Category: Interviews

Strummers Live Band UK, A Story of Passion, Talent, and Togetherness

( Do love and be loved)

අපි Strummers. සංගීතයට තිෙබන එකම ආදරය හේතු කරෙගන එකතු වූසංගීතඥයන්ගේ කණ්ඩායමක්. අපේ

කණ්ඩායමේ ගමන යාලුකමේ, කැපවීමේ, සහ අපේ කලාවට ආදරය කරන කතාවක්. පස් ෙදෙනකුෙගන් ආරම්භ කළත්,

අද වන විට අපේ ගමන අපට බොහෝ අත්දැකීම් සහ මතකයන් ලබා දී තිෙබනවා. අපේ ගමන ඔබටත් ෙමසේ ෙබදා

ගැනීමට සතුටුවනවා.

අපගේ band එකේ පදනම සහ අරම්භය වුනේ චාමර. ඔහුඅපේ Bass ගිටාර් වාදකයා සහ Strummers Band

එකේ ප්‍රධාන කොදූ නාරටිය කිව්වොත් නිවරැදී. Chamara සංගීතයට ඉතා තදින් ඇලුම් කරන අෙයක්. ෙවන්නප්පුව

C7th Band එකේ සිටි චාමර, St. Martin De Porres විද්‍යාලයේ මුලීක අධ්‍යාපනය ලබාගත්තා. චාමර එක්සත්

රාජධානියට පැමිණි දීර්ඝ කාලයක් වන අතර මේ වන විට ඔහුගේ ආදරණීය බිරිඳ, දියණිය සහ පුතුනුවන් සමඟ

Aylesbury හි පදිංචිව සිටිනවා. ඔහුගේ නායකත්වය අපේ සංගීත ගමෙනහි ප්‍රධාන අංගයක්. ඔහුඅකමැතිම කාරනාව

නම් ඔහුෙමහි නායකයා බව ෙපන්විමටත් ෙමය Strummers එක පවුලක සහොදරයන් ෙලස පවත්වා ෙගන යාමට.

ෙම කන්ඩායමේ එකම විෂේශත්වය වන්නෙද එයයි.

විජය, අපගේ Lead ගිටාර් වාදකයා සහා සහය ගායකයා, චාමර සමඟ මුලින්ම Strummers හා එකතු වුයේ විජය

යි. ගාල්ල විද්‍යාලොක විද්‍යාලයේ අධ්‍යාපනය ලැබුවිජය පසුව ගාල්ලේ සරිගම සංගීත කන්ඩාෙයෙම සිය දක්ෂතාවය

වැඩිදියුණු කරගත්තා. පසුව ඔහුබිරිද සමග එංගලන්තයට පැමිනියේ වැඩි දුර අධ්‍යාපනය සදහා, මේ වන විට විජය

ඔහුගේ ආදරණීය බිරිඳ සහ පුතුන් තිෙදනා සමඟ Aylesbury හි පදිංචිව සිටිනවා, විජය අපගේ ශබ්දය තවත්

ශක්තිමත් කරන අතර Strummers ජීවය කිව්වොත් නිවැරදී.

අපගේ Drums වාදකයා ප්‍රබොද්, Strummers සංගීතයට විශේෂ අසමසම drums රටාවන් සහ නැවුම් drums

රටාවන් එක් කරන අති දක්ශෙයක්. කොළඹ මහානාම විද්‍යාලයේ මුලීක අධ්‍යාපනය ලැබුප්‍රබොද් ඔහුට 14 වියේදී

එක්සත් රාජධානියට වැඩිදුර අධ්‍යාපනය සදහා සංක්‍රමණය වූඅතර , පසුව ඇෙමරිකා එක්සත් ජනපදයේ පදිංචිව සිට

2021 වසෙරදී තම බිරිද සමග විවාහ වී නැවතත් එක්සත් රාජධානියට සංක්‍රමණය වූයේය, මේ වන විට ඔහුතම

ආදරණීය බිරිඳ සමහ Norfolk හි පදිංචිව සිටිනවා. ඔහුගේ බිරිඳෙගන් ඔහුගේ සංගීතය සදහා අනගී සහයෝගයක්

ලැෙබන අතර Strummers සහ එක්සත් රාජධානියේ අෙනකුත් සංගීත කණ්ඩායම් ෙවනස්ව තබන ප්‍රධාන සාධකය

වශෙයන්ද සැලකිය හැකි.

ප්‍රිමාල්, අපගේ Keyboard වාදකයා, සංගීතයට ගැඹුරු කුසලතාවක් ආදරයක් ඇති ඔහු, කදාන De Mazenod

විද්‍යාලයේ මූලීක අධ්‍යාපනය ලබා විවිද ව්‍යාපාර වල නිෙයලී සිටියදීම Eagle Shadows සංගීත කන්ඩායෙම

keyboard වාදකයා වශෙයන් කටයුතු කර ඇති අතර පසුකාලීනව එක්සත් රාජධානියේ පදිංචියට පැමිනියේය, ෙමරට

තුලත් තම උසස් අධ්‍යාපනය සම්පුර්ණ කල ඔහුදියනියන් තිෙදනකුගේ ආදරණීය පිෙයක් සහා ආදරණීය සැමිෙයකී,

තවද ප්‍රිමාල් දක්ශ ව්‍යාපාරිකු වන අතර මේ වන විට Sunderland හී පදිංචිව තම ව්‍යපාර කටයුතු වල නියැලී සිටින

ප්‍රිමාල්ගේ සංගීත දක්ෂතා අපේ කණ්ඩායෙම හඩ පරිපුර්න කරන මුලීක කාරනාවකී. වරකට සැතපුම් 400 අදීක දුර

කතරක් ෙගවා පුහුනුවීම් සදහා London පැමිෙනන ඔහුඅපට ඇති විශාලම ශක්තියක් සහා ඔහුගේ කැපවීම

පිලිබදව අපගේ හදපිරි ප්‍රණාමය පුදකරන්නෙමු.

අපගේ සංගීත කණ්ඩායමේ ලාබාලතම සාමාජිකයා වන්නේ Agraja, Rhythm ගිටාර් වාදකයා සහ අපගේ ප්‍රධානම

ගායකයා වන්නෙත් ඔහුයි. Strummer’s Golden Voice ෙලස අපි ඔහුව හදුවන්නේ ඔහුගේ අනගීභවනීය දක්ශ

ගායන කුසලතාව නිසා කිවොත් නිවැරදී. මීගමුව Maris Stella විද්‍යාලයේ මුලීක අධ්‍යාපනය සම්පුර්ණ කල ඔහුපසුව

එංගලන්තයේ උසස් අධ්‍යාපනය අවසන් කල අතර කුඩා කල සිටම අතී විශේෂ ගායන වාදන දක්ෂතාවයන් ෙපන්නුම්

කලා. ඔහුගේ විශිෂ්ඨ හඩ සහ දක්ෂ ගිටාර් වාදනය අපේ සංගීතයට නව හඩක් ලබා ෙදනවා. තවමත් 23 වියේ පසුවන

Agraja ට දීප්තීමත් අනාගතයක් සහතික බව නොරහසක්.

Imal, අපගේ percussion වාදකයා සහ ගායකයා, කොලඹ රාජකීය විද්‍යාලයේ මූලීක අධ්‍යාපනය අවසන් කල Imal,

තම ආදරණීය බිරිඳ සහා දියනිය සමග Southampton ප්‍රදේශයේ දැනට වාසය කරනවා. කොතරම් කාර්‍යබහුල වුවත්

සංගීතයට දැඩි ඇලිමක් ඇතී Imal Strummers ෙවත යාෙවන්නේ අහම්බෙයන් කිව්වොත් නිවැරැදි. කොළඹ රාජකීය

විද්‍යාලයේ Ochestra කන්ඩායමේ සමාජිකෙයක් වූ Imal විවිද හඩ රටාවල් තම percussion භාන්ඩ තුලින් මවන්නට

උපන් හපෙනකී. විෙශෂත්වය වන්නේ ඔහුගේ ලයාන්විත හඩයි, වාදනය කරන අතරතුර ගායන හැකියාව ඉතා දුර්ලබ

ෙදයක් බව අප හොදින් දන්නා කරුනකි. එහිදී ඉමාල් Strummers කන්ඩායමට ඇති අනර්ඝම සහා ප්‍රබලතම

සමාජිකෙයක් වන අතර එය අපට ආඩම්බරයකී.

Strummers Live Band UK එකේ අපගේ අරමුණ සරලයි, සංගීතයට තිෙයන අපේ අසීමිත ආදරය. අපගේ එකම

අරමුණ වන්නේ එංගලන්තයේ ඇති ෙවනත් ශ්‍රී ලාංකික සංගීත කණ්ඩායම් වලට අභියොග කරන කණ්ඩායමක් නොවී

සහයොගෙයන් සියලුම සංගීත කණ්ඩායම් සහ එහී නායකයන්/ සමාජීකයන් සමග එංගලන්තයේ ජිවත් වන ශ්‍රී

ලාංකිකයන්ට අපගේ සංගීතය සැපයිමයි, ෙමය සරලවම අපගේ රසවින්දනයට පමණක් කරන සංගීත කටයුත්තකී,

අෙනකුත් සංගීත කණ්ඩායම් සමඟ එකමුතුව කරෙගන යන Strummers එය ඉදිරියටත් එෙලසම රැකෙගන යන බවට

සහතික විය හැකී. ඔබගේ යෝජනා, අදහස් අපි සතුටින් පිළීගනිමු, ඒවා අපිට වැඩිදියුණු වීමට සහ කණ්ඩායමක් ෙලස

තව තවත් දියුණු වීමට උපකාරී ෙවන බව අප පිලිගන්නා කරුනක්.

Strummers අරාම්භෙයදී විෙශෂෙයන් නම් වශෙයන් සදහන් නොකලත් එන්ගලන්තයේ දැනට කණ්ඩායම් සංගීතයේ

යේෙදන සියලුම කණ්ඩායම් වල නායකයන්/ සමාජිකයන්ගේ සහයොගය අප බලාපොරොත්තු වන අතර සියලුම අදහස්

යොජනා චොදනා සතුටින් භාර ගැනිමට අප සුදානම්.

ෙමය අප හුෙදක් අපගේ විනොදය ආශ්වාදය සදහා කරන කටයුත්තක් වුවද එය සාර්ථකත්වයට පත් වීම නිසාෙවන් මේ

වන විට අප එංගලන්තයේ ඔනැම උත්සවයක්, ප්‍රසංගයක්, විවාහ උත්සව, Dinner Dance, artists backing,

උපන්දින සාද යනාදී විවිද උත්සව වලට සංගීතය සැපයිමට සුදානමින් සිටිනවා. වැඩි විස්තර සදහා ෙමහි සදහන්

දුරකථන අංකෙයන් චාමර හරහා ලබා ගත හැක (+44 7423 553929). අපගේ Facebook පිටුෙවන් Strummers

Live Band UK ඔනැම ෙවලාවක අපගේ video නැරබීමට හැකියාව ඇති අතර Tik Tok හා Youtube ෙවදීකාවන්

තුලදී Strummers Live Band UK නමින් ඔබට නැරඹීමට ඉඩ අවකාශ සලසා ඇත.

අපිව රසවිදින/ නොවිදින සියලුම අකාරයේ රසික රසිකාවියන්ට අපගේ නොමසුරු ස්තුතිය පුද කරන්න ෙමය අවස්ථාවක්

කරගන්නවා, මන්ද අප රදා පවතින්නේ ඔබගේ රස වින්දනය මතයි, ෙපර සදහන් කල පරිදි ඔබගේ ඔනැම අදහසක්

යොජනා චොදනා අප සතුටින් භාර ගැනිමට සැදි පැහැදී සිටිමු.

අවසානයේදී සදහන් කරන්න අමතක නොකල යුතු ෙදයක් වේ නම් අපි Magazine සහා ගයාන්. මුල සිටම අප

දිරිගන්වා එංගලන්තයේ ෙවෙසන ශ්‍රී ලාංකික ප්‍රජාවට අපව හදුන්වා දීම ඉඩ අවකාශ සලසා දීම ගැන අප නිහතමානී

කෘතඥතාවය පලකර සිටිනවා. අපට පමනක් නොවේ එංගලන්තයේ ජිවත් වන සියලුම ශ්‍රී ලාංකික ප්‍රජාවට ගයාන් ඇතුලු

ඔහුගේ අපි Magazine කණ්ඩායෙමන් ලබාෙදන විවිද අකාරයේ සහයොගයන් සහා ප්‍රවර්ධන උපකාර ඉතාම අගය කල

යුතු ෙදයක්. ගයාන් සහ අපි Magazine කණ්ඩායම, ඔබ සැමට ස්තුතී.

වේලසයේ පැවැත්වෙන දැවැන්තම Naadha Live in Concert ගැන දන්නවද? නැතිනම් හරියටම දැනුවත් වෙමුද ?

01. මොකද මේ කොන්සර්ට් එකට නාද කිව්වෙ,

බ්‍රිතාන්‍යයේ මේ දිනවල පැවැත්වෙන දැවැන්තම රියලිටි තරගය කියන්නෙ නින්නාද 2024. ඒ නමේ අවසාන අකුරු දෙක අරගෙන තමයි නාද කියල හැදුවේ. 

02. නාද ලයිව් ඉන් කොන්සර්ට් එකට එන්නේ කවුද?

ලංකාවේ සංගිතය කේෂ්ත්‍රයේ ජනප්‍රියත්වයට පත්වුන ප්‍රියත් රාජපක්‍ෂ, තීක්ෂණ අනුරාධ, දිමන්ක වෙල්ලාලගේ, සංජුල හිමාල, දුලාන් ඒආර්එකස් එනවා.

03. මේ වගේ සුසංයෝගයක් ඇයි තෝරන්න හිතුවේ?

දිමන්ක, තීක්ෂණ කියන්නෙ ගොඩක් කේෂ්ත්‍රයේ ජනප්‍රියත්වය රැකගෙන එන දෙන්නෙක්. පියත්, සංජුල කියන්නෙ නව නිර්මාණ එක්ක අලුත් පරම්පරාව කැමති ගායකයන් දෙන්නෙක්. රැප් සංගිතයට ආස අයට වෙනුවෙන් අපි දුලාන් එකතු කලා. ඉතිං මේ සුසංයෝගයෙන් අත්නොවිදි නියම අත්දැකිමක් ලබා දෙන්න නාද ලයිව් ඉන් කොන්සර්ට් සුදානම්

04. කොහේද, කවදද, කීයටද මේ ප්‍රසංගය තියෙන්න?

වේලසයේ අගනුවර කියන්නෙ ගොඩක් සංගිත ප්‍රසංග නොපැවෙත්වෙන නගරයක්. බහුතරයක් ශ්‍රී ලාංකිකයන් වෙනුවෙන් අපි වේල්සයේ කාර්ඩ්ෆ් අගනුවර රැඩිසන් බ්ලු තරු පහේ හෝටලය මේ වැඩේට තෝර ගත්තා. ඔක්තෝබර් 12 වෙනිද සවස 6 ඉදල රාත්‍රි 12 වෙනකල් එක දිගටම මේ කොන්සර්ට් එක පැවැත්වෙනවා.

05. වෙන මොනවද මේ කොන්සර්ට් එකට එකතු කරල තියෙන අංග?

* නින්නාද 2024 අවසාන මහා ප්‍රසාංගික අත්දැකීම විදගන්න 

* DJ music එක්ක නටන්න

* ලංකාවේ විදිහට පහසු මිලට රසම රස ආහාර කන ගමන් කැමති විදිහට බොන්න 

06. ඇයි පවුම් 30 වගේ ගණනකට ටිකට් ආලවි කරන්න හිතුවෙ? 

වේලසය වගේම බ්‍රිතාන්‍යය  පුරාම ඉන්නේ බහුතරයක් ඉගන් ගන්න ආපු ශිෂ්‍යයෝ. ඒ අයගේ පවුල්වල අය. ඉතිං මේ හැම කොනක්ටම මිලට ගන්න පුලුවන් ඉතාම සාධාරණ මිලක් විදිහට Early Bird tickets £30 කට අලෙවි කරනවා. ඊට පස්සෙ පොඩි ගානක් වැඩි වෙනවා. කොහොම වුනත් ගොඩක් ටිකට්ස් අලෙවි වෙලා තියෙන නිසා ඉක්මනින්ම ගන්න පුලුවන් නම් ෂුවර්. සියලුම ටිකට්ස් පරිසර හිතකාමි විදිහට Online ගන්න පුලුවන්. 

07. මේ කොන්සර්ට් එක කරන්නෙ කවුද ? 

All Sri Lankans in UK community එක නියෝජනය කරන Concept Crew එක පලමු වතාවට BlackBoX Events and Media එක්ක කරන වෙනස්ම වැඩක් මේක. අනික මේ වැඩේට බ්‍රිතාන්‍යයේ ඉන්න මේ වගේ වැඩ කරන බොහොමයක් දෙනක් සහයෝගය දෙනවා. ලිවර්පූල් කොමියුනිටි එක, රාවනා ඉවෙන්ට්, වෙලස් අපි, සහස්රා එන්ටර්ටේන්ට්මන්ට් අපිට මේ වැඩේට පුර්ණ සහයක් දෙනවා එයාලගේ අත්දැකීම් එක්ක නාද ලයිව් ඉන් කොන්සර්ට් එක සාර්ථක කර ගන්න. හැබැයි කියන්නම ඕන මේ වැඩේ කරන්නේ All Sri Lankans in UK කියන එක පැහැදිලිව කියන්නේ ඒ ගැන වැරදි අවබෝධයක් ඇති වන්න පුලුවන් නිසාමයි.

08. මේ කොන්සර්ට් එක කරන්න විශේෂ අරමුණක් තියෙනවද?

අපි දැක්කා බ්‍රිතාන්‍යය පුරාවටම පැවැත්වෙන සංගිත ප්‍රසංග ගොඩක් තෝරාගත් නගර කිහිපයකට සීමා වෙලා ව්‍යාපාරික අරමුණු එක්ක සංවිධානය වෙනව. නින්නාද 2024 කියන රියලිටි ප්‍රසංගය එක්ක නාද ලයිව් ඉන් කොන්සර්ට් එක ලාභ අරමුණු නොකල සාමාජීය මෙහෙවරක් වෙනුවෙන් 2024 වර්ෂයේ පලමු වරට ආරම්භ කලා. 

09. මේ ප්‍රසංගය සාර්ථක කර ගන්න සහය දුන්න අනුග්‍රහයකයන් කවුද?

ABEC Primer ප්‍රධාන අනුග්‍රහාහක විදිහට මේ කර්තව්‍යයට උපරිම සහයක් දෙනවා. ශ්‍රී ලාංකිකයන් විදිහට මේ කර්තව්‍යය සදහා ලංකාවේ IJ මර්කනටයිල් පුද්ගලික සමාගම, ස්කටිලයින් මැනුපැක්චරින් පුද්ගලික සමාගම මුල්‍ය අනුග්‍රහය ලබා දුන්නා. බ්‍රිතාන්‍යයේ ශ්‍රී ලාංකික ව්‍යාපාර විදිහට Owl Financial, Little Lanka Restaurant, Ceylon Express මූල්‍ය සහය  ලබා දුන්නා. මීට අමතරව CMORE digital media සහකරු විදිහට ලබා දෙන සහය අගය කල යුතුමයි. තවදුරටත් Prime News, Api Magazine, FM adawiya, NMTV මාධ්‍ය සහය ලබා දෙනවා. My Digital Business වෙබ් සහකරු, NLC උපදේශන සහකරු, Ambiaent Potraitor ඡායාරූප සහකරු, Primetop Liverpool නිල වාහන සහකරු විදිහට මෙන්ම £2000 ක් වටිනා වාහනයක් නින්නාද 2024 ජයග්‍රාහී කිරුල හිමි කුමරාට හෝ කුමරියට ලබාදෙන්න සුදානම්.

10. සංවාදය අවසන් කරන්න කලින් විශේෂයෙන් කියන්න දෙයක් තියෙනවද? 

ඔව්, ඇත්තටම වේලසයේ 2024 වර්ෂයේ පැවැත්වෙන අති දැවැන්තම හා එකම සංගීත අත්දැකීම විදිහටත්, Artists ලා 05ක් එක්ක නින්නාද 2024 ජයග්‍රාහී තිදෙනා සංගිතවත් වන අති දැවැන්තම සංගිත ප්‍රසාංගය විදිහටත් ඉතාම අඩු මුදලකට මේ සියල්ලම අත්විදින්න අවස්ථාව ලැබෙන අත් නොහැරිය යුතු එකම ප්‍රසංගය විදිහටත් Naadha Live in Concert එක බලන්න එන්න කියල ශ්‍රී ලාංකික ඔයාල හැමෝටම අපි ඉතා ආදරයෙන් ආරාධනය කරන්න කැමතියි.

අවසාන වශයෙන් මේ වගේ ලස්සන ප්‍රසංගයක් ඉදිරිපත් කරන්න අනුග්‍රහය ලබාදුන් හැම කෙනෙක්ම සහය දුන්න හැම කෙනෙක්ම ඉතා ආදරයෙන් සිහිපත් කරන ගමන්, මේ සංවාදයට ඉඩ හසර හදල දුන්න අපි මැගසින් (Api Magazine) සගරාවට විශේෂ ස්තුතිය පුදකරනවා.

ශ්‍රී ලාංකේය කන්ඩායම් සංගීත වංශකතාවේ දිදුලනා

ජාත්‍යන්තර සන්නාමය ~ CENTIGRADEZ

ශ්‍රී ලාංකේය කන්ඩායම් සංගීත කරළියේ

සම්ප්‍රදායානුකූල දිශානතිය පෙර නොවූ විරූ අයුරේ

අපූර්ව විපර්යාසයකට බඳුන් කරවන්නට සමත්කම්

පාමින්… සංගීතයේ පරතෙර සොයා යෑමේ

නොසන්සිඳෙන ආසාව යෙහෙන් තෘප්ත කොටගැනීම

උදෙසා නා නා විද අත්හදා බැලීම් සිදුකිරීමත්… එහි

ධණාත්මක ප්‍රතිඵලයක් ලෙසින් ගෝලීය කන්ඩායම්

සංගීත කරළිය තුළත් ශ්‍රී ලාංකේය අනන්‍යතාවය

මැනවින් සනිටුහන් කරවමින් සිටින… අභිමානවත්

ගැයුම් මුද්‍රාවන් කැළකගේ එදා මෙදා තුර වෘත්තීය

සංගීත භාවිතාවේ රස මුසු අහු මුලු සොයා යාමට

සිදුකෙරුණු සුහඳ පිළිසඳරක් මෙලෙසින්

දිගහරින්නෙමු…

Q). Centigradez හී ආරම්භය සිදු වූ ආකාරය පිළිබඳව

සඳහන් කරමු.

තුන ශ්‍රේණියේ පටන් හය ශ්‍රේණිය දක්වා ගතවුණු

වසර කිහිපයේදී පාසලේ කණිෂ්ඨ වාද්‍ය වෘන්දයට

සම්බන්ධ වීමට අවස්ථාව සැලසුනා. එහිදී තමයි

ප්‍රථමයෙන්ම තාලය රිද්මය ආදී සංගීතයේ මූලික

සංරචකයන් නිවැරදිව හඳුනාගැනීමට ඉඩකඩලැබුණේ.

එයින් ඇරඹුණු කුතුහලයෙන් යුතු හැදෑරීම පාසලේ

ජේෂ්ඨ වාද්‍ය වෘන්දය නියෝජනය කිරීම දක්වාම

අඛණ්ඩව සිදුකෙරුණා. සංගීතකාමීත්වය මැදින්

කාලය එලෙසින්ම ගතවුනා.

නමය ශ්‍රේණියේදී සංගීතලෝලී කළණ මිතුරන් කැළක්

වන තුසිත්, ඉෂාන්, එරංග, උදය, ඉසුරු සහ අමිල

යන අපගේ ඒකරාශී වීමෙන් centigradez උපත

ලබනවා. ඒ දක්වා ගත වූ කාල පරිඡ්චේදයේදී

උකහාගත් සාරවත් අත්දැකීම් ගොන්න ඊට කදිම

තෝතැන්නක් සැපයූ බව නිහතමානී ආඩම්භරයකින්

ප්‍රකාශ කළ හැකියි.

උසස් පෙළ හදාරණ කාල වකවානුව වන විටදී

ස්වතන්ත්‍ර ගීත නිර්මාණයන් රැසක් අප අතින් ශ්‍රී

ලාංකේය සංගීත කර්මාන්තයට දායාද වීමට සූදානම්ව

තිබීම කලාත්මක අනන්‍යතාවයක් මෙන්ම වාණිජ

වටිනාකමක් ගොඩනැංවීමේ පදනම සකස් කළා කියා

සිතීම සාදාරණයි.

Q). වෘත්තීය සංගීත කන්ඩායමක් ලෙස මේ දක්වා

අත්කරගෙන තිබෙන සුවිශේෂී ජයග්‍රහණයන් පිළිබඳව

මතකාවර්ජනයක් සිදුකරමු.

වර්ෂ 2006 දී එළි දැක්වුණු " Dark Angel " ගීතය බ්‍රිතාන්‍ය

BBC ගුවන්විදුලි සේවයේ ප්‍රාචාරය වූවා. වර්ෂ 2008 දී

පැවැත්වුණු “ Malaysia World Star Quest “ ගායන

තරගාවලිය වෙනුවෙන් ශ්‍රී ලංකාව නියෝජනය කරන්නටත්

එහිදී " Excellent New Singer " ලෙසින් ඇගයීමට පාත්‍ර

වන්නටත් අවකාශය සැලසුණා. වර්ෂ 2013 දී පැවැත්වුණු

රූපවාහිනී රාජ්‍ය සම්මාන උළෙලේ හොඳම තනු නිර්මාණය

සඳහා වන සම්මානය ඉෂාන් ලක්මාල් විසින් ගායනා කරන

ලද " දිවුරාලා පවසන්න " ගීතය හිමිකර ගන්නට සමත්

වූවා. 2013 – 2014 වර්ෂයන් උදෙසා පැවැත්වුණු " Derana

Lux Music Awards " හිදී " Sri Lanka's Most Popular Boy Band

Twice In a Row " ලෙසින් සම්මානනීය වූවා.

දිවයිනේ ප්‍රමුඛතම ටෙලිවිෂන් සහ ගුවන්විදුලි නාළිකාවල

විකාශනය වන ගීත ප්‍රචාරක වැඩසටහන් තුළ

ප්‍රමුඛස්ථානය සනිටුහන් කිරීමට සමත් ගීතයන් දාහතරක්

පමණ නිර්මාණය කිරීමට අප සමත් වෙලා තියෙනවා. එය

අප ලැබූ සුවිශේෂීම ජයග්‍රහණයක් ලෙසින් සැළකිය හැකියි.

Q). ගෝලීය සංගීත කරළියේ වෙළඳ අනන්‍යතාවයක්

ගොඩනගාගැනීම උදෙසා ක්‍රියාත්මක කරමින් සිටින

සැලසුම් පිළිබඳව හැඳින්වීමක් කරමු. 

මේ දිනවලදී අන්තර්ජාතික මට්ටමින් කීර්තියක්

උසුලන විදේශීය සංගීත කන්ඩායමක් සමඟින්

සුවිශේෂී ව්‍යාපෘතියකට මුල පුරන්නට සැලසුම් සකස්

කරමින් සිටිනවා. ඒ පිළිබඳව වැඩිදුර තොරතුරු

ඉදිරියේදී හෙළිදරව් කරන්න බලාපොරොත්තු වෙනවා.

Q). ඉදිරියේදී එළිදැක්වීමට සැලසුම් කරමින් සිටින

නිර්මාණාංගයන් පිළිබඳව විග්‍රහයක් කරමු. 

ශ්‍රී ලාංකේය අනන්‍යතාවය සුරැකගත් ගැයුම් මුද්‍රාවන්

සමඟින් ගෝලීය නාද රටාවන් ද කදිමට පාහාගත්

ජාත්‍යන්තර ප්‍රමිතිකරණයෙන් ඔප්නැංවුණු ගීත රූප රචනා

ද්විත්වයක නිර්මාණ කටයුතු නිමා කරන්නටත් හැකි

ඉක්මනින් රසිකයින් වෙත මුදාහරින්නටත් අවැසි සියලු

කටයුතු සාර්ථකව සිදුකෙරෙමින් පවතින බව පවසන්නට

ලැබීම සතුටට කාරණාවක්.

Q). වර්ථමාන ශ්‍රී ලාංකේය සිනමා කර්මාන්තය

තුළ සංගීතයේ භාවිතාව නැතහොත් සිනමා සංගීතය

පිළිබඳව අදහස් ඉදිරිපත්කරමු. 

ශ්‍රී ලාංකේය සිනමා කර්මාන්තයේ ප්‍රවීණතම තිර

රචකයෙකු මෙන්ම අදියුරුවරයෙකු ද වන උදයකාන්ත

වර්ණසූරිය මහතාගේ නිර්මාණ කෞශල්‍යයෙන් හැඩ

වී වර්ෂ 2007 දී දිවයින පුරා තිරගත කෙරෙමින්

අතිශයින් ජනාකර්ෂණයට පත් වූ " ආසයි මං

පියාඹන්න " සිනමාපටය සංගීතයෙන් විචිත්‍රවත් කළේ

තුසිත් නිරෝෂන විසිනුයි. ඒ හරහා ඔහු මෙරට

ළාබාලතම සංගීත අදියුරුවරයා බවට පත්වූවා.

ගුණාත්මක භාවයෙන් මෙන්ම තාක්ෂණයෙන් ද ඉතා

උසස් ඝණයේ ලා සැළකිය හැකි ගීතයන් වර්ථමාන

දේශීය සිනමා භාවිතාව තුළ දැකගන්නට පුළුවන්.

පසුබිම් සංගීතය සැපයීමද ඊට නොදෙවෙනියි කියා

අවංකව පැවසිය හැකියි. කරළියට පැමිණීමට

වෙහෙසෙන අංකුර සංගීතවේදීන්ගේ එම සුභවාදී

පූර්වාදර්ශය අපව බොහෝ සෙයින් ප්‍රමෝදයට පත්

කරවනවා.

Q). වෘත්තීය සංගීතවේදියෙකු වීමට අපේක්ෂාවෙන්

සංගීතය හදාරණ්නෙකු හට ශ්‍රී ලාංකේය සංගීත

කර්මාන්තය තුළ සඵලධායී අයුරින් ස්ථාවරත්වයට

පත්වීම සඳහා ආධාර විය හැකි යම් ඔවදනක්

සඳහන් කරමු.

සංගීතය යනු ලොව පුරා විහිදී පැතිරී ගිය කලාකාමී

සංස්කෘතියක් ලෙසින් හඳුන්වා දෙන්නට කැමතියි.

එබැවින් ඉඩ ප්‍රස්ථාව සැලසෙන අයුරින් සෑම සංගීත

ප්‍රවර්ගයක් පිළිබඳවම විචාරය කිරීමත්… තම

කැමැත්ත සහ හැකියාව මත තෝරාගනු ලබන

සංගීත ප්‍රවර්ගය පරිපූර්ණ වශයෙන් අධ්‍යයනය

කිරීමත්… එලෙසින්ම ඒ තුළ තමන්ගේ අනන්‍යතාවය

සොයා සපයා ගැනීමේ අරමුණින් සරිලන අත්හදා

බැලීම් සිදුකිරීමේ නැඹුරුවත්… විෂයේ පරතෙර සොයා

යාමට රිසි අංකුර සංගීතවේදියෙකු හට පිහිටිය යුතු

ගති ලක්ෂණයන් ලෙස දැකීම වඩාත් අරුත්

සම්පන්නයි.

Q). Api Magazine සමඟින් මෙලෙස සොඳුරු

පිළිසඳරකට එක්වීම සම්බන්ධයෙන් ඇතිවන හැඟීම

කෙබඳුද යන්න පවසමු.

ඇත්තෙන්ම අප ඉතාමත්ම සන්තෝෂයට පත්වෙනවා

කලාතුරකින් සිදුකෙරෙන මෙවැනි අරුත්බර සොඳුරු

පිළිසඳරකට ඒකරාශි වෙන්න ලැබීම සම්බන්ධයෙන්.

ඒ වගේම Api Magazine හී කතෘ තුමන් වන ගයාන්

කරුණාරත්න මහතාට අපගේ හදපිරි ස්තූතිය

පිරිනමන්නට මෙය අවස්ථාවක් කරගන්නවා. Api

Magazine හී සමස්ථ කාර්‍ය මණ්ඩලයටත් ජයෙන් ජයම

ප්‍රාර්ථනා කරනවා.

සැකසුම | හිරාන් ගමගේ

නැටුමෙන්… ගැයුමෙන්… රැඟුමෙන් … ජන හදේ රූ සිත්තම්

මවනා… රූපසාරී… සොඳුරු සිතැත්තී

ගායනය, නර්තනය, නිරූපණය, රූපණය, නිවේදනය සහ

පූරකත්වය 

ආදී වූ කලාත්මක කෞශල්‍යයන් රැසක් ජන්මයෙන්ම උරුම

කොටගනිමින් වත්මනෙහි ප්‍රමුඛව රංග වේදයේ නව්‍ය රස

නිෂ්පත්තීන් සිසාරමින් එතෙර මෙතෙර ලක්ෂ සංඛ්‍යාත ශ්‍රී

ලාංකේය හදවත් සිය වසඟයට ගන්නට සමත්කම් පෑ යොවුන්

වෘත්තීමය රංගන ශිල්පිණී ශනුද්‍රි ප්‍රියසාද් නම්

ඇයගේ ආද්‍යාත්මයේ, දේශපාලනික ආක්‍යානයෙහි හා

වෘත්තීත්වයේ ප්‍රථූල හරසකඩක් පාඨක ඔබ වෙතට සම්මුඛ

කරවීමට ලත් වෑයමකි මේ. 

Q). ඔබ පුද්ගලයෙකු වශයෙන් ඔබව දකින්නෙ කුමන

අයුරකින්ද යන්න පිළිබඳව සඳහනක් කරමු. 

ඉතාමත්ම සරළ ඇවතුම් පැවතුම් තියෙන සිහින සැබෑ

කරගන්න කැමති ඒ වෙනුවෙන් වෙහෙසෙන තරුණ

ගැහැණු ළමයෙක් විදිහට තමයි මම මාව හඳුනාගෙන

තියෙන්නෙ.

Q). ඔබ ජීවිතය යන්න දකින්නෙ කුමන අයුරින්ද

යන්න පිළිබඳව හැඳින්වීමක් කරමු.

තරගකාරිත්වයෙන් තොර ඉස්පාසුව සහිත ස්වාධීන චාරිකාවක් ලෙස

මම ජීවිතය අත්විඳගන්න කැමතියි.

Q). ඔබේ ආගම හෝ දර්ශනය යන්න කුමක්ද

යන්න සඳහන්කොට ඒ තුළින් ජීවිතයට ලබාගත්

වටිනාම දේවල්

මොනවාද යන්න පිළිබඳවද විග්‍රහයක් සිදුකරමු.

මම උපතින්ම රෝමානු කතෝලිකයෙක්.

මම දෙවියන් වහන්සේ හට අතිශයින්ම ගෞරව බුහුමන් දක්වන

කෙනෙක්. සෑම ඉරිදාවකම පල්ලිය වෙතට යාමට නොහැකි වුවත් මම

නිරතුරුවම මගේ ජීවිතයේ සියළු තතු දෙවියන් වහන්සේ සමඟින්

බෙදාගන්නා කෙනෙක්. දෙවියන් වහන්සේ සමඟින් එලෙසින්

සන්නිවේදනය කරන්නට අවකාශය සැලසීම මා ජීවිතයේ ලද

විශාලතම භාග්‍යය සේ සළකනවා.

එමෙන්ම මම කිසිම විටක මගේ ආගමික ප්‍රතිපත්ති සහ අනෙකුත්

ආගම් හෝ දර්ශනයන්ගේ ප්‍රතිපත්තීන් සංසන්දනය කරන්නට කැමති

කෙනෙක් නෙමෙයි. මගේ අවබෝධයේ පරිදි සහ මගේ විශ්වාසය පරිදි

ලෝකයේ බිහි වී තිබෙන සෑම ආගමකම පාහේ මුක්‍ය අභිමතාර්ථය

වී ඇත්තේ මනුශ්‍යත්වය සරිලන සෙයින් අරුත් ගැන්වීමයි. එනමුත්

එම අරමුණ මුදුන්පත්කරගැනීම උදෙසා ඉගැන්වීම් සිදුකරන ආකාරය

එම ආගම හෝ දර්ශනය සමඟින් බැඳි සංස්කෘතිය අනුව විවිධාකාර

විය හැකියි.

Q). ඔබ කලාමාද්‍යයක් ලෙස ටෙලිවිෂනය සහ

සිනමාව හඳුනාගන්නේ කෙසේද යන්න

පිළිබඳව පැහැදිලි කිරීමක් කරමු.

ඇත්තෙන්ම කියනවනම්, ටෙලිවිෂනය සහ සිනමාව

කියන්නෙ එකිනෙකට බොහෝ සෙයින් වෙනස්

ලක්ෂණ දරණ කලා මාධ්‍යයන් දෙකක්. මම

පෞද්ගලිකව මේ මාධ්‍යයන් ද්විත්වයටම අතිශයින්

ඇලුම් කරනවා මෙන්ම ගෞරව කරනවා.

කෙසේවෙතත් මේ මාධ්‍යයන් ද්විත්වය ඔස්සේම

කඩිනමින් සහ ස්ථාවර ලෙසින් ප්‍රේක්ෂකයන් අතරට

යාමට හැකියාව තියෙන බව වෘත්තීය අත්දැකීම්

තුළින් මම ප්‍රත්‍යක්ෂ කරගෙන තියෙනවා. එය මගේ

වෘත්තීය ජීවිතය තුළ මා පසුකළ සුවිසල් කඩඉමක්.

යම් වෘත්තීය රංගන ශිල්පියෙක් හෝ ශිල්පිනියක් හට

මේ මාධ්‍යයන් ද්විත්වය හරහාම සමබරව ජනාදරයට

පත්වෙන්න අවස්ථාව සැලසේ නම්, එය ඔහු හෝ ඇය

තම කලා ජීවිතය තුළ හිමිකරගන්නා සුවිශේෂීම

භාග්‍යයක් වේවි.

Q). ඔබ වෘත්තීය රංගන ශිල්පිනියක්.

ටෙලිවිෂනය සහ සිනමාව තුළ රංගන ශිල්පියාගේ

කාර්‍යභාරය සහ වගකීම පිළිබඳව

ඔබේ අදහස් ඉදිරිපත්කරමු. 

තිරය තුළින් නරඹන්නන් හට ගුණාත්මක බවින් පිරි ඉහළ

රසාස්වාදයක් සැපයීම වෘත්තීය රංගන ශිල්පිනියක් ලෙස මගේ කාර්‍ය

භාරය හා වගකීම සේ සළකන්නට මා කැමතියි. ඊට උපකාර විය

හැකි සියලුම හැදෑරීම් පූර්ණ වශයෙන් සිදුකරන්නට මා දවසේ වඩා

වැඩි කාලයක් විඩංගු කරනවා.

ඊට අමතරව ජනාකර්ෂණය ලත් පුරවැසියෙකු ලෙසින් සාමාජයීය

යුතුකම් හා වගකීම් ඉටුකිරීම සම්බන්ධයෙන්ද මා නිරතුරුවම

අවධානය යොමුකරනවා. අපගේ චර්‍යාවන් නිරූපණයන් ආදිය

බොහෝදුරට සාමාජයීය අනූකරණයන් බවට පත්වීමේ ඉහළ

සම්භාවිතාවක් තිබෙන බව කලා ශිල්පීන් හා ශිල්පිනියන් ලෙස අප

තරයේ සිහි තබා ගතයුතු කරුණක් බව මා සිතනවා.

එබැවින් වෘත්තීය ජීවිතය වෙතට මෙන්ම පෞද්ගලික ජීවිතය

වෙතටත් නා නා විද සාරවත් දෑ කැන්දාගනිමින් නිසි අවස්ථාවන්හීදී

හැකි උපරිම අයුරින් සමාජය වෙතටද ඒවා සම්ප්‍රේෂණය කිරීමට මම

සෑම විටම උත්සාහ දරණවා. විශේෂයෙන්ම කාන්තා පාර්ශවය කුමන

පැතිකඩකින් හෝ කුමන මට්ටමකින් හෝ දිරිගැන්වීමට හැකි

ක්‍රියාවක් නම්, එයින් මා ඉතාමත්ම ප්‍රමෝදයට පත් වෙනවා.

Q). ඔබේ

වෘත්තීය පසුබිම පිළිබඳ හැඳින්වීමක් සිදුකොට

වෘත්තීය ජීවිතය

තුළ ඔබ ලබාගත් සුවිශේෂී ජයග්‍රහණයන් පිළිබඳව

මතකාවර්ජනයක් සිදුකරමු.

මම ප්‍රථමයෙන්ම රංගනයට අවතීර්ණ උනේ මට

වයස අවුරුදු තුන හමාරෙදි පමණ. ඒ මගේ පියාගේ

සිනමා නිර්මාණයක් වන " ඔන්න බබෝ " හරහායි.

ඒ කාලයේදී මා හට මේ විෂය සම්බන්ධයෙන් කිසිඳු

අයුරක වැටහීමක් තිබුණෙ නැති වුවත් මගේ පියාගේ

ආදරණීය ගුරුහරුකම් මැදින් ගෙවී ගිය ඒ සොඳුරු

කාල සීමාවේදී ඉතාමත්ම සොඳුරු අත්දැකීම්

ගොනුවක් මගේ ජීවිතයට එකතුවුණ බව අවංකවම

ප්‍රකාශ කරන්න පුළුවන්.

එලෙසින් ඇරඹුණු මගේ රංගන ජීවිතය ළමා නාට්‍යය,

ගුවන්විදුලි සහ රූපවාහිනී ළමා වැඩසටහන්, ළමා

චිත්‍රපට ආදියෙහි ප්‍රදාන චරිතයන් රැසක් නිමැවීම

ඔස්සේ සාර්ථකව ගලා ගියා. ඒ කාල වකවානුවේදී

පවා රංගනය මාගේ අනාගත වෘත්තීය වේවියැයි

කිසිඳු සේයාවක් මගේ සිතේ සටහන් වී තිබුණේ නැති

බවත් මට ඉතා හොඳින් මතකයි.

එකල මා කැටුව එලෙසින් රංගනයේ යෙදුණු ළමා

රංගන ශිල්පීන් රැසක් මේ මොහොත වන විටදී

සාඩම්බර යොවුන් රංගන ශිල්පීන් ලෙස කලා

කර්මාන්තයන් තුළ නියැලීම දකින්නට ලැබීම ඉහත

කී සොඳුරු අත්දැකීම් යළි සිහියට නංවනවා. ගත වූ

වර්ෂ කිහිපය මුළුල්ලේ ඔවුන්ගේ ප්‍රාසාංගිකත්වය

තුළින් ලබනා ඇගයීම් මා ද මාගේ ප්‍රාසාංගිකත්වය

තුළින් ලබනා ඇගයීම් ඔවුන් ද ත්‍රීව උත්තේජනයකට

බඳුන් කරවනා බව හැඟෙනවා.

කලාකාමී පවුල් පසුබිමකට මැදිව උපත ලබපු නිසා

පසුකාලීනව මා හටත් මගේ වැඩිමහල් සහෝදරියන්

තිදෙනා හටත් මෙරට ටෙලි හා සිනමා කර්මාන්තයන්

තුළ යෙහෙන් වැජඹෙන ප්‍රවීණ නිෂ්පාදකවරු,

අධ්‍යක්ෂකවරු, තිර රචකයින්, රංගන ශිල්පීන්,

නර්තන ශිල්පීන් සහ ගායන ශිල්පීන් ආදීන් සමඟින්

ඉතා සමීප ඇසුරක් ගොඩනගාගැනීමටත් ඒ හරහා

නොමඳව විෂයානුබද්ද පෝෂණය ලැබීමටත් වාසනාව

උදාවුණා. එය වචනයෙන් විග්‍රහ කළ නොහැකි තරමේ

ශක්තිමත් පන්නරයක්. කාලයේ ඇවෑමෙන් මා

නියැලීමටත් හැදෑරීමටත් කැමතිම විෂය පථය

රංගනයම බව මා හට තරයේ ඒත්තු යනවා.

ටෙලිවිෂනය සම්බන්ධයෙන් කතා කළෝතින් මෑත

කාලයේ එතෙර මෙතෙර ශ්‍රී ලාංකේය ටෙලිවිෂන්

ප්‍රේක්ෂකයන්ගේ ඉමහත් ජනාකර්ෂණයට පත්

ටෙලිනාට්‍යයන් බවට ටී. වී. දෙරණ රූපවාහිනී

නාලිකාවේ විකාශනය වූ " දෙවෙනි ඉණිම " සහ හිරු

ටී. වී. නාලිකාවේ විකාශය වූ " දිවිතුරා " පත්වීම

පිළිබඳව මා නිහතමානී ආඩම්භරයකින් පසුවෙනවා.

සිනමාව සම්බන්ධයෙන් කතා කළෝතින් වාසව

බදුගේ විසින් අධ්‍යක්ෂණය කළ " ආදරණීය ප්‍රාර්ථනා

" සිනමාපටය හටත් එම සතුටුදායී ඉරණමම අත්වූවා.

සුවිශේෂීම කරුණ නම්, මේ මොහොත වන විට මා

පරිභෝජනය කරමින් සිටින සියලුම ආකාරයන්ගේ

ගැණිය හැකි ගැණිය නොහැකි වත්කම්හී උරුමය

දිනා දුන්නේ මේ සුන්දර කලාවයි. මේ වෘත්තීයේ

නියලෙමින් මා උපයා සපයාගන්නේ සුළු මුදලක්

වුවත් සුවිසල් මුදලක් වුවත් ඒ පුදුමාකාර භක්තියක්

පෙරදැරිවමයි. ඒ ආභාශය මා වෙතට පැවරුණේ

මාගේ සදාදරණීය දෙමව්පියන්ගේ සහ වැඩිමහල්

සොහොයුරියන්ගේ මැදිහත් වීමෙන්.

Q). තරුණ වෘත්තීය රංගනශිල්පිනියක්

 ලෙස ජාත්‍යන්තර සිනමාව ජයගැනීම

කෙරෙහි ඇති ඔබේඅභිලාෂය මුදුන්පත්කරගැනීම සඳ

හා ක්‍රියාත්මක කරමින් සිටින සැලසුම් පිළිබඳව

කෙටි විග්‍රහයක් කරමු. 

සත්‍යය වශයෙන්ම කිවතොත් රංගනය යන විෂය

පථයේ අහු මුලු තුළ සැඟවී තිබෙන තවදුරටත්

හැදෑරීම සිදුකළ යුතු තවත් පැතිකඩයන් සුලභ බව

අත්දැකීම් තුළින් මා පසක් කරගත්තා. ඒ හේතුවෙන්

වෘත්තීය ඉලක්කයක් ලෙසින් සළකා එය හඹා

යෑමකට වඩා පුළුල් විෂයානුබද්ද හැදෑරීමක් සිදුකරන

අතරතුරදී ප්‍රාසාංගිකත්වයේ නිම් වළලු පුළුල් වීම

මගින් උක්ත අභිලාෂය යථාර්ථයක් බවට පෙරළා

ගැනීමට උචිත අවස්ථාවන් නිර්මාණය කරාවි යන්න

මාගේ විශ්වාසයයි.

වර්ථමානයේදී විවිධාකාර කලාකාමී කර්මාන්තයන්ගේ

නියැලෙන සහෝදර කලා ශිල්පීන් රැසක්ම

නොයෙකුත් ආකාරයන්ගෙන් ගෝලීය සම්භාවනාවට

පාත්‍ර වීම සම්බන්ධයෙන් මා හද පිරි සතුටක් මෙන්ම

ලාංකේය කලා කෙත පිළිබඳව අතිශය ප්‍රෞඩත්වයක්ද

අත්විඳිනවා. ඔවුන්ගේ මල් ඵල ගැන්වෙන අවංක

උත්සාහයන් හට මාගේ නොමඳ ආශීර්වාදයත්

නිබඳවම හිමිවෙනවා. තම මව් රටට කුමන අයුරකින්

හෝ ජාත්‍යන්තර මට්ටමේ කීර්තියක් අත්කරදීම කලා

ශිල්පියෙකූගේ පමණක් නොව සෑම අභිමානවත්

පුරවැසියෙකුගේම නොසන්සිඳෙන ආසාවක්.

Q). ටෙලිවිෂන් සහ සිනමා කර්මාන්තයන්

තුළ ඔබ වර්ථමානයේ නිරත වී සිටින නිර්මාණයන්

හා ඉදිරියේදී එළිදැක්වීමට සැලසුම් කරමින් සිටින

නිර්මාණාංගයන් පිළිබඳව හෙළිදරව් කරමු. 

මගේ වෘත්තීය ජීවිතයේ ඇරඹුමේ පටන් අද දක්වාම ප්‍රේක්ෂකයන්

හට මාව වැළඳගැනීමට වැඩි ඉඩ කඩක් ලැබුනෙ ටෙලිවිෂනය

හරහායි. ඒ නිසාවෙන් ඉදිරි කාල සීමාවේදී ටෙලිනාට්‍යය

කර්මාන්තයෙන් තරමක් බැහැර වන්නටත් සිනමා නිර්මාණයන්

කිහිපයක් වෙනුවෙන්ම මගේ රංගන කෞශල්‍යය දායක කරන්නත්

අපේක්ෂාවන් ඉන්නවා කියලා බොහෝම සතුටින් කියන්න පුළුවන්. ඒ

පිළිබඳව වැඩිදුර තොරතුරු ඉදිරියේදී හෙළිදරව් කරන්නම්.

Q). Api Magazine සමඟින් සොඳුරු පිළිසඳරකට

එක්වීම සම්බන්ධයෙන් ඔබ දරණ අදහස කුමක්ද? 

ඇත්තෙන්ම මම ඉතාමත්ම සන්තෝෂයට

පත්වෙනවා ඉතාමත්ම

කලාතුරකින් සිදුකෙරෙන මෙවැනි අරුත්

සම්පන්න සොඳුරු පිළිසඳරක් වෙනුවෙන් මගේ

කාලය විඩංගු කරන්න

ලැබීම සම්බන්ධයෙන්. ආරම්භයේ පටන්

අවසානය තෙක් දිගහැරුණු සෑම ප්‍රශ්නයක්ම

පිළිතුරු සැපයීම කෙරෙහි මා සතු උද්‍යෝගය

ක්‍රමානුකූලව වර්ධනය කිරීමට සමත් වූවා.

එබැවින් Api Magazine හී කතෘ තුමන් වන

ගයාන් කරුණාරත්න මහතා ඇතුළු එහි

සමස්ථ කාර්‍ය මණ්ඩලයට මාගේ හෘදයාංගම

ස්තූතිය පළ කරමින්ම නිරතුරු සෞභාග්‍යයම

ප්‍රාර්ථනා කරනවා. 

සැකසුම | හිරාන් ගමගේ

අරුත්බර කවියෙන් ලොව දකින ඔහු

තාරක ජයතිලක

• මුලින්ම අපේ පාඨකයන්ට ඔබ ගැන හැඳිවීමක් කරමු..

මම කසුන් තාරක ජයතිලක. මේ දවස් වල උසස්  අධ්‍යාපන කටයුතු සඳහා විදෙස්ගතවෙලා දකුණු කොරියාවෙ ජෙජු වල තමයි ජීවත් වෙන්නෙ.

• ගම්පලාත, පාසැල් අධ්‍යාපන, පවුලෙ විස්තර ගැනත් කිව්වොත්..

මගෙ ගම අවිස්සාවේල්ල. පවුලෙ අම්මා, තාත්තා සහ වැඩිමහල් සහෝදරියක් ඉන්නවා. මගෙ බිරිඳ වෛද්‍ය නාලිකා ජයතිලක, ඇයව නම් “අපි මැගසින්” පාඨකයො හොඳින්ම දන්නවා ඇති මොකද ඇය තමයි “අපි මැගසින්” එකට ආයුර්වේද වෛද්‍ය විද්‍යා සංකල්ප පිලිබඳ ලිපි පෙල රචනා කරන්නෙ. 

අධ්‍යාපනය ගැන කිව්වොත් මම ප්‍රාථමික පාසැල් අධ්‍යාපනය සීතාවක ජාතික පාසැලෙන් ලබාගෙන 5 වසර ශිෂ්‍යත්වය සමත් වෙලා කොළඹ රාජකීය විද්‍යාලයට ඇතුලත් වෙනවා. ඉන්පස්සෙ උසස් පෙල විභාගය විද්‍යා අංශයෙන් සමත් වෙලා, පේරාදෙණිය විශ්වවිද්‍යාලයේ කෘෂි පීඨයෙන් ප්‍රථම උපාධිය ලබාගෙන, පශ්චාත් උපාධිය සඳහා තමයි දැන් විදෙස්ගත වෙලා ඉන්නෙ. මේ දිනවල පෝෂණවේදය සම්බන්ධයෙන් ආචාර්ය උපාධියේ වැඩකටයුතු සම්පූර්ණ කරගනිමින් ඉන්නවා.

• ඔබේ අධ්‍යාපන ඉතිහාසය දිහා බැලුවම බැලු බැල්මට විද්‍යාවට මිසක් සාහිත්‍යයට සම්බන්ධතාවයක් පේන්නෙ නෑ. කොහොමද මේ සාහිත්‍යයමය ආභාෂය ලැබෙන්නෙ.

ඇත්තෙන්ම කිව්වොත් මම හිතන විදිහට සාහිත්‍යයමය හැකියාව හෝ ආභාෂය සම්පූර්ණයෙන්ම වගේ මට ලැබෙන්නෙ මගෙ පියාගෙන්. ඔහු ප්‍රසිද්ධ ලේඛකයෙක් නොවුණත් විනෝදාංශයක් විදිහට ලිවීම කරපු කෙනෙක්. ඒ කාලයේ පුවත්පත්, සඟරා වල නිතරම වගේ ඔහු ලියපු ලිපි, කෙටි කතා, කවි පබැඳුම්, නිසඳැස් පල වෙනවා මට මතකයි. දැනටත් ඔහු ලියනවා. ඒ වගේම වඩාත්ම වැදගත් දේ කියැවීම. පොඩි කාලෙ මටත් මගෙ සහෝදරියටත් තෑගි විදිහට ලැබෙන්නෙ බොහෝ විට පොත් පත්. ඉතිං හැකි හැම වෙලාවකම කියවීම, ලිවීම ලමා කාලයේ ඉඳන්ම පුරුද්දක් වුණා. මේ පොත් පත් කියවීමේ පුරුද්ද ඇබ්බැහියක් වගේ තිබුණා විතරක් නෙවෙයි ඒ කාලයේ පුවත්පත් වලට ලිවීමත් සතිපතාම වගේ සිදුකලා. ටිකෙන් ටික අධ්‍යාපන කටයුතු වලට වැඩි ආයාසයක් යොදවන කොට ඒ පුරුද්ද ගිලිහිලා ගියත්, කුඩා කාලයෙදි ලබපු ශක්තිමත් සාහිත්‍යයමය පන්නරය නිසා තවමත් ලිවීමේ හැකියාව මගෙ ලඟ ඉතිරි වෙලා තියනවා කියලා මම හිතනවා. ඒ නිසා දැනටත් ඉඩක් ලැබුණු වහාම ලියන්න කියවන්න මම අමතක කරන්නෙ නෑ. 

• ලිවීම සම්බන්ධයෙන් ඔබට බොහෝ අත්දැකීම් තිබුණත්, මොකක්ද මේ කවියත් එක්ක තියන විශේෂ ඇල්ම?

සාහිත්‍යය ඇරුණම මම කැමතිම දෙයක් තමා සංගීතය. විවේක වෙලාවට සංගීතයට ඇහුන්කම් දෙන එක, ගීත ගායනා කරන එක මම ඉතාම කැමැත්තෙන් කරන දෙයක්. ඉතිං මගේ අදහස නම් සාහිත්‍යය හා සංගීතය කියන මම ඇලුම් කරන ක්ශේත්‍ර දෙක එකට සම්බන්ධ වෙන තැනක් තමා කවි කියන්නෙ. වචන බොහොම පොඩ්ඩක් ඇතුලෙ ලොකු කතාවක් හෝ සිද්ධියක් කියන ගමන් එලිසමය මගින් රිද්මයානුකූල සංගීතමය භාවයකුත් ආරෝපණය කරපු කවියක් කියන්නෙම කලාවන් කීපයක් එකට එකතු වුණ හරි අපූරු දෙයක්. ඉතිං මම ඉතාම කැමතියි මම කැමතිම දේවල් කීපයක්ම එකට එකතු වෙලා තියන තැනකට. මම කවියට ඇලුම් කරන්නෙ ඒ නිසා.

• ඔබ කවි නිර්මාණය කිරීමේදී සැලකිලිමත් වෙන කාරණා මොන වගේද?

ඇත්තෙන්ම කවියක් නිර්මාණය කරන්න අදාල ප්‍රස්තුතයක් ගොඩනගා ගැනීම තමා මූලිකම කාරණාව. සුලබව හමුවෙන කාරණා මත ගොඩනැගුණු කවි වලට වඩා මම පෞද්ගලිකව රස විඳින්නෙ අපි නොහිතන මානයන් ස්පර්ශ කරන කවි. ඒ නිසාම මම නිර්මාණය කරන්න උත්සාහ කරන්නෙත් ඒ වගේ පබැඳුම්. මම තෝරගන්න ප්‍රස්තුතයේ තියෙන පාඨකයා විස්මයට පත්කිරීමේ හැකියාව ගැන මම මූලිකවම සැලකිලිමත් වෙනවා.

දෙවෙනි කාරණාව සරල බස් වහර. නූතන ලෝකයේ කියැවීමේ පුරුද්ද ඉතාම අඩු වීම නිසාත්, සිංහල භාෂාවට වඩා ඉංග්‍රිසි භාෂාව ප්‍රමුඛ වීම නිසාත් බොහෝ දෙනා තුල තියන සිංහල භාෂා දැනුම අවමයි. ඇත්තෙන්ම ඒක මට පවා අදාලයි. මම හිතන්නෙ නෑ අපිට සිංහල භාෂාව පිලිබඳ අවශ්‍ය තරම් දැනුමක් තියනවා කියලා. ඒ නිසා පොදු සමාජයට නොතේරෙන බරසාර වචන භාවිතා කරලා කවි රචනා කිරීමෙන් කවියේ අදහස සමාජගත කිරීමට බාධාවක් වෙනවා කියලා මම විශ්වාස කරනවා. ඒ නිසාම හැකි තරම් සරල බස් වහරක් යොදාගෙන කවි නිර්මාණය කරන්න තමා මම හැමවෙලේම උත්සාහ කරන්නෙ.

ඊට අමතරව කවියේ ගලායාම, එලිසමය වගේ මේ හැම කාරණාවක්ම එකකට එකක් නොදෙවෙනි විදිහට කවියක රසයට බලපාන නිසා ඒ හැම දෙයක් ගැනම සමබරව සැලකිලිමත් වෙන්න මම උත්සාහ කරනවා. 

• ඔබ කවියෙන් අදහස් සමාජගත කිරීමක් ගැන කතා කලා. ඔබේ නිර්මාණ වලින් ඔබ හැම විටම සමාජයට පණිවිඩයක් දෙන්න උත්සාහ කරනවද?

මමත් ඇතුලුව බොහෝ නිර්මාණකරුවන් යම්කිසි නිර්මාණයක් කරන්නෙ සමාජයට පණිවිඩයක් දෙන අදහසින්ම නෙවෙයි කියලයි මගේ අදහස. නිර්මාණකරුවාගේ පරිකල්පන ශක්තිය සමාජයට පෙන්නුම් කරන කැඩපතක් පමණයි ඒ නිර්මාණය. එයින් පණිවිඩයක් ලබාගන්නවාද නැද්ද කියන එක තීරණය කරන්නෙ එම නිර්මාණය රසවිඳින ප්‍රේක්ෂකයන්. සබුද්ධික ප්‍රේක්ෂකයන් පිරිසක් ඉන්නවා නම් නිර්මාණකරුවාට නිදහසේ ඔහුගේ කාර්‍යය කරන්න පුලුවන්. සමස්තයක් විදිහට නිර්මාණයක් රස විඳලා තමන්ගෙ ආධ්‍යාත්මයට පණිවිඩයක් ලබා ගන්න පුලුවන් සමාජයක් නිර්මාණය කරන්න පුලුවන් නම් වඩාත් ප්‍රතිඵලදායකයි. මම විශ්වාස කරන විදිහට එහෙම සමාජයකට ඉඩ හැදෙන්නෙ කුඩා කාලයේ ඉඳන්ම  සාහිත්‍යයට, කලාවට ආදරය කරන පරපුරක් බිහිවුණොත් පමණයි. 

• උසස් අධ්‍යාපන කටයුතු එක්ක ඔබ ගතකරන්නෙ ඉතාම කාර්‍යබහුල ජීවිතයක්. ඉතිං ඒ ජීවිතය ඇතුලෙ කලාවට ඉඩක් හදාගන්නෙ කොහොමද?

කවි නිර්මාණය කරන්න අදාල මූල බීජයන් මට හමුවෙන්නෙ මේ කාර්‍යබහුල ජීවිතේ ඇතුලෙම තමයි. මොනතරම් කාර්‍යබහුල වුණත් පවුලෙ උදවිය, යාලුවො එක්ක කාලය ගතකරන්න මම අමතක කරන්නෙ නෑ. අනිත් දේ සමාජ මාධ්‍ය. අද කාලෙ සාමාන්‍යයෙන් සමාජ මාධ්‍ය එක්ක අපි සෑහෙන වෙලාවක් ගත කරනවා කොච්චර කාර්‍යබහුල වුණත්. ඉතිං ජීවන අත්දැකීම්, අපි ඇසුරු කරන පුද්ගලයන්ගෙ අත්දැකීම්, සමාජ මාධ්‍ය වල අපි අහන දකින දේවල් මේ හැමදේම ඇතුලෙ කවියකට අදහසක් හොයා ගන්න එක එතරම්ම අසීරු දෙයක් නෙවෙයි. ඒ නිසාම කවිය කියන්නෙ මගෙ විවේක වෙලාවේ එක අංගයක් විතරයි. 

• කවිය කියන්නෙ විවේක වෙලාවෙ එක අංගයක් විතරයි නම්, ඔබේ අනෙකුත් විනෝදාංශ මොනවද? අපි දැන් දන්නවා ගීත ගායනා කිරීමත් එක විනෝදාංශයක් කියලා. 

ඔව්.. විනෝදාංශ ගොඩක් තියනවා ඇත්තටම. සාහිත්‍යය, සංගීතයටත් වඩා ප්‍රධානම විනෝදාංශය තමයි සංචාරය. මම වගේම මගෙ බිරිඳත් ඉතාම කැමතියි travelling වලට. අපි දැනට ජීවත් වෙන දකුණු කොරියාවෙ ජෙජු දූපත කියන්නෙ ලංකාවට ගොඩක් සමානකම් තියන දූපතක්. අනික් කාරණාව තමා මෙහෙ ප්‍රධාන ආදායම් මාර්ගය සංචාරක කර්මාන්තය. ඒ නිසාම ජෙජු දූපත කියන්නෙ සංචාරකයන්ට තෝතැන්නක්. මමත් මගෙ බිරිඳත් සති අන්තෙ නිවාඩුව ලැබුණ වහාම කරන්නෙ අලුත් තැනක ඇවිදින්න යන එක. ඒ අතරතුරේ මම කැමතිම තවත් විනෝදාංශයක යෙදෙන්න මට අවස්ථාව ලැබෙනවා. ඒ තමයි Photography and Videography. තනියම ඇවිදින්නෙ නැතුව හැමෝටම අපේ සංචාරක අත්දැකීම්  ලබා දෙන්න Travel with Doc නමින් YouTube channel එකකුත් අපි කරගෙන යනවා. ඉතිං හැමෝටම ආදරෙන් ආරාධනා කරනවා මගේ කවි නිර්මාණ රසවිඳිනවා වගේම වීඩියෝ නිර්මාණත් රසවිඳින්න කියලා.

• “අපි Magazine” එකත් එක්ක සම්බන්ධ වීම හා මැගසින් එක ගැන හිතෙන දේ කිව්වොත්.

මට “අපි Magazine” එකට සම්බන්ධ වෙන්න අවස්ථාව ලැබෙන්නෙ මගෙ බිරිඳ වෛද්‍ය නාලිකා ජයතිලක හරහා. මම කලිනුත් කිව්වා වගේ ඇය තමයි සඟරාවට ආයුර්වේදය සම්බන්ධව ලිපි රචනා කරන්නෙ. මම දැනට වසරකට ආසන්න කාලයක් “අපි Magazine” එක්ක එකතුවෙලා වැඩ කරනවා. 

කියැවීමේ අගය හොඳින් දන්න කෙනෙක් විදිහට, කියැවීම අගය කරන කෙනෙක් විදිහට මම “අපි Magazine” අර්ථ දක්වන්නෙ නූතන යුගයේ වඩාත්ම වැදගත් සමාජ කාර්‍යභාරයක් ඉටු කරන සඟරාවක් විදිහට. තොරතුරු සම්ප්‍රේෂණය කිරීමේ මූලික පරමාර්ථයෙන් ඔබ්බට ගිහින් “කියැවීමේ” හොඳ පුරුද්ද ගිලිහුණු සමාජයකට කියැවීම හුරු කිරීමේ සද්කාර්‍යය සිදු කරන අතරම, ලාංකික සමාජය සාහිත්‍යය, කලාව අගයන වඩාත් සබුද්ධික තැනක් බවට පත් කරන්න මේ දරණ උත්සාහය අගය කල යුතුමයි. ගයාන්ගේ මනා මෙහෙයවීමත්, විවිධ විශය ක්ෂේත්‍රයන් වල පරිණත හා දැනුමැති ලේඛක මඩුල්ලේ දායකත්වයක් නිසා රසවත් හරවත් e-සඟරාවක් සෑම මාසයකදීම ප්‍රේක්ෂකයන්ට රස විඳින්න අවස්ථාවක් ලැබිලා තියනවා. ඉතිං අවසාන වශයෙන් මම කැමතියි “අපි Magazine” එකට දීර්ඝායුෂ පතන්න ඒ වගේම දිගින් දිගටම “අපි Magazine” එකත් එක්ක එකතු වෙලා ඉන්න කියලා අපේ පාඨකයන්ට ආරාධනා කරන්න. 

හැමෝටම ජය!!

මානසික රෝග සැගවිය යුතු නැත

මම, අපි magazine එකට ලියන පලවෙනි වතාව මේක. Mental Health Disease එකක් පිළිබඳව ලියන නිසා මගේ background එක චුට්ටක් කියන්නම්. මම Registered Manager කෙනෙක් Complex Needs  Nursing Home එකක. Biomedical Science කියන Degree එක හදාරලා, Scientist Licence එක ගත්තත්, මම Private Healthcare join වෙන්න තීරණය කලේ 2015 අවුරුද්දෙයි. ඉතින් Mental Health Diseases ගැන  මම හදාරන්නේ 2015 න් පස්සේ. මේ දවස් වල Therapeutic Counsellor කෙනෙක් වෙන්නත් practice කරන නිසා, මට හිතුනා මානසික රෝග ගැන තියන දැනුම ඔයාලත් එක්ක බෙදාගන්න.

ලංකාවේ අධ්‍යපන ක්‍රමයේ නම් මානසික ලෙඩ ගැන  උගන්නන්නෙම නැති තරම්. ඒක නිසා මානසික රෝගීන් පිස්සන් හැටියට ලේබල් කරනවා. ලංකාවේ අපි මේ වගේ අසනීප වලට බෙහෙත් ගන්න යන්නත් අදී මදි කරනවා. . අපේ සමාජයේ මේ පිළිබඳව තිබෙන දැනුවත්කම අවම නිසාම මිනිසුන්ම මවාගත්තු මිත්‍යා දර්ශනයන්  ඔස්සේ , ප්‍රතිකර්ම වලට යොමු වෙනවා. ඉතින් රෝගයට අවශ්‍ය ඖෂධ හෝ චිකිත්සාවන් නොලැබීම හේතුවෙන් රෝගය උත්සන්න වෙන අවස්ථා බොහොමයි.

ඉතින් මන් ඔයාලත් එක්ක අද කතා කරන්න හදන්නේ Schizophrenia කියන මානසික රෝගය ගැන.මේ නම ඔයාලා ගොඩ දෙනෙක් අහල නැති උනාට, රෝග ලක්ෂණ ඇහෙනකොට , ඔබට අනිවාර්යෙන් මේ අසනීපය තිබ්බ කෙනෙක්ව හෝ මේ සම්බන්දයෙන් අහන්න ලැබුණු පුවතක් හෝ මතක් වෙයි.

Schizophrenia කියන්නේ syndrome එකක්. Syndrome එකක් කියන්නේ එක රෝගයකට.  රෝග ලක්ෂණ  ගණනාවක් සහ රෝග ලක්ෂණ පුද්ගලයාගෙන් පුද්ගලයාට   තරමක් විචල්‍ය වෙන නිසයි.

මේ රෝගය සම්ප්‍රේෂණය වෙන ජාන නියතව සොයාගෙන නැති උනත්, මෙයට හේතු වන්නේ අපේ මොළයෙන් නිදහස් කරන Dopamine සහ Glutamate කියන neurotransmitters වල තියන අසමතුලිත බවකියල පරීක්ෂණ වලින් ඔප්පු කරගෙන තියනවා.

මේ රෝගය දෙමව්පියන්ගෙන් දරුවන්ට ප්‍රවෙනිගතව සම්ප්‍රේෂණයවෙන ප්‍රවනතාවය 80%ක් තරම්. මීට අමතරව, විද්‍යාත්මක පරීක්ෂණවලට අනුව දීර්ග කාලීනව Cannabis මත්ද්‍රව්‍ය වලට ඇ බ්බෙහි වූ පුද්ගලයනටද මෙම රෝගය වැලඳෙන්න පුළුවන්. තවද ගර්භනී සමයේ හටගන්නා ඇතම් Viruses කලලයට සම්ප්‍රේෂණය වී Schizophrenia රෝග ලක්ෂණ තරුණ කාලයේදීම පෙන්නුම් කරන්න පුළුවන්.

මේ රෝගයේ ප්‍රධාන රෝග ලක්ෂණ positive, negative සහ cognitive කියල වර්ග කරනවා. Positve ලක්ෂණ වෙන්නේ මේ රෝගීන්ට අපි හෙමොටම පෙන්නේ නැති දේවල් පේනවා. ඒ කියන්නේභෞතිකව අපිට නොපෙනන දේවල් මෙයාලට පේනවා. මේකට කියනවා visual hallucination එහෙමත් නෙත්තම් සිංහලෙන් දෘශ්‍ය මායාවන්. ඒ වගේම මෙයාලට, අපිට ඇහෙන්නේ නැති දේවල් ඇහෙනවා. ඒ කියන්නේ කව්රුහරි කතා කරනවා වගේ, හරියටම ඔලුව ඇතුලෙන් කවුරුහරි command කරනවා, එහෙම නැත්නම් මඟ පෙන්වන්න හදනවා. මේකට කියන්නේ auditory hallucination එහෙමත් නැත්නම් ශ්‍රවන මායාවන්. උදාහරණයක් කිව්වොත් මෙයාලට අපිට නොපෙනන දේවල්/පුද්ගලයන් පෙනෙන  නිසා, මෙයාල තනියම කතාකරනවා. ඒ කියන්නේ එයාල කතා කරන්නේ අපිට නොපෙනෙන කෙනෙක් එක්ක, එහෙමත් නැත්තම් එයාලගේ ඔලුවෙන් ඇහෙන සද්දෙකට එයාල උත්තර දෙනවා. Schizophrenia රෝගය උග්‍රවීම නිසා සිදුවුණ ඝාතනයන් , සියදිවිනසා ගැනීම් සහ ඝාතනතැත් කිරීම්, ඉතා බහුලව සමාජයේ දකින්න පුලුවන් . 

මේ රෝගීන්ව අපි හදුන්වනවා delusional කියල, ඒ කියන්නේ මේරෝගීන් හිතින් මවාගත් දේ  විශවාස කරනවා. උදාහරණයක් කිව්වොත් මට මුනගැහිලා තියනවා පිටසක්වල ජීවින් සමග සම්බන්දතා තියනවා කියන, ඒ වගේම TV එකේ news කියන කෙනා මා එක්ක කතාකරනවා කියල හිතන අයව. 

තවත් positive රෝග ලක්ෂණයක් තමයි  අවුල් සහගත කතාව සහ හැසිරීම. මෙයාල කතා කරද්දී වචන හොයාගන්න ටිකක් වෙලාගන්නවා, ඒ වගේම සමහරුන් හරිම කම්මැලි එහෙමත් නැත්නම් හෙමින් වැඩ කරන්නේ. එහෙමත් නැත්නම් එක එක bizarre දේවල් කරනවා, උදා: එක ඇදුමක් උඩින් තව ඇදුම් කීපයක් දානවා., හොඳටම රස්නේ දවසක ඇදුම් layers කීපයක් දාගෙන ඉන්නවා .

Negative රෝග ලක්ෂණ වෙන්නේ මෙයාල යම් දෙකට ප්‍රතික්‍රියකරන්න ප්‍රමාද වීම, නුසුදුසු ප්‍රතික්‍රිය සහ බොහෝමයක් මේරෝගීන්  සමාජයෙන් ඇත් වෙනවා, සමාජ ආශ්‍රයෙන් ඇත් වෙනවා.

මේ රෝගීන්ට ප්‍රශ්නයක් ගැන හිතන්න තියන මානසික ශක්තිය අඩු යි. ඒ නිසාම මෙයාලට ජීවිතේ තීරණ ගන්න තවත් කෙනෙක්ගෙ උදව් අනිවාර්යයෙන්  අවශ්‍යයි. 

මේ තමයි  cognitive රෝග ලක්ෂණ.

Schizophrenia රෝගය නිශ්චය කරගන්නේ positive සහ negativeරෝග ලක්ෂණ මස 6ට වැඩි කාලයක් තිබීමෙන්. මස  6 ඇතුලත රෝගලක්ෂණ අඩු වැඩි වීමෙන්, රෝගියා මානසිකව withdrawn තත්වයක ඉන්න පුළුවන්. Schizophrenia වලදී රෝග ලක්ෂණ අඩු වැඩි වෙන එක චක්‍රයක් වගේ. මානසිකව සිදුවෙන මේ වෙනස්කම් චක්‍රානුකුල වුනත්, හරි ආකරව රෝගය අදුනගෙන treatment නොකර හිටියොත්, රෝගියා ටිකෙන් ටික දුර්වල වෙනවා..

මාස 6 රෝග ලක්ෂණ තිබුනද කියල හොයල බලන්නේ, අනිත් මානසික රෝග rule out කරගන්න නිසා. 

දැන් හිතල බලන්නකෝ අපිට මේ රෝග ලක්ෂණ තියන එක්කෙනෙක් ගැන හරි අහන්න දකින්න හම්බවෙලා නැද්ද කියල. අපි කොයිතරම් කතා වෙලා ඇතිද ” ඒ  මිනිහට පිස්සු කියල” “තනියම හිනා වෙනවා, තනියම කියවනවා ඌට පිස්සු”. මමත් එහෙම හිතපු/කියපු කාලයක් තිබ්බා, දැන් නම් අහන්නේ, “ඔයාල මෙයාට බේත් කරනවද” කියලා. මානසික රෝග ගැන දැනගෙන අපේ approach එක වෙනස් වෙන්න ඕනේ. ඒ වගේම මානසික රෝග ගැන අපේ සමාජයේ තියන මිත්‍යා මත වෙනස් වෙන්නත් ඕනේ.

ඇත්තටම හිතල බලන්නකෝ කීයෙන් කීදෙනාද මේ ලෙඩේට හරියටtreat කරනවද කියල. ලංකාවේ මන් දැකලා/අහලා තියනවා, තමුන්ගේ පවුලේ කෙනෙක්ට මේ රෝග ලක්ෂණ තියෙද්දී තොයිල් නටනවා, යකෙක් වැහිලා කියනවා, එහෙමත් නැත්තම් පවුලටම හූනියම් කරලා කියනවා., ගුරුකම් වලින් ලෙඩ සනීප කරන්න හදනවා. අනිත් කාරණාව තමයි Doctor කෙනෙක් Psychiatrist කෙනෙක් ගාවට ගිහින් මේ ලෙඩ කියන්න මිනිස්සු ලැජ්ජයි. 

මේ රෝගය කලින් අදුනගෙන පිළියම් කලොත් මේ රෝග ලක්ෂණ බොහෝ දුරට පාලනය කරන්න පුළුවන්. මේ රෝගයට අපි treatකරන්නේ Antipsychotic medication  වලින්. මේ රෝගය long term/chronic condition එකක් නිසා, Antipsychotic Medication ජීවිත කාලයටම ගන්න වෙනවා. ඒ වගේම Cognitive behaviour therapy වගේ අතිශයෙන් ප්‍රයෝජනවත් Counselling Therapies තියනවා.

Schizophrenia රෝගය උත්සන්න වෙලා ජීවිත හානි සිද්ද වෙනවා, දිවිනසා ගැනීම් වෙනවා, අනිත් ජීවිත වලට හානි කරන්න පෙලඹෙනවා. මේ රෝගයෙන් පෙලෙන අ යට තමුන්ගේ ක්‍රියාවන්වල හොඳ නරක පෙන්නේ නැති තරම්. බොහෝ වෙලාවල් වලට එයාලගේ ඔලුවෙන් ඇහෙන commands වලට එයාල react කරනවා වෙන්න පුළුවන්.

මට මේ ලිපියෙන් කියන්න ඕනේ වුනේ මෙහෙම රෝග ලක්ෂණ තියන කෙනෙක් ඔබේ පවුලේ හෝ යාළුවන් නෑදෑයන්  අතර හෝ ඉන්නවා නම් එයාලව ප්‍රමාද නොවී treatment වලට යොමු කරන්න. මානසික රෝග අපි හංගගෙන ඉන්න ඕනේ නැහැ . අපි අද ඉන්නේ හරිම Stressful ජීවිතයක් ගත කරන වකවානුවක. ඉතින් අපේ ශරීරය වගේම මනසත් දුර්වල වෙන වාර අනන්තයි. අද වෛද්‍ය  විද්‍යාව සහ ඒ සම්බන්ධ  සෑම සේවාවක්ම දියුණුයි , ඉතින් අපිව කවුරුත් judge කරයි කියන සිතුවිල්ලෙන් මානසික අපහසුතා හංගගෙන ඉන්න එපා.

සටහන

තෝෂිණි මුණසිංහ

‘අපි’ ව කවියෙන් හැඩ කරන,කිවිඳිය   

Reena De Silva

* කවුද මේ රීනා කියන්නේ?

 සරල, අපේකමට කවදත් මුල්තැන දුන්නු, ඇත්තටම ආදරණීය පොඩි කවයක් ඇතුලේ ඉන්න, අවංක එක් මනුස්සයෙක් තවත්….

* ඔබේ නම, ගම, පවුලේ විස්තර ටිකක් කිව්වොත්?

මගේ සම්පූර්ණ නම- බ්‍රින්ලි රිනාටා ද සිල්වා. නමුත් හැමෝම කතාකරන්නේ රීනා කියලා ලේසියට. මගේ ගම බොරැල්ල, කොළඹ 08. මම පවුලේ එකම ලමයා. අප්පච්චිනම් දැනට අවෘදු 10 කට කලින් නැති වුනා. අම්මා මං ගාව එංගලන්තේ පදිංචි වෙලා ඉන්නේ.

හස්බන්ඩ්, මම, සහා බබාලා 3 දෙනෙක් අපිට ඉන්නවා. 

* කොහොමද මෙහෙම හිත්වලට දැනෙන්න කතාකරන්නේ කවියෙන්?

ඒක මං ලැබූ භාග්‍යක්. නිදහස් මනසින් ඉන්නකොට ඒ එන අදහස් හරි පුදුම ලස්සනයි.

ගොඩක් වෙලාවට මං ලියන්න අවශ්‍යදේ මුලින්ම මගේ කරගන්නවා,ඉන්පස්සේ ඉබේම පද පෙළගැහෙනවා.

* කොහෙන්ද මේ පද ගලපන්න ඉගෙනගත්තේ?

මම ඉගෙන ගත්තේ බොරැල්ල සියලු සාන්තුවරයින්ගේ කන්‍යාරාමයේ. ඉස්කෝලේ 8,9 වසරවලදී පුවත්පතකට ලිව්වා මුලින්ම, ඉන්පස්සේ උසස් පෙළ පංති වලදි තමයි සදැස් නිසදැස් ලියන්න පටන් ගත්තේ, සමස්ත ලංකා දක්වා මං ලිව්වා අන්තිමේදී. තව පාසලේ වාණිජ- කලා තේමා ගීතත් නිර්මාණය කරා.

* පද්‍ය හා බැදුනු රසවත් සිදුවීම් තියෙනවාද?

ඔව්, මුලින්ම මං පුවත්පතට ලියපු කවි පේළි ලිව්වේ යුද්ධයේදී මගේ අයියා නැතිවුනා හා සමාන අත්දැකීමක් ලැබුවා වගේ, “අයියණ්ඩියේ” තේමාවෙන්. ඒකට මට ලැබුනු ප්‍රතිචාර ලිපි ප්‍රමාණේ හිතාගන්නත් බැරි වුනා. ඉනුත් යුධ සෙබළුන්ගෙන් වැඩියෙන්ම. ඒ හැමෝම හිතලා තිබුනේ මගේ අයියා ගැනයි මං ලිව්වේ කියලා. 

ඉන්පස්සේ මං උසස්පෙළ පංති වලදී

ඒ පබැදුමටම මට පේරාදෙණිය විශ්වවිද්‍යාල කලා ශිෂ්‍ය සංගමෙන් ආරාධනා කර එවුවා පාසලටම, ඔවුන්ගේ කලා උත්සවේකට සහභාගී වෙන්න ආරධනා කරලා.  ඒවා පාසැල් ශිෂ්‍යාවක් හැටියට මට මිල මුදලටත් වඩා වටිනා අත්දැකීම්.

* එතකොට ජනමාධ්‍ය? 

 උසස් පෙලින් පස්සේ සර් එඩ්වින් ආරියදාසයන් යටතේ ජනමාධ්‍ය හා සන්නිවේදනය හැදෑරුවා. එතනින් ඇරඹි ලිවීම නැමැති කලාව දරුවන් ලැබීමත් සමගම ටිකක් මග හැරුනට, සංගීතය හා ජනමාධ්‍ය කියන්නේ මගේ ප්‍රියතම විශයයන් කවදත්. ඒක මං දැන් ආයේ “අපි” මැගසින් නිසා ඇරඹුවා කිව්වොත් තමයි වඩාත් හරි.

* අවසන් වශයෙන් අපි magazine එකට සම්බන්ද වීම ගැන ඔබේ අදහස?

විවාහය, දරුවන් එක්ක යටපත් උනු හැකියාවන්ට නැවත් උපරිම නිදහසේ අකුරු කරන්නටත්, ලෝකේ පුරා විසිර සිටින සුවහසක් ලාංකිකයන් අතරට ඒ පැබැදුම් ගෙනයන්නටත් තෝතැන්නක් උනේ අපි magazine එකයි. ගයාන් සහෝදරයාගේ ඒ කැපවීමත්, ධ්‍යිර්‍යත් හා එක්ව මෙම සගරාව ගොඩ නොනැගෙන්න මමත් මගේ පොතක අකුරකට සීමාවෙන්න තිබුනා. වසර 4 ක් නොව පුලුවන් උපරිම කාලයක් මෙවන් හොද වැඩක් හොදින්ම පවත්වාගෙන යෑමට මම සුභ පතනවා.

පහුගිය කාලයේදි අපට අහන්න සහ දකින්න ලැබුන ගීත අතර “රැජිනට ඇන්දා” නම් වු වෙනස්ම ආරයක ගීයක් ලංකාව පුරා මෙන්ම ලෝකය පුරා වෙසෙන ශ්‍රී ලාංකිය ප්‍රේක්ෂකයන්ගේ ආකාර්ශණය සහ ආදරය ඉතා ඉහලින් දිනා ගන්නට සමත් වුනා. මෙම ගීතයෙහි හඩ පෞර්ෂය, පද පේළි, සංගීතය මෙන්ම රූප රචනයද ඉතාමත් සුවිශේෂිවිම ගීතයෙහි ජනප්‍රියත්වයට හේතු පාදක වුවා කියා නිතර්කයෙන්ම අපට කිව හැකිය. අප කාගෙත් සිත් සොරාගත් මෙම ගීතයෙහි හිමිකාරිය පිළිබදව විපරම් කල විට දැන ගන්නට ලැබුනේ ඇය ලාංකික ප්‍රේක්ෂක ආදරය දිනාගත් දක්ෂ රංගන ශිල්පියෙකු වු ගිරිරාජ් කෞෂල්‍යය මහතාගේ දෙටු දියණිය බව සහ සහන් රන්වල මහතාගෙන් කාලයක් තිස්සේ ගුරුහරුකම් ලබන රන්වල බලකායේ සමාජිකවක් බවයි. ගායනට, නර්තනයට මෙන්ම රංගනයට ඇය අති දක්ෂ බව පහුගිය වකවානුවේදි පුංචි තිරයෙහි ජනප්‍රිය වු නාඩගම්කාරයෝ ටෙලි නිර්මාණය තුලින් මනාවට පිළිඹිබු වුනා. මෙවර අපි Magazine හරහා රැජිනට ඇන්දා ගයන නන්දා නම් වු අති දක්ෂ සකල කලාවෙන් පරිපූර්ණ වු ශිල්පිනියක් වන අමන්ද්‍යා උත්පලි සමග සොදුරු කතා බහක යෙදෙන්නයි අපගේ සුදානම…

(1) අමන්ද්‍යා, මොනවාද මේ දවස්වල තොරතුරු?

පහුගිය දවස්වල මම ඉතාම කාර්යබහුල වුනා. පෙබරවාරි මාසයේ 24 වෙනිදා Waters edge හෝටල් පරිශ්‍රයේදි “රැජිනට ඇන්දා Live on stage” නමින් මගේ පළමුවෙනි ඒක පුද්ගල ගීත ප්‍රසංගය ඉතා සාර්ථකව පැවැත්වුනා. එමෙන්ම මෙම දිනවල අනෙකුත් ප්‍රසංග සදහා ගීත ගායනයෙන් සම්බන්ධ  වෙනවා.

(2)”රැජිනට ඇන්දා වේදිකාවට” ඔබේ පළමු ප්‍රසංගය පහුගිය දිනෙක ඉතා ඉහළ ප්‍රේක්ෂක ප්‍රතිචාර ලබමින් අති සාර්ථක ලෙස නිමාවට පත්වුනා. ප්‍රසංගයේ තතු පිළිබදව කියමුද?

දැනට ලංකාවේ පැවැත්වෙන ප්‍රසංගවලට වඩා වෙනස් වු සෞන්දර්යාත්මක අත්දැකිමක් ප්‍රේක්ෂකයන්ට ලබා දෙන පරමාර්ථයෙන් “රැජිනට ඇන්දා Live on stage” ප්‍රසංගය බිහි වෙනවා. ශාස්ත්‍රිය ගීත, පැරණි ගීත, බටහිර ආරයේ ගීත, නාට්‍යය ගීත, නැටුම්, බෙර වාදන, ජන ගී සහ හින්දි තනු නාදමාලාවන් සහිත ගීත ඇතුලත් සංගිතයේ විවිධ පැතිකඩ පෙන්නුම් කල ඒක පුද්ගල ගීත ප්‍රසංගයකට එහා ගියපු විශේෂයෙන්ම මම ප්‍රාසාංගික ශිල්පිනියන් වශයෙන් ප්‍රේක්ෂකයන්ට සමීපව වන්නට දැරු උත්සාහය ප්‍රේක්ෂකාගාරය පිරි යමින් අති සාර්ථක වුනා කිවුවොත් නිවැරැදියි.

රැජිනට ඇන්දා ගීතය පදනම් කරගෙන ලංකාවේ බොහෝ අය මාව ශිල්පිනියක් විදියට හදුනා ගන්නවා. එම ගීතයට ආදරය කරන ප්‍රේක්ෂක පිරිස මගේ ඒක පුද්ගල ප්‍රසංගයක් නැරඹීමට පැමිණිම මට ඉමහත් සතුටක්. ප්‍රසංග සදහා යුග ගීත ගායනයෙන් රොඩ්නි වර්ණකුල මහතා සහ උදේෂ් ඉන්දුල අයියා සම්බන්ධ වුනා. එමෙන්ම සම්භාව්‍ය ඝණයේ සාම්ප්‍රදායික ප්‍රසංගයකට එහා ගියපු පවුලේ සියලුම දෙනා සතුටු වෙන ආකාරයේ ප්‍රාසාංගික ඇත්දැකිමක් ප්‍රේක්ෂකයන්ට ලබා දිමේ අරමුණින් ජනයි ප්‍රියයි දෙපල පූරක දෙපළ වශයෙන්ද මෙම ප්‍රසංගයට එකතු කර ගත්තා. නිර්මාණාත්මක අධක්ෂණයෙන් මගේ තාත්තා ගිරිරාජ් කෞෂල්‍ය මහතා, මගේ ගුරුතුමා සහන් රන්වල මහතා සහ මගේ සැමියා සාරංග කලුගලගේ යන තිදෙනා ප්‍රසංගයේ සියලුම බර කරට ගෙන විශාල දායකත්වයක් ලබා දුන්නා.

(3) “රැජිනට ඇන්දා” ගීතය ඔබව මෙතෙක් දුරක් ගෙන යයි කියලා ඔබ හිතුවාද?

රැජිනට ඇන්දා ගීතය නිර්මාණය කරද්දි ලොකු කුඩා වයස් භේදයකින් තොරව මෙතරම් ජනාප්‍රසාදයක් ලැබෙයි සහ ප්‍රේක්ෂකයන් මෙතරම් වැලද ගනි, ආදරය කරයි කියලා මම හිතුවේ නැහැ. මෙම ගීතය ජන ගී නාද මාලා ඔස්සේ නිර්මාණය වු නාට්‍යයානුසාරි ගීතයක්විම මෙතරම් ජනප්‍රියවිමට ප්‍රධානම හේතුව වෙන්න ඇති කියලා මම හිතනවා. මෙම ගීතය එලි දක්වන කාලයේදි තිබුන ගීත අනුව මෙවැනි ගීතයක් නිර්මාණය කිරිම ඇත්තටම අභියෝගයක් වුනා නමුත් මෙම නිර්මාණය සදහා දායක වුන සියලුම දෙනාට එම අභියෝගය ගනිමින් වෙනස් විදියේ නිර්මාණයක් බිහි කිරිමට අවශ්‍ය වුනා. ඉතින් අපි හිතුවටත් වඩා, හිතා ගන්න බැරි ආකාරයට ලංකාවේ මෙන්ම විවිධ රටවල්වල වෙසෙන ශ්‍රී ලාංකික ප්‍රේක්ෂකයන්ගේ ආදරය ලබා ගන්න ඒ කරපු වෙනස් නිර්මාණයට හැකි වුනා. පහුගිය කාලයේ පැවැති රියලිටි තරග කිහිපයකම තරගකරුවන් මෙම ගීතය තරගය සදහා ඉදිරිපත් කිරිමට තොරා ගැනිමත් විශේෂත්වයක් වුනා.

(4) ඔබේ අලුත්ම ගීත නිර්මාණය පිළිබදව විස්තර කියමුද?

“තාත්තා” නමින් උමා අසේනි ශිල්පිනියගේ තාත්තගේ උපන්දිනය වෙනුවෙන් ඇය අතින් ලියවුන හිතට දැනෙන වචන ටිකට විදු කහපොලආරච්චි මහතාගේ සංගීතය මුසු කෙරුන ගීතයක් Youtube අවකාශය ඔස්සේ මෙම වර්ෂයේ මුලදි මම එලි දැක්වුවා. මගේ කටහඩට ඇයගේ තාත්තා කැමතිවිම සහ මගෙයි තාත්තයි අතර තියන සම්බන්ධතාවයට සමාන සම්බන්ධතාවයක් ඇයයි ඇයගේ තාත්තගෙයි අතර පැවතිම වැනි හේතු මත මට අහඹු ලෙස මෙම ගීතය ගායනා කරන්න අවස්ථාව ලැබුනා. අහපු රස විදපු අයගෙන් ඉතා විශාල ප්‍රතිචාර ලැබෙනවා.

(5) ප්‍රේක්ෂක සිත්තුල ඉතා අපූරු මතක එක්කල අපට සිටින අති දක්ෂ කලා ශිල්පයෙකු වන ගිරිරාජ් කෞෂල්‍යය ඔබේ පියාගේ සෞඛ්‍ය තත්වය පිළිබදව ප්‍රේක්ෂක අපි කෙටියෙන් දැන ගන්න කැමතියි.

දැනට අවුරුදු දෙකහමාරක විතර කාලයක් තිස්සේ තාත්තා අසනිපය සදහා ප්‍රතිකාර ලබනවා. පහුගිය කාලයේදි ප්‍රතිෂක්තිකරණය අඩුවිම හේතුවෙන් නැවත අසනීප තත්වයක් ඇති වුනා. ඔහු මේ වනවිට ඒ සදහා ප්‍රතිකාර ලබමින් ඉන්නවා.

(6) ඔබගේ කලා ගමනට ඔබේ පවුලෙන්, ඔබේ ආදරණීය ස්වාමියාගෙන් ඒවගේම ඔබ වටා සිටිනපිරිසගෙන් ලැබෙන සහයෝගය කොහොමද?

කුඩා කාලයේ ඉදන්ම අම්මයි තාත්තයි මගේ ගීත ගායන හැකියාව අදුන ගෙන මාව ඒ සදහා යොමු කරමින් වැඩිදුර අධාපනය ලබා දුන්නා. කලා කටයුතු වෙනුවෙන් යොමුවිම නිසා තාත්තා කාර්යබහුලවිම නිසා විශේෂයෙන්ම අම්මා මගේ අධාපනය කටයුතු සදහා ඉතා ඉහල සහයෝගයක් ලබා දුන්නා. දැන් මගේ සැමියාගෙන් මට විශාල සහයෝගයක් ලැබෙනවා. රැජිනට ඇන්දා Live on stage ප්‍රසංගයේ මූලික අදහස මට ලබා දෙමින් සහ ප්‍රසංගයේ සම්පූර්ණ වැඩ කටයුතු කළමනාකරණය කරමින් ඔහු මට විශාල සහයෝගයක් දුන්නා. කලා ශිල්පිනියක් විදියට මගේ කලා ගමනට ඔහුගෙන් ලැබෙන සහයෝගය ලොකු ශක්තියක් කිවුවොත් මම නිවැරදියි. තවත් සුවිශේෂි පුද්ගලයන් දෙදෙනෙකු වශයෙන් සහන් රන්වල ගුරුතුමා සහ ජය ප්‍රකාශ් සිවගුරුනාදන් මහතා හදුන්වන්න පුලුවන්. කථිකත්වය, පෞර්ෂත්වය ගොඩ නගා ගැනිම, පිරිසක් ඉදිරියේදි ගීතයක් නර්තනයක් ඉදිපත් කිරිම වැනි සියලුම දේවල් රන්වල බලකාය සමග සම්බන්ධ වෙමින් සහන් රන්වල ගුරුතුමාගේ ගුරුහරුකම් ලබමින් මගේ ජිවිතයට එකතු කර ගන්න මම වාසනාවන්ත වුනා. ජය ප්‍රකාශ් සිවගුරුනාදන් මහතා නාඩගම්කාරයෝ ටෙලිනාට්‍යය හරහා ටෙලිනාට්‍යය රංගනයට මාව සම්බන්ධ කර ගනිමින් රංගන ශිල්පිනියක් වශයෙන් විවරණ ලබන්නට මට අවස්ථාව සලසා දෙනවා. මගේ ජිවිතයේ ශක්තියක් වුන මෙම සියලු දෙනාට ස්තුතිවන්ත වන්නට මම මෙය අවස්ථාවක් කර ගන්නවා.

(7) රන්වල බලකාය සමග ඔබගේ බැදිම පිළිබදව සහ බලකාය සමග සම්බන්ධවිමට බලාපොරොත්තු වන පිරිසට බලකාය ගැන විස්තර ටිකක් කියමුද?

මම රන්වල පදනමට සම්බන්ධ වුනේ 2007 වර්ෂයේදි ඉන්පසු 2011 වර්ෂයේ සිට රන්වල බලකායේ සාමාජිකාවක් විදියට කටයුතු කරනවා. මගේ ජිවිතය වෙනස් මානයකට ගෙනගිය සංදිස්ථානයක් ලෙස රන්වල බලකාය සමග සම්බන්ධවිම හදුන්වන්න පුලුවන්.

සහන් රන්වල ගුරුතුමා බලකාය තුල හදාරන සියලුම සිසු සිසුවියන්ගේ වර්ධනය වෙනුවෙන් අවශ්‍ය උපදෙස් ලබා දෙමින් නිරන්තරයෙන්ම වැඩ කරයුතු කරනවා. රන්වල බලකාය සමග සම්බන්ධ විමෙන් දරුවෙක්ට තමන්ගේ ජිවිතය යහපත් අතට හරවා ගන්න, දැනුම එකතු කර ගන්න, කණ්ඩායමක් විදියට වැඩ කරන්න ඉගෙන ගන්න අවස්ථාව ලැබෙනවා. විදේශ රටවල්වල වෙසෙන දරු දැරියන් වෙනුවෙන් පැවත්වෙන පාඨමාලාවන් පිළිබද තොරතුරු රන්වල බලකායෙහි ලංකාeපාසල (lankaeschool.com) වෙබි පිටුව මගින් ලබා ගන්න පුලුවන්.

(8)ඔබව ඉදිරියේදි ප්‍රේක්ෂක අපට දකින්නට ලැබෙන කලා කටයුතු මොනවාද?

රැජිනට ඇන්දා Live on stage ප්‍රසංගයත් සමග ලංකාවේ විවිධ පැතිවලින් සහ විදේශීය රටවල්වලින් මට විශාල ආරාධනා ප්‍රමාණයක් ලැබෙනවා. ඉතින් ඉදිරියේදි රැජිනට ඇන්දා Live on stage ප්‍රසංගය ලංකාව පුරා වගේම ලෝකය පුරාත් අරගෙන යන්න බලාපොරොත්තු වෙනවා.

පහුගිය අවුරුදුවල වගේම රන්වල බලකාය සමග ජන ගීය අරන් ලෝකය පුරා යන්න බලාපොරොත්තු වෙනවා. ඊට අමතරව ජය ප්‍රකාශ් සිවගුරුනාදන් මහතාගේ ටෙලිනාට්‍යය හරහා මගේ රංගන හැකියාවන් ප්‍රේක්ෂකයන්ට දැක ගන්න ලැබේවි.

ඉදිරියේදි එලි දැක්විමට නියමිත මගේ ගීත රසවිදින්න සියලුම දෙනාට ආරාධනා කරනවා. 

අමා නාකන්දලගේ