ශ්රී ලාංකේය සිනමාවේ නයිට් රයිඩර්ගෙන් නතාරි
ලාංකේය වෙළඳ දැන්වීම් නිර්මාන කර්මාන්තයේ සම්මානනීය අදියුරුවරයෙකු
වශයෙන්, ලාංකේය සිනමා කර්මාන්තයේ අද්විතීය තිර රචකයෙකු වශයෙන්,
අදියුරුවරයෙකු වශයෙන් මෙන්ම නිෂ්පාදකවරයෙකු වශයෙන් ද සිය
ප්රතිභාපූර්ණ නිර්මාන කෞශල්ය විදහාපාමින් සිටින වත්මන් ශ්රී ලාංකේය
සිනමාවේ සොඳුරු හිතුවක්කාරයා වන “කසුන් චන්ද්රනාත් පතිරණ” ගේ
ආධ්යාත්මය, වෘත්තීයත්වය සහ දේශපාලනික ආඛ්යානය මැනවින් පිළිපිඹු
කරන්නට දරණ වෑයමකි මේ.
Q). ඔබ පුද්ගලයෙකු වශයෙන් ඔබව දකින්න කැමති කොහොමද?
මම පුද්ගලයෙක් විදිහට මාව දකින්න කැමති ආකරය කාලානුරූපීව වෙනස්
වෙනවා. එක්තරා කාලයකදි මම මාව දකින්න කැමැත්තෙන් හිටියා සිනමාව
අධ්යයනය කරන්නෙක් හැටියට. තව කාලයකදි වෙළඳ දැන්වීම්
නිර්මාණකරුවෙකු විදිහට, ඊට පස්සෙ කාලෙදි මම මාව දකින්න කැමති උනේ
ආදරණීය පියෙකු විදිහට. ඒ වගේම වර්ථමානයෙ මම මාව දකින්න කැමති
සිනමාකරුවෙක් විදිහට.
Q). ඔබ ජීවිතය දකින්නේ කොහොමද?
මම ජීවිතය දකින්නෙ ගතවෙමින් පවතින එක මොහොතක් විදිහට. ඒ
කියන්නෙ වර්ථමානය. මම සාමාන්යයෙන් ගෙවුණු අතීතය ගැනවත් එළබෙන්න
නියමිත අනාගතය ගැනවත් හිතන්නෙ නෑ. ගතවෙන මොහොත සුන්දරව
අත්විඳීමයි මගේ උවමනාව. ඒ මොහොතේදී මට සතුට ළඟාකරවන දෙයක්
එක්ක මම ජීවත්වෙනවා.
Q). ඔබ කලාව නිර්වචනය කරගන්නේ කොහොමද?.
මගේ කියවීම අනුව කලාව කියන්නෙ කිසියම් නිර්මාණකරුවෙකුට ප්රකාශන
මාධ්යයක්. යම් කෙනෙකුට ඒක චිත්රයක් වෙන්න පුළුවන්, තවත් කෙනෙකුට
ඒක ස්වර රටාවක් වෙන්න පුළුවන්, නර්තනයක් වෙන්න පුළුවන්, එහෙමත්
නැත්තම් ඒක ගායනයක් වෙන්නත් පුළුවන්. වර්ථමානයේ පවතින ප්රභලතම
ප්රකාශන මාධ්යය සිනමාව කියලයි මම විශ්වාස කරන්නෙ. ඒ නිසා මගේ
ප්රකාශන මාධ්යය විදිහට මම තෝරාගත්තේ සිනමාව.
Q). ඔබේ වෘත්තීය ඉතිහාසය පිළිබඳ කෙටි හැඳින්වීමක් කරමු.
මගේ වෘත්තීය ජීවිතය ආරම්භ වෙන්නෙ සිනමාවට සම්බන්ධ වීමත් එක්කමයි.
සහය අදියුරුවරයෙක් වගේම නිෂ්පාදන කළමණාකරුවෙක් හැටියටත් සිනමා
කර්මාන්තයේ ප්රවීණ සිනමාකරුවන් ගණනාවකගේ ප්රශස්ථ සිනමා
නිර්මාණයන් කිහිපයකටම මම සම්බන්ධ උනා.
ඊට පසුව මම සම්බන්ධ වෙනවා වෙළඳ දැන්වීම් නිර්මාණකරණ
කර්මාන්තයට. එහිදී දශක දෙකකට නොඅඩු කාලයක් තිස්සෙ මම වෙළඳ
දැන්වීම් අදියුරුවරයෙකු හැටියට වෘත්තියේ නියලෙනවා. කාලය ගතවෙද්දි
වෙළඳ දැන්වීම් කර්මාන්තය පිළිබඳව මගේ තිබුණු උනන්දුව ක්රමයෙන් හීන
වෙනවා.
එහි ප්රතිඵලයක් විදිහට මම යළිත් සිනමා කර්මාන්තයට අවතීර්ණ වෙනවා.
වර්ථමානයේ මම පූර්ණ කාලීන සිනමා තිර රචකයෙකු, අදියුරුවරයෙකු සහ
නිෂ්පාදකයෙකු විදිහට නිර්මානකරණයේ නියලෙනවා.
ඊට අමතරව මෑත කාලයේ මම නව නිර්මාන කලාපයක් අධ්යයනය කරමින්
ඉන්නවා. ඒ තමයි විශේෂ දෘෂ්ය ප්රයෝගකරණය. ඉදිරියේදී තිරගත වීමට
නියමිත දැවැන්ත සිනමාපට රැසක විශේෂ දෘෂ්ය ප්රයෝගකරණය සිදූවුනේ
මගේ නිර්මාන කෞශල්යයෙන්.
Q). ඔබේ වෘත්තීය ජීවිතය තුළ ඔබ ලබාගත් සුවිශේෂී ජයග්රහණයන් පිළිබඳව
මතක්කරමු.
වෙළඳ දැන්වීම් නිර්මානකරණ කර්මාන්තයේ නියැලෙද්දී මගේ නිර්මාන
කෞශල්යය ජාතික හා අන්තර්ජාතික සම්මාන උළෙල කිහිපයකදීම ඇගයීමට
ලක්වෙලා තියෙනවා.
“එ. පී. ඒ. සී. ක්රිස්ටල්” සම්මාන උළෙලේදි, “මිඩාස්” සම්මාන උළෙලේදී,
“එපිකා” සම්මාන උළෙලේදී, “එෆී” සම්මාන උළෙලේදී සහ “සුමති” සම්මාන
උළෙල ඉන් ප්රදානයි.
ඊට අමතරව මම සහ ශ්රී නාත් චතුරංග තිර රචනය ලියපු, මම නිෂ්පාදනය
කරලා අධ්යක්ෂණය කරපු “නයිට් රයිඩර්” සිනමාපටයත් ජාතික හා
අන්තර්ජාතික සම්මාන උළෙල කිහිපයකදීම ඇගයීමට ලක්වෙලා තියෙනවා.
2024 වසරේ පැවැත්වුණු “ඕ. සී. අයි. සී. සිග්නීස්” සම්මාන රාත්රියේදී නයිට්
රයිඩර් සිනමාපටය ප්රමුඛ සම්මාන 16 කට නිර්දේශ උනා. ඒ වගේම ඉතාම
සතුටින් කිව යුතුයි මාධ්යයවේදිනියකගේ චරිතයට පණපොවපු “යුරේනි
නොෂිකා” පළමු වරට විශිෂ්ටතම රංගන ශිල්පිණිය ලෙස ඇගයීමට බඳුන්
උනා. ඒ වගේම කැමරා අධ්යක්ෂණයෙන් දායක වූ විශ්වජිත් කරුණාරත්නට
ජූරියේ විශේෂ සම්මානයක් ද හිමිඋනා.
මේ වසරේ පැවැත්වීමට නියමිත “චෙන්නායි අන්තර්ජතික චිත්රපට උළෙලටත්”
නයිට් රයිඩර් සිනමාපටය නිල නිර්දේශය ලබලා තියෙනවා. සිනමාපටය
තිරගත වෙලා වසර කිහිපයක් ගෙවීගියත් තවමත් ඇගයීම්වලට ලක්වීම
නිර්මානකරුවන් ලෙස අපව දිරිමත් කරවන කාරණයක්.
මගේ නිර්මාන වෑයම හරහා කිසියම් කෙනෙක් තමන්ගෙ ජීවිතයට එක්
සාරවත් කරුණක් හෝ උකහාගන්නවානම් එය තමයි මම ජයග්රහණයක්
හැටියට තක්සේරු කරන්නෙ සම්මාන උළෙලවලදි සිදුවෙන නිර්දේශ වීමකට
හෝ සම්මානයට පාත්ර වීමකට වඩා.
විශේෂයෙන්ම නයිට් රයිඩර් සිනමාපටය ජනගත කරවීම හරහා ලොව පුරා
විහිදුණු අතිවිශාල ලාංකේය තරුණ සිනමාලෝලීන් පිරිසක් මතුපිටින්
බැලූබැල්මට නොපෙනෙන අදූරදර්ශී මාධ්යය අවභාවිතාව පිළිබඳව ඛේදවාචී
යතාර්ථය අවබෝධ කරගන්නට සමත් උන බව මම විශ්වාස කරනවා. ඒ බව
මට හොඳින්ම පසක් වන්නේ තිරගත වී වසර කිහිපයක් ගෙවීගියත් අදටත්
එම සිනමාපටයට ලැබෙන ධණාත්මක ප්රතිචාරය නිසයි.
Q). සිනමාකරුවෙක් වීම තුළින් ඔබේ ජීවිතයට සිදුවූ පරිවර්තනය කුමක්ද?
සිනමාකරුවෙකු වීම නිසා මගේ ජීවිතයට සිදුවුණු පරිවර්තනයකට වඩා මගේ
ජීවිතයේ සිදුවුණු ඇතැම් පරිවර්තනයන් නිසා මම සිනමාකරුවෙකු බවට
පත්උනා කිව්වොත් මං වඩාත් නිවැරදියි කියලා හිතෙනවා. මම කුඩා කාලෙ
ඉඳන්ම ඇසුරු කළේ සිනමාව ගැන දැඩි ඇල්මක් දක්වන මිතුරු මිතුරියන්මයි.
කාලය ගතවෙද්දි ඒ ඇසුර මගේ හැඟවුණු සිනමාරූපී නිර්මාන කෞශල්යය
ඉස්මතු කරගන්නත් ඔප්නංවාගන්නත් මට කදිම තෝතැන්නක් බවට පත්වුනා.
Q). ඔබේ අවබෝධය අනුව සිනමාකරුවෙකුගේ සමාජ වගකීම මොකක්ද?
මම දරණ මතය අනුවනම්, ස්වාධීන සිනමාකරුවෙකු කිසිඳු සමාජ වගකීමක්
ඉෂ්ට කරන්නට නිර්මාන කටයුතු මෙහෙයවිය යුතු නෑ. නමුත් ඇතැම්
වෙලාවන්හිදී සමාජ සංස්ථාවේ ඇතැම් පාර්ශවයන් නොයෙක් දේශපාලනික හා
ආගමික අරමුණු මුදුන්පත් කරගන්නට සිනමාකරුවන් මත එවැනි සමාජ
වගකීම් බලහත්කාරයෙන් පවරන්නට තැත්කරන අවස්ථා මම දැක තිබෙනවා.
පෙර කී ලෙසම සිනමාව යනු දැනට පවතින ප්රභලතම ප්රකාශන මාධ්යයයි. ඒ
නිසා තමන්ගෙ නිදහස් නිවහල් පරිකල්පනය සිනමාරූපණයෙන් ඉදිරිපත්
කරවීම තමයි සිදුකළ යුත්තෙ. මගේ නිර්මාන ජීවිතය සාර්ථක කරගැනීමේ
අදහසින් මම යම් ප්රගතිගාමී ප්රතිපත්ති රාමුවක් මත පිහිටා නිර්මානකරණයේ
යෙදෙනවා.
Q). වර්ථමානයේදී ගෝලීය සිනමා කර්මාන්තය තුළ සිදුවෙමින් පවතින
තාක්ෂණික විප්ලවය මගින් දේශීය සිනමා කර්මාන්තය වෙතට එල්ලවන
අභියෝග ජයගැනීම කෙරෙහි යොවුන් සිනමාකරුවෙකු ලෙස ඔබ සපයමින්
සිටින උපක්රම මොනවාද?
වත්මන් ගෝලීය සිනමා කර්මන්තයේ උපයෝගී වන තාක්ෂණික ප්රභේදයන්
දිනෙන් දින සංවර්ධනය වෙනවා. තාක්ෂණිකව නිරතුරු යාවත්කාලීන වන
සිනමාකරුවෙකු වශයෙන් එය මා දකින ඉතාම සාධනීය ප්රවනතාවයක්.
අන්තර්ජාතික තලයේ සිනමා උළෙලක නිර්දේශ වීමක් පවා ලබන්නටනම්
ලාංකේය සිනමාපටත් එවන් තාක්ෂණික ප්රභේදයන් ඇසුරින් නිමවිය යුතු වීම
අනිවාර්යයි.
මා තිර රචනය ලියා අධ්යක්ෂණය කරමින් නිෂ්පාදනය කරන “නතාරි” ළමා
සිනමාපටයත් ද්වීමාන සජීවීකරණයෙන් නිමවෙන එවැනි නව්ය තාක්ෂණික
ප්රභේදයන් සකසුරුවම්ව යොදාගන්නා අපූරු අත් හදාබැලීමක්.
Q). ඔබ ඉදිරියේදී ජනගත කරන්න සැලසුම්කරමින් සිටින
නිර්මාණයන් මොනවාද?
පෙර කී පරිදි නතාරි සිනමාපටයේ පසු නිෂ්පාදන කටයුතු හා හඬකැවීම්
කටයුතු මා ඇතුළු මගේ සමීපතම නිර්මානකරුවන් සමූහයක් ඉතාමත්ම
උනන්දුවෙන් සිදුකරමින් සිටිනවා. මෙම වසරේ අප්රේල් පාසල් නිවාඩුවට
සමගාමීව චිත්රපටය ජනගත කරන්නට හැකිවේවයි අපි විශ්වාස කරනවා.
ඊට අමතරව ඉදිරියේදී නිෂ්පාදන කටයුතු ඇරඹීමට නියමිත “අප්ටවුන් නයිට්ස්’
සහ “හිට් විකට්” සිනමාපටයන් සිනමාකරුවෙකු වශයෙන් මට ඉතාමත්ම
විශේෂයි. පසුගිය වකවානුවේ ලාංකේය දේශපාලනයේ සිදුවූ යම්
ආන්දෝලනාත්මක සිදුවීම් පෙළක සැඟවුණු යතාර්ථය සංකේතාත්මකව
විවරණය කිරීමයි එතුළින් අපේක්ෂා කරන්නේ.
Q). “අපි Magazine” සමඟින් සොඳුරු පිළිසඳරකට එක්වීම සම්මබන්ධයෙන්
ඔබ මොකද හිතන්නෙ?
“අපි Magazine” කියන්නෙ මම නිරන්තරයෙන් පරිශීලනය කරන ඩිජිටල්
සඟරාවක්. සම්ප්රදායික රාමුවෙන් ඔබ්බට ගියපු, වත්මන් ඩිජිටල් අවකාශයත්
සමග කදිමට පෑහුණු, රසකාමී කතුවරුන් සමූහයක් විසින් ලෝකය පුරා
විසිරුණු මිලියන සංඛයාත ලාංකිකයින් වෙතට දැනුම සම්ප්රේෂණය කරනා
අරුත් සම්පන්න සඟරාවක් ලෙස මම අපි Magazine හඳුන්වන්න කැමතියි.
ඒ වගේම සඟරාවේ ප්රදාන කතෘතුමා වන ගයාන් කරුණාරත්න මහතාටත්, මේ
සම්මුඛ සාඛච්චාවට මට ඇරයුම් කරපු වෘත්තීමය මාධ්යයවේදියෙකු මෙන්ම
සිනමා තිර රචකයෙකු වන හිරාන් ගමගේ මහතාටත් මම හෘද්යාංගම ස්තූතිය
පළකරනවා.
සැකසුම | හිරාන් ගමගේ
