පියඹන්න නුඹ නිදහසේ
යා හැකි ඉම තියා මනසේ….
විඳ ගන්න ඔහේ පාව යන
මද නලේ සිසිල රිසි සේ…
නරඹන්න සොඳුරු තැන්
නෙතු විදා සතොසේ…
බිඳක් රැඳෙන්න…
විඳගන්න…
සැනසුම් සුසුමක් ගෙන නිදහසේ…..
අයාලේ යන උන්
කියවාවී දොස් හිතුමතේ…
ඔවුන්ගේ තරමින්ම
මැන ගනියි සිතු ලෙසේ…
හරිම මග, නුඹේ ඉම
දනී නම් නිසි ලෙසේ….
තටු ගසා ඉගිලියන්
නුඹේ දිවි නුඹ අතේ….
සුරේඛා
ක්තරා කාලයක මහළු මිනිසෙක් සහ ඔහුගේ පුතුන් තිදෙනකු දුර ගම්මානයක ජීවත් විය.ඔහුගේ පුතුන් තිදෙනා වෙහෙස මහන්සි වී වැඩ කල නමුත් සෑම විටම එකිනෙකා සමග රණ්ඩු විය.ඔවුන්ව කිසිදා සමාදාන කල නොහැකි විය. කාලයත් සමග මහළු මිනිසා ලෙඩ විය.ඔවුන්ට තම පුතුන් තිදෙනාගේ රණ්ඩු නැවැත්වීමට අවශ්‍ය විය.නමුත් කෙතෙක් උත්සාහ කල ද ඉන් පලක් නොවීය.දිනක් පුතුන් තිදෙනාට පාඩමක් ඉගැන්වීමට සිතා මහළු මිනිසා දර මිටියක් දී එය දෙකට කඩන ලෙස පැවසීය.පුතුන් තිදෙනා දර කෝටු වෙන වෙනම ගෙන ඉක්මනින් එය කඩා නැවත එකිනෙකා හා රණ්ඩු කිරීමට විය.පසුව මහලු පියා දර මිටියක්ම දී එය එක්වර කඩා දමන ලෙස පැවසිය.දර මිටියක් ම තනි අයෙකුට එක්වර කැඩීමට නොහැකි විය. පියා ඔවුන් අමතා ‘ දර තනි තනිව කැඩීමට පහසුය.නමුත් ඔබ තිදෙනාත් දර මිටියක් මෙන් එකට බැඳී සිටින විට ඔබට රිදවීමට අන් අයට නොහැකිය.එම නිසා සමඟියෙන් ජීවත් වන්න’ යැයි පැවසීය.
පුතුන් තිදෙනාට අවසානයේ එකමුතුකමේ අගය පසක් විය.
ආදර්ශය -සමගිය තුළ ශක්තියක් ඇත.
පියුමි නෙළුමිකා
මම අද කතා කරන්න යන්නෙ හැමෝම උනන්දුවෙන් හොයන හොයන්න ආසාවෙන්
ඉන්න සහ කරන්න ආසාවෙන් ඉන්න මාතෘකාවක් ගැන. ඉතින් ගොඩ දෙනෙක් යූටියුබ්
ගැන දැනන් හිටියට සල්ලි හොයන විදියහ ගැන දන්නෙත් ටික දෙනයි.මේකෙ ක්‍රම
කීපයක් තියෙනවා අපි අද කතා කරමු, Monetization නැත්නම් youtube Partnership program
එකත් එක්ක එකතු වෙලා තියෙනවා කොහොමද සල්ලි හොයන්න කියලා.හරි මුලින්ම
අපි බලමු පිට ඒකට අවශ්‍ය මොනවද කියලා. ඉස්සර නම තමයි ඔයාට youtube චැනල්
එකක් තියෙන්නේ නමුත් ඒ විතරක් මදීඒකෙ subscribers එහෙමත් නැත්නම් ග්‍රාහකයා
දාහකට වැඩි ප්‍රමාණයක් ඉන්නත් ඕනේ. ඉතින් මේක විතරක්ම නෙමෙයිකට සුදුසුකම්
ලබන්න නම් ඔයාලට තියෙන්න ඕන මේ subscribers 4000 දවස් අනුවක් ඇතුළත
වීඩියෝස් තුනක් අප්ලෝඩ් කරලා තියෙන්න ඕනේ , ඒ වගේම තමයි ඒ වීඩියෝ බලලා
watch hours එහෙමත් නැත්නම් පැයක් ඇතුළත බලපු ප්‍රමාණය තුන් දාහක් ඒ කියන්නේ
watch hours 4000 කියන limit එක පහු කරන්න ඕනි. ඒ වගේම ඔයාලට දැන් හඳුන්වල
දීල තියෙනවා youtube එකේ short Videos කියලා ඒ කියන්නෙ විනාඩියකට අඩු කාලයකදී
බලන්න පුළුවන් වීඩියෝස් තමයි මෙතනදි අප්ලෝඩ් කරන්නේ එතකොට මේ ෂෝර්ට්
වලදී ඔයාලට ෂෝට් වල views මිලියන 10 ක් ලැබිලා තියෙනවා නං ඔයාලට පුළුවන්
මේක මොන ටයිප් කරන්න. හරි අපි දැන් මේ සුදුසුකම් සපුරලා ඉවරයි නං ඒ කියන්නෙ
සබ්ස්ක්‍රයිබ්ස් දාහක් හෝ view Hours හාරදාහක් සම්පූර්ණ කරලා තියෙනවා නම් හෝ ඔයා
දාපු short වීඩියෝස් වල මීයන 10ට වඩා views තියෙනවා නම් ඔයාලට පුළුවන් මේ
monetization කියන එක ඔන් කරන්න. හරි ඊට පස්සේ අපි බලමු youtube වලදී ඔයාලට
වැදගත් වෙන ඊළඟ කරුණු කාරණා මොනවදාද කියලා. පළවෙනි දේ තමයි CPM .මේ
CPM කියන්නේ Cost per thousand imperations කියන එක.එකෙන් අදහස් වෙන්නෙ යම්කිසි
වීඩියෝ එකකින්ස් දාහක් ඇතුළෙ display වන ads ප්‍රමාණය එතකොට මේක රටින් රටට
වෙනස් වෙනවා.අපි යම්කිසි රටක ඉන්න youtuber ප්‍රමාණයට අනුව play වෙන ad සහ
advetizers ලා ප්‍රමාණය අනුව මේක තීරණය වෙනවා .
ඊළඟ දේ තමයි RPM කියන එක .මේ කියන්නෙ Revenue per mile කියන එක. මෙතැනදී
මේ mile කියන එක යොදාගෙන තියෙන latin භාෂාවෙන් දාහක් කියන එකට. ඒ කියන්නේ
වීඩියෝ එකක් දාහක් දෙනෙක් බලද්දී ඒ video එකට youtube එකෙන් ගෙවන ප්‍රමාණය
මේක චැනල් එක අනුව වෙනස් වෙනවා. ඒකේ යන Views ප්‍රමාණය සහ ඒකෙ ad play
වෙන ප්‍රමාණය අනුව මේ අගය තීරණය වෙනවා. ඊළඟ එක තමයි cpc කියන එක
බොහෝ දුරට යූටියුබර්ස්ලට නම් වැදගත් වෙන්නේ නැහැ නමුත් advertise කරන company
එකකට තමයි මේක වැදගත් වෙන්නේ. මේකේ තේරුම තමයි cost per click කියන එක
යම්කිසි youtube වීඩියෝ එකක ad එක ප්ලේ වන විට advertizerla ගෙවා යුතු ප්‍රමාණය
තමයි මේකෙදි සඳහන් වෙන්නේ .
මම මේ ඔයාලට පහලින් පෙන්නල තියෙන්නෙ අන්තිම සංඛ්‍යා ලේඛන වලට අනුව
youtube වල සිහිපයේ මෙක තීරණය වන රටවල් සහ රටවල් අනුව වෙනස්වන CPM
අගය ඒ කියන්නේ youtube එකෙන් මේ මේ රටවල් වලට අදාළව CPM එක අනුව ගෙවන
මුදල් ප්‍රමාණය ඩොලර් වලින් තමයි මම මේ දාලා තියෙන්නේ .
සියලූම රටවල් දාන්න ගියොත් ඉඩ මදිවෙන නිසා මම වැඩිම අගයේ සිට සාමාන්‍ය
ප්‍රමාණයකට තියෙන රටවල් තමයි මම මේ දාලා තියෙන්නේ. ඒ වගේම තමයි ඒ ඒ
රටවල ගෙවන ප්‍රමාණයන් වෙනස් වුණත් විවිධ Category අනුවත් මේ CPM රේට් එක
වෙනස් වෙන්න පුළුවන් පහතින් දක්වලා තියෙන්නේ ඊට අදාළ කැටගරීස් ටික සහ ඊට
අදාළව වෙනස් වන CPM රේට් එක
ඉතිං මම හිතන්නේ මේ ලිපි සම්බන්ධව ඔයාලට වැඩිදුර විස්තර අපි මැගසින් පිට්ටෝක්
එකවුන්ට් එක ෆලෝ කරත් කෙලින්ම අපිත් සමඟ සම්බන්ධ වෙන්න පුළුවන් අපි
ඔයාලට මේකෙන් කිව්වාට එකක් සඳහන් කරලා ඒකෙ ලින්ක් එක දාල තියන්නම්
එතකොට ඔයාලට පුළුවන් ඒ කිව්වේ ඒක ස්කෑන් කරලා කෙලින්ම අපේ එකවුන්ට්
එකට ගිහිල්ලා අපිව follow කරල තියාගන්න සහ ඔයාලගෙ ප්‍රශ්න අපේ වීඩියෝස් වල
කමෙන්ට් කරන්න එතකොට අපිට පුළුවන් ඔයාලව කෙලින්ම සම්බන්ධ කරගන්න.
හෙනම් අද ලිපිය සමඟ සම්බන්ධ වූවාට ඔබට බොහෝ පත්ම ස්තූතියි. එහෙනම් ඊළඟ
ලිපිය හමුවෙමු.
(BSc Honors. In Computer Science, Social Media Strategists,Dip in HRM,Dip in Finance
Management, Dip in Production Management, Dip in Sales Management )
076 2209299
www.dilshanmanujaya.com
අප්පා නැති වුන් දෙන්නා එක්කම
රැක්කෙ දිවි මම තට්ට තනියම
මහ ඇතා ළඟ පාත නැතුවම
තනි එකා අනෙ වුණේ “තනියා” ම
කෑම වේලක් මගහැරෙනකොට
ගඩා ගෙඩියක් හොරෙන් කෑවට
ලොකු වැරැද්දක් කරලා නෑ ඌ
පිටින් ගියෙ නෑ මගේ වචනෙට
ටිකින් ටික උස් වෙලා කර දඬු
හම්බ කෙරුවේ කරලා වැඩ වඩු
මටයි දූටයි කෙරුවෙ නෑ අඩු
කොහේවත් උට තිබ්බෙ නෑ නඩු
ඉඳලා හිටලා ටිකක් බිව්වට
කොල්ලො එක්කලා කරක් ගැහුවට
මේ ලඟක් වෙනකල්ම නොතිබුණි
කිසිම නරකක් උට කියන්නට
ලඟදි ඉඳලා වැඩි කතා නෑ
නිදාගන්නෑ, බඩගිනිත් නෑ
හේතු කිසිවක් කිව්වෙවත් නෑ
යකෙක් වැහුණද කියා දන්නෑ
සල්ලි ඉල්ලා කලත් කරදර
උකස් කෙරුවත් මගේ කණකර
දරුව හින්දා ඉවසුවේ මං
සියලු දුක් ගිනි හිතේ තදකර
අයියගෙයි නංගිගෙයි රණ්ඩුව
ඇවිලුවා මගෙ හිතේ ගින්දර
තව පමා වූවොතින් බැරිවෙයි
රකින්නට කෙල්ලගේ නම්බුව
සර් මම මයි දුන්නෙ ඔත්තුව
කසුන් ජයතිලක
ගිමන් හලන වැහැරුනු කය
වාරුවටම වාඩිවෙලා
ඈත ඉමක සිතිජ කොනේ
මැවෙන රූ රටා,
සිතපු පතපු සමහර තැන්
අතරමගින් නැවති බලා
අතීතයක රූප මැවෙයි
මීදුමෙන් වෙළා…
දිනෙන් දිනම ජීවිතයක
ශේෂ වෙවී වියැකෙන පණ
තදින් බදා යදම් වෙලා
නවතනු බැරිදා,
කිනම් අරුත් පහදන්නද
ලොබ බැද ගත් කාසි පනම
සතර වරම් ලැබුවද මතු
හිමිඅහිමි වෙනා…
එපා කිසිත් පොදි බදිනට
දිරන කයට දිරියක් නැත
කල පිං පව් මතු උපදින
දා ඵල ලබනා,
අවුරුද්දක නියම අරුත
කාලය රන් හා සමවෙන
රිදවපු සිත් සුවපත් කොට
සව්සිරි පුරනා…
සිරිසුභ නව අවුරුද්දේ
කිරි ඉතිරෙන අනාවකේ
නව මංපෙත් විවරණයක
සේයා පෙනෙනා,
හීන මවපු නව ලෝකේ
එකම දැයක දරුවන් සේ
එකාවන්ව එකමුතුවී
සැම සවි වඩනා…
රීනා
ලං වෙන්න බැරි තරම්
ටිකෙන් ටික
නුඹ දුරස් වෙනවා …
දුන්න ආදරේ නුඹ මට
හැම අතේ
මං තාම සොයනවා …
වරදක් නොකර මම
නිතර නිතර
වැරදි නුඹ දකිනවා …
හැම දේම දරාගන මම
අනේ ඉතින්
නුඹ තවම පතනවා …
ගෙවුණු හැටි පෙර දිනක
අපි අපට
සෙනෙහසින් ලං වෙලා …
වින්ද හැගුමන් තවත් ඇත
දරාගන තනියම
හිතේ කොනක හිරවෙලා …
හමුවුනත් මඟ
හමුනොවුණු ගානට
යන්න අද සිදු වෙලා …
වරදක් කළා නම් නුඹට
එකම වරද
හුස්ම තරමට පෙම් කලා …
ගගන ගුරුගේ
මා දිහා ආදරෙන් නෙත් හෙලූ දා –
සිත් ගැබේ සහස් මල් පීදුණා
ගං තෙරේ අත් වෙලී රහස් කී දා –
සිත මගේ ඔබෙ නමට නතු වුණා..
මෙතුවක් කල් මා පෙම් කලා වූ, රෑ සිහිනෙන් ළං වුණා වූ
සුර කුමරිය අද මගේ සතු වෙලා..
මෙතුවක් කල් මා මග බලා වුන්, පෙම් පැතුමන් ඉටු කලා වූ
ඔබෙ සෙනෙහෙන් මා හැඟුම් මත් කලා..
පෙර සසරේ පුරුදු විලසින් – දැනුණා මට මුල් දිනේ
මතු සසරෙත් රැඳෙන විලසින් – අපෙ හදවත් යා වුණේ
මගෙ ලෝකේ වේදනාවන් – ඔබෙ තුරුලේ දියවුණේ
පෙම් ලෝකේ මල් සිනා කැන් – තරු වැස්සේ නැහැවුණේ
තාරක ජයතිලක
අයිති කරගන්න
ඕන කිව්වටට,
හැමදාටමද දන්නෙ නෑ …
සනසන්නම් කිව්වට
හිත නොරිදවා
ඉන්න පුලුවන් වෙයිද
දන්නෙ නෑ …
සංසාරෙම
එකට යමු කිව්වට
සංසාරේ හමුවෙයිද
දන්නෙ නෑ …
අමතක නොකර
ඉන්නම් කිව්වටට
මඟහැරෙයිද දන්නෙ නෑ …
මගේ විතරයි කිව්වට
වෙන කාගෙවත් වෙයිද
දන්නෙ නෑ …
හිතේ ඉන්නෙ
මම කිව්වට
හිතේ කොතැනකද
කියල දන්නෙ නෑ …
නිතර මතක් වෙනව
කිව්වට
ඒ මොන වෙලාවටද
කියල දන්නෙ නෑ …
දවසගානේ
ප්‍රාර්ථනා කරනව
කිව්වට
අපි අපේ වෙයිද කියල නම්
දන්නේ නෑ …
ගගන ගුරුගේ
ඇහි දාර තෙමි තෙමී
මන්දාරමේ ගුලිවෙලා
වැසිදාක නොතෙමිච්ච
හිත් කෝඩුවී තනිවෙලා
කිසිදාක නොදැනුනත්
අපි ආගන්තුක වෙලා
ඉස්සරම ඉස්සරක
ලියු කවිත් සේදී ගියා…
සම්මතයට පිටුපා හිත ගියාම
රැදුනාවේ ඒ ප්‍රේමේ හැමදාම
හීනෙකට විත් ආයේ යනදාක
ලියාගන්නද ප්‍රේමේ හිත පුරාම…
බොදවෙවී සිත්තම් මැවී
පහනකුත් ඇත දැවි දැවී
අසම්මත ප්‍රේමයට වී
ලැබුයේද සැනසුමක් කොහී…
රීනා
