Category: Daily-Topics

මුළු ලෝකයේම අනාගතය තීරණය වන තීරණාත්මක 2024

2024 වර්ශය කියන්නේ “මැතිවරණ වසරක්”. ශ්‍රි ලංකාවට නම් ඒක එහමයි කියලා අපි දන්නවා.  ලංකාවේදී නම් අනිවාර්යයෙන්ම 2024 වසරේ ඉදිරි මාස කිහිපය තුල ජනාධිපතිවරණයක් පැවැත්වෙන්නට නියමිතයි. ඒ වගේම දැනට පවතින තත්වය අනුව වසර අවසාන වීමට ප්‍රථමයෙන් මහ මැතිවරණයකුත් පැවැත්වේවී. ලංකාවේ ජනතාව නම් පුල පුලා බලා ඉන්නේ එලැඹෙන මැතිවරණ දෙකේදී ලංකාවට නව ජනාධිපතිවරයෙකුත් නව රජයකුත් තෝරාපත් කර ගන්න.

හැබැයි අද අපි කතා කරන්නේ ලංකාව ගැන නෙමෙයි. මුළු ලෝකයම ගැන. 2024 වසර මුළු ලෝකයටම “මැතිවරණ වසරක්” වෙනවා. එහෙම කියන්නේ මේ වසර තුල ලෝකයේ ප්‍රබලතම රටවල් කිහිපයක් ඇතුළු රටවල් 60 කට අධික සංඛාවක ප්‍රධාන පෙලේ මැතිවරණ පැවැත්වෙනවා. ඒ මැතිවරණ සඳහා ලෝක ජනගහනයෙන් 50% ආසන්න සංඛාවක් සිය ඡන්දය ප්‍රකාශ කරලා හෝ කිරීමට නියමිතව තිබෙනවා. මේ වසර තුල ලංකාවේ පැවැත්වෙන මැතිවරණ වල ප්‍රථිපල ලංකාවේ අනාගතයට කොතරම් වැදගත් වේද ඒ තරමටම ලෝකයේ සමහර රටවල පැවැත්වීමට නියමිත මැතිවරණ වල ප්‍රථිපලත් ලංකාවේ අනාගතයට ඉතා තදින් බලපානවා. 

ඒ නිසා ලොව පුරා පැවැත්වීමට නියමිත මැතිවරණ මොනවාද යන්න විමසා බැලීම අපිට සෑහෙන්න වැදගත් වෙන්න පුළුවන්. ලංකාවට පමණක් නෙමෙයි ලොව සමහර රටවල පැවැත්වීමට නියමිත මැතිවරණ වල ප්‍රථිපල අනුව මේ වන විට ඉතා ප්‍රබලව ඇදෙමින් යන රුසියානු – යුක්රේන යුද්ධය වගේම ඊශ්‍රායල් – පලස්තීන යුද්ධයේ ප්‍රතිඵලත් තීරණය වේවි කියන එක තමයි ලෝක දේශපාලන විචාරකයන්ගේ මතය වෙන්නේ. මේ ගෙවෙන්නේ 2024 අප්‍රේල් මාසය. ගොඩාක් අය දන්න විදියට ලෝකයට වගේම ලංකාවටත් සැලකිය යුතු බලපාන ප්‍රබල මැතිවරණ කිහිපයක් මේ වන විටත් පවත්වා අවසන්.

ඒ අතරින් වැදගත්ම මැතිවරණය ලෙස රුසියානු ජනාධිපතිවරණය සලකන්න පුළුවන්. එම මැතිවරණයෙන් හිටපු ජනාධිපති වැල්දිමීර් පුටින් නිතරඟයෙන්ම නැවත එරට ජනාධිපතිවරයා ලෙස තේරීපත් උනා. ලංකාවට බලපාන තවත් අසල්වාසී රටවල් දෙකකම මැතිවරණ පසුගිය මාස දෙකෙහි අවසන් උනා. ඒ පකිස්ථානයේ හා බංගලිදේශයේ. පකිස්තාන මැතිවරණයේදී හිටපු අග්‍රාමාත්‍ය ඉම්රාන් ඛාන් සිරගත කර ඔහුට තරඟ වැදීමේ අයිතිය අහිමි කරමින් ෂරීප් එම මැතිවරණය ජයග්‍රහණය කරා. බංග්ලාදේශයේද අග්‍රාමාත්‍යවරිය වශයෙන් එරට හිටපු අග්‍රාමාත්‍යවරියක වූ ශෙයික් හසීනා නැවත තේරීපත් උනා.

පැවැත්වීමට නියමිත මැතිවරණ අතරින් ලංකාවේ අනාගතයට බරපතල ලෙසම බලපානු ලබන්නේ ඉන්දියානු මහමැතිවරණයයි. බොහෝ විට එලැඹෙන මැයි මාසයේදී පැවැත්වීමට නියමිත මහා මැතිවරණයෙන් ජයගන්නා අපේක්ෂකයා අනුව ලංකාවේ දේශපාලන දිශානතියද තීරණය වීමට ඉඩ ඇත. මැතිවරණය සඳහා වර්තමාන අග්‍රාමාත්‍ය නරේන්ද්‍ර මෝඩි අඛණ්ඩව තුන්වන වරටත් ඉදිරිපත් වන අතර ඔහු ඉන්දියාව ලෝකයේ ප්‍රබලතම රටක් දක්වා ගෙන ගිය දේශපාලඥයා ලෙස එරට ජනතාවගේ ගෞරවය දිනාගෙන ඇත.

මේ වසරේ පැවැත්වීමට නියමිත ප්‍රබලතම මැතිවරණය වන්නේ ඇමරිකානු එක්සත් ජනපද ජනාධිපතිවරණයයි. නොවැම්බර් 5 වනදා පැවැත්වීමට නියමිත එම මැතිවරණය සඳහා වර්තමාන ජනාධිපති ජෝ බයිඩන් හා එරට හිටපු ජනාධිපති ඩොනල්ඩ් ට්‍රම්ප් තරඟ වදින බවට මේ වන විටත් තහවුරු වී ඇති අතර ජරඟය ජයග්‍රහණය කරන පුද්ගලයා අනුව වර්තමානයේ පවතින ලෝක මට්ටමේ ගැටුම් වල අනාගතය තීරණය වනු ඇති. හිටපු ජනාධිපති ඩොනල්ඩ් ට්‍රම්ප් යුද්ධ සඳහා අනුග්‍රහය නොදක්වන නායකයෙකු ලෙස ප්‍රසිද්ධ අතර ඔහුගේ පසුගිය ධූර කාලය තුලද ඇමරිකාව එකදු යුද්ධයකට හෝ මැදිහත් නොවීමට ඔහු වගබලා ගත්තේය.

ලෝකයට සහ ලංකාවට එක සේ බලපාන අනෙක්‍ මැතිවරණය වන්නේ බ්‍රිතාන්‍යයේ පාර්ලිමේන්තු මැතිවරණයයි. වසර 14ක පාලනයෙන් පසු නැවත බලය ලබා ගැනීමට බ්‍රිතාන්‍යයේ පාලක කොන්සර්වේටිව් පක්ෂය සහ මේ වන විට ජනමත සමීක්ෂණ වල ඉදිරියෙන්ම සිටින කම්කරු පක්ෂය 2024 අවසාන භාගයේදී මැතිවරණයකට එලැඹෙනු ඇති. මේ වන විට ආර්ථික අර්බුදයකටද මුහුණ දී සිටින බ්‍රිතාන්‍යයේ ඉදිරි වසර 5 කවුරුන් විසින් පාලනය කරන්නේද යන්න එහිදී තීරණය වනු ඇති අතර රුසියානු යුක්රේන යුද්ධයේ ප්‍රබල පාරශවකරුවෙකු වන බ්‍රිතාන්‍යයේ ඉදිරි දායකත්වයද ඒ මත තීරණය වනු ඇති.

ලෝකයේ ප්‍රබලතම කලාපීය සංවිධානය වන යුරෝපා පාර්ලිමේන්තු මැතිවරණයද මේ වසරේ පැවැත්වීමට නියමිතව තිබෙනවා. රටවල් 27ක නියෝජනයෙන් සුසැදි යුරෝපා පාර්ලිමේන්තු මැතිවරණය ජුනි මාසයේදී පැවැත්වෙනු ඇති. ශ්‍රි ලංකාවද යුරෝපා සංගමය සමඟ සහ යුරෝපා කලාපයේ රටවල්‍ රැසක් සමඟ ප්‍රබල ආර්ථික ගණුදෙනු හී නිරත වන බැවින් එම මැතිවරණාය් ප්‍රථිපලද ලංකාව කෙරෙහි බලපානු ඇති. එම මැතිවරණයේදී ද යුක්රේනයට සහය දැක්වීම පිලිබඳව දැඩි ලෙස අවධානය යොමු වීමට නියමිත බවයි මාධ්‍ය වාර්තා වල දැක් වෙන්නේ.

ඉහත දැක්වූ රටවලට අමතරව මේ වසරේ ප්‍රධාන පෙලේ මැතිවරණ පැවත්වීමට නියමිත ප්‍රබල රටවල්‍ අතර දකුණු අප්‍රිකාව, ඉරානය, දකුණු කොරියාව, උතුරු කොරියාව, වෙනිසියුලාව, රුවන්ඩාව සහ රුමේනියාව ඇතුළු තවත් රටවල් රැසක් පවතිනවා. ඒ අතර ලෝකයේ ලාබාලතම රට වන දකුණු සුඩානය වසර ගණනාවක් පුරා කල් ගිය එරට පළමු මැතිවරණය එලැඹෙන දෙසැම්බර් මාසයේදී පැවැත්වීමට නියමිතව තිබෙනවා. ඒ වෙනුවෙන් එක්සත් ජාතීන්ගේ සංවිධානය මේ වන විට පුළුල් මැදිහත් වීමක නිරත වෙමින් සිටිනවා.

තිලාන් ජයසේකර 

අලුත් අවුරුදු උත්සවය නිසි ලෙස සැමරීම 

ශ්‍රී ලාංකේය අලුත් අවුරුදු උත්සවය නිසි ලෙස සැමරීම සඳහා, ඔබට අනුගමනය කළ හැකි සම්ප්‍රදායික චාරිත්‍ර වාරිත්‍ර කිහිපයක් පහත දැක්වේ.

1. නිවස වටපිටාව පිරිසිදු කිරීම : ඔබේ නිවස සහ වටපිටාව හොඳින් පිරිසිදු කිරීමෙන් ආරම්භ කරන්න. මෙය පෙර වසරේ සිට සෘණ ශක්තිය ඉවත් කිරීම සහ නව ආරම්භයක් සඳහා සූදානම් වීම සංකේතවත් කරයි.

2. තෙල් පහන දැල්වීම: අලුත් අවුරුද්දේ නැකතට තෙල් පහනක් දල්වන්න. මෙය සිදු කරනු ලබන්නේ ධනාත්මක ශක්තිය ආයාචනා කිරීම සහ නිවසට ආශීර්වාද ගෙන ඒම සඳහා ය.

3. සාම්ප්‍රදායික ඇඳුම්: උත්සවයේ සංස්කෘතික වැදගත්කම වැලඳ ගැනීම සඳහා කාන්තාවන් සඳහා සාරි සහ පිරිමින් සඳහා සරම් වැනි සාම්ප්‍රදායික ශ්‍රී ලාංකික ඇඳුම් අඳින්න.

4. සාම්ප්‍රදායික ආහාර: සාම්ප්‍රදායික ශ්‍රී ලාංකේය කෑම පිළියෙළ කර රසවිඳින්න. ප්‍රධාන ආහාරය වන්නේ කිරිබත් (කිරිබත්) වන අතර එය පොල් කිරි සමග පිසූ පැණිරස කෑම වේ. අනෙකුත් ජනප්‍රිය කෑම අතර සම්ප්‍රදායික රසකැවිලි (කිරිබත්, කොකිස් සහ අතිරස) සහ විවිධ ව්‍යංජන ඇතුළත් වේ.

5. තෑගි හුවමාරු කර ගැනීම: ආදරය සහ හොඳ හිතේ සංකේතයක් ලෙස පවුලේ අය සහ මිතුරන් සමඟ තෑගි හුවමාරු කර ගන්න. පොදු තෑගි අතර බුලත් කොළ, පුවක් සහ කුඩා තෑගි ඇතුළත් වේ.

6. අවුරුදු කුමාරි සහ කොහොඹ කංකාරිය: අවුරුදු කුමාරි (අලුත් අවුරුදු කුමරිය) සහ කොහොඹ කංකාරිය වැනි සාම්ප්‍රදායික චාරිත්‍ර වාරිත්‍රවලට සහභාගී වන්න, උත්සව නැටුම් සහ ප්‍රසංග ඇතුළත් වේ. මෙම චාරිත්‍ර ඉදිරි වසර සඳහා ආශීර්වාද සහ සමෘද්ධිය ගෙන එනු ඇතැයි විශ්වාස කෙරේ.

7. එළිමහන් ක්‍රීඩා සහ ක්‍රියාකාරකම්: සාම්ප්‍රදායික එළිමහන් ක්‍රීඩා සහ කඹ ඇදීම්, කොට්ට සටන් සහ පැද්දීම් වැනි ක්‍රියාකාරකම්වල නිරත වන්න. මෙම ක්‍රීඩා සමගිය, ප්‍රීතිය සහ ප්‍රජාව පිළිබඳ හැඟීමක් ප්‍රවර්ධනය කරයි.

8. විහාරස්ථාන නැරඹීම: ආශිර්වාද ලබා ගැනීමට සහ ආගමික වතාවත්වලට සහභාගී වීමට විහාරස්ථාන වෙත පැමිණීම. යාඥා කර මල්, පලතුරු, සුවඳ දුම් පූජා කරන්න.

9. නැකැත් වේලාවන්: තෙල් පහන දැල්වීම, වසරේ පළමු ආහාර පිසීම, වැදගත් චාරිත්‍ර වාරිත්‍රවල යෙදීම වැනි විවිධ කටයුතු සඳහා නැකැත් අනුගමනය කරන්න. මෙම වේලාවන් ජ්‍යොතිෂ්‍ය ගණනය කිරීම් මත තීරණය වන අතර වාසනාව ගෙන දෙන බව විශ්වාස කෙරේ.

10. පවුලේ අය සමඟ කාලය ගත කිරීම: ශ්‍රී ලාංකේය අලුත් අවුරුද්ද පවුල් එකට එකතු විය යුතු කාලයකි. ඔබේ ආදරණීයයන් සමඟ ගුණාත්මක කාලයක් ගත කරන්න, අර්ථවත් සංවාදවල යෙදෙන්න, සහ පවුල් බැඳීම් ශක්තිමත් කරන්න.

මතක තබා ගන්න, ශ්‍රී ලංකා අලුත් අවුරුදු උත්සවය සැමරීමේ වැදගත්ම අංගය වන්නේ අලුත් කිරීම, ධනාත්මක බව සහ එකමුතුකමේ ආත්මය වැලඳ ගැනීමයි. සැණකෙළිය භුක්ති විඳින්න සහ ඉදිරි වසරක් ප්‍රාර්ථනා කරන්න!

අහිමි හිමිකරු

පසුගිය සතියක දී මා විසින් අරඹන ලද මෙම කාලෝචිත ලිපිමාලාවේ අවසන් අදියරට අප පැමිණ සිටිනවා. ඉතින් ශීත සමයේ ත් අවසන් අදියරේ සිටින ඔබට රුව රැකගැනීම සඳහා වැදගත්වන කරුණු කාරණා මේ ලිපි පෙලෙන් සාකච්ඡාවූවා යැ යි මා සිතනවා.

ඉතින් අවසානයට අධික ශීතල නිසා නිතැනින් ම අපේ සිරුරේ නොයෙකුත් සෘණාත්මක වෙනස්කම් ඇතිවීමට ඇති ඉඩකඩ වැඩි යි. එබැවින් මේ කුඩා පුරුදු පුහුණුකිරීමෙන් ඔබේ සමට සහ ශරීරයේ ඇතිවන නොයෙකුත් අපහසුතා මඟහරවාගත හැකිවනු ඇත.

◦ ඔබ උදෑසන තේ පානය කරන්නෙක් නම් උදෑසන තේ කෝප්පයට ඉඟුරු ස්වල්පයක් එක් කරන්න. මේ සඳහා හැකි හැමවිට ම නැවුම් ඉඟුරු භාවිතකරන්න. නැතිනම් වියළි ඉඟුරු කුඩු ස්වල්පයක් නටන උණුවතුරට එක්කර මඳවේලාවක් වසා තබා පානය කරන්න. එමඟින් ඔබේ ශරීරයේ ප්‍රතිශක්තිය වර්ධනය කරන අතර දවස ම නැවුම් ව ගතකිරීමට ඔබට ඉඩ සලසා දෙනු ඇති.

◦ ඔබ ස්නානය කරන විට දී භාවිතකරන ෂැම්පූ සමඟ පොල්තෙල් ස්වල්පයක් මිශ්‍රකර සෝදා හරින්න.එමඟින් ඔබේ හිසකෙස්වල තෙතමනය සහ නිරෝගීබවත් නිතර හිස ආවරණය කිරීම නිසා ඇතිවන අධික වියළිබවත් දුරුකර මනා පෝෂණයක් ලබා දෙනු ඇති. අධිකව හිසකෙස් ගැටගැසීමෙන් වළකාලනු ඇති. 

◦ රාත්‍රීයේ නින්දට පෙර ගිතෙල්, මීපැණි, ඔලිව්තෙල් හෝ පොල්තෙල් දෙතොලේ ආලේප කර නින්දට යෑමෙන් අධික වියළිබවෙන් තොර මෘදු නිරෝගී දෙතොලක් ඔබට ශීත කාලයේ දී වුවත් පවත්වාගත හැකිවනු ඇත. 

◦ රාත්‍රියේ දී ස්නානයෙන් හෝ ඇඟ සෝදාහැරීමෙන් පසුව පොල්තෙල් , කෝමාරිකා සාරය හෝ කෝමාරික ජෙල් සමඟ මුසුකර මුහුණේ සහ අත්පාවල හොඳින් ආලේප කර පිරිමදින්න. එමඟින් සම වියැළීමෙන් වළකා අවපැහැ ගැන්වීමෙන්ද වළකාලනු ඇති. 

◦ රාත්‍රී නින්දට පෙර මෙන් ම මේස් පළඳින හැම විටක ම පිරිසුදුකරගත් යටිපතුළේ වැස්ලින් ආලේපකර මේස් පළඳින්න. එමඟින් දෙපතුල් වියළීමෙන් වළකාලන අතර එනිසා ම දෙපතුල් පැලීම නිසා ඇතිවන අපහසුතා ද මඟහැරී යනු ඇති.

◦ එසේ ම හැකි හැමවිට ම හෑන්ඩ් ක්‍රීම් එකක් භාවිතයෙන් දෙඅත්වල තෙතමනය පවත්වාගන්න අමතක කරන්න එපා එමඟින් සුමුදු දෙඅත්ලක් මෙන් ම අධික වියළිබව නිසා ඇතිවන අපහසුතා ද මඟ හැරෙනු ඇති. 

ඉතින් තවත් මෙවැනි ම වැදගත් ලිපිපෙළකින් ඔබව හමුවන බලාපොරොත්තුවෙන් අදට සමුගන්නම්. සුබ දවසක්!

සමීරා ජයසිංහ 

රොෂාන් විතාරණගේ  කියන්නෙ කවුද? ඔයාගෙම වචනෙන් කිව්වොත් සහ පවුලෙ විස්තර ටිකක් කිව්වොත්

රොෂාන් විතාරණගේ  කියන්නේ team එකක්. මම තනියම වැඩකරන කෙනෙක් නෙවෙයි.හැම මොහොතකම මගේ පිටුපස ශකිතිමත් කණ්ඩායමක් ඉන්නවා.එය හරිම අපූරු බැදීමක්. එකිනෙකට උදව්කරන, ශකිතියක් උන, මහා පෞරක් වගේ දෙයක්. අපිට හැමදාම සුන්දර දවස් තිබුනේ නෑ . අමාරු හැම අවස්ථාවකම එකට මුහුණ දීලා, පෙරට වඩා හොදින් ඉදිරියට යන්න අපිට හැකියාව ලැබුනේ මේ කණ්ඩායම් ශක්තිය .

මගේ පවුල ගැන කතකොලොත්, මගේ අම්මයි තාත්තයි දෙන්නම දැන් ජීවතුන් අතර නැහැ . මට සහෝදරයින් තිදෙනෙක් ඉන්නවා. ඔවුන් ජීවත් වෙන්නේලංකාවේ. මගේ බිරිඳ, දුවල දෙන්නා බ්‍රිතානයේ මා සමග ජීවත් වෙනවා. මගේ පවුල මට හැමවිටම ශක්තියක්.

BVS ගැන කතාකරොත්, එංගලන්තෙට ඇවිල්ලා තමන්ගෙම කියලා දෙයක් ආරම්භ කරන්න හිතුනද නැත්තම් වෙන කාගෙහරි අදහසක් එක්ක ආපු දෙයක් ද?

මට, මගේම කියල දෙයක් පටන්ගන්න හීන දැකපු කෙනෙක්.BVS කියන්න මටයි මගේ බිරිදටයි අපු අදහසක්. BIZVIZ Solutions කියලා  තමයි  අපි මුලින්ම 2010 දී  වියාපාර ලෝකෙට ඇතුල් උනේ. 2018 වෙනකොට අපි ගොඩක් දේවල් ඉගෙනගත්තා, අපිට පොඩි කණ්ඩායමක් සිටියා. අපිව විශ්වාස කරන පොඩි පාරිභෝගිකයින් පිරිසක් ගොඩනගාගන්නට හැකියාව ලැබුණා. ඒක බාධා මැදින් ආව සුන්දර ගමනක්. හැමදවසක්ම වෙනස් දවසක්. වෙනස්  පාරිභෝගික අවශ්‍යතා.වෙළඳපොල වෙනස් වීම්. කණ්ඩයමේ වෙනස් වීම්. මේ හැම  දෙයක්ම අපිව ඉදිරියට අරගෙන යන්න උදව් උනා. 

2018 දී අපි BVS Brand එක ස්ථාපිත කලා. එය BIZ VIZ Solution එකේ මුල් අකුරු තුන එකතුකරලා හැදුවේ. මම හීන දැක්කේ අලුත් දෙයක් වෙනස් විදියට කරන්න.BVS Brand එක හැදුණේ මගෙයි මගේ බිරිදගෙයි ඒ හීනේ ප්‍රතිපලයක් විදියට.අපි මුලින්ම Mortgage Industry එකට ඇතුල් වුණා. ඉන්පසුව Accounting practice එක BVS නමින් rebrand කලා. ඉන්පසුව BVS Legal , BVS Consultancy සහ BVS Digital Marketing business පටන් ගත්තා.ඉදිරියේදී තව බොහෝ දේවල් කරයි කියලා බලාපොරොත්තු තියාගන්න අපේ පාරිබෝගිකයන්ට පුලුවන්.

රොෂාන්ගෙ තියෙන දැනුමත් එක්ක එංගලන්තයේ වසර ගානක් Mortgage පැත්තට තිබුන පලපුරුද්දත් එක්ක තමන්ගෙ ව්‍යාපරයේ පුලුල්වීමක් අපි දැක්කා. ඒ ගැන කිව්වොත්

මම මේ පැනයට පිළිතුරු දෙන්න එංගලන්තයට එන්න කලින් මම ගැන කියලා ඉන්නම් . මම පොඩි කලේ ඉඳලා ක්‍රීඩා වලට ගොඩක් ඇලුම් කල කෙනෙක්. කණ්ඩායම් ශක්තිය ගැන කියලා දුන්නේ ක්‍රීඩා දිවිය කියලයි මට හිතෙන්නේ. මම උසස් පෙළ ගණකාදිකරණය විෂය ධාරාව හැදෑරුවේ. එය මට මුල්‍ය ශේෂ්ත්‍රයේ දැනුම දුන්නා. විශ්වවිද්‍යලට ගියේ Marketing ඉගෙන ගන්න.මේ Finance සහ Marketing දැණුම විශාල අතවැලක් උනා ව්‍යාපාර ලෝකයට ඇතුල් වෙන්න. 

එංගලන්තයට ඇවිත් මම වසර 7ක් London Real Estate Agency එකක Accountant කෙනෙක් විදියට වැඩකලා. 2014 වෙනකොට මට පුළුවන් උනා Professional Land Lord කෙනෙක් වෙන්න.මේ හැම දැනුමක්ම එකතු කරගෙන තමයි ව්‍යාපාර ලෝකයට ඇතුල් උනේ.

මගේ කණ්ඩායම තරුණ ජවයක් තියෙන, වෙනස් හැකියාවන් වලින් පිරුණ කණ්ඩායමක්. ඒක නිසා වියාපාරයෙ පුලුල්වීම ඉක්මන් උනා. අපේ team එකේ ශක්තියත් එක්ක අපි තව ඉදිරියට යයි.

ඔබගේ ව්‍යාපාර ජාලයට අපේ ලාංකිකයන්ගෙන් ලැබෙන ප්‍රතිචාරය ගැන කතාකරොත්.

අතිවිශිශ්ටයි. මම ඒ ගැන ගොඩක් සතුටු වෙනවා. අපි මුලින්ම ඉලක්‌ක කළේ ශ්‍රී ලාංකීය පාරිභෝගිකයින්. පසුගිය වසර 5 තුල ඉතා සාර්ථක ලෙස ඔවුන්ගේ විශ්වාසය දිනාගෙන, ඔවුන්ගේ අවශ්‍යතා උපරිමයෙන්ම සපුරාලන්නට BVS කණ්ඩායමට හැකියාව ලැබුණා. ඔවුන්ගේ නිර්දේශය තමයි අපේ ඉහලම වත්කම. මට සතුටින් සඳහන් කරන්න පුළුවන්, අපි ශ්‍රී ලාංකිකයින්ගෙන් ආරම්භ කරලා, මේවනවිට අනෙකුත් පාරිභෝගික ප්‍රජාවන් වලටත් සාර්ථක ලෙස සමීප වී තිබෙනවා. 

මගේ කණ්ඩයමේ ඉන්නෙ ශ්‍රී ලාංකියින්. ඔවුන් එංගලන්ත වෙළඳපොලෙන් ගන්න දැනුම, ශ්‍රී ලාංකිකයන්ට ගැලපෙන ආකාරයට රිසිකරණය කර ලබාදෙනවා. ඒනිසා ඔවුන්ගේ අවශ්‍යතා පහසුවෙන් ඉටුකරගන්න පුළුවන්. 

මම මගේ ශ්‍රී ලාංකිකයන්ට මුළු හදවතින්ම ස්තුති වන්ත වෙනවා අපිව විශ්වාස කර අපගේ සේවාවන් ලබාගැනීම පිළිබඳව. ඔවුන් දුන් ධෛර්යය මේ ගමන එන්න ගොඩක් උදව් උනා. ඔවුන්ගේ සහයෝගය ඉදිරියට එහෙමම බලාපොරොත්තු වෙනවා.

එංගලන්තයේ ජීවත්වෙන අපේ අයගේ මූලික වෙන දෙවල් තමයි ගෙයක හෝ ව්‍යාපරයක සිහිනය. ඒ සිහිනයට යන්න පුලුවන් කාටද සහ කොහොමද කියලා කෙටියෙන් දැනුවත් කරොත්

කෙටියෙන්ම කිව්වොත්  , ගෙයක සිහිනය විශාල ආයෝජනයක්, මම අවුරුදු 33 ක් rent එකට හිටියෙ. හරියටම අවුරුදු 20 කට කලින් ලන්කාවෙ 1 bedroom Rental flat එකක අපි 6 දෙනක් සිටියා. අමරු කාලයක්. තමන්ගෙම කියලා ගෙයක් තිබීම කියන සිහිනය මම හොදටම අදුරනවා. මේ සිහිනය හමෝටම ලගාකර දීම තමයි මගේ සහ BVS Mortgages කණ්ඩායමේ සිහිනය වෙලා තියෙන්නෙ.

ව්‍යාපාරයක් සාර්ථක කරගන්නවා කියන එකත් ගොඩ දෙනෙකුට තියෙන සිහිනයක්. ඒ සිහිනය හැමෝටම සැබෑ කරගන්න පුළුවන්, හැබැයි එකට ලොකු විශ්වාසයක්,  උනන්දුවක්, කැපවීමක් සහ සැලැස්මක් තියෙන්න ඕනේ.සමහර විට හොඳ මගපෙන්වීමක් තිබුනොත්, ඒ සිහිනිය සැබෑ කරගන්න තවත් පහසුයි. BVS Accounting කණ්ඩායම ස්ථාපිත කළේ අන්න ඒ මගපෙන්වීම අවශ්‍ය අයට ලබාදෙන්න. ඒක ටිකක් ගැඹුරින් කතාකරන්න අවශ්‍ය මාතෘකාවක්.  එකිනෙකාගේ සිහින වෙනස්. එකම සැලසුම හැමකෙනාටම ගැලපෙන්නේ නෑ. හැබැයි ඒ හැම හීනයක්ම සාක්ෂාත් කරගන්න පුළුවන් කියල මම නැවතත් කියන්න කැමතියි.

ව්‍යාපාර කටයුතුත් එක්ක ලංකාවෙ community එක රොෂාන් Handle කරන්නෙ කොහොමද?

ගොඩක් දෙනෙක් හිතන්නේ  ව්‍යාපාරයක  යෙදෙනවා කියන්නේ මුළු ජීවිතයම ඒවෙනුවෙන් යොදවන්න ඕනේ කියල. ඒක වැරදි වැටහීමක්. අපි සාර්ථක  ව්‍යාපාරිකයෙක්නම් හැමදෙයක්ම සමබර කරන්න පුළුවන් වෙන්න ඕනේ. මම මගේ කාලය ව්‍යාපාරයට, මගේ පවුලේ අයට, මගේ කණ්ඩායමට වගේම ශ්‍රී ලාංකික මිතුරන්ට සමබරව ලබාදෙනවා. අපි හැමමෝම ජීවත් වෙන්නේ උපන් බිමේ නෙමේනේ. ශ්‍රී ලාංකික මිතුරන් සමග කාලය ගෙවීම හරිම සතුටක්. අපේ කම තදින් දැනෙනවා. ඒගොල්ලන්ගේ අවශ්‍යතාවකට උදව් කරන්න ලැබුනාම හරි සතුටක් දැනෙනවා. මම පුළුවන් හැම වෙලාවේම ශ්‍රී ලාංකික මිතුරන් සමග ඉන්නවා. 

මම ඒ හැමදෙනෙක්ම ආදරයෙන් මතක් කරනවා. මොකද, ඒ හැමෝගෙම උදව්ව, සහයෝගය,විශ්වාශය මගේ මේ ගමන එන්න විශාල රුකුලක් උනා.ලන්කාවෙ community එකේ සහයෝගයට බොහොමත්ම ඉස්තුතියි.

අපි දැක්කා සමහර තැන්වලදි ඔයාගෙ ව්‍යාපරයත් එක්ක ඉන්න ලොකු Team එකක්. ඒ ගැන මොනවද කියන්න තියෙන්නෙ.

ඒ තමයි මගේ වත්කම, හයිය. මගේ කණ්ඩායම විවිධයි. වෙනස්  හැකියාවන් තියෙන, වෙනස් විදියට හිතන, හැමෝටම උදව් කරන කණ්ඩායමක්. ඇත්තටම මම හරි ආඩම්බරයි මගේ කණ්ඩායම ගැන. මට විශ්වාසයි අපිට ලොකු ගමනක් යන්න මේ ශක්තිය පිටුවහලක් වෙයි කියල.

අපේ විදියට ඇහුවොත්, ලංකාවෙ අපේ අයව ගොඩදාන්න පුලුවන් නම් ඔයාගෙ මගපෙන්වීමෙන් ඔයා කොහොම තැනකද ඉන්නෙ සහ රොෂාන් ගෙ ඉදිරි සැලසුම්

අනිවාර්යෙන්ම. ඕනෑකමක් තියෙනවනම්, මගපෙන්වීම කරන්න මම සුදානම්. මම පටන් ගත්තේ හරිම සුළුවෙන්. පියවරෙන් පියවර. මේ වසර ගණනක  අත්දැකීම් තව කෙනෙක්ගේ හීනයක්  සැබෑ කර ගන්න  උදව් වෙනවා දකින එක තමයි  මගේ සතුට. මම විවෘත ආරාධනාවක් කරනවා, අපිට කතාකරන්න, එක පියවරක් තියන්න.හෙටට කල්ද දමන්න එපා. හැමදාම පුංචි පියවරක්න්නෙ තියන්න ඕනෙ. දන්නේම  නැතුව ලොකු ගමනක් යයි.

අපිට ඉදිරි සලසුම් ගොඩක් තියෙනවා. ඒවා ඉදිරියේදී දකින්නට සලස්වන්නට team එක prepare වෙමින් ඉන්නවා.

මගේ අන්‍තිම ප්‍රශ්නෙ, අපි Magazine එක ගැන මොකද හිතෙන්නෙ

මට හිතෙන්නේ අපි Magazine එක එංගලන්තයේ සිටින ශ්‍රී ලාංකික ප්‍රජාව වෙනුවෙන් මහගු මෙහෙයක් ඉටු කරන්න උත්සහ කරනවා. විවිධ මාතෘකා ඔස්සේ අපේ රසිකයන්ට තොරතුරු ගොනුකර දෙනවා.ගයාන් සහ කණ්ඩායම දරන මේ වෑයම අගය කරනවා. අලුත් දෙයක් අලුත් විදියකට කරන්න හදන කණ්ඩායමක්. අපි ඔබලාට හදවටතින්ම සුබ පතනවා.

ශ්‍රී ලාංකේය අභිමානවත් සංස්කෘතිය පෝෂණය කිරීමෙහිලා නර්තන කලාව ඉටු කරන්නෙ සුවිශාල වූ මෙහෙවරකි. වසර 2500 කටත් එපිට ඓතිහාසික යුග වල දී පවා ශ්‍රී ලාංකේය නර්තන කලාව ප්‍රශස්ථ මට්ටමක පැවති බවට ඓතිහාසික මූලාශ්‍ර සාක්ෂි සපයයි. විජය කුමරුන් ලංකාවට පැමිණෙන විටත් ශ්‍රී ලංකාවේ ඉතා දියුණු සංස්කෘතියක් පැවති බවටත්, ඉතා ප්‍රශස්ථ මට්ටමේ ගායන, වාදන නර්තන කලාවක් පැවති බවටත් ඓතිහාසික තොරතුරු අධ්‍යනය කිරීමේදී ගම්‍යමාන වේ. රන් හා ලෝහමය බෙර තිබූ බවටත් සිය ගණනක් වූ වාද්‍ය භාණ්ඩ තිබු බවටත් රාජ්‍ය අනුග්‍රහය සහිතව මාස් පතා වැටුප් ලබමින් නර්තනය කළ ශිල්පීන් සිටි බවටත් අනුරාධපුර, පොළොන්නරු හා කුරුණෑගල ආදී ඓතිහාසික යුග අධ්‍යනයේ දී තොරතුරු හමුවේ. කෙසේ වෙතත් ශ්‍රී ලාංකේය නර්තන කලාව නර්තනය, ගායනය හා වාදනය පමණක් නොව බොහෝ අනු කලාවන්ගෙන් පෝෂණය වූ ඉතා විචිත්‍රවත් වූ අංග සම්පූර්ණ කලාවක් ලෙස තිබූ බව පෙනී යන්නේ එය අදටත් ලොව පුරා ප්‍රේක්ෂකයින්ගේ සිත් වසග කර අමන්දානන්දයට පත් කිරීමේ විස්මිත හැකියාවෙන් හා විවිධත්වයන් තුළින් පෝෂණය වීමේ සජීවී ගුණය හේතුවෙනි.

ඒ අනුව “තාලපූර්ණ” නම් රංගායතනය පූර්ණිමා රංග ශිල්පායතනය ලෙස 2000 වර්ෂයේ දී කලඑළි බසින්නේ නර්තනය පිළිබදව පිපාසාවෙන් පෙළෙන සුවහසක් ලාංකේය දුවා දරුවන්ට නර්තන අධ්‍යාපනය, රිද්මයේ අවකාශය හා ජීවන රිද්මය සොයා යාම වෙනුවෙනි. දරුවන් කිහිප දෙනෙකුගෙන් ආරම්භ කරන ලද මෙම ආයතනය පසුව දහස් ගණනක් වූ දරුවන්ට නර්තන අධ්‍යාපනය ලබා දෙන ප්‍රදේශයේ ප්‍රමුඛ පෙළේ අයතනයක් බවට පත් වන්නේ කාගෙත් ගෞරවාදරය දිනා ගනිමිනි. උඩරට, පහතරට, සබරගමු, භරත නාට්‍යම්, බෙර වාදනය, අංග රචනය, රංග වස්ත්‍ර නිර්මාණය, කැටයම් කලාව, ඡායාරූපකරණය හා අලෝකකරණය ආදී නර්තනය හා බැදි බොහෝ අනුෂාංගික කලාවන් පිළිබද දැනුමද දරුවන් වෙත ගෙන යනු ලබන්නේ නර්තනය පිළිබදව මනා අවබෝධයකින් හෙබි අභිමානනීය නර්තකයෙකු බිහි කරවීමේ අධිෂ්ඨානය ඇතිවය. තාලපූර්ණ රග පෙළහර 1,2,3,4 ලෙස දරුවන්ගේ කලඑළි මංගල්‍යය හා නර්තන ප්‍රසංග පවත්වමින් දරුවන්ගේ දක්ෂතා සමාජය වෙත ගෙන ගියේ විෂය ක්ෂේත්‍රයේ විදත් පිරිසගේ ඇගයුමට හා පැසසුමට ලක් වෙමිනි. වසර 22 කට ආසන්න කාලයක් ලාංකේය දරු දැරියන්ට නර්තනය පිළිබදව පමනක් නොව ජීවිතයට අවශ්‍ය රිද්මීය ජීවන කුසලතා ඉහළ නංවමින් උසස් අධ්‍යාපනය ක‍රා දරුවන් යොමු කරමින් එහිදී ද විද්‍යාර්ථීන් ලෙස ද ඔවුන් තව තවත් ඔසවා තැබීමට අමතක නොකොට ඇත.

2023 වර්ෂයේ එක්සත් රාජධානියේ ලිවර්පූල් නගරයේහී ශ්‍රී සම්බුද්ධ විහාරයේ දී පුණ්‍ය ආයතනයක් වශයෙන් තාලපූර්ණ ශ්‍රී ලාංකික නර්තන පාසල පිහිටවනු ලබන්නේ සංස්කෘතිය කෙරෙහි වූ ලබැදියාව නතර කරනු නොහැකි බවට නිදසුන් සපයමිනි. තම සංස්කෘතිය මිනිසුන්ගේ ලේ ධාතුවටම මුසු වී ඇති බව නොරහසක් වන්නේ ඒ පිට දේශයක වුව ද මතු වීමට පොර බදන නිසාය. තම මවු බිම හා සංස්කෘතිය කෙරෙහි උපන් ගෞරවය සෙනෙහස හා සෞන්දර්‍යාත්මක ලබැදියාව සනිටුහන් කරමින් තාලපූර්ණ දිගුව ලිවර්පූල් හැඩ කරන්නට විණි.

ශ්‍රී ලාංකේය සංස්කෘතිය තුළ ජන විඥානය එකලස් කිරීමේ දී පන්සල ඉටු කරන්නේ සුළු පටු කාර්‍ය්‍යක් නොවේ. මිනිසුන් එකාවන්ව එක් රැස් කිරීමේ ගෞරවය පන්සල සතුය. පන්සල යනු සංස්කෘතික කේන්ද්‍රස්ථානයකි. එය ලොව ඕනෑම තැනක සත්‍ය්‍යයක් බවට පත්ව ඇත. ලිවර්පූල් ශ්‍රී සම්බුද්ධ විහාරය ලාංකේය ජන ප්‍රජාව ඒකරාශී කෙරෙන සංස්කෘතික මධ්‍යස්ථානයකි. සීමා මායිම් නැති ආගමික සංස්කෘතික විවිධත්වය හා අසමානතා ඒකරාශී කර එකදු පහදු කරනා ස්ථානයකි.

ශ්‍රී ලාංකේය සංස්කෘතික බීජයන් රෝපණය කරනුවස් තාලපූර්ණ ශ්‍රී ලාංකික නර්තන පාසල පිහිටුවීමේහිලා ලිවර්පුල් සම්බුද්ධ විහාරයේ නායක ස්වාමීන් වහන්සේ ඇතුළු විහාරවාසී මහා සංඝරත්නයට හා විහාරස්ථ දායක සභාව විසින් ඉටු කරනු ලබන අනගිභවනීය මෙහෙවර ගෞරවණීයව සිහිපත් කරන්නෙමු.

පූර්නිමා රත්නායක සහ ප්‍රභාෂ් නිරංග යන ආචාර්‍ය දෙපළ යටතේ ශ්‍රී ලාංකේය දරු දැරියන් 40කට ආසන්න ප්‍රමාණයක් අද වන විට තාලපූර්ණයෙන් හැඩවේ. ඔවුන්ගේ ජිවීත වලට සංස්කෘතිකමයවූ අපේකම බිදෙන් බිද එක් වෙමින් මව් භාෂාවේ අරුමය කියාපාන්නේ ඔවුන්ටත් නොදැනීමය. ශ්‍රී ලාංකේය නර්තන කලාවන් හා වාදනය, ගායනය, ජන නැටුම, ජන සංස්කෘතිය ආදී බොහෝ කලාවන් හබා යන්නට අද ඔවුන් දක්ෂයෝය. පූර්ව ළමා වියේ පසුවන දරුවන්ගේ සිට විශ්වවිද්‍යාල අධ්‍යාපනය ලබන දරුවන් තෙක් සීමාන්තික නොවී නර්තනයේ නර්තන කලාවේ සුවපහස විදින්නේ තමන් තුළ අති රස වින්දන කුසලතාවය ද ඔප්නංවමිනි.

ශරීරය මාධ්‍ය කොටගත් නර්තන කලාව කිසි විටකත් නර්තකයාගේ අකමැත්තෙන් සිදු කළ නොහැක්කකි. ඒ සදහා නර්තකයා තුළ ශාරීරික මෙන්ම මානසික එළඹුමක් ද තිබිය යුතුමය. සුසමාහිත පෞර්ෂයකින් හෙබි දරුවන් බිහි කිරීමේහිලා නර්තන කලාව නිරායාසයෙන් පෙරමුණ ගන්නේ බොහෝ අනුශාංගික කලාවන්ගේ සුසං‍යෝගයෙන් ද සුපෝෂනය වී ඇති මහා වෘක්ෂයක් වීම හේතුවෙනි.

දරුවන්ට මානසික උත්තේජනයක් හා සංස්කෘතික ලක්ෂණ ලොවට පළදායී ලෙස කාන්දු කිරීමේ ප්‍රයත්නයේ අභියෝගය තාලපූර්ණයෙන් පටන්ගෙන අවසානය. එංගලන්තයේ ජීවත් වන හා මෙරට ඉපදී හැදී වැඩෙන දරුවන් තුළ තම මවු දේශයට හා සංස්කෘතියට ලොබ බැදීමට දරුවන් නිවැරදි ලෙස යොමු කරවන ශ්‍රී ලාංකේය මා පිය ප්‍රජාව විසින් සිදු කෙරෙන මහගු මෙහෙවර ප්‍රශස්තය. මෙම තාලපූර්ණ නර්තන පාසල දරුවන්ගේ ජාතික, සංස්කෘතික ආගමික හා භාෂාමය හර පද්ධතීන් මෙන්ම ශාරීරික හා මානසික වශයෙන් වූ විවිධ සෞඛ්‍ය සම්පන්නතා හදුනාගනිමින් ඒවා නර්තනය නම් වූ පොදු සාධකය තුළ ලඝු කිරීමේ මෙහෙවරෙහි නිරතව සිටී. 

තවද විශේෂකොටගෙන සදහන් කලයුත්තක්මැ වන්නේ, තාලපූර්ණ ශ්‍රී ලාංකික නර්තන පාසලේ 

දරු දැරියන්ගේ හා මා පිය ප්‍රජාවගේ අප්‍රතිහත ධෛර්යයේ මේ වන් තෙක් ඔවුන් කැටි කොට ගත් සංස්කෘතික රිද්මයේ දිගුවක් ලිවර්පූල් හී පෙළහර පෑමට වස්තු බීජයන් ඇති බවයි.

ප්ප්ඔප්එම සංස්කෘතික බීජ රෝපණයේ කූටප්‍රාප්තියක් ලෙස දරුවන්ගේ සමාජීය වගකීම් ඔවුනට කුඩා කල සිටම කා වැදීද්මේ අරමුණින් පුණ්‍යාතනයක් වූ තාලපූර්ණ නර්තන පාසලේ අරමුණ තීව්‍ර කරමින් තවත් පියවරක් ඉදිරියෙන් ඔසවා තැබීමට ඔවුන් සූදානම් වේ. ඒ තාලපූර්ණ නර්තන පාසල, ලිවර්පූල් ඇල්ඩර් හේ ළමා රෝහල හා අත්වැල් බැද ගනිමිනි. “Little hands – Big Hearts” නමින්, තම වයසේම දරුවන්ගේ හුස්මට සවියක් වෙමින් තාලපූර්ණ 2024 UK ප්‍රසංගය ඔවුන්ගේ සංස්කෘතික කළඑලි මංගල්‍යයක් මේ වසරේ පැවැත්වීමට සැලසුම් පෙරදැරි කරගෙන සිටී. ශ්‍රී ලාංකේය සංස්කෘතියෙන් උරුම වූ අනෙකා වෙනුවෙන් කැපවීමේ මහගු සිතිවිල්ල පෙරදැරි කරගෙන ඔවුන්ගේ මෙම පියවර ඔබ සියල්ලටම ඉතා විචිත්‍රවත් වූ ශ්‍රී ලාංකේය සංස්කෘතික මංගල්‍යයක් ලෙස පෙළහර පෑමට නුදුරේම නියමිතය.

 රීනා ද සිල්වා

 ඡායාරූප – අනුරුද්ධ ලොකුහපුආරච්චි