Q). ඔබ පුද්ගලයෙකු වශයෙන් ඔබව
දකින්නෙ කුමන අයුරකින්ද යන්න පිළිබඳව
සඳහනක් කරමු.
මම නිරත වන්නේ කුමන කාර්‍යක වුවත් එය
ඉතාමත් වෙහෙස මහන්සියෙන් ඉටුකරන්න
කැමති කෙනෙක්. ඒ වගේම අවශ්‍ය
අවස්ථාවන්වලදි කන්ඩායම් හැඟීම
පවත්වාගනිමින් නායකත්වය උසුලන්න හෝ
මගපෙන්වීම සිදුකරන්න හෝ පසුබට වෙන්නෙත්
නෑ. වගකීම් සහගතව ඵලදායි අවධානම් දැරීමත්
මගේ ප්‍රදාන ලක්ෂණයක්. හැකි සෑම විටකම
ආත්මාර්ථය පසෙකලමින් පරාර්ථයට මුල් තැන
ලබාදෙන්න උත්සාහ කරනවා.
Q). ඔබ ජීවිතය දකින්නෙ කුමන අයුරින්ද යන්න
පිළිබඳව හැඳින්වීමක් කරමු.
මම ජීවිතය දකින්න කැමති සොභාදහමින් උරුමවුණු
ඉතාමත්ම දීර්ඝ කාල සීමාවක් හැටියටයි. ඇරඹුමේ පටන්ම
අවසානය තෙක් නොයෙකුත් අභියෝගයන්ට මුහුණපානවා.
ඒවා සාර්ථකව ජයගැනීම තුළින් විවිදාකාරයේ ඵලදායි දේවල්
ඉගෙනගන්නවා. නිශ්චිත සුබවාදී අවසාන ඉලක්කයක්
සාක්ෂාත් කරගන්නට අවශ්‍ය රිද්මයානුකූල සමබර ප්‍රයත්නය
දරන්නට මූලික පසුබිම සැකසෙන්නෙ ඒ ඉගෙනුම හරහා
ඔප්නැංවෙන පන්නරය ඔස්සේයි. මිදෙන්නට නොහැකි තරමේ
පුළුල් තරගකාරීත්වයක් තිබුණත් ලද දෙයින් තෘප්තිමත් වීමේ
සොභහවය නිරතුරුවම සැනසීම උදාකරනවා.
Q). ඔබේ වැටහීමේ පරිද්දෙන් මනුශ්‍යත්වය අරු
ත්ගන්වන්නේ කෙසේද යන්න පිළිබඳව විස්තර
කරමු.
ආත්ම වංචාවෙන් තොරව, ස්වකීය හෘද සාක්ෂිය
විසින් සාදාරණීකරණය කරනා අන්දමින් නිවැරදි
ජීවන පෙවෙතක් ගතකිරීම මම මනුශ්‍යත්වය
නිසි ලෙසින් අරුත්ගැන්වීමක් ලෙසින් දකිනවා.
Q). ඔබ කලාව නිර්වචනය කරගන්නේ
කෙසේද?
රසවිඳින්නන්ගේ හුදු යහපැවැත්ම වඩවාලීම
උදෙසාම ව්‍යුත්පන්න වන අනන්‍ය වූත් යාථාවාදී
වූත් හැඟීම් ප්‍රකාශනයක් ලෙසින් කෙටියෙන්
හඳුන්වන්න කැමතියි. ප්‍රසාංගිකත්වයේ සියලු
ස්වරූපයන් කලාවට අයිතියි.
Q). ඔබ කලා මාධ්‍යයක් ලෙස සංගීතය හඳුනාග
න්නේ කෙසේද යන්න පිළිබඳව පැහැදිලි කිරීමක්
කරමු.
උපතින්ම කතෝලිකයෙක් නිසාවෙන් කුඩා කාලෙ
ඉඳන්ම පල්ලියේ දකින්නට තිබුණු සංගීතමය
වටපිටාව ප්‍රභල උත්තේජනයක් සැපයුවා
සංගීතය යන්න කලා මාද්‍යයක් ලෙසින්
වැළඳගැනීමට. මවගේ කලාකාමී ඌරුවත් ඒ
උත්තේජනය තවදුරටත් සවිමත් කළා කිව්වොත්
මම වඩාත් නිවැරැදියි
Q). LUNUDEHI හී ආරම්භය සිදු වූ
ආකාරය පිළිබඳව සඳහනක් කරමු.
Lunudehi සංගීත කන්ඩායම ආරම්භ කිරීමට
ප්‍රථමයෙන් වසර 17 කට ආසන්න කාලයක්
මුළුල්ලේ මම ජිප්සීස් සංගීත කන්ඩායමේ
නියමුවා සුනිල් පෙරේරා මහතා යටතේ
කන්ඩායම් සංගීතයේ ආශ්වාදය ලබන්නට
වාසනාවන්ත වුණා. ඔහුගේ වියෝවෙන් පසුවත්
තවත් වසර දෙකක් පමණ ජිප්සීස් සංගීත
කන්ඩායමේ සාමාජිකත්වය දැරුවා.
ඒ වකවානුවේ පටන්ම මගේ හිතේ ඇල්මක්
තිබුණා මගේම කියලා සංගීත කන්ඩායමක්
පටන්ගන්න. ඒ නිසා මගේ පුරප්පාඩුව
සපුරාලන්නට සුදුසු සංගීතකාමීන් දෙදෙනෙකු
ජිප්සීස් සංගීත කන්ඩායම වෙතට අනුයුක්ත
කරවීමෙන් අනතුරුව මම ජිප්සීස් සංගීත
කන්ඩායමෙන් සමුගන්නට තීරණය කළා.
එවකට ජිප්සීස් සංගීත කන්ඩායමේ මා
සමගින්ම සංගීතය හදාරපු නලීන් සමත් තමයි
වත්මනේ මගේ ව්‍යාපාරික සහකරුවා හැටියට
කටයුතු කරන්නෙත්. Lunudehi කියන නමින්
සංගීත කන්ඩායම හඳුන්වමු කියන යෝජනාව
ඉදිරිපත් කළේ මගේ ආදරණීය බිරිඳයි. එය
පියල් පෙරේරාගේත් ප්‍රසංශාවට ලක්වුණා.
Lunudehi අද වෙනකොට යම් සාර්ථකත්වයක්
අයත් කරගෙන ඉන්නවනම් ඒ සඳහා සවිමත්
පිටුවහලක් සපයන්න ඉවහල් වුණේ භාතිය –
සන්තුශ් යුගලය කියන කාරණාව මම මේ
වෙලාවෙ සිහිපත් කරන්නෙ ඔවුන් පිළිබඳව
ඉතාමත්ම ගෞරවයෙනුයි.
Q). වෘත්තීය සංගීත කන්ඩායමක් ලෙස මේ
දක්වා ඔබ අත්කරගෙන තිබෙන සුවිශේෂී ජයග්‍ර
හණයන් පිළිබඳව මතකාවර්ජනයක් සිදුකරමු.
ඉහත කිවූ පරිදි භාතිය – සන්තුශ් යුගලය
සමගින් සහභාගි වූ විදෙස් රටවල් ගණනාවක
පැවැත්වුණු අති දැවැන්ත සංගීත ප්‍රසංගයන්
රාශියකදීම විදෙස්ගත සංගීතලෝලී ශ්‍රී ලාංකේය
ප්‍රජාවෙන් නොමසුරු ඇගයීම් ලබන්නට lunudehi
සමත් වුණා. එය සුවිසල් අත්තිවාරමක් ඉදිකළා
සංගීත කන්ඩායම ස්ථාවර ඒ වගේම තෘප්තිමත්
ආධායමක් ලබන තත්වයකට ගෙන එන්නට. ඒ
සඳහා ගතවුණේ වසර දෙකක් වගේ සුළු කාල
සීමාවක්.
අද දවස වෙනකොට විදෙස්ගත සංගීත
ප්‍රසංගයන් වල සංගීතය සපයන්නට වැඩිම
ඉල්ලුමක් ඇති ශ්‍රී ලාංකේය සංගීත කන්ඩායම
Lunudehi කියලා මම ප්‍රකාශ කරන්නෙ
නිහතමානී ආඩම්භරයකිනුයි.
Q). වෘත්තීය සංගීත කන්ඩායමක් ලෙස ගෝලීය
සංගීත කරළියේ වෙළඳ අනන්‍යතාවයක්
ගොඩනගාගැනීම උදෙසා ක්‍රියාත්මක කරමින්
සිටින සැලසුම් පිළිබඳව හැඳින්වීමක් කරමු.
ඇත්තවශයෙන්ම කිව්වොත් සංගීත කන්ඩායමේ
වත්මන් දිශානතිය අනුව මම වඩාත්ම
ප්‍රමුඛතාවය ලබාදෙන්නේ ශ්‍රී ලාංකේය සංගීත
කරළිය තුළ වඩාත් කැපීපෙනෙන අයුරින්
ස්වකීය අනන්‍යතාවය ගොඩනංවාගන්නයි.
ස්වතන්ත්‍ර නිර්මාණයන් එළිදැක්වීම කියන්නෙ ඒ
අභිලාෂය ඉෂ්ට කරගන්නට දියත් කරමින්
තිබෙන සැලසුමකට කදිම උදාහරණයක්. ගීත
රචනය කෙරෙහි මගේ ඇති නොනිමෙන ඇල්මත්
සරිලන දක්ෂතාවයත් ඊට කදිම උපකාරයක්
සපයනවා කියන කරුණත් මට මෙහිදී
විශේෂයෙන්ම සඳහන් කරන්න පුළුවන්.
Q). ඉදිරියේදී එළිදැක්වීමට සැලසුම් කරමින්
සිටින නිර්මාණාංගයන්
පිළිබඳව විග්‍රහයක් කරමු.
නොබෝ කලකින්ම නවතම ස්වතන්ත්‍ර ගීත රූප
රචනා කිහිපයක්ම Lunudehi ප්‍රේක්ෂකයන්
වෙතට මුදාහරින්නට අවශ්‍ය මූලික කටයුතු මේ
දිනවල සාර්ථකව සිදුවෙමින් තියෙනවා. ඒ
අතුරින් ගැළපෙන සංගීත නිර්මාණයන් සමූහයක්
එකම වේදිකාවක් මත්තට ගෙන එමින්
නුදුරේදීම සජීවී ප්‍රසංග ශ්‍රේණියක්ම
පවත්වන්නත් බලාපොරොත්තු වෙන බව
ඉතාමත්ම සතුටින් කියන්න පුළුවන්.
ඒ වගේම මෑත කාලයේ එළිදැක්වුණු හරවත්
රසවත් ගීතයන් කිහිපයක් පසුබිම් කොටගෙන
වෙනස් සංකල්පයන්ට අනුකූලව නිර්මාණය
කෙරුණු cover versions කිහිපයක් ඔස්සේත් අපේ
ආදරණීය ප්‍රේක්ෂකයන් ආමන්ත්‍රණය කරන්නට
මම අපේක්ෂාවෙන් ඉන්නවා.
Q). වෘත්තීය සංගීතවේදීයෙක් ලෙස වර්ථමාන ශ්‍රී
ලාංකේය සිනමා කර්මාන්තය
තුළ සංගීතයේ භාවිතාව නැතහොත් සිනමා
සංගීතය පිළිබඳව ඔබේ අදහස් ඉදිරිපත්කරමු.
වර්ථමානයේ නිපදවෙන බොහෝ සිනමාපටයන්ගේ අන්තර්ගත
වෙන බොහෝ ගීතයන් එතෙර මෙතෙර ලක්ෂ සංඛ්‍යාත
සංගීතලෝලීන්ගේ සාතිශය ආකර්ෂණය දිනාගත් අතිමහත්
ගෞරවයට ද පාත්‍ර වන ප්‍රශස්ථ සංගීතවේදීන් අතින් නිමවෙන
බව දැකගන්නට පුළුවන්. එනමුත් මට නැගෙන ප්‍රදානතම
ගැටළුවනම්, ඒවාහී සිනමාකරුවාගේ ප්‍රකාශනය ජනගත
කරවීමට සමත් වෙන තරමට සිනමා සංගීතකරණය (music
score) තියුණු මට්ටමක පවතිනවාද යන්නයි.
බොලිවුඩ් හා හොලිවුඩ් සිනමා කර්මාන්තයන් පිළිබඳව
සළකාබැලුවහොත් ඔවුන්ගේ සංගීතවේදීන් වැඩිපුරම අවධානය
යොමුකරන්නේ සිනමා සංගීතකරණය ඔස්සේ අධ්‍යක්ෂණ
කාර්‍යයේ ඵලදායිතාවය ඉහළ නැංවීම බවයි මම විශ්වාස
කරන්නෙ.
Q). වෘත්තීය
සංගීතවේදියෙකු වීමට අපේක්ෂාවෙන් සංගීතය
හදාරණ්නෙකු හට ශ්‍රී ලාංකේය
සංගීත කර්මාන්තය තුළ සඵලධායීඅයුරින් ස්ථාව
රත්වයට පත්වීම සඳහා ආධාර විය හැකි යම්
ඔවදනක් හෝ උපක්‍රමයක් සඳහන් කරමු.
මම ප්‍රථමයෙන්ම කියන්න ඕනෙ මම වර්ෂ 1996
දී තමයි සංගීතය හදාගන්නට අත්පොත් තැබුවේ.
ඒ කාලයේ වර්ථමානයේ වගේ ඉගෙනීමේ
මූලාශ්‍රයන් සුලභව පැවතුනේ නැහැ. භාවිතාව
තුළින් උකහාගන්නා අත්දැකීම් තුළින් තමයි අපි
සංගීත අධ්‍යයනය සිදුකළේ. නමුත් අද වන විට
තත්ත්වය හාත්පසින්ම වෙනස්. දැන් අපි
ජීවත්වෙන්නෙ වේගවත් තාක්ෂණික විප්ලවයක්
සිද්දවෙන තොරතුරු සම්ප්‍රේෂණය ඉතාම
වේගවත් ලෝකෙක.
සංගීතය කියන්නෙ පුළුල් වපසරියක් සහිත
නිර්මාණශීලී විෂයක්. ඉතින් එබැවින් අනෙකුත්
සෑම විෂයකටම අදාළ වනවා සේම මේ විෂය
සම්බන්ධයෙනුත් එහි අන්තර්ගත වන සියලුම
සෛද්දාන්තික කාරණා පිළිබඳව පුළුල් හැදෑරීමක
නිරතවීම, සංගීත කර්මාන්තයේ සාර්ථක
චාරිකාවක් අරඹන්නට සිහින දකින
ආධුනිකයෙකුගේ පළමු පියවර ලෙස හඳුන්වන්න
මම කැමතියි.
සැකසුම | හිරාන් ගමගේඅපි Magazine
