත

කරවීම. 

6). ඉන්දීය ටෙලිකතා මාලාවන් තුළ ප්‍රතිභාපූර්ණ

රංගකෞශල්‍යයන් විදහාපාන රංගන ශිල්පීන් සහ රංගන

ශිල්පිනියන්ගේ ලාලිත්‍යසාරී

සෝබමාන නර්තනාංගයන්හෙලවුඩ් සිනමාවේ මියුරු මියැසි

රාව නංවන ගීත රචකයින්, ගායකයින් සහ සංගීත

නිර්මාපකයින් කිහිප

දෙනෙකුගේමශ්‍රම දායකත්වය සමඟින් සරිලන අයුරින්

අතිඡ්ඡාදනය කරමින් සංගීතකාමී ශ්‍රී

ලාංකේය ප්‍රේක්ෂකයන් කුල්මත් කරවීමට සමර්ථ වූ රස

නිෂ්පත්තියෙන් අනූන ගීත මාලාවක්ඇතුළත් කර තිබීම.

7). විදේශීය චිත්‍රපටවල දක්නට ලැබෙන ඉහළ ගුණාත්මක

භාවයෙන් යුතු ක්‍රියාදාම දර්ශන ඇතුළත් කරතිබීම හා

ඒවායේ තාත්වීකරණය ඉහළ නැංවීමේ

අරමුණින්   අධිතාක්ෂනික විශේෂ දෘශ්‍ය

ප්‍රයෝග සකසුරුවම්ව ඇතුළත් කරතිබීම. 

…..* නිෂ්පාදන කාර්‍ය මණ්ඩලය * …..

තිර රචනය, සංවාද රචනය, ගේය කව්‍ය රචනය

සහ අධ්‍යක්ෂණය |

සම්මානිත මහාචාර්‍ය සුනිල් ආරියරත්න 

නිෂ්පාදනය | තිලංග සුමතිපාල 

රේඛීය නිෂ්පාදනය | අනූෂා ධර්මදාස

කැමරා අධ්‍යක්ෂණය | චන්න දේශප්‍රිය

සංස්කරණය | තිස්ස සුරේන්ද්‍ර

කලා අධ්‍යක්ෂණය | මංජුල අයගම

සංගීත අධ්‍යක්ෂණය | ආචාර්‍ය රෝහණ වීරසිංහ

සහය අධ්‍යක්ෂණය | විමල් දේශප්‍රිය

නිෂ්පාදන කළමනාකරණ | නිමල් විජේසිරි සේනාධීර

රංග වස්ත්‍ර | රමේෂා ඔෂිනි

කේෂාලංකාරය | හරූන් ෂයිඩීන්

අංග රචනය | ප්‍රියන්ත දිසානායක 

විශේෂ දෘශ්‍ය ප්‍රයෝග අධ්‍යක්ෂණය | සමින්ද

වතවනවිතානගේ, බුද්ධික විජේරත්න, 360 productions

නාද සැලසුම්කරණය | සසික රුවන් මාරසිංහ (ජාතික

චිත්‍රපට සංස්ථා ශබ්දාගාරය)

නර්තන අධ්‍යක්ෂණය | චන්දන වික්‍රමසිංහ

දෙවන සහය අධ්‍යක්ෂණය | සමිත් බෝධිපක්ෂ

තෙවන සහය අධ්‍යක්ෂණය | වත්සලා සමරකෝන්

නිෂ්ඡල ඡායාරූප | ධම්මික පතිරත්න

වර්ණ සංයෝජනය | අසංක වික්‍රමසිරි

ගිත ගායනය | කාංචනා අනුරාධි

ආදිත්‍යා වැලිවත්ත

අංජලී හේරත්

සංචලී රත්නායක

තනුර මධුගීත්

" ගෞතම බුද්ධ මාතා "

සිනමාපටය තම කුළුඳුල් සිනමා නිමැවුම  බවට පත්කොට

ගනිමින් පුරා දශකයන් හතක් ඉක්මවූ හෙලවුඩ්

සිනමා වංශකතාවේ නිෂ්පාදක භූමිකාවට පිළිපන් තිලංග 

සුමතිපාල නම් නිහතමානී සොඳුරු කලාලෝලියානන් හට

හෙලවුඩයේ දීප්තිමත් හෙටක් අපේක්ෂා කරන්නා

වූ සුවහසක් දේශීය

හා විදේශීය   සිනමාලෝලීන්ගේ  මනදොළ පිනවීමටත් ඔවු

න්ගේ බුද්දිය අවධි කිරීමටත් මතු අනාගතයේදීද ඉඩ

ප්‍රස්ථාව උදාවේවායි එක සිතින් පතන්නෙමු.

සැකසුම | හිරාන් ගමගේ