Category: Daily-Topics

2025 අප්‍රේල් සිට අලුත් පද්ධතියක්   

  දශක ගණනාවක් UK හි බදු පද්ධතිය domicile නීති මත ක්‍රියාත්මක විය. එය විදේශීය පුරවැසියන්ට (non- domicile) , ශ්‍රී ලාංකිකයන්ට විදේශ ආදායම UK තුළට remit නොකරන තුරු, එම ආදායම UK බදු වලට යටත් නොවීමයි

  කෙසේ වෙතත්, 2025 අප්‍රේල් 6 සිට මෙම නීති ඉවත් වී, ඒ වෙනුවට Foreign Income & Gains (FIG) regime නව පද්ධතිය ආරම්භ වන අතර මෙය UK බදු පද්ධතියේ විශාල වෙනසක් ලෙස සැලකේ. 

නව නීති යටතේ:

• UK හි පදිංචි සියලුම පුද්ගලයන්ගේ ලෝකය පුරා ඇති ආදායම සහ ලාභ (worldwide income & gains) බදු යටතට ගනු ලැබේ.  
• Remittance basis (මුදල් UK වලට ගෙන ආ විට පමණක් tax කිරීම) අහෝසි වේ.
• අලුතෙන් UK වලට පැමිණි පුද්ගලයන් හට අවුරුදු 4ක් foreign income tax-free කරන්න පුළුවන්, නමුත් ඔවුන් පසුගිය අවුරුදු 10ට UK resident නොවී තිබිය යුතුයි.
• Relief අවසන් වූ පසු, ශ්‍රී ලංකාවේ හෝ වෙනත් රටවල් වලින් ලැබෙන අදායම හෝ ලාභ අනිවාර්යව UK tax return එකේ declare කළ යුතුය. එම මුදල් ශ්‍රී ලංකාවේම හෝ අදාල රටේම රැඳී තිබුනත්, UK බදු යටතට ගන්නා ලැබේ.  

මෙය UK හි පදිංචි ශ්‍රී ලාංකිකයන්ට ගැටලුවක් සහ අභියෝගයක් වේ.

• විදේශගත වී පවුලට මුදල් යවන migrant workers,
• ශ්‍රී ලංකාවේ දේපල හෝ කුලියට දීලා ඉන්න professionals,
• Sri Lanka pensions ගන්න retirees සියලු දෙනාටම හැමෝම මේ නව නීතියට බලපානවා.

   සරලවම කිව්වොත්: මේ නව නීතියේ යටතේ ඔබේ ශ්‍රී ලංකාවේ ආදායම, investments, දේපල income හැමදේම UK tax system එකට ඇතුළත් වෙනවා.

මෙම නීතිය බලපාන්නේ කාටද?

 UK හි වැඩකරන ශ්‍රී ලාංකිකයන්
ශ්‍රී ලංකා බැංකු ගිණුම් වලින් ලැබෙන interest, fixed deposits ආදායම් දැන් UK tax return එකට ඇතුළත් කළ යුතුයි.

 ශ්‍රී ලංකාවේ දේපල හිමියන්
නිවාස හෝ බිම් බදු ගෙවා කුලියට දී ඇති අය, rental income UK tax return එකේ declare කළ යුතුයි.

 Dual-income professionals
විශේෂයෙන් UK හි සේවය කරන Doctors, Engineers, IT consultants සහ SL businesses, shares, side-income තිබෙන අයට මෙම නීති බලපායි.

 Retirees සහ Pensioners
ශ්‍රී ලංකා pensions හෝ annuities ලබා ගන්න අයගේ ආදායමද UK හි declare කළ යුතුය.

 Double Taxation Agreement (UK–SL DTA) යටතේ tax credit ගත හැක, නමුත් එය නිවැරදිව claim කළ යුතුය.

 අවදානම් – නිසි පියවර නොගන්නේ නම්;

HMRC පැහැදිලිව කියා සිටිනවා:

• Late returns හෝ incorrect returns  සඳහා Penalties සහ interest අය කරයි. 
• විදේශ ආදායම නොදැක්වීමේදී investigations ආරම්භ විය හැක
• “I didn’t know” කියන එක තව දුරටත් valid excuse එකක් නොවෙයි.

විශේෂයෙන් ශ්‍රී ලාංකිකයන්ට  property, bank accounts, pensions ආදිය නිසා  විශාල අවදානමක් මෙම බදු ක්‍රමය නිසා ඇති විය හැක.

 Reliefs සහ Protections

මේ නව නීති සම්පූර්ණයෙන්ම අවාසිදායක දෙයක් නොවේ. නව tax rules යටතේත්, ඔබ නිසි සැලසුම් සහ planning කළහොත්, tax burden අඩු කරගැනීමට උපකාරී reliefs සහ protections තිබෙනවා

1. Foreign Tax Credit Relief (FTCR)
   – ඔබ ශ්‍රී ලංකාවේ income (උදාහරණයක් ලෙස rental income) මත tax ගෙවන්නේ නම්, ඒ tax එක UK tax liability එකට offset කරන්න පුළුවන්.
   – මේක මඟින් double taxation වැළැක්විය හැක.
   – නමුත් rules ඉතා දැඩියි . Claim කල හැක්කේ අඩු අගය (Sri Lanka tax හෝ UK tax එක), සහ නිවැරදි forms (SA106) පුරවා යොමු කළ යුතුයි.
2. FIG 4-year Relief
   – අලුතින් UK වලට පැමිණෙන (new arrivals) සහ පසුගිය අවුරුදු 10 තුළ UK resident නොවූ අය, අවුරුදු 4ක් foreign income tax-free අයදුම් කරගත හැක.
   – මේක අලුතින් UK වලට වැඩ කරන්න පැමිණෙන හෝ study  කරන්න පැමිණෙන අය සඳහා golden opportunity එකක්.
3. Double Taxation Agreement (DTA)
   – UK සහ Sri Lanka අතර තියෙන ගිවිසුමක් මඟින් double taxation වැළැක්විය හැක.
   – නමුත් මෙය සාර්ථකව භාවිතා කරන්න නම්, ඔබේ foreign income නිවැරදිව declare කර claim කරන එක අත්‍යවශ්‍යයි.

 සරලව කියන විදිහට, reliefs තියෙනවා. නමුත් ඒවා ලැබෙන්නේ නිවැරදි reporting සහ professional guidance එකක් යටතේ පමණි.

ඉදිරි සැලසුම් – How to Prepare ?

1. ඔබේ විදේශ ආදායම් සහ දේපල ලැයිස්තු ගන්න. – ශ්‍රී ලංකාවේ ඇති bank accounts, rental properties, investments, pensions, හෝ business income ලිස්ට් එකක් සකස් කර ගන්න.
2. ඔබේ UK tax residence තහවුරු කර ගන්න – Statutory Residence Test හෝ HMRC online tool භාවිතා කර, ඔබ UK tax resident ද යන්න පරීක්ෂා කර බලන්න.  
3. Deadlines අවබෝධ කර ගන්න –  නව නීතිය බලපැවැත්වෙන පළමු වසර 2025/26 ය.  ඒ සඳහා Self-Assessment return එක 31 January 2027 ට පෙර පුරවිය යුතුය. අවසන් මොහොත දක්වා රැඳී නොසිටින්න  
4. Document රැස්කරගන්න – Bank statements, rental agreements, Sri Lankan tax receipts වැනි ලියකියවිලි UK return සකස් කිරීමට අත්‍යවශ්‍ය වේ.  
5. Professional advice ගන්න –  International tax ගොඩක් complex. UK සහ Sri Lanka tax laws දෙකම දන්නා adviser කෙනෙක්ගෙන් උපදෙස් ගත්තාම, reliefs claim කරන්න, වැරදි වලින් වලක්වගන්න, tax bill අඩු කරන්න පුළුවන්.  

  ශ්‍රී ලාංකිකයන් සඳහා මෙය ඇත්තෙන්ම වැදගත් වන්නේ ඇයි?

මෙය සරල paperwork එකක් විතරක් නොවෙයි.
මෙම නව නීති අපි ශ්‍රී ලංකාවට යවන මුදල් ප්‍රමාණයට, අපි ශ්‍රී ලංකාවේ කරන ආයෝජන වලට, සහ අපේ විශ්‍රාම සැලසුම් වලට සෘජුවම බලපායි.

බොහෝ ශ්‍රී ලාංකිකයන් UK වෙත ගියේ විදේශ ආදායම වෙනමම රැඳෙයි කියන විශ්වාසය ඇතිවය. නමුත් 2025/26 සිට එම වෙන්කිරීම අවසන් වේ.

 නිසි සැලසුම් නොමැතිනම්:

• වැඩි tax bills
• penalties
• සහ ඔබේ අතේ තියෙන මුදල් අඩුවීම

 නිවැරදි සැලසුම් සහ වෘත්තීය උපදෙස් සමග:

• නීති සම්පූර්ණයෙන් පිළිපදින්න පුළුවන්
• double taxation වලින් වලක්වගන්න පුළුවන්
• සහ ඔබේ පවුලට UK තුළත්, ශ්‍රී ලංකාව තුළත් ආධාර ලබා දෙමින් ආරක්ෂිතව ඉදිරියට යන්න පුළුවන්.

නව FIG regime යනු UK taxation ඉතිහාසයේ විශාල වෙනසක් වන අතර, UK හි පදිංචි ශ්‍රී ලාංකිකයන්ට  වාසි   සහ  අවාසි දෙකම ගෙන එයි.

අදම සැලසුම් ආරම්භ කර, නිසි professional උපදෙස් ලබා, ඔබේ hard-earned මුදල්,  ඔබ සහ ඔබේ පවුල වෙනුවෙන් නිවැරදිව ක්‍රියාත්මක වන බවට වගබලා ගන්න.

මෙම නව නීති යටතේ, ඔබේ overseas income, pensions, property සහ investments පිළිබඳ පැහැදිලි සැලසුම් කිරීම මඟින්, double taxation වලින් බේරී, අනාගත ආර්ථික ආරක්ෂාව සහ family support සුරක්ෂිත කර ගත හැක

සීතල යුද්ධයෙන් ඇති වූ ගෝලීය ආර්ථික අර්බුදය සහ එහි වත්මන් තත්වයට මුහුණ දීමට සහ හැඩගැසීමට ශ්‍රී ලංකාවේ උපාය මාර්ග

සීතල යුද්ධය යනු එක්සත් ජනපදය සහ සෝවියට් සංගමය අතර දේශපාලන හා මිලිටරි එදිරිවාදිකමක් පමණක් නොව, ගෝලීය ආර්ථිකය හැඩගස්වා ගත් දිගු අරගලයක් ද විය. එය ලෝකය කණ්ඩායම් දෙකකට බෙදා, ආතතීන්, වෙළඳ සීමාවන් සහ අසමාන සංවර්ධනයක් ඇති කළේය. විශේෂයෙන් ආසියාවේ, අප්‍රිකාවේ සහ ලතින් ඇමරිකාවේ බොහෝ රටවල් මෙම බලවතුන් දෙදෙනා අතර සිරවී සිටියහ. සීතල යුද්ධය අතරතුර සහ ඉන් පසුව ඇති වූ ගෝලීය ආර්ථික අර්බුදය ආයුධවල පිරිවැය සහ හමුදා ව්‍යාප්තිය පමණක් නොව කුඩා ජාතීන්ට නිදහසේ සංවර්ධනය වීමට ඇති සීමිත අවස්ථා ද විය. මෙම උරුමය අදටත් ගෝලීය ආර්ථිකයට බලපාන අතර ශ්‍රී ලංකාව වැනි රටවලට බලපෑම් කරයි.

සීතල යුද්ධය අතරතුර, සුපිරි බලවතුන්ගේ තරඟය බොහෝ සංවර්ධනය වෙමින් පවතින රටවල තෙල් කම්පන, උද්ධමනය ඉහළ යාම සහ ණය අර්බුද ඇති කළේය. කණ්ඩායම් දෙකෙන් ඕනෑම කණ්ඩායමකින් ආධාර හෝ ණය මත යැපෙන රටවල් බොහෝ විට ණය ආපසු ගෙවීමට අරගල කළ අතර, ඔවුන් ආර්ථික අස්ථාවරත්වයට ගොදුරු විය. IMF සහ ලෝක බැංකුව වැනි ජාත්‍යන්තර ආයතන ව්‍යුහාත්මක ගැලපුම් වැඩසටහන් හඳුන්වා දුන් අතර, එය බොහෝ අවස්ථාවලදී සාමාන්‍ය පුරවැසියන්ගේ ආර්ථික දුෂ්කරතා ගැඹුරු කළේය. ශ්‍රී ලංකාව වැනි කුඩා දූපත් රාජ්‍යයන් සඳහා, මෙම ගෝලීය ආර්ථික තරංග ප්‍රධාන අභියෝග ඇති කළේය. වෙළඳ මාර්ගවලට බලපෑම් ඇති විය, භාණ්ඩ සඳහා ගෝලීය ඉල්ලුම වෙනස් විය, සහ ශක්තිමත් ආර්ථිකයන් මත මූල්‍ය යැපීම වැඩි විය.

ශ්‍රී ලංකාව, නොබැඳි රටක් ලෙස, සීතල යුද්ධය අතරතුර තම විදේශ සබඳතා ප්‍රවේශමෙන් සමතුලිත කිරීමට උත්සාහ කළේය. එක්සත් ජනපදය හෝ සෝවියට් සංගමය සමඟ සම්පූර්ණයෙන්ම පැත්ත ගැනීම වෙනුවට, ශ්‍රී ලංකාව තම ස්වාධීනත්වය ආරක්ෂා කර ගනිමින් දෙපැත්තෙන්ම ආධාර ලබා ගැනීමට තම මධ්‍යස්ථ ස්ථාවරය භාවිතා කළේය. කෙසේ වෙතත්, තෙල් මිල ඉහළ යාම සහ වෙනස් වන වෙළඳපොළවල් වැනි ගෝලීය අර්බුදවල ආර්ථික බලපෑම් තවමත් රටට තදින්ම බලපෑවේය. උද්ධමනය, විරැකියාව සහ ආනයන මත යැපීම දිගුකාලීන ගැටළු බවට පත්විය.

අද පවා, ශ්‍රී ලංකාවට සීතල යුද්ධ ගතිකය තුළ මුල් බැසගත් ගෝලීය ආර්ථික අභියෝගවල අඛණ්ඩ බලපෑම් දැනේ. ලෝකය ගෝලීයකරණය සහ නිදහස් වෙළඳපොළ පද්ධති වෙත ගමන් කර ඇත, නමුත් බලවත් රටවල් අතර තරඟකාරිත්වය තවමත් අස්ථාවරත්වයක් ඇති කරයි. වෙළඳ යුද්ධ, ඉහළ යන ඉන්ධන පිරිවැය, ගෝලීය උද්ධමනය සහ මූල්‍ය අර්බුද සීතල යුද්ධයේ නූතන දෝංකාරයයි. අත්‍යවශ්‍ය භාණ්ඩ සඳහා ආනයන මත යැපෙන සහ තේ, ඇඟලුම් සහ ශ්‍රම ප්‍රේෂණ වැනි අපනයන මත දැඩි ලෙස රඳා පවතින ශ්‍රී ලංකාව වැනි රටකට, මෙම ගෝලීය මාරුවීම් අවදානම් සහ පීඩන යන දෙකම ගෙන එයි.

මෙම අභියෝගවලට මුහුණ දීම සඳහා, ශ්‍රී ලංකාව වෙනස් වන ආර්ථික තරංගවලට අනුවර්තනය වීමට උපාය මාර්ග සකස් කර ඇත. එක් ප්‍රවේශයක් වන්නේ එහි ජාත්‍යන්තර හවුල්කාරිත්වයන් විවිධාංගීකරණය කිරීමයි. එක් සුපිරි බලවතෙකු මත පමණක් යැපීම වෙනුවට, ශ්‍රී ලංකාව ඉන්දියාව, චීනය, එක්සත් ජනපදය සහ යුරෝපීය ජාතීන් ඇතුළු බහු රටවල් සමඟ වෙළඳ සහ ආයෝජන සබඳතා ගොඩනඟා ගෙන ඇත. තවත් උපාය මාර්ගයක් වන්නේ විදේශ ආදායම් උපයා ගැනීමේ මාර්ග ලෙස සංචාරක ව්‍යාපාරය සහ සේවාවන් කෙරෙහි අවධානය යොමු කිරීම, සාම්ප්‍රදායික අපනයන මත දැඩි ලෙස යැපීම අඩු කිරීමයි. ඒ සමඟම, මෙම පියවරයන්ට සමහර විට දැඩි ප්‍රතිසංස්කරණ අවශ්‍ය වුවද, ණය ප්‍රතිව්‍යුහගත කිරීමට සහ එහි ආර්ථිකය ස්ථාවර කිරීමට ශ්‍රී ලංකාව ගෝලීය මූල්‍ය ආයතන සමඟ කටයුතු කර ඇත.

මෑත වසරවලදී, විශේෂයෙන් ආහාර සහ ඉන්ධන සඳහා ආනයන මත යැපීම අඩු කිරීම සඳහා ශ්‍රී ලංකාව සිය දේශීය නිෂ්පාදනය ශක්තිමත් කිරීමට ද උත්සාහ කර ඇත. දේශීය කර්මාන්ත දිරිමත් කිරීම, පුනර්ජනනීය බලශක්තිය ප්‍රවර්ධනය කිරීම සහ ඩිජිටල් තාක්ෂණයේ ආයෝජනය කිරීම රට ගෝලීය ආර්ථික අවිනිශ්චිතතාවයට මුහුණ දීමට සූදානම් වන නව ක්‍රම කිහිපයකි. මෙම පියවර පහසු නොවූවත්, ගෝලීය දේශපාලනයෙන් ඇතිවන ආර්ථික අර්බුද තත්ව තාවකාලික නොවන නමුත් බුද්ධිමත් අනුවර්තනයක් අවශ්‍ය දිගුකාලීන යථාර්ථයන් බව පිළිගැනීම ඒවායින් පිළිබිඹු වේ.

සීතල යුද්ධයෙන් වර්ධනය වූ ගෝලීය ආර්ථික අර්බුදය ලොව පුරා කල් පවතින බලපෑම් ඇති කර ඇති අතර, අනෙකුත් බොහෝ ජාතීන් මෙන් ශ්‍රී ලංකාව ද එහි ප්‍රතිවිපාකවලට මුහුණ දෙමින් සිටී. රාජ්‍ය තාන්ත්‍රිකභාවය, විවිධාංගීකරණය සහ දේශීය ශක්තිය හරහා හැඩගැසීමෙන්, කුඩා ජාතීන්ට තවමත් අවිනිශ්චිත ගෝලීය පිළිවෙලක දිවි ගලවා ගැනීමට මාර්ග සොයා ගත හැකි බව ශ්‍රී ලංකාව පෙන්වයි. ශ්‍රී ලංකාවේ උපාය මාර්ග පිළිබඳ කතාව, ඉතිහාසය අභියෝග නිර්මාණය කරන අතරම, අනාගතය සඳහා ඔරොත්තු දීමේ හැකියාව සහ නවෝත්පාදනය සොයා ගැනීමට රටවල් තල්ලු කරන බව මතක් කිරීමකි.

පවිත්‍රා රණතුංග

~ තිසර පට යට වසන්තය ~

ලාංකේය ටෙලිනාට්‍ය කර්මාන්තයේ මෙන්ම සිනමා කර්මාන්තයේ ද පුරා දශක

ද්විත්යකට නොවැඩි කාල පරාසයක් මුළුල්ලේ නිෂ්පාදන කළමණාකරුවෙකු

ලෙසත්, සහය අදියුරුවරයෙකු ලෙසත් නිපුණශීලීව වෘතියේ නියළුනු සොඳුරු

නිමැවුම්කරුවෙකි පූජිත සේනාරත්න ගුණතිලක. එමෙන්ම වර්ෂ 2019 දී මෙරට

රිදී තිර ආලෝකමත් කරන්නට වරම් ලැබූ “ෂෙලීනා” සිනමාපටයේ අර්ථපතීත්වය

දරමින් එහි අධ්‍යක්ෂණ භූමිකාව ද නොපිරිහෙලා ඉටුකරන්නට හෙතෙම

සමර්ථකම් ඉසුලුවේය. “එළද බ්‍රා” ඔහුගේ දෙවන සිනමා වියමන ලෙසින් තව

නොබෝ දිනකින් දිවයින පුරා සිනමාහල් වර්ණවත් කරන්නට සූදානමිනි.

නූගත් දුගී ගැමියෙකු හට සිය මුත්තණුවන් විසින් අතීන්ද්‍රීය විස්කමක් හරහා

අමිල දියමන්තියක් ත්‍යාග කරයි. ගැමියා එය සුඛෝපභෝගී සංචාරක හෝටල්

පරිශ්‍රයක් තුළදී ධනවත් විදේශීය මැණික් ව්‍යාපාරිකයෙකු හට අලෙවි කරන්නට

සැරසෙයි. එනමුත් එහිදී සිදුවන එක් අනපේක්ෂිත සිදුවීමක් නිසාවෙන් දියමන්තිය

හෝටල් සේවකයෙකු භාරයට පත්වෙයි. අනිසි තැතිගැන්මකට ලක්වන සේවකයා

වහා හෝටල් පරිශ්‍රයෙන් පලායාමට වෙර දරද්දී, ව්‍යාපාරිකයාත් ඔහුගේ

සහචරයිනුත් සේවකයා පසුපස හඹායයි. සේවකයා අහම්භෙන් කාන්තා නිමි

ඇඳුම් හලකට පිවිසෙයි. ඉන් අනතුරුව සේවකයා දියමන්තිය අඛණ්ඩවම තමා

සන්තකයේ රඳවා ගන්නට දරණ උත්සාහයත්, ව්‍යාපාරිකයා සහ සහචරයින්

දියමන්තිය යළි තම භාරයට ගැනීමට දරණ වෑයමත් පෙරටු කොටගෙන

සිනමාපටය ඉදිරියට ධාවනය වෙයි.

චිත්‍රපටයේ සාරාංශය සැකෙවින් ඉහත පරිදි වන අතර, හුස්මකින් ඇරඹී

හුස්මකින් නිමවන කෙටිකාලීන මිනිස් ජීවිතය තුළ තෘෂ්ණාව නැතහොත් ආසක්ත

භාවය නැමැති පාරභෞතික යෙදවුමේ කාර්‍යභාරය සිනමා පටය තුළින් මැනවින්

විග්‍රහ කිරීමට සිනමාකරුවා සමර්ථ වී ඇති බැව් එය අවදානයෙන්  නරඹා

යටිපෙළ කියවාගන්නා කා හට වුවද ප්‍රත්‍යක්ෂ වනවා නොඅනුමානය.

පුබුදු චතුරංග, අමන්දා සිල්වා ඇතුළු සිනමාපටයේ කොඳුනාරටිය හට ජීවය

සම්ප්‍රේෂණය කරනා ප්‍රදාන රාංගන ශිල්පීන් සියළු දෙනාම විසින් තම චරිතයන්

හුදු නිරූපණය කිරීමකින් ඉතා ඔබ්බට ගොස් අදියුරුවරයාගේ විධානයන්ට නතු

වන කාල සීමාව තුළදී අදාළ චරිතයන් තුළ භාවාත්මිකව ජීවත් වෙන්නට ඇති

බව සිනමාපටය නැරඹීමෙන් අනතුරුව මුව විදහා, දසන් විලිස්සා සිනහවට

නෑකම් කියමින් සිනමා ශාලාවෙන් පිටතට පිවිසෙන සුවහසක් ප්‍රෙක්ෂක ජනකාය

දෙසට අවධානය යොමුකරන්නෙකු හට ආයාසයෙන් වටහාදිය යුතු නොවේ.

රංගන දායකත්වය

පුබුදු චතුරංග

නිලුක්ෂි අමන්දා සිල්වා

රොඩ්නි වර්ණකුල

ප්‍රියන්ත සෙනෙවිරත්න

ශ්‍රියන්ත මෙන්ඩිස්

සරත් කොතලාවල

මිහිර සිරිතිලක

සුරංග සතරසිංහ

නිල්මිණි කෝට්ටේගොඩ

සුසිලා කෝට්ටගේ

පේෂල මනෝජ්

ශ්‍රීමාල් වෙඩිසිංහ

නිර්ධා උයන්හේවා

හේමන්ත ඊරියගම

කැළුම් ශ්‍රීමාල්

ශිරෝමිකා ප්‍රනාන්දු

ශාන්ත ගාල්ලගේ

ලක්ෂ්මන් අමරසේකර

සුමුදු අමල්ක

චතුර පෙරේරා

නදීකා ගුණසේකර

සාරා අබේවර්ධන

චින්තක පීරීස්

හිරුණි රණසිංහ

කැමරාකරණය, කලා අද්‍යයක්ෂණය, අංගරචනය හා සංස්කරණය යන

සිනමාපටයක ප්‍රාදාන සංරචකයන් අතර පවත්නා මනා පෑහීමත්, දර්ශනයෙන්

දර්ශනයට මදකුදු ඇසිපිය ඉවතට නොගන්නට සිතෙනා තරමේ කුකුස නොඅඩුව

කැටි වූ උද්වේගකාරී එල්බගැනීමක් ප්‍රේක්ෂක මන තුළ හටගැන්වීමට සමත්වන

බැව් නොවළහා කිව යුතුය.

එමෙන්ම සිනමාපටය තුළ අන්තර්ගත ගීතයන් හා එහි මුල සිට අවසානය වන

තෙක් දාවනය වන සවනට ප්‍රිය පසුබිම් සංගීතයත් සිනමා ශාලාව තුළ

අසුන්ගන්නා සුවහසක් රසික සිත් නොසිඳෙන විනෝදාස්වාදයෙන් පුරවාලන්නට

හපන්කම් උසුලන බව අව්‍යාජව පැවසිය හැකියි.

නිෂ්පාදන කාර්‍ය මණ්ඩලය

කතා සංකල්පය සහ අධ්‍යක්ෂණය – පූජිත සේනාරත්න ගුණතිලක

නිෂ්පාදනය – සුජිතා පීරිස් , දේදුණු සිල්වා

සහය නිෂ්පාදනය – සමිත පීරිස් , ප්‍රසන්න සිල්වා

විධායක නිෂ්පාදනය – චරිත් සුද්දත්චාරි

සහය අධ්‍යක්ෂණය – උදය ප්‍රසන්න

කැමරා අධ්‍යක්ෂණය සහ ආලෝකකරණය – නිරංග සංජීව

කැමරා සහය –ප්‍රදීප් නිශ්සංක

සංස්කරණය , වර්ණ සංයෝජනය , ශබ්ද සැලසුම්කරණය සහ විශේෂ ශබ්ද

ප්‍රයෝග –සිනෙත් මාලක පතිරණ

අංග රචනය සහ නිෂ්පාදන කළමණාකරණය – තාරක අධිකාරි

කලා අධ්‍යක්ෂණය – වින්ද්‍යා ප්‍රියංකර

සටන් අධ්‍යක්ෂණය – සුමුදු අමල්ක

නර්ථන වින්‍යාසය – ගයාන් ශ්‍රීමාල්, තරංග හර්ෂ කුමාර

හඬකැවීම් පටිගතකිරිම – තනුෂ්ක කහඳවල

5.1 ශබ්ද පරිපාලනය – ප්‍රියන්ත එදිරිසිංහ , සිනෙත් මාලක පතිරණ

පසුබිම් සංගීතය – ඔනිෂ් ද මෙල් , දිලීප ලියනගේ

ගීත රචනය – කැළුම් ශ්‍රීමාල් , චාමික වීරසිංහ , රුචිර ෆ්‍රීසෝ , දිවාන් තේමිස්

ගී තනු නිර්මාණය – රවි රොයිස්ටර් , කේෂාන් පෙරේරා , ඔනිෂ් ද මෙල්

ගීත ගායනය –රවි රොයිස්ටර්, කේෂාන් පෙරේරා , රංග හේරත්, සදීපා ඉසුරුණි,

චන්දි සුද්දත්චාරි

නිශ්චල ඡායාරූප – හසිත නිළුපුල්

ප්‍රධාන අලෝකකරණ ශිල්පි–සමන් මායාකඩුව

දෙවන සහය අධ්‍යක්ෂණය –මධුශාන් පෙරේරා , අරවින්ද රත්නායක

ඩ්‍රෝන කැමරා – සම්පත් චතුරංග

“එළද බ්‍රා” සිනමාපටය තම දෙවන සිනමා අධ්‍යක්ෂණය බවට පත්කොට ගනිමින්

පූජිත සේනාරත්න ගුණතිලක හට හෙලවුඩයේ දීප්තිමත් හෙටක් අපේක්ෂා

කරන්නා වූ මිලියන සංඛයාත එතෙර මෙතෙර සිනමාලෝලීන්ගේ ඇස් කණ්

ප්‍රමුදිත කරවීමටත්, මනදොළ කුල්මත් කරවීමටත් මතු අනාගතයේදී ද විවරණ

ලැබේවායි, ලාංකේය සිනමා සහ ටෙලිවිෂන් කර්මාන්තයන්හී වෘතීය තිර

රචකයෙකු ලෙසින් නිර්මාණකරණයේ නියලෙන මා ද එක සිතින් පතන්නෙමු.

සැකසුම

හිරාන් ගමගේ