වර්තමාන සමාජය තුළ පිළිකා රෝගයේ ව්යාප්තිය ඉතා සීඝ්රව වැඩිවෙමින් පවතී.
පිළිකා රෝගය නිසා වසරකට ලෝකයේ මිලියන 10කට අධික මරණ ප්රමාණයක් වාර්තා වී ඇති අතර වර්තමානයේ පිළිකා රෝගයෙන් පීඩා විඳින බොහෝ රෝගීන් දක්නට ලැබේ.
සිරුරේ සෛල ස්වභාවිකත්වයෙන් මිදී අස්වාභාවික හැසිරීමකට යොමු වීම පිළිකා රෝගයේ මූලාරම්භය යි.
ක්රමයෙන් විකසනය වන සෛල වර්ධනයක් සිදු වී, සිරුර තුල සමස්ථ ක්රියාවලියේ අසමතුලිත බවක් හටගැනීම මෙම රෝග තත්ත්වයේ ස්වභාවය යි.
ආයුර්වේද මූලග්රන්ථයන්හි පිළිකා රෝගය පිළිබඳව ග්රන්ථි හා අර්බුද යටතේ පුළුල්ව හා විස්තරාත්මකව දක්වා ඇති අතර *අර්බුද චිකිත්සාව* , පිළිකාමය තත්ත්වයන් සඳහා සාර්ථක ප්රතිඵල ලබා දේ.
දේශීය හෙළ වෙදකම තුල පාරම්පරික වෛද්යවරු විසින් ඔඩු, වණ, ඇටපලා ගෙඩි, ගඩු බන්ධන යන නාමකරණයන්ගෙන් දක්වා ඇත්තේද මෙම රෝගී තත්ත්වය බව පිළිගැනේ.
බටහිර වෛද්ය විද්යාවට අනුව සෛල විභාජනය නොනවත්වා සීඝ්රව සිදුවෙමින් සිරුර තුල ඇතිවන ආගන්තුක වර්ධනයක් පිළිකාමය තත්ත්වයක් ලෙස හැඳින්වේ.
නිදානාදී කාරණා වලින් වාතාදී දෝෂයන් දූෂණය නිසා රක්ත, මාංශ හා මේදස් ධාතූන් දූෂණය වී යම් ශෝඵයක් (ඉදිමුම සහිත වර්ධනයක්) ඇති වීම ආයුර්වේද වෛද්ය විද්යාව තුල අර්බුදයක් ලෙසට සැලකේ.
අක්මාගත, අන්ත්රගත, පෙනහලුගත, ගර්භාෂගත, මුඛය ආශ්රිත, අස්ථි ආශ්රිත, පියයුරු හා පුරස්ථි ග්රන්ථි ආශ්රිත ලෙසට සිරුරේ එක් එක් ඉන්ද්රියන්හි පිළිකා හටගැනීමේ හැකියාව පවතී.
ශරීරයේ ස්වභාවිකත්වය රැක ගැනීමට සිරුර අසමත් වීමෙන් සිරුරේ සෛල වල ස්වභාවිකත්වය ගිලිහී යාමෙන් විකෘති සෛල හටගැනීම නිසා පිළිකා තත්ත්ව ඇති වන බව ආයුර්වේදය තුළ පිළිගැනේ.
වර්තමානයේ ස්වභාවිකත්වයෙන් තොර ව සකසන ලද ආහාර සුලභ අතර එම ආහාර සංස්කරණයේදී කෘත්රිම රසකාරක, වර්ණකාරක හා කල්තබා ගැනීම සඳහා රසායනික ද්රව්ය එක් කරනු ලැබේ.
එම ආහාර විවිධ විකරණයන්ට බඳුන් වී තව දුරටත් ස්වභාවික තත්ත්වය නොමැතිව අස්වාභාවික තත්ත්වයකට පත් වී ඇත.
කෘත්රිම පරිසරයන්හි ජීවත් වන, අස්වාභාවික ආහාර හා නොයෙකුත් හෝර්මෝන ලබා දුන් ස්වභාවික නොවන ලෙස වර්ධනය වූ සත්ත්වයන්ගේ මස්, මාංශ පරිභෝජනයද අද සමාජයේ බහුලව සිදු කෙරේ.
මෙලෙස සිරුරට සුළු ප්රමාණ වලින් එක් වන ඇතැම් රසායනික ද්රව්ය සිරුර තුළ ‘විෂ’ ලෙස තැන්පත් වී පවතින අතර ඒවායේ අධික පරිභෝජනය හේතුවෙන් කල් යාමේදී ක්රමයෙන් විෂ තත්ත්වය වැඩි වී නොහිතෙනා මොහොතක දී ‘ගර විෂක්’ ලෙස ක්රියා කල හැකි බව ආයුර්වේද වෛද්ය වේදය තුළ දක්වා ඇත. මෙම විෂ යම් මට්ටමකට වඩා වැඩි වීමෙන් පසු සෛලීය මට්ටමේ වෙනස් කම් ඇති කල හැක.
එමෙන්ම වත්මන් සමාජය කාර්ය්යබහුල ඒකාකාරී ජීවන රටාවකට හුරුවීමත්, ස්වභාවධර්මයෙන් ඈත් වීමත් නිසා නිරන්තර මානසික ආතතියට ලක් වීමත් සිදු වේ.
කාන්තාවන්ට හටගන්නා ගර්භාෂගත හා පියයුරු පිළිකා තත්ත්ව සඳහා ප්රධාන හේතුවක් ලෙස මානසික ආතතිය හේතු කොට ගෙන සිරුරේ ඇතිවන හෝර්මෝන අසමතුලිතතාවය දැක්විය හැක.
ලෝක සෞඛ්ය සංවිධානයේ නිර්ණායක වලට අනුව රතු මාංශ පරිභෝජනය අන්ත්රගත පිළිකා තත්ත්ව ඇති කිරීමට හේතු වන බව දක්වන අතර, සුශ්රැත ආචාර්ය වරයා විසින් වසර 5000 ට පෙර දී සුශ්රැත සංහිතාවේ මස්, මාංශ පරිභෝජනය අර්බුද ඇතිවීමට ප්රධාන හේතු ලෙසට දක්වා ඇත.
එමෙන්ම, ආහාර අරුචිය, මල පිටවීමේ අසාමන්යතා, කෘෂ හා දුර්වල බව, මානසික ආතතිය, ප්රතිශක්තිය අඩු වීම යනාදී නොයෙක් රෝග ලක්ෂණ පිළිකා රෝගීන් අතර බහුලව වාර්තා වේ.
සිරුර තුළ පිළිකා සෛල ඇති වුවද ශරීරයේ ප්රතිශක්තිය ඉහළ මට්ටමක පවත්වා ගැනීමෙන් එම සෛල මර්දනය කිරීමේ යාන්ත්රණයක් මිනිස් සිරුර සතු වේ. එබැවින් ප්රතිශක්ති ජනක ආහාර පාන ලබා ගැනීම ඉතා සුදුසු ය.
බටහිර වෛද්ය ප්රතිකාරයේදී ඖෂධ එන්නත් කිරීම-Chemotherapy, ශල්ය කර්ම හා විකිරණ ප්රතිකාරය සිදු කරන අතර මෙම අවස්ථාවන්හී දී රෝගියාගේ ප්රතිශක්තිය දුර්වල වීමත් අතුරු ආබාධ ඇතිවීමත් බොහෝ විට සිදු වේ.
පිළිකා සෛල විනාශ කිරීමේදී සාමාන්ය නිරෝගී සෛල හානි වීම ද සිදු විය හැක.
ප්රතිශක්තිය දුර්වල පිළිකා රෝගීන්ගේ ප්රතිශක්තිය තව තවත් පහළ යෑමේ අවධානම පවතී.
පිළිකා රෝගය සම්පූර්ණ ලෙස සුව නොවූවද රෝගය පාලනය කිරීමත්, රෝගියාගේ ජීවන තත්ත්වය නංවාලමින් ආයුෂ කාලය දීර්ඝ කිරීමටත්, රෝග පීඩාවන්ට සහනයක් ලබා දෙමින් ඉදිරි කාලය තුළ එදිනෙදා කටයුතු සාමාන්ය පරිදි සිදු කරගැනීමට අවස්ථාවක් ලබා දීමත් ප්රතිකාරයේ අරමුණ විය යුතු ය.
ප්රතිශක්තිය නංවාලීමට පෝෂ්යදායි ආහාර ලබා ගත යුතු බැවින් ආහාර රුචිය වර්ධනය, බඩගින්න ඇති කිරීම සඳහා ප්රතිකාර ලබා දීම සිදු කෙරේ.
රෝගයේ අවසන් ප්රතිඵලය පිළිකාව ලෙස දැකිය හැකි වුවත් සිරුරේ සමස්ථ අසමතුලිතතාවය නිවැරදි කිරීමට ආයුර්වේද වෛද්ය ප්රතිකාරය තුළ ප්රතිකාර පද්ධතියක් අඩංගු වේ. එමෙන්ම රසකිඳ, අශ්වගන්ධ, බිංකොහොඹ, පෙරුංකායම්, තිප්පිලි යන රක්ත ශෝධන ඖෂධ බහුල ලෙස ප්රතිකාරයේදී යොදා ගැනේ.
වෛද්යවරයා විසින් රෝග-රෝගී බලාබලත්වය සළකා බලා විරේචන, නස්ය, රක්තමෝක්ෂණ යන පංච කර්ම ප්රතිකාර ශෝධන ප්රතිකාර ලෙස සිදු කරන අතර, ප්රතිශක්ති වර්ධක, රුචි කාරක, දීපන, පාචන ඖෂධ අභ්යන්තරව ලබා දීම සිදු කෙරේ.
එමෙන්ම විකෘති වූ සෛල විනාශ කිරීම සඳහා කෂාය වර්ග ලබා දේ.
ඉතා විශේෂ ක්රමවේදයකට අනුව විෂ මාරණය කළ සිවංගුරු, සාදිලිංගම්, ගන්ධක, රසදිය වැනි වීර්ය්ය අධික රස ඖෂධ වර්ග ලබා දීමත් ප්රතිකාරයේදී සිදු කෙරේ.
පිළිකා රෝගය වළක්වා ගැනීම සඳහා:-
– කෘත්රිම ආහාර, රසකාරක, වර්ණකාරක හා රසායන ද්රව්ය යෙදූ ආහාර භාවිතය අවම කිරීම
– ස්වභාවික ආහාර, පාන වලට යොමු වීම
– මස්, මාංශ වලින් වැළකීම
– ගැඹුරු තෙලේ බදින ලද ආහාර ගැනීමෙන් වැළකීම
– දෙමුහුම් ප්රබේද වලින් ඈත් වී දේශීය ප්රබේද වලින් සැකසූ ආහාර වලට යොමු වීම (උදාහරණ ලෙස, දේශීය සහල් භාවිතය- හීනැටි, පච්ච පෙරුමාල්, මඩතවාලු)
– දේශීය අල වර්ග භාවිතය- රාජාල, මඤ්ඤොක්කා, ඉන්නල, බතල
– දේශීය කුළුබඩු භාවිතා කොට සැකසූ තැම්බුම් හොදි භාවිතය
– කොළ කැඳ පානය කිරීම- (එළබටු කොළ, මොණර කුඩුම්බිය, කටුපිල, කෝවක්කා, දිවුල් කොළ, කරපිංචා අඩංගු කොළ කැඳ)
– තමන් ජීවත් වන ප්රදේශයේ හැදෙන වැවෙන දේශ සාත්ම්ය ආහාර, එළවළු, පලතුරු ආහාරයට ගැනීම (උදා:- නෙල්ලි, බෙලි, අනෝදා, වෙරළු, නමිනං, ස්ට්රෝබෙරි)
– මානසික ආතතිය, ක්රෝධ, කෝප, ශෝක, භය, තරහව වැනි මානසික ආවේගයන් අවම කරගැනීම
– ස්වභාවික පරිසරයට නැඹුරු වීම
– භාවනා ක්රම හා යෝග අභ්යාස වලට යොමු වීම
පිළිකා රෝග සඳහා ප්රතිකාරයේදී ලෝකයේ බොහෝ රටවල් අනුගමනය කරන්නේ වෛකල්පිත වෛද්ය ප්රතිකාර ක්රම වේදයකි.
බටහිර හා ආයුර්වේද ප්රතිකාර වල එක්වීමක් තුලින් ප්රතිකාරයේ සාර්ථකත්වය නංවාලීමේ හැකියාව පවතින බව සායනික ප්රතිකාර මගින් සනාථ කිරීමේ හැකියාව පවතී.
ආයුර්වේද වෛද්ය ප්රතිකාර වලට යොමු වීමේ දී ව්යාජ වෛද්ය වරුන්ට නොරැවටී සුදුසුකම් ලත් ආයුර්වේද වෛද්ය වරයෙක් වෙත ගොස් රෝග අවස්ථාවට නිසි ප්රතිකාර ලබා ගැනීම අනිවාර්යෙන්ම මතක තබා ගත යුතු කරුණකි.
වෛද්ය නාලිකා හංසිනී ජයතිලක
BAMS-Colombo (SL)
