Category: Beauty-Hints

සුපුරුදු පරිදි අද ත් ඔබට ඇති තව ත් රූපලාවණ්‍යය ගැටළුවකට පිළිතුරු රැගෙන එන ලිපියක ආරම්භය යි මේ. මෙම ලිපිපෙළ තුළින් ආරම්භයේ දී කතාබහ කළ අයුරින් ඔබට ම ඔබගේ දෛනික makeup භාවිතය පිළිබඳව දැනුමක් ලැබෙන්නට ඇති බව මා විශ්වාස කරනවා. එබැවින් එහි තව පියවරක් ලෙස eye makeup පිළිබඳව කතාබහ කරන්නට යි අද සූදානම. මෙහිදී සිදුකළයුතු මූලික සහ වැදගත් ම පියවරයන් පිළිබඳව අපි අද දැනුවත්වෙමු.

1. Always Use Primer 

Eye primer භාවිතය මගින් ඔබගේ සමෙහි ඇති තෙල් ස්වාභාවය, වළකාලමින් ඔබගේ eye makeup එක සඳහා සුදුසු පසුබිම සකස් කරනු ලබයි .මෙය ආලේපනය  මගින් ඔබගේ eye makeup එක වැඩි කාලයක් තබා ගැනීමට හැකියාව ලැබෙනු ඇත.

2. Decode Your Palette

සැමවිටම ඔබගේ eye makeup palette තදවර්ණ ලා වර්ණ ලෙස වර්ණ කිහිපයකින් ඔබට දැක ගත හැකි අතර ඔබ සැමවිටම නිවැරදිව ම එම වර්ණ ඇසේ මොන කොටසටද වඩාත් යෝග්‍ය වනුයේ යන කරුණ පිළිබඳව  සැලකිලීමත් විය යුතුය . එසේ ම මනාව වර්ණ මිශ්‍ර කිරීම සහ ගැල්වීම අනිවාර්යය අතර හැමවිට ම අවස්ථාවෝචිතව , සමෙහි සහ ඇඳුමේ මෙන් ම ගල්වන ලිප්ස්ටික් වර්ණයට ගැළපෙන ආකාරයට එම වර්ණ භාවිතය තෝරාගන්න. 

-Lightest Color

මෙය ඔබගේ eye makeup  base color එක එකලෙස හැදින්වියහැකි අතර ඔබ මෙම වර්ණය භාවිත කිරීමේදී ඔබගේ lash liner එකේ 

 සිට brow  එකේ පහලට වනතෙක් ඉතා මෘදු ලෙස අලේප කලයුතු අතර ඔබට  inner tear duct corner යන කොටසේ මෙම වර්ණය අලේප කිරීම මගින් මනා ආලෝකයක් ඇසට ලබාදීමට හැකියාව ලැබෙනු ඇත .

-Second Lightest

මෙය ඔබගේ eye lid color එක වන අතර, මෙය eye makeup base color එකට වඩා තරමක් තද පැහැති වේ  .මෙය ඔබගේ lid එක පුරාවට upper lash line එකේ සිට crease දක්වා මෘදු ලෙස අලේප කලයුතු වේ.

-darkest color 

වර්ණ ගැළපීම අවසානයට ම තෝරාගත යුතුවන්නේ තරමක් තද පැහැයෙන් යුතු වර්ණයකි. මෙහි දී angled brush එක අධාරයෙන් ඇස් පිහාටු කෙළවර උඩ සහ පහළ කෝණාකාර හැඩයකට ඇසෙහි හැඩතල මතුවන සේ සහ shade වන ආකාරයට අවශ්‍යය පරිදි තද හෝ අඳුරු පැහැ smoked eye ආකාරයට පරතරයක් නොපෙනෙන සේ ප්‍රවේශමින් ආලේප කිරීමට වගබලාගන්න. කල්ගතවීමේ දී මේ පිළිබඳව මනා පළපුරුද්දක් ඔබට ලැබෙනු ඇත. 

3. Highlight

ඇසෙහි inner corner Highlight කිරීම මගීන් අමතර glam look  එකක් ලබාගැනීම හැකියාව ලැබෙනු ඇත .මේ සදහා light shimmery eyeshadow එකක් ගෙන inner corner එකේ සුළු ප්‍රමාණයක් අලේප කර ඉතා හොදින් blend කරගන්න  

4. Make Colours More Vibrant With White Shadow.

ඔබට ඔබගේ eye makeup එක ඉතා පිළිවෙළ වීමට නම්, පළමුව එහි white base එකක් අලේප කර ගත යුතු වන අතර මේ සදහා white pencil,eye makeup primer හෝ canceler එකක් ගෙන ඔබගේ eye lid එක පුරාවට ආලේපනය කොට ඉන් පසුව ඔබගේ eye shadow අලේප කරගැනීම මගින් ඔබගේ eye makeup එක ආකර්ෂණීයය ව සකස් කරගැනීමට හැකිවේ 

5. Clean Your Makeup Fixes

ඉහත ආකාරයට ආලේපන ගැල්වීමෙන් අනතුරුව සෑම පියවරක් ම අවසානයේදීම Q-tip ගෙන එය micellar water වල පොඟවාගෙන  eye makeup වටා ඇති අමතර ආලේපන makeup wipes මඟින් ප්‍රවේශමින් ඉවත්කරගැනීමෙන් ඉතා  සුන්දර eye makeup look එකක නිමාව ලබාගැනීමට හැකි ය. 

6. Choose Your Eye Makeup Formula Wisely

Pressed eyeshadows පොදු සාමාන්‍ය mess-free විකල්පය වන අතර ඔබට ඔබගේ Makeup එක දිලිසෙන ස්වාබවයක් අවශ්‍ය වන්නේ නම් සැමවිටම Cream shadows බාවිතා කලයුතුවේ.  Loose shadows හැමවිටම බාවිතා කිරීමේදී ඉතා සැලකිලිමත් වියයුත්තේ එය මෙම eyeshadow වර්ග තුනෙන් messiest eyeshadow එක වීම නිසාය.

7. Picking The Right Brushes For Eye Makeup

ඔබ නිවැරදිව eye makeup එකක් කරගැනීමේදී ඔබට ඒ සදහා විශේෂිත  වර්ගතුනක eye makeup brush ඔබසතුව තිබීමෙන් ඉතා විධිමත් ආකාරයට ඔබට මෙම eye makeup කරගැනීමට හැකිවේ.

Basic Eyeshadow Brush මෙය පැතලි සහ තියුණු ලෙස ඔබට හදුනා ගත හැකි අතර ඔබ මෙම Brush එක ඔබගේb eye lid එක වටා අලෙපකිරිම සදහා ඉතා සුදුසු වේ.

Blending Brush-මෙය ඉතා කුඩා ප්‍රමාණයේ brush එකක් වන අතර ඉතා මෘදු වන අතර ඔබට අවශ්‍ය වන ආකාරයට eye shadow  blend කරගැනීමේ  හැකියාව ලැබෙනු ඇත.

Angled Eyeshadow Brush- මෙම brush එක මඟින් lash line කොටස සහ ඇසෙහි හැඩය මුහුණට ගැළපෙන පරිදි මනාව සකසා ගැනීමට උපකාරී වේ.

ප්‍රවීණ රූපලාවණ්‍ය ශිල්පිනි

සමීර ජයසිංහ

07402992944

සුපුරුදු පරිදි ඔබවෙත ගෙන එන අපගේ රූපලාවණ්‍යය ලිපිපෙළ තුළින් අද අප කතාබහ කරන්නට සූදානම් වන්නේ ඔබගේ සම වියපත් වීම

වළකාලමින් ස්වාභාවිකව ම තරුණ පෙනුම රැක ගැනීමට ඔබට කළහැකි දේ පිළිබඳව කතාබහක නියැලෙන්නට යි.

නීරෝගී තරුණ පෙනුමැති සමක් සඳහා ඔබ විසින් පවත්වාගෙන ‍යා යුතු අනිවාර්යය පුරුදු තිබේ.

*) දිනපතා වැඩිපුර ජලය පානය කිරීම.

ඔබ සම රැලිවැටීම,සම අවපැහැගැන්වීම වයසට වඩා වියපත් පෙනුමක් ලැබීම වැනි ගැටළු ඇති අයෙකු නම් පළමුවෙන් ම ඔබ කළයුතු වන්නේ දිනපතා නිවැරදි ප්‍රමාණයකින් ජලය පානය කිරීම යි. ඔබ කුමන ආකාරයේ ජීවනරටාවකට හුරුවූ අයෙක් වූව ද, නොවරදවා ම හොඳින් වැඩිපුර ජලය පානය කිරීමට පුරුදු වන්න. එමඟින් සමේ තෙතමනය රඳාපැවතීම සහ පැහැපත් කිරීමේ කාර්‍යයන් මනාව ඉටුකරනු ලබ යි.

*) සීනි සහ අධික පැණිරස සහිත ආහාර පාන ගැනීම නවත්තන්න . අව ම කරන්න .

සීනි භාවිතය අව ම කිරීමෙන් ඔබේ ශරීරයේ ඉන්ද්‍රියයන් ක්‍රියාකාරීත්වය මනාව පවත්වාගෙන යාමට අවශ්‍යය ඉඩ සැළසෙන අතර අනවශ්‍යය බර සහ ලෙඩ රෝග ඇතිවීම වළකාලීමට ද උපකාර වේ. මේ සියල්ල සමෙහි සෛලවල ප්‍රාණවත් සහ මනා ක්‍රියාකාරීත්වයක් පවත්වාගැනීමට හේතු වේ.

*) හොඳ නින්දක් ලබාගන්න.

සම රැලිවැටීම නවත්වන්නට සිහින දකින්නේනම් රාත්‍රියේ දී ඉතා හොඳ නින්දක් ලබා ගැනීම ඉතා ම වැදගත් වේ. රාත්‍රී නින්දේ දි දිනයක් මුළුල්ලේ වෙහෙස වීමෙන් හා බාහිර පරිසරය හා ගැටුණු ඔබේ ශරීරය ප්‍රකෘතිමත් කර සමට අවශ්‍යය විවේකය මෙන් ම නැවුම්බවක් එක් කරන්නට නින්දට හැකියාව ඇත. හැකි හැමවිට ම වේලාසනින් නින්දට යන්න අමතක කරන්න එපා. එමෙන් ම මුහුණ උඩට සිටින පරිදි උඩුකුරුව නිඳාගැනීමට උත්සාහ කරන්න. මෙම නිවැරදි පුරුදු ඔබගේ සම නැවුම් ව තබාගැනීමට උපකාර කරනු ඇත.

*)උසස් තත්ත්වයේ moisturizer භාවිත කරන්න.

ඔබගේ වයස, සමේ ස්වාභාවය අනුව සුදුසු moisturizer cream භාවිත කරන්න. මුහුණේ සමට ගැළැපෙන සහ ශරීරයට ගැළැපෙන moisturizer ලෙස තෝරාගන්න. හැමවිට ම තත්ත්වයෙන් උසස් ම නිෂ්පාදන ම තෝරාගන්න. ඒ සඳහා ඔබගේ රූපලාවණ්‍යය ශිල්පියා / ශිල්පිනියගේ උපදෙස් පතන්න. අප එකිනෙකාගේ සම සහ සමේ ස්වාභාවයන් වෙනස් නිසා ඔබ වෙනුවෙන් එම වෙනස්කම්වලට ගැළැපෙන ම නිෂ්පාදන තෝරාදීමට අවශ්‍යය දැනුම ඔවුන් සතු වේ. හැම විට ම ඔබගේ ජීවන රටාවට අනුව ඒවා තෝරාගන්න.උදාහරණයක් ලෙස ඔබ එළිමහනේ නිතර ගැවසෙන රැකියාවක් කරන අයෙකු නම් ඒ සඳහා සුදුසු ක්‍රීම්වර්ග තෝරාගන්න. එහි දී තෙල් සහිත සහ ඇලෙන සුළු moisturizer භාවිතය සුදුසු නොවේ. නිතර එළිමහනට නොයන අයෙකු පාවිච්චි කළයුතු ආකාරයට වඩා එය වෙනස් බැවින් ඒ පිළිබඳව අවධානය යොමු කරන්න.

*) Cleansing Brush එකක් භාවිත කරන්න.

සම පිරිසුදු කිරීමේ දී එය හොඳ ම තත්ත්වයේ cleanser සමඟ cleansing brush එකක් භාවිත කිරීමෙන් වඩා සාර්ථක ප්‍රථිපල ලබාගත හැකි ය. එමඟින් ඔබේ සමේ මැරුණු සෛල ඉවත් කිරීම සහ ඇඟිලිතුඩු භාවිතයට වඩා ගැඹුරින් සම පිරිසුදු කරනු ඇති අතර එය ඔබේ සම මත කුරළෑ ලප කැළල් ඇතිවීම වළකාලීමට ද උපකාර වනු ඇත

*) ශරීරයේ බර නියමිත පරිදි පවත්වාගන්න.

ඔබට ඇත්තේ අධික ස්ථූල බවින් යුතු ශරීරයක් හෝ අධික කෙසඟ බවකින් යුතු ශරීරයක් නම් පළමුව BMI   දර්ශකයට අනුව ඔබගේ ශරීර බර අඩු / වැඩි කරගන්න. අධිබර මෙන් ම අධික කෙසඟ බව ද ඔබගේ රූ සපුවට හානි කරන අතර සම අවපැහැ ගැන්වීම , කැළැල් ඇතිවීම ද නොවැළැක්විය හැකි නොවනු ඇත. එබැවින් සෞඛ්‍යය ම ය ප්‍රතිලාභ මෙන් ම ඔබගේ රූ සපුව වර්ධනයට ද ශරීරයේ නිසි බර පවත්වාගෙන ‍යාම අතිශය වැදගත් වේ.

*) ඇමයිනෝ අම්ලය අඩංගු Anti – aging cream

එකක් භාවිත කරන්න.

එමඟින් ඔබගේ වියපත් වෙමින් පවතින සම නීරෝගී කරමින් තරුණ බව රැකදෙන්නට මහඟු කාර්‍යයක් ඉටු කරනු ඇත. මේ සඳහා ද ඔබගේ රූපලාවණ්‍යය ශිල්පිනිය/ශිල්පියාගේ උපදෙස් පතන්න.

*) ව්‍යායාම කිරීමෙන් අනතුරුව හැකි විගස ස්නානය කරන්න.

ව්‍යායාම කිරීමෙන් පසු දහදිය දැමීමෙන් සමේ රෝමකූප මනාව විවර වේ. එබැවින් ව්‍යායාම කළ විගස ස්නානය කිරීමෙන් ඔබේ සම හොඳින් පිරිසුදු කරගත හැකි අතර නැවුම් බවකින් සම ප්‍රකෘතිම ත් කිරීමට එවැන්නකට හැකි ය.

*) සෝයා ප්‍රෝටීන අඩංගු hydrolyzed cream

වර්ගයක් භාවිත කරන්න.

සෝයා ප්‍රෝටීන මඟින් ඔබේ සමෙහි තෙතමනය වඩා රැකදෙන අතර සමෙහි ඇති රැලි ඉවත් කරමින් සමට වඩා සුමුදු තරුණ බවක් ලබා දෙන්නට සමත් වේ.

එමෙන් ම එළවලු , පළතුරු බහුලව අඩංගු සමබර ආහාරවේල් ගැනීම මෙම පියවර අතර ඉතා ම වැදගත් ස්ථානයක් ගන්නා බැවින් ඒ පිළිබඳව ද සැලැකිලිමත් වන්න.  ඉහත පියවර අනුගමනය කිරීමෙන් වයස යනු ඉලක්කමක් පමණක් බව සනාථ කිරීමට ඔබට හැකිවනු ඇත. සමෙහි ඇති දුර්වලතා අව ම කරමින් තරුණ බව රැකදෙන්නට ඉහත ක්‍රම ඔබට උපකාර වනු ඇත . එසේ නම් නැවත මෙවැනි ලිපියකින් අපි මුණගැසෙමු.

ඔබගේ ඕනෑම රූපලාවණ්‍ය ගැටළුවක් සඳහා හෝ මනාලියක් වීමටඉන්නා යුවතියකට අවශ්‍ය උපදෙස් ලබාගන්න අමතන්න

ප්‍රවීණ රූපලාවණ්‍ය ශිල්පිනි

සමීර ජයසිංහ

07402992944

---

---

1. පිරිසුදු භාජනයක් ගෙන එම භාජනයට make up brush cleanser  හෝ baby shampoo  දමා පිරිසුදු ජලය එක්කර ගන්න

2. Makeup brush හොදින් soap water වල හොදින් පෙගීමට හරින්න .

3. Makeup brush mat එකක් හෝ rough cloth එකක් ගෙන එකින් එක makeup brush වල ඇති ඉවත්ව යන තුරු ඉතා මෘදු ලෙස පිරිසුදු කරගන්න

4. මෙම පියවරේදී පිරිසුදු ජලය භාවිතා කරගනිමින් makeup brush එකින් එක  ගෙන හොදින් makeup ඉවත් වන තුරු පිරිසිදු කරගැනීම ඉතා වැදගත් වේ

5. මෙම පියවරේදී ඔබ හොදින් පිරිසිදු කරන ලද makeup brush පිරිසිදු towel එකක් හෝ pepper towel එකක්  ගෙන හොදින් wipe කරගන්න .

6. අවසාන පියවරේදී ඔබ මෙම makeup brush භාවිතයට ගැනීමට පෙර හොදි Air dry වීමට ඉඩ හරින්න .

ඔබගේ ඕනෑම රූපලාවණ්‍ය ගැටළුවක් සඳහා හෝ මනාලියක් වීමටඉන්නා යුවතියකට අවශ්‍ය උපදෙස් ලබාගන්න අමතන්න

ප්‍රවීණ රූපලාවණ්‍ය ශිල්පිනි

සමීර ජයසිංහ

07402992944

---

මේක්අප් භාවිතයේ දී වැදගත්වන කරුණු පිළිබඳ අප මීට පෙරත් ලිපිපෙළකින් සාකච්ඡා කළා. අද ත් සුපුරුදු පරිදි එවැනි ම ඔබගේ අවධානය යොමුවිය යුතු ම රූපලාවණ්‍යය මාතෘකාවක් පිළිබඳව කතාකරන්නට යි මා සූදානම් වන්නේ.

      ඔබ උසස් තත්ත්වයේ රූපලාවණ්‍යය නිෂ්පාදන සහ භාවිතය පිළිබඳව කෙතරම් උනන්දු ද? එසේ ම එම නිෂ්පාදන මනාව ඔබට ගැළැපෙන අයුරින් භාවිත කිරීම ගැන ඔබ දැනුව ත් ද? එමෙන් ම ඔබ සතුව කෙතරම් ප්‍රමාණයක makeup brushes එකතුවක් තිබේ ද? මේ සියලු ගැටළුවලට අදාළ පිළිතුර කුමක්වුවත් ඔබ ඒ පිළිබඳව දැනුවත් වියයුතු ම යැයි මා සිතුවා. 

මක් නිසා ද යත් ඔබ සතුව කෙතරම් උසස් තත්ත්වයේ රූපලාවණ්‍යය නිෂ්පාදන භාවිතයේ තිබුණත් නිවැරදි brushes සහ sponges ආදී උපකරණ ත් ඔබගේ ඒ රූපලාවණ්‍යය එකතුවේ තිබිය යුතු ම වන්නේ ඇයි දැ යි යන්න බොහෝදෙනාට ගැටළුකාරීවන නිසා ත්, නිවැරදි brush collection එකක් ගැන බොහෝ දෙනා දැනුවත් නොවන බවක් පෙනී යන හෙයින් ඒ පිළිබඳව කෙටි පැහැදිලි හැඳින්වීමක් මෙහි අන්තර්ගත වේ.

1. Shimmer blush 

Shimmer blush භාවිත කිරීමේ දී  සුළු ප්‍රමාණයකින් shimmer දවටාගනිමින් ඉතා සැහැල්ලු ආකාරයට brush එක ගෙන ඔබගේ කම්මුල් නිකට සහ නාසය යන ප්‍රදේශ වල ඉතා මෘදුව  ලෙස ආලේප  කරන්න. එ මඟින් ඔබට මේකප් නිමාව වඩා ත් සම්පූර්ණව දිස් වීම සහ ස්වාභාවික නිමාවක් , දිදුලන පෙනුමක් ලබාගත හැකිවනු ඇත. 

2. Makeup brash 

මෙම බ්‍රෂ් එක ඉතාම සුදුසු වන්නේ liquid සහ cream foundation makeup සඳහා වේ. Foundation යනු මේකප් එකක මූලික ම සහ වැදගත් ම පියවරක් වන අතර එය සම මත එක ලෙස සමානව තැවරීම ඉතා ම වැදගත් පියවරක් වේ. එම කාර්‍යය makeup brush මඟින් මනා

ලෙස ඉටුකරගත හැකි ය. 

3. Blush and bronzer brash

බොහෝ දෙනාගේ makeup නිමාව මැනගැනීමට ත් නිමාව වඩාත් ම සුන්දර සහ දිදුලන පෙනුමකින් ස්වාභාවික ආකාරයට දිස්වීම සඳහා Blush  සහ bronzer වැදගත් කාර්‍ය්‍යක් ඉටු කර යි. ඒ සඳහා blush & bronzer තැවරීමට සහ  ඉතාමත් පහසු ලෙස මුසු කරගැනීම සදහා  ඉතාම මෘදු සහ පිරුණු වටකුරු ආකාරයෙන් යුතු මෙම බ්‍රෂ් එක උපකාරී වේ .

4. Flat foundation brush 

තුනී foundation ආලේපනය මගින් high definition නිමාවක් liquid සහ cream  makeup භාවිතය මගින් ලබාගැනීමට හැකිවේ. 

5. powder  brush

මෙම brush එක භාවිත කරනු ලබන්නේ loose සහ pressed powder තැවරීම ට යි. මෙම brush එක  භාවිත කිරීමේ දී මතක තබාගත යුතු කාරණය වන්නේ brush එකේ පව්ඩර් තවරා ගැනීමෙන් පසු නැවත සුළු තට්ටුකිරීමක් මගින් අමතර powder ඉවත් කර ගනිමින් ආලේප කර ගැනීම යි. නැතහොත් තවරන පව්ඩර් ප්‍රමාණය වැඩිවීම මඟින් makeup එක වියළිබවක් ඇති වී ඔබට සුන්දර පෙනුමක් ලබාගැනීම දුෂ්කර වනු ඇත. 

6. Eye shadow blur brush 

සම්පූර්ණ හැඩගැන්වීමක දී eye makeup ඉතා ම තීරණාත්මක වන අතර නිවැරදි ආකාරයට වර්ණ ඇස්මත තැවරීමට, ඇස් අලංකාරව කැපීපෙනීමට සහ වර්ණ මනාව සංයෝජනය සහ තැවරීමට eye shadow brushes ඔබට උපකාර වේ. ඒ අනුව විශේෂයෙන් ම eye makeup වර්ණ blend කරගැනීමටත් ඔබගේ ඇස උඩු ප්‍රදේශයේ ඇති eye bone එක high light කිරීම සදහා මෙම brush එක බාවිතා කිරීම වැදගත් වනුඇත . 

7. eye shadow brush 

Eye shadow brush භාවිතයෙන්  eye makeup වර්ණ හෝ highlighter වර්ණ මනාව ආලේපනය කිරීමට හැකි වේ. මෙම brushes උපයෝගී කරගැනීම මඟින් ඔබට ඉතා soft eye makeup look එකක් ලබා ගැනීමට හැකියාව ලැබෙනු ඇත. එසේ ම අඩු , වැඩි නොවන ආකාරයේ සුන්දර හැඩගැන්වීමක නිමාව එතුළින් ලබාගත හැකිවනු ඇත.

8. concealer brush

බොහෝ කාන්තාවන්ට ගැටළුවක්වන මුහුණේ පැහැය එක සමාන නොවී ම, කුරුළෑ , ලපකැළැල් බහුල වීම සහ පැල්ලම් සම මත තිබීම සඟවමින් පරිපූර්ණ ස්වාභාවික සුන්දර පෙනුමක් සහ නිමාවක් ලබාගැනීමට concealer භාවිත කරනු ලබ යි. තව ද  මුහුණේ ඇති හිරුරශ්මිය මගින් අවපැහ ගැන්වී ඇති ප්‍රදේශ මෙන්ම  ඇස් යට අවපැහැ ගැන්වී ඇති ප්‍රදේශ අවරණය කිරීම සදහා මෙම concealer ආලේපනය ඉතා වැදගත්වන අතර concealer brush භාවිතයෙන් එය මනාව ඉටුකරගත හැකි ය.

9. Eyebrow brush

දේදුනු හැඩැති ඇහිබැමක් යනු කාන්තාවකට ආභරණයකි. මනාව හැඩගැන්වූ ඇහි බැමක ඇති රෝම කුප අඩු ප්‍රදේශ පිරවීම සදහාත්, මනා හැඩයක් ඊට ලබාදීම සඳහා මෙන් ම පිළිවෙළකට ඇහිබැම සැකසීමට හෝ comb කිරීමට මෙම eye brow Brush ඉතා ම වැදගත් කාර්‍යයක් ඉටුකරනු ලබ යි. එම කාර්‍යය වඩා පහසුකරන jel හෝ powder ආලේප

කරමින් දෙබැම හැඩගැන්වීමට , දෙබැමෙහි හැඩය පවත්වාගැනීමට මෙම brushes වැදගත් වේ.

10. lip brush

සියුම් මෙන් ම කුඩා brush එකක් වන lip Brush භාවිතයෙන් ඉතා නිවැරදි ආකාරයට  ඔබගේ දෙතොල් මනා ලෙස වර්ණ ගැන්වීමට හැකි ය. සාමාන්‍යයෙන් lipstick එක මඟින් වර්ණ තවරනවාට වඩා මනා ලෙස දෙතොල් ආලේපන තැවරීමට,දෙතොලේ හැඩය ඉස්මතු කිරීමට මෙන් ම අපූර්ව වර්ණ සංයෝජන නිවැරදිව මුසුකරමින් ඔබේ සමේ පැහැයට සහ සුන්දරත්වයට ගැළැපෙන වර්ණ ආලේපනයට සහ මිශ්‍ර කිරීමට lip brush ඉතා ම වැදගත් වේ. 

ඉතින් නැවතත් මෙවැනි ම ඔබට වැදගත්  රූපලාවණ්‍ය ම ය ලිපියකින් තවත් කරුණු රැගෙන එනතෙක් ඔබට සුබ, සුන්දර දවසක් වේවා !

ඔබගේ ඕනෑම රූපලාවණ්‍ය ගැටළුවක් සඳහා හෝ මනාලියක් වීමටඉන්නා යුවතියකට අවශ්‍ය උපදෙස් ලබාගන්න අමතන්න

ප්‍රවීණ රූපලාවණ්‍ය ශිල්පිනි

සමීර ජයසිංහ

07402992944

---

වැස්ලින් පිළිබඳව අසා නැති අයෙක් නැති තරම්. එය එතරම් ජනප්‍රිය වී ඇත්තේ  ආලේපනයක් ලෙස මෙන් ම ඉතා පහසුවෙන් අඩු මුදලකට මිල දී ගත හැකි වීම ත් ඒ භාවිතයෙන් ලැබෙන උසස් ප්‍රතිලාභ සහ විවිධ ආකාරයට ප්‍රයෝජන ගත හැකිවීම නිසා විය යුතු ය. 

ලොව පුරා කාන්තා , පිරිමි දෙපාර්ශවය ම විසින් රූපලාවණ්‍යය සහ වෙනත් ප්‍රතිකාර ක්‍රම සඳහා වැස්ලින් බහුලව භාවිත කරනු ලබ යි. 

 අද ත් සුපුරුදු පරිදි ම රූපලාවණ්‍යය පිළිබඳ කතා බහේ දී වැස්ලින් රූපලාවණ්‍යය කටයුතු සඳහා උපකාර කරගතහැකි ආකාරය පිළිබඳ තොරතුරු බිඳක් ඔබ හා බෙදාගැනීමට මා සූදානම් .

*) සමේ තෙතමනය ආරක්ෂා කිරීම:

වැස්ලින් භාවිතයෙන් ඔබට ලැබෙන ප්‍රධාන ත ම වාසිය නම් එමඟින් සමේ තෙතමනය මනාව පවත්වාගැනීමේ හැකියාව ලැබීම යි. කලින් කලට විවිධ මතිමතාන්තර ඇතිවූව ත් පෙට්‍රෝලියම් ජෙල් ආශ්‍රිත නිෂ්පාදනයක් වුවත් ලොව පිළිගන්නා සන්නාම යටතේ සමට හිතකර ප්‍රතිඵල ලබාදෙන අයුරින් වැස්ලින් නිපදවනු ලබ යි. එබැවින් ආසාත්මිකතා නොමැති ඕනෑ ම අයෙකුට පහත ක්‍රම අත්හදාබැලීමෙන් විස්මිත ප්‍රතිඵල ළඟාකරගත හැකිවනු ඇත. සම රැලිවැටීම වළක්වා තෙතමනය පවත්වාගැනීමට ත් සම සුසිනිඳු කරගැනීමට ත් නෑමෙන් හෝ පිරිසුදු වීමෙන් අනතුරුව සිරුරේ වැස්ලින් ආලේප කර පිරිමදින්න. දිනපතා මෙසේ වැස්ලින් සත්කාරය තුළින් සුමුදු සමක පහස ඔබට ලැබෙනු ඇත.

*) නිල්වන් ඝන ඇස්පිහාටු සඳහා

වැස්ලින් භාවිතයෙන් ඔබේ ඇස්පිහාටු නිරෝගීව අලංකාරවත්ව පවත්වාගෙන යා හැකි බව ඔබ දැන සිටියා ද? දිනපතා රාත්‍රී නින්දට පෙර පිරිසුදු පොල්තෙල් ( extra verging coconut oil) සහ වැස්ලින් සුළු ප්‍රමාණවලින් මිශ්‍රකරගෙන පිරිසුදු eye brow brush හෝ mascara brush එකක් ආධාරයෙන් ( මේ සඳහා ඉවතලන මස්කාරා ඇසුරුම්වල ඇති brush එකක් හොඳින් සෝදා පිරිසුදු කර ගැනීමෙන් අනතුරුව පාවිච්චියට ගන්න) හොඳින් ඇස්පිහාටු අතර ආලේප කරන්න. සති කිහිපයක් දිනපතා භාවිතයෙන් අනතුරුව ඔබට ම වෙනස වටහාගත හැකිවනු ඇත. 

*) දිගු රෝස පැහැ ශක්තිමත් නියපොතු සඳහා

වැස්ලින් භාවිතයෙන් ඔබට නියපොතුවල ඇති බොහෝ ගැටළු ද මඟහරවා ගත හැකි ය. ඔබ වඩා සුන්දර නිරෝගී නියපොතු පිළිබඳව සිහින දකිනවානම් දිනපතා වැස්ලින් ස්වල්පයක් දෑතේ සහ දෙපාවල නියපොතුවල ආලේප කරන්න. වැදගත් ම කරුණ නම් නියපොතුවල කියුටිකල් මත වැස්ලින් ආලේපකර මෘදුව රවුම් හැඩයට සම්භාහනය කරන්න. 

*) මේක් අප් පහසුවෙන් ඉවත්කිරීමට 

ඔබ නිතර මේක් අප් භාවිත කරන අයෙක් ද? පහසුවෙන් නිවැරදිව මේක්අප් ඉවත්කිරීමට ක්‍රමයක් අත්හදා බැලීමට කැමති ද? එසේ නම් මේක් අප් ඉවත්කිරීමේ දී වැස්ලින් ස්වල්පයක් භාවිත කරන්න. වැස්ලින් භාවිතයෙන් ඔබේ මේක්අප් පහසුවෙන් ඉවත් කරගතහැකිවාක් මෙන් ම සමහර makeup remover මඟින් ඇතිකරවන සමේ වියළි සහ ඉරිතැලීම් ස්වභාවය ද අව ම කර යි. එමෙන් ම වැස්ලින් මඟින් තදපැහැයෙන් සමට කාවැදුණු තොල් ආලේපන, සහ මස්කාරා වැනි තද මේක් අප් පවා පහසුවෙන් ඉවත්කරනු ලබ යි. 

*) පැහැපත් සමක් ලබා දෙයි

ඔබේ මුහුණේ අධිකව තෙල් තැන්පත් වන නාසය, නළල වැනි ස්ථානවල ඇතිවන කලුලප (black heads) සඳහා ද වැස්ලින් කදිම පිළිතුරක් වේ. රාත්‍රී නින්දට පෙර පිරිසුදු කරගත් සම මත තරමක් ඝන ආලේපනයක් ලෙස වැස්ලින් black heads බහුලව ඇති ස්ථානවල layer එකක් ආකාරයට ආලේප කරන්න. අනතුරුව plastic wrap එකකින් වැස්ලින් ආලේප කළ නාසය හෝ ස්ථානය ආවරණය කරන්න. නින්දට යන්න. පසුවදාට mask එක ඉවත් කර cotton bud එකක් ආධාරයෙන් මෘදුව black heads තිබූ ස්ථාන පිසදමමින් black heads ඉවත් කරගන්න. 

*) සුමුදු දෙපා සඳහා වැස්ලින් 

ඔබේ දෙප නිරන්තරයෙන් වියළි ස්වාභාවයක් ගන්නේ නම් යටිපතුල් වේදනා සහගත ලෙස පැළෙනවානම් ඒ සඳහා ද සාර්ථක විසඳුමක් ලෙස වැස්ලින් හඳුන්වා දිය හැකි යි. පිරිසුදු කරගත් යටිපතුල්වල නින්දට පෙර වැස්ලින් ආලේප කර මේස් යුවළක් පළඳින්න.එසේ ම වැස්ලින් ආලේපනයට පෙර පියුමික් ස්ටෝන් එකක් භාවිත කොට තද හම් සහිත යටිපතුල් පිරිසුදු කරගැනීමෙන් වඩා ඉක්මන් සහ සාර්ථක ප්‍රතිඵල ලබාගන්න.  එසේ ම පාවහන් පැළඳීමට පෙර වැස්ලින් ස්වල්පයක් ආලේප කිරීමෙන් යටිපතුල්,දෙපා සහ පා ඇඟිලි අතර ඇතිවන වේදනාව සහ ගැටළු අව ම කරගත හැකි ය. 

*) හිස කෙස් වර්ණගැන්වීමේ දී සම මත පැල්ලම් ඇතිවීම වළක්වා ගැනීමට

බොහෝ කාන්තාවන් වියපත් වනවිට මුහුණපාන ගැටළුවක් වන්නේ හිස කෙස් සුදුපැහැවීම යි. මෙහි දී තමන් විසින් ම තම හිසකෙස් වර්ණගන්වා ගැනීමට බොහෝ දෙනා පෙළඹෙන අතර එහි දී නළල සහ මුහුණේ වෙනත් ස්ථානවල එම වර්ණ තැවරීම වළක්වා ගැනීමට අපහසු වේ. එමෙන් ම ඒ තැවරුණු වර්ණ පහසුවෙන් ඉවත් නොවේ. මේ සඳහා ද නළල, දෙකම්මුල්, දෙකණ වැනි ස්ථානවල හිසකෙස් වර්ණ ගැන්වීමට ප්‍රථම වැස්ලින් ආලේප කිරීමෙන් එසේ තැවරෙන වර්ණ පහසුවෙන් ඉවත්කරගත හැකි වේ.

*) සුසිනිඳු දෙතොලක් සඳහා

රාත්‍රී නින්දට පෙර දෙතොලේ වැස්ලින් ස්වල්පයක් ආලේප කර මෘදුව සම්බාහනය මඟින් ඔබට මනාව පිරුණු සුමුදු දෙතොලක් පවත්වාගත හැකි ය. එසේ ම ශීත් හෝ වියළි කාලගුණික , දේශගුණික හෝ අසනීප තත්ත්ව යටතේ අධික වියළි සහ වේදනාකාරී පැළීම්වලින් ඔබේ දෙතොල ආරාක්ෂාකිරීමට වැස්ලින් මහත් සේ උපකාරී වේ. එසේ ම ලිප් බාම් එකක් ලෙස ද වැස්ලින් ඔබට භාවිත කිරීම ට හැක.

*) දෙබැම හැඩගැන්වීමට 

ඔබේ දෙබැමේ හැඩය මනාව පවත්වාගැනීමට ද හැඩගැන්වීමට ද වැස්ලින් උපකාරී වේ. Eyebrow brush එකක ආධාරයෙන් වැස්ලින් ආලේප කිරීමෙන් දිගුවේලාවක් දෙබැමේ හැඩ නිසි පරිදි පවත්වාගැනීමට ඔබට අවකාශ ලැබේ. 

මේ අනුව අධික මිලක් ගෙවා ලබාගන්නා සමහර රූපලාවණ්‍යය නිෂ්පාදනවලින් අපේක්ෂාකරන ප්‍රතිඵලය ම , සමහරවිට ඊට ත් වඩා සාර්ථක කඩිනම්

ප්‍රතිඵල ඔබට මිලෙන් අඩු, එහෙත් විවිධාකාර අරමුණු වෙනුවෙන් භාවිත කළ හැකි, පහසුවෙන් ම බොහෝ තැන්වලින් මිල දී ගත හැකි වැස්ලින් තුළින් ලබාගත හැකිවනු ඇත. ඉතා සාර්ථක, පහසු ප්‍රතිඵල මෙන් ම මිල අධික නොවීම,පහසුවෙන් ලබාගත හැකිවීම ,අතුරු ආබාධ ඉතා අව ම වීම වැනි කාරණා නිසා වැස්ලින් ඔබේ ප්‍රියත ම රූපලාවණ්‍යය නිෂ්පාදන අතරට එකතුකරගැනීමට මෙම ලිපිය උපකාර වන්නට ඇතැයි සිතන අතර නැවත ඊළඟ කලාපයෙන් මෙවැනි ම වැදගත් ලිපියකින් ඔබ හමුවීමට බලාපොරොත්තු වෙමි.