Category: Other

පුංචි දුවලා පුතාලා ,ඔන්න අද කියන්න යන්නෙ කුරුලු පැටියෙක් ගැන කතාවක්.

කුරුලු පැටියා රවුමක් පියාඹලා එන්න කියලා හිතන් කැලෑව ඇතුලට ගියා.ටික ටික කැලෑව තුලට පියඹා යන විට , ඇහුනා අමුතු   ශබ්දයක් . මොකක්ද ඒ හඬ හරිම බය හිතෙන ශබ්දයක් .

කුරුලු පැටියා හඬ එන දෙසට පියඹලා ඇවිත්, ගසක උස අත්තකින් ඉඳ ගත්තා . කවුද මෙහෙම කෑ ගහන්නෙ.. වට පිට හොඳින් පරික්ෂා කර බැලුවා .

අහ්.. අන්න ඉන්නවා හරිම ලස්සන දිලිසෙන පිහාටු තියන, ලොකු කුරුල්ලෙක්.

දුවලා පුතාලා දන්නවාද කවුද ඒ කියලා ..

කුරුලු පැටියා දක්කේ ලස්සන පිල් විදහාගෙන ඉන්න මොනරෙක්ව.

කුරුලු පැටියා හෙමින් මොනර රාළ ලඟට කිට්ටු වුණා .

“යාලුවේ .. ඔබ හරිම ලස්සනයි . මේ දිලිසෙන පිහාටු හරිම අලංකාරයී.. මම වගේ කුඩා කුරුල්ලෙක් නෙවෙයි.ඔබ විශාලයි.” කුරුලු පැටියා කිව්වා.

පිල් විදහාගෙන හරිම ආඩම්බරයෙන් ඉන්න මොනර රාළට ඉතින් හරිම සතුටු හිතුනා, පුංචි කුරුලු පැටියගෙ මේ වර්ණනාවට.

“බොහොම ස්තුතියි ඔබ මේ කරපු වර්ණනාවට. ඔබත් හරිම ලස්සන පුංචි කුරුලු පැටියෙක්”. මොනර රාළ කිව්වා.

“ඒත් මට ඔබට වගේ ලස්සන දිලිසෙන පිහාටු නෑනේ.” කුරුලු පැටියා දුකෙන් කිව්වා .

“කුරුලු පැටියො.. අපි හමෝම එක වගේ නෙවෙයි .හැමෝම විවිධාකාරයි. ඒ වගේම අපි හැමෝම විශේෂයී. ලස්සනයි . කුරුලු පැටියාට තියන ලස්සන පුංචි පිහාටු හරිම ලස්සනයි . කුඩා නිසා ඉකමනින් පටු ගස් අතු ඉති මඟින් පියඹා යන්නත් පුලුවන් . ඉතින් ඔබ එයට සතුටු වෙන්න ඕන.

ඒ වගේම ස්තූති වන්ත වෙන්න ඕනා.” මොනර රාළ කුරුලු පැටියාට පැහැදිලිකර දුන්නා .

නැවතත් හමු වෙන පොරොන්දුව පිට කුරුලු පැටියා මොනර රාළට සමු දුන්නා .ඒ වගේම ස්තූති කලා .. අපිට තියන, හැම දෙයකටම ස්තූති වන්ත වෙන්න වගේම ඒ ගැන සතුටු වෙන්නත් කියලා දුන්න නිසා.

කුරුලු පැටියා වෙනදාටත් වඩා සතුටෙන් තම කූඩුව වෙත පියඹා ගියා .

මගේ පුංචි දුවලා පුතාලාත් තම තමන්ගෙ පෙනුම ,හැකයාවන් සහ තමන් ගැන සතුටු වෙන්න. අපි හැම දෙනෙක්ම හරිම විශේෂයී .අපට නැති දෙයට වඩා අපිට තිබෙන දෙයට ස්තූති වන්ත වෙන්න පුරුදු වෙමු, නේද දරුවනේ.

නැවතත් අලුත් කතවක් එක්ක ඔයාලා හමු වෙන්න එනකම් සතුටින් ඉන්න .

තිලෝෂි ප්‍රනාන්දු .

නුඹව දැකගන්නට

නුඹ සතුටින් දැයි අහන්නට

නැහීගෙන දොඩමළු වූ කාලයේ මෙන්

හිඳ සුපුරුදු විලසට

සිහිකරමින්  අප පෙර සොඳුරු මතකයන්

තනිවෙන්න නිමේෂයකට

අපිට අපි අහිමි වූ තැන හිද

ආසයි  එකම එක වරක්වත් තව

දැකගන්න ඔය ඇස් දෙක

පෙර ලෙසට කතාවක් නැතුවම

බලා සිටින්නට නුඹේ රැව දෙස

ඒ මෘදු හැගුම් ළඟ නවතින්න වරම් නැති තැන

වෙන් උනත් අපි කලකට පෙර

ගෙව්නේ කාලය පමණක් මිසක

මා හදවතේ හැගුම් නොවන බව

අවැසිය නුඹට කියන්නට

සැබවින්ම

නුඹේ සුසුම් ළඟ දැවටෙමින් මට

නිශා

ජැකට්ටුව දා උදෑනක්කෙම

බක්කියක් දෑතින් කරකවා

කොළඹ හතෙ සිරි බලාගෙන

රම්‍යා පාරට වඩිනවා

බඩත් උස්සන් ඉදල අරගෙන

මහ පාර අතු පතු ගානවා

ඉණට අත තිය නතරවීගෙන

උඩට ඇද හති අරිනවා

සති දෙකයි තව ඇඟිලි ගැනගෙන

ජැකට් යට බඩ පිරිමැදා

දවසෙ ගතමන අද සොයාගෙන

යනවා පමුණුවෙ සළු බලා

එදත් සිනහවෙන් හති දමාගෙන

ආ සැණින් නුඹ ගැන කියා

අමාරුවෙන් ඈ හඬාගෙන

වැතිරුනෙ මහ පාරේ දිගා

පාර මැද්දෙ අපි අත් විදාගෙන

වාහනයක් නවත්තනු සිතා

වේගෙ අඩුකර ෆෝටෝ අරගෙන

පිම්මෙ ගියෙ හෝනුත් ගසා

සරණ නෑ බක්කියට දමාගෙන

සිව්දෙනක් තල්ලුවෙ වෙර දමා

කියද්දිත් එයි හිරිගඩු පිපීගෙන

ලේ උතුරනවා බක්කිය පුරා

හඬ ඇසුණි නුඹ අත් ඔසවගෙන

මගේ දෑතිනි පෙකිණිය කපා

අම්මා නුඹෙ හුරු සිනා පාමින

බක්කියෙම ඇගෙ හුස්මත් ගියා

චරියාගේ පන්හිඳ

දිදුලන කෙස් කළඹකට රහස් පසුගිය ලිපිය සමගින් මම හිසකෙස් රැකගැනීම පිළිබද ඔබත් සමග බොහෝ දේ කතා බහ කල අතර මේ ලිපිය මගින් ඔබට සරලව පහසුවෙන් නිවසේදී Rice water භාවිතා කිරීමෙන්  දිදුලන කෙස් කළඹක් ලබා ගැනීමට කල හැකි සත්කාර කිහපයක් පිළිබද  මෙම ලිපිය තුලින් ඔබත් සමග බෙදාහදා ගැනීමට බලාපොරොත්තු වන්නෙමි.

පළමුව 1/2 cup නොයු සහල් ගෙන එය හොදින් සෝදා පිරිසුදු සහල් සදහා වතුර cup දෙකක් දමා පැය 24 ක කාලයක් කාමර උෂ්ණත්වයේ පෙගෙන්නට හැර පිරිසුදු කරන ලද Spray bottle එකක් ගෙන එයට දමා භාවිතයට ගන්නා තුරු ශීතකරණයේ තබන්න .

හිසකෙස් වර්දනයට 

ඔබගේ හිසකෙස් වර්දනයට ඉතාම වැදගත් විටමින් B,C,E  සහ ඉතා ඉක්මනින්  හිසකෙස් වර්දනය සදහා උපකාරී වන amino acids Rice water වල අඩංගු වන අතර ස්වභවික Rice water බාවිත කිරීම මගින් සුන්දර  කෙස් කලබක් ලබාගැනීමට හැකිවේ .

නිරෝගිමත් හිස්කබලක් සදහා Rice water 

ඔබ හිසකෙස් පිරිසුදු කිරීමේදී නිරෝගිමත් කළඹක්‌ ලබා ගැනීම සදහා ඔබගේ හිසකෙස් පළමුව shampoo දමා හොදින් පිරිසුදු කරගැනීමෙන් පසු rice water ගෙන හොදින් හිස්කබලේ සහ හිසකෙස් වල ගල්ව  විනාඩි  20ක්  පමන තබා සිතල ජලය මගින් සෝදා හරින්න .මෙම ස්වභාවික ප්‍රතිකාරය ඔබට දිනපතා මෙන්ම සතිපතා කල හැකිවන අතර  මෙමගින් ඔබට දිදුලන දීප්තිමත් කෙස් කළඹක් ලබා ගැනීමට හැකිවනු නොවනුමානයි .

Repair hair damege

රාත්‍රී  නින්දට යාමට පෙර spry bottle එකක් භාවිතා කර ගනිමින්  හිස් කබල සහ හිසකෙස් සදහා  rice water හොදින් spry කරගැනීම මගීන්  ඔබගේ damege වූ හිසකෙස් නැවතත් යතා තත්වයට පත් කරගැනීමට rice water තුල ඇති ගුණාත්මකබව ඉවහල් වනුඇත .

නිරෝගිමත් සමක් 

මුහුණ පිරිසිදු කිරීමේදී පළමුව පිරිසුදු ජලයෙන් මුහුණ  සෝදා ගැනීමෙන් පසු rice water ගෙන හොදින් මුහුණ   සෝදා මුහුනේ උඩු අතට හොදින් සම්බාහනය කරීමෙන් අනතුරුව පිරිසුදු ජලයේ  මුහුණ නැවතත් පිරිසිදු කරීම මගින්  සමෙහි ඇති එල්ලා වැටීම වැළකීමත් සම tigten කිරීමත් සමෙහි ඇති සිදුරු minimiz කරගැනීමට මෙන්ම ඔබගේ සම සුසිනිදු සහ පැහැපත් බවක් ලබාගැනීමට rice water බෙහෙවින් උපකාරී වේ  .

අතුරු ආබාධවලින් තොර ව සහ ඉතා ම අඩු වියදමකින් ඔබට මෙලෙස ස්වාභාවික ප්‍රතිකාර භාවිතයෙන් රුව අලංකාර කරගන්නා ආකාරය තවත් ලිපියකින් රැගෙන එනතුරු ඔබට සුබ දවසක්!

Makeup by sameera 

Bridal and party makeup enquire

07402992944

         මං අද ඉන්නේ ලංකාවෙි හරි මැද…. ලංකාවෙි මධ්‍ය ලක්ෂ්‍යය පිහිටි තැන….. නාලන්ද ගෙඩිගේ…. එහෙම කිවුවාම කවුරුත් දන්නවානේ…. ඉතිං අපි මැගසින් එක ඔස්සේ මම මෙවරත් ඔයාලට අරන් ආවෙි අපේ රටෙි ඓතිහාසික වැදගත්කමක් වටිනාකමක් ඇති මණරමි භූමියක් වන නාලන්දේ පිහිටි නාලන්ද ගෙඩිගේ ගැන…..

නාලන්ද ගෙඩිගෙය නැරඹීමට යන මාර්ගය පිළිබඳ මුලින්ම සඳහන් කළහොත් මහනුවර යාපනය ප්‍රධාන මාර්ගයේ , මාතලේ සිට දඹුල්ලට කිලොමිටර් 35 යාමේදී හමුවෙන කිලෝ මීටර 48 කණුව ආසන්නයෙන් දකුණු දෙසට තිබෙන මාර්ගයේ කිලෝ මීටර 1.2 පමණ ගමන් කිරීමෙන් පසුව නාලන්ද ගෙඩිගෙයට ළඟා වෙන්න පුළුවන්

මධ්‍ය පලාතේ මාතලේ දිස්ත්‍රික්කයේ නාවුල ප්‍රදේශිය ලේකමි කොටිඨාශයේ නාලන්ද කියන ග්‍රාමයේ තමයි මෙි නාලන්ද ගෙඩිගේ පිහිටලා තියෙන්නේ.. අපුරු පරිසරය පද්ධතියක්….. ඉන්න හිතෙන එන්න හිතෙන්නේ නැති පරිසරයක්…. හිත නිවාලන වටපිටවක්.. ඇත්තටම මට මෙහෙම දෙයක් හිතුනා.. හිතුනා විතරක් නෙවෙයි හිතට දැණුන හැඟිමක් එක්කම මට එ කතාවෙි සත්‍යතාවයක් ඇති බවක් හැඟුනා…. ලංකාවේ මධ්‍ය කේන්ද්‍රය කියල බොහෝ දෙනා සලකනුයේ මාතලේ නාලන්දාව යි. නාලන්දා ගෙඩිගෙය ලංකාවේ හරි මැද ලක්ෂ්‍යයේ පිහිටා තිබෙන බව පුරාණයේ සිටම සමහරු තාමත් විස්වාස කරනවා… තවත් විශ්වාසයකට අනුව රාවණා රජුගේ පුත් ඉන්ද්‍රජිත් තමන්ගේ යාග හෝම කටයුතු සඳහා මේ ස්ථානය භාවිත කළ බවත්, මේ ස්ථානයේ විශ්ව ශක්තියක් ගැබ්ව ඇති බවත් කියවෙනවා.

නමුත් මුලාශ්‍ර වල සදහන් නොවන සගවා ඇති අපේ රටෙි ඉතිහාස කතා බොහො ඇති නිසා සමහර අය පිළිගන්නේ නෑ…. වසර අටදහසකට⁣ පෙර ඉතිහාසය ගැන සොයා යාම තරමි රසවත් කුතුහලය දනවන දෙයක් මට නමි නොමැති තරමි… එ තරමට මගේ සිත ඉතිහාසය පිළිබදව බැදී ඇත්තේ ගෞරවයක් එක්කමයි…. ඉතිං මං නමි එ දේවල් විස්වාස කරනවා…

මාතලේ කියන්නේ මම උපන් ප්‍රදේශය… මාතලේ ප්‍රධාන බස් නැවතුම අඹගහා ස්ටැන්ඩි එකෙන් දඹුල්ල බස් රථයකට උදැසනින්ම මම ගොඩ උනේ අපේ රටෙි හරි මැදට යන්න… තනිව ගිය ගමනක්, තනිව කිවුවට මගේ පුංචි ටෙඩිබෙයා බින්ඩිත් එක්ක…. බස්රථය පැමිණියෙ හෙමින් නිසා පැයකට වඩා වෙිලාවක් මට කිලොමිටර් 48 කණුව අසලට එන්න ගතවී තිබුණා…..

බස් රථයෙන් බැස ත්‍රිරොද රථයකින් මම ගෙඩිගේ ඇති භූමියට පැමිණියේ කුතුහලය වගේම එ ස්ථානය දැකගැණිමෙි ඇති ආසාවෙන් මුළු හිතම තව තවත් පිරි යද්දි… ත්‍රිරොද රථයෙන් පැමිණෙන විට එහි උපුල් නමි රියදුරු මහත්තයා මට මෙි භූමිය හා බැදි ඇති විශ්ව ශක්තිය පිළිබදවත් රාවණ රජුගේ සමිබන්දතාවයත් පැවසූවෙි මහත් භක්තියකන්….

හිතට දැණුනේ පුදුමාකාර නිදහසක්…. පොය දවසක් නිසා අනුරාධපුර යන නඬ කීපයක්ම මම යන විටත් එහි සිටියත් එහි නිස්කලංක බවට කිසිදු බලපෑමක් නෑ…. හිත නිවන භූමියක් නිසාම පැමිණි පිරිස්ගේ කතාබහා උවත් නැවතී තිබුණා…..

කැණිමකින් හමුවු ගල් උළුවස්සෙන් ඇතුල්වෙලා ගෙඩිගෙය ඇති භූමියට ඇතුල් උනේ හිතම අමුතු හැඟිමකින් පිරි යද්දි….. ගෙඩිගෙයට යන මාර්ගයේ මම බොහො වෙිලාවක් නැවති සිටියේ සියඹලා වගේම මා නොදන්නා තවත් ගස් කොලන්වලින් වගේම එ අසලම ඇති බෝවතැන්න ජලා⁣ශයෙන් හමා එන සිසිලස මදක් විද ගන්න හිතට නැගුණ ආශාව නිසා…

මාර්ගය දෙපස කැණිමි වලින් මතු කරගන්නා ලද ගල් කැටයමි බොහොමයක් තබා තිබෙනවා.. වම් පසින් එවැනි කැටයමි මතු කරගන්නට ඇතැයි සිතෙන එකල විහාර ගෙයක් තිබෙන්නට ඇතැයි සිතෙන නටබුන් දෙසත් බලා සිටි මම හෙමින් ඇවිද ගියා ඉදිරියට…. පුජා භූමි හැම තැනකම වගේ මෙතැනත් රිලවුන්ගෙන් නමි අඩුවක් නෑ….  ගෙඩිගෙය ඇති සංකීර්ණයට ඇතුල් වෙන තැනම ඇති පුවරුවටයි මගේ දැස් මුලින්ම යොමු උනේ…

” සිරි ලකඟන නැබ මඩුලු මෙන් ගැනෙන බිමි පෙදෙසේ පල්ලව ඉදිකිරිමි ආරට අටවන සියවසේ නිමහමි කරන ලදුව එදා සිට දෙස් විදෙස්හි මහාජන විමසුමට ලක්වු නාලන්ද ගෙඩිගෙය………..

ලෙසට පුවරුවක් දැකගන්න පුළුවන්…. එහි සදහන් වෙනවා කාන්තාවකගේ නැබ නොහොත් නාබිය ( පෙකනිය ) ලෙස යනුවෙන්… එයින් අරුත දක්වන්නේ ලංකාවෙි මැද ලෙස නොවෙිද…

අත්තිවාරමෙි ඉදන් වහලයත් සමගම සමිපුර්ණ ගල්ම පමණක් යොදා නිම කර තිබෙන නිසා මෙයට ගෙඩිගෙය යැයි පැවසෙනවා… මුලින්ම ඉදිකර ඇත්තේ අටවන සියවසයි දහා වන සියවසයි අතර කාලයේ , දැනට වසර 1350කට වඩා වැඩි කාලෙකට ඉහතදී බවත් , මෙය ඉදිකිරිමට හේතුව ලංකාවෙි හරි මැද නිගමනය කිරිමට බවත් , ලංකාවෙි මැද නිසා සෑදු ස්මාරකයක් බවත් පල්ලව ගෘහ නිර්මාණ ශිල්පයට අයත් විහාරයක් ලෙසත් එහි සිටි පුරාවිද්‍යා දෙපාර්තමේන්තුවේ මහත්මයෙකු මා හට පැවසූවා…

        නාලන්ද ගෙඩිගේ පුරාවිද්‍යා භූමියේ පිහිටි කෞතුකාගාරයේ තැනිපත්ව ඇති ටැම්ලිපියෙහි දක්වන්නේ විෂමාචාර ලෙස හැසිරෙන විහාර කාර්මිකයන් විහාර භූමියෙන් නෙරපිය යුතු බවත් මිනීමරුවන්, සොරුන් විහාර භූමියට වැද්ද නොගත යුතු බවත් විහාරයේ සියළු කටයුතු සංඝ සම්මුතියෙන් කළ යුතු බවත් එහි සදහන් බවයි පැවසෙන්නේ.. අක්ෂර විකාශනය අනුව මේ ලිපිය ක්‍රි.ව. 9-10 සියවස් වලට අයත් බව නිගමනය කර තිබෙනවා..

නාලන්ද ගෙඩිගේ මෑත කාලීන ඉතිහාසය සොයා බැලීමේදී ශ්‍රී ලංකාවේ පුරාවිද්‍යා කටයුතු සඳහා වෙනම දෙපාර්තමේන්තුවක් පිහිටවූ කාලයේදීම පුරාවිද්‍යා කොමසාරිස් H.C.P. බෙල් මහතාගේ අවධානය මෙයට යොමු වූ අතර ඒ යටතේ 1893 දී රජයේ පොදු වැඩ දෙපාර්තමේන්තුවෙන් පස්වලින් යටව තිබුණු ගෙඩිගේ දකුණු පස කොටස් රාශියක් පාදා ගන්නා ගෙන තිබෙනවා.

1911 දී බෙල් මහතා මෙහි පස් වලින් යටව තිබූ සියලු කොටස් පාදා ගත් අතර තහවුරු කිරීමකට උපයෝගි කරගත හැකි අන්දමින් එම කොටස් එතුමාගේ මග පෙන්වීමෙන් තැන්පත් කෙර ඇත. බෙල් මහතා විශ්‍රාම යාමත් සමග නැවතත් නාලන්දා ගෙඩිගේ පිලිබඳව අවධානය යොමු නොවුණු අතර සෙනරත් පරණවිතාන මහතාගේ සමයේදී එනම් 1953 දී ගෙඩිගෙයි මළුවේ පනා බැමි මතුකර ගෙන ඇති අතර පෙර දැක්වූ පරිදි ස්තූපයද ප්‍රතිසංස්කරණය කෙර ඇත.

පසුව ගෙඩිගේ ප්‍රතිසංස්කරණ කටයුතු කඩිනම් වූයේ 1970 දශකයේ කළ කඩිනම් මහවැලි සංවර්ධන ව්‍යාපාරයෙන්, ගෙඩිගේ තිබුණු කුඹුරු ප්‍රදේශය බෝවතැන්න ජලාශයට යටවීමට තිබුණු හෙයිණි. ඒ යටතේ ගෙඩිගෙය රැකගැනීමට මිසරයේ අස්වාන් වේල්ල ඉදිකිරීමේදී අබුසිම්බල් දෙවොල ගලවා ඉවත් කර වෙනත් ස්ථානයක ඉදිකළ පරිද්දෙන් සියළුම කොටස් වල සංකේත යොදා ගලෙන් ගල ගෙඩිගෙය ගලවා පුරාවිද්‍යා කාර්යාල භූමියේ තැන්පත් කෙර, එය ජලාශයට යට නොවන වෙනත් ස්ථානයක ස්ථාපිත කිරීමට යෝජනා වුව ද එම අදහස වෙනස් කර මුලින් පිහිටි ස්ථානයේම ඉදි කිිරීමට යෝජනාවි, එ අනුව පිහිටි ස්ථානයේ වෙිදිකාවක් ලෙස අඩි 23ක හතරැස් බිම්කඩක් හා ඒ උසින්ම මාර්ගයක් ඉදිකර ඒ මත නාලන්ද ගෙඩිගෙය සංරක්ෂණය සිදු කර තිබෙනවා…

නාලන්ද ගෙඩි ගෙය ශෛලමය නිර්මාණයක්.  දිගින් මීටර් 15  පමණ ද පළලින්  මීටර් 11  ක් පමණ ද වන පාදමක් සහිත වේදිකාවක්  මත මීටර් 10 පමණ උසට මේ ගොඩනැගිල්ල නිමවා තිබෙනවා… මේ පාදම කැටයම් සහිත ගල් වලින් නිමවා තිබෙනවා. වේදිකාවට වැටෙන ජලය පිට කිරීමට සිංහ කැටයමින් අලංකාර කර ඇති පිහිලිද දැකගන්න පුළුවන්… 

ක්‍රි.ව. 6 වැනි සියවසේ සිට ක්‍රි.ව. 9 වැනි සියවස දක්වා ඉන්දියාවේ පල්ලව අධිරාජ්‍යය සමයේ පැවැති පල්ලව ගෘහ නිර්මාණ ශිල්පය වර්ධනය වුණා. එහි දියුණුතම අවදිය ලෙස සැලකෙන නරසිංහවර්මන් (මාමල්ල ශෛලිය) රජුගේ කාලයේ ගෘහ නිර්මාණ ශෛලියට අනුව ගෙඩිගේ නිර්මාණය කර තිබෙනවා. දකුණු ඉන්දියාවේ පාලර් නදී මුවදොර, මහාබලිපුරම්හි කඳුගැටයක පිහිටි මාමල්ල ශෛලියේ නිර්මාණ සම්පූර්ණ කළු ගලින් නිමවා තිබෙනවා.  ඒ අතර නාලන්දට සමාන ගොඩනැගිලි හමුවෙනවා. මෙහි වහලය ශිඛරයක් ආකාරයෙන් සකස් කර තිබෙනවා. ශෛලමය වහල ශිඛරයක් ලෙසින් නිර්මාණය කිරීම පල්ලව ගෘහ නිර්මාණ ශිල්පයේ අනන්‍යතාව දක්වන සලකුණක්. මේ ලක්ෂණ නිසාම නාලන්ද ගෙඩිගෙය පල්ලව සම්ප්‍රදායට අයත් යැයි පිළිගැනෙනවා.

මෙය හින්දු මෙන්ම බෞද්ධ වාස්තු විද්‍යාත්මක ලක්ෂණ ද ඇතුළත් ගොඩනැගිල්ලක්. ගොඩනැගිල්ලේ ඉදිරිපස පිවිසුම බෞද්ධ විහාරයක් මෙන් නිර්මාණය කර තිබෙනවා. එහි ප්‍රවේශය සඳකඩ පහණ, කොරවක්ගල, සහ පියගැටපෙළකින් යුක්ත යි. කොරවක් ගලෙහි ලියවැලකින් යුක්ත මකර රුවක් ද කැටයම් කර තිබෙනවා.

බොහො දෙනෙක් නාලන්ද ගෙඩිගේ ගැන කතා කරන විට උනන්දුවක් දක්වන කැටයමක් තමයි ලිංගික ඉරියවුවක් දැක්වෙන කැටයම…. ඉන්දියාවේ කාජුරාහෝ වැනි දේවාලවල විවිධ ලිංගික ඉරියව් සුලබ නමුත් ලංකාවේ ඒවා හමුවන එකම ස්ථානය නාලන්ද පමණයි. මෙහි බිත්තියේ පහළ පේකඩයක තුන්දෙනෙක් පසුපසින් ලිංගිකව රමණය කරන ආකාරය දැක්වෙනවා. මෙම ස්ථානයේ කණුවක දක්නට තිබූ මෙවන් තවත් කැටයමක් පිළිබඳ 1910-11 වර්ෂ සඳහා වූ එච්. සී. පී. බෙල් මහතාගේ පුරාවිද්‍යා ගවේෂණ වාර්තාවේ සඳහන් වන මුත් එය මේ වන විට සොයාගැනිමට නැහැ. මෙම ලිංගික කැටයම් නිසා මේ ස්ථානය තාන්ත්‍රික බෞද්ධ ඇදහීම් සිදු කළ ස්ථානයක් ලෙස සමහරු පවසනවා. ථෙරවාද බුදුදහමේ මෙවැනි ඉරියව් සහිත කැටයම් අනුමත කරන්නේ නැහැ..

ගර්භ ගෘහය වර්ග මීටර් 8ක් 10 ක් පමණ වන කුඩා එකක්… එහි මැද  පද්මාසනයක් මත වැඩ හිඳින හිටි බුදු පිළිමයක්, පසෙකින් ඉහල කොටස හානියට පත්ව ඇති තවත් හිටි පිළිමයක කොටසක් හා අනෙක් පසින් හානියට පත්වූ තවත් පිළිමයක කොටස් කීපයක් දැකගත හැකියි. මේ බෞද්ධ ප්‍රතිමා වලට අතිරේකව ගණ දෙවි පිළිමයක් හා අවලෝකිතේශ්වර බෝධිසත්ව පිළිමයක් ද මේ කුටිය තුල තැන්පත් කොට තිබෙනවා.. ගර්භ ගෘහයේ පිටත බිත්ති ද කැටයම් වලින් යුක්තයි.. ගෝ පුරක් වැනි වහල කොටස ද ගල් වලින්ම නිර්මාණය කොට තිබෙනවා… වහල කොටසේ දෙපස ඉහලින් කැටයම් සහිත උල් හැඩයේ ගල් දෙකක් පිහිටුවා තිබෙනවා…  බිත්තිවල ද විවිධ කැටයම් ඇති අතර එක් කැටයමක් කුවේරගේ රුවක් යයි  සිතිය හැකයි බොහො අය පවසනවා…. අනෙක් පස කැටයම හඳුනා ගත නොහැකියි..    

නාලන්ද ථෙරවාද හෝ මහායාන බුදු දහම සරණ ගිය බැති මතුන්ට මෙන්ම හින්දු ආගම අදහන බැතිමතුන්ට ද පොදුවේ වන්දනා මාන කළහැකිව තිබූ ආගමික මධ්‍යස්ථානයක්ව තිබෙන්නට ඇතැයි මෙහි දක්නට ලැබෙන කැටයම් හා ප්‍රතිමා අනුව විශ්වාස කළ හැකියි…

මෙයත් පැවසිය යුතුමයි… කාල පරාසයක් හරි හැටි නිගමනය කල නොහැකි පුරාවිද්‍යා වටිනාකමක් ඇති තැනක් නැවත ගලවා සවි කිරිම කලත් එය ප්‍රතිනිර්මාණයක් නිසා පෙර තිබුණු පෞරාණික බව නැතිවන බවයි මගේ අදහස… පිටතින් නොපෙණුනත් පෙර තිබු ලෙසටම නැවත සැකසූවත් හුබස් මැටි , එළගොම, දහයියා අළු වගේම ගස්වල ලාටු දමා සාදා ගන්නා බදාමය වෙනුවට ⁣සිමෙන්ති යොදා සැකසීම ගැලපෙන්නේදැයි සිතිම ඔබටත් බාරයි… ජලාශය නිසා ⁣වටිනා ස්මාරකයක් ගලවා නැවත සවි කරිම වෙනුවට එකල එ වැය කල මුදලින් ජලා⁣ශයේ ජලය කාන්දු නොවිමට බැමිමක් සැකසුවා නමි කොයිතරමි අගනේදැයි කනගාටුවෙන් උවත් සිතුනා මට…

ඈත අතීතයේ සිටම එන විස්වාසනිය පුරාවෘත කතා නමි පුරාවිද්‍යා දෙපාර්තමේන්තුවේ නිළදාරින් විස්වාස නොකරන බවත් එහි ගිය මොහොතේ මා හට වැටහිණා.. ඔවුන් රාවණ යුගයක් ලක්දිව තිබු බව එක හෙලාම හැල්ලුවට ලක් කර ප්‍රතික්ෂේප කරන්නේ අපේම අවාසනාවටදැයි මොහොතකට මට සිතුනා…. රටෙි ඉතිහාසය පත පොතේ පමණක් සදහන් විය යුතුමද? පුරාවෘත කතා නිකමි කතා විතරමද? ඇත්තෙන්ම බොහො අය පවසනා ලෙස නාලන්ද ගෙඩිගෙය විශ්ව ශක්තිය ගැබිව ඇති ස්ථානයක්ද?.. රාවණ රජු ඔහුගේ පුත් ඉන්ද්‍රජිත් හා විශ්‍රවස් මුණි වගේම අප කවුරුත් විස්වාස කරන බහිරවයා නොහොත් කුවෙරගේ සමිබන්දකමක් මෙහි නොමැතිදැයි සිතිමත් සත්‍ය පුරාවිද්‍යා දෙපාර්තමේන්තුවේන් පවසනා දෙය පමණක්මදැයි සිතිම ඔබටම මා බාර කරනවා…

යාපනේ නුවර A9 මාර්ගයේ යන ඔබ අමතක නොකර ගොඩවෙන්න නාලන්ද කිලොමිටර් 48 කණුව ආසන්නයේ ඇති නාලන්ද ගෙඩිගෙය නරඹන්න…. හිතන්න ඔබට භාරයි..

නිසංසලා රණසිංහ

ජීවිතාවර්ජනය තුළින් මත් රකුසාට බිලි වී අඳුරු  කාලපරිච්ඡේදයක් පසුකරමින්, එයින් මිදී යහපත් ජීවිත ගත කරන ජීවිතවල පසු විපරමක් සති කිහිපයක් පුරාවට පාඨක ඔබ හමුවට ගෙන එනු ලැබුවා. අද පාඨක ඔබ වෙත ගෙන එනු ලබන්නේ වෙනස්ම වූ කථාවක්. ඔවුන් එසේ මත් රකුසාගෙන් මිදීමට ඔවුන්ට මහඟු අත්වැලක් වූ  ඔවුන්ගේ ආදරණීයයන් අපට කිසි විටෙකත් අමතක කළ නොහැකියි. තුන්සිය හැටපස් දවසෙම මත් වී සිටි මිනිසුන් සමග එක වහලක් යට ජීවත් වූ ඔවුන්ගේ ආදරණීයයන් ශාරීරික හා මානසික තාඩන පීඩනයන්ට ලක් වෙමින් ඔවුන් වෙනුවෙන් කළ කැපකිරීම සහ දුක් ගැහැට ගැන කෙරෙන කතා බහයි මේ. අද මාත් සමග මේ සාකච්ඡාවට එකතු වන්නේ මීට සති කිහිපයකට පෙර ජීවිතාවර්ජනය තුළින් අපට මුණගැසුණු සහෘදයකුගේ බිරිඳක්. මෙහි එන නම් ගම් මනංකල්පිත වන අතර  අනෙකුත්දෑ සත්‍ය සිදුවීම් වේ

1. ඔබ ගැන හැඳින්වීමක් කරන්න.

මට චම්පි කියන්න. ගම ගම්පහ. වයස අවුරුදු තිස් නවයයි. අවුරුදු දාහතරක පුතෙකුයි, අවුරුදු එකොළහක දුවෙකුයි ඉන්නවා.

2.  විවාහ වෙලා කොච්චර කල්ද? ඔහු ගැන විස්තරයක් කියන්න.

දැනට විවාහ වෙලා අවුරුදු 15 ක් වෙනවා. අවුරුදු 7 ක් ආදරය කරලා තමයි විවාහ වුනේ. එයා පවුලේ එකම දරුවා. අයියා කෙනෙක් හිටියා , එත් අයියා අවුරුදු 21 දි ඩෙ0ගු හැදිලා මැරුනා. ඔහු හොඳ රැකියාව ක් කලා. එතකොටත් ඔහු මත්පැන් ගත්තා. ඒත් ඇබ්බැහි වෙලා හිටියෙ නැහැ.

3.කොහොමද එතකොට ඔයාගේ සැමියා මත්පැන් වලට ඇබ්බැහි වුනේ.

එයා කරපු රැකියාව නිසා නිතරම customer entertainments වලට එලියට යන්න උනා. ඒ යන්නෙත් NCC SSC වගේ තැන් වලට. සිකුරාදා කියන දවස එනවට වත් මම ඔය කාලෙ කැමති වුනේ නැහැ. ඔහොම කාලයක් යද්දි රැකියාවේ පොඩි පොඩි ප්‍රශ්න ඇති වෙනකොට එයා හරියට frustrate වෙනවා. එතකොට එයා බියර් බීලා පරක්කු වෙලා ගෙදර එන්න ගත්තා. හැමදාම එහෙම වෙද්දි මාත් රන්ඩු වුණ. එතකොට එයා තවත් රෑ වෙලා ගෙදර එන්න වුනා.  ඔක තමයි ඇබ්බැහි වීමෙ මුල.

4. ඔබට හා දරුවන්ට ඔහු නිසා විඳින්න වුන හිරිහැර අපහසුතා මොනවාද?

සතියකට දවස් හතරක් විතර රෑවෙලා බීලා එන කෙනා ඊට පස්සේ දවස ගානේ රෑවෙලා ගෙදර එන්න පටන් ගත්තා. මට ජීවිතේ එපා වෙලා තිබුනේ. එයාට මං ගොඩක් සැරයක් බීම නවත්තන්න කියලා කියලා තියෙනවා. හොදින් ඉන්න වෙලාවට හා කියලත් කියනවා. ඒත් හවස් වෙද්දි  යාලුවො කතා කලාම ඒ හැම දේම අමතකයි. ඊට පස්සේ ඉතින් රෑ වෙලා බීලා ගෙදර ආවම පොඩි දේවල් අල්ලගෙන අන්තිමට ලොකුවට රණ්ඩු වෙනවා. සිංහල හෝඩියේ ලස්සනම වචන ටික එළියට එනවා. නිදාගෙන ඉන්න බබාලා හැරෙනවා. සමහර දවස් තිබ්බා මහ රෑ ඇවිත් රණ්ඩුවෙලා බබාලට පහුවදා ඉස්කෝලෙ යන්නත් නැහැ. තව සමහර දවස් තිබ්බා පහුවදාට බබාලට tarm test ඒත් ඇවිත් රණ්ඩු වෙනවා. පවු මගෙ දරුවො කොහොම විභාගයට උත්තර දෙනවා ඇතිද කියලා මම  පහුවදා ට අඬ අඬා හිතනවා. තවත් දවසක අලුත් අවුරුද්දට ඉස්කෝලේ යන පලවෙනි දවස, මං හැම දෙයක්ම ලෑස්ති කරලා බබාලත් නිදාගෙන තමයි හිටියෙ එදා. පුරුදු විදිහටම බීලා ඇවිත් රණ්ඩු වෙලා බබාලට ඉස්කෝලේ යන්න බැරි වුණා. ඔය වගේ සිද්ධීන් තමයි බබාලට උනේ. එයාලා ගොඩක් මානසිකව වැටිලා හිටියේ. මමත් ජීවිතය ගැන ලොකු කලකිරීමකින් හිටියෙ. කීප සැරයක්ම කියලා තියෙනවා අපි වෙන්වෙමු කියලා. එයා ඒකට කැමති වුනෙත් නැහැ. මමත් chances දිදී දිදී හිටියා. අද හරියයි හෙට හරියයි කියලා බලන් හිටියා. ආර්ථික අපහසුතාවයන් ආවා ඒත් එයාට බොන්න අතේ සල්ලි තිබුණා. ගෙදර දරුවන්ගේ අවශ්‍යතා ඉෂ්ට කළා ඒත් ණය කන්දක් ගොඩගැහුනා. අවුරුදු  හතක් වගේ කාලයක් කදී තමයි මේ සිද්ධීන් සිදු වුණේ. මේ කාලය ඇතුළත මම එයාගෙ බීම නවත්වන්න බෙහෙත් අරන් දුන්නා. counciling එක්කන් ගියා. මට පුළුවන් හැම දෙයක්ම කළා. ඒත් ඒ හැම දෙයක්ම ටික කාලයක් විතරයි. ඉතින් ගැහැණු ඉවසල ඉවසලා ගන්න තීරණ හරි දරුණුයි කියනවානෙ.. ඒ වගේ මටත් එපා වෙන දවසක් ආවා. ඒ කොරෝනා දවස්වල. මුළු රටේම ඇඳිරි නීතිය දාලා හැබැයි මේයා ගෙදර නෑ.  මම තීරණයක් අරගෙන තිබුනෙ අයින් වෙන්න. ඔය අතරේ එයාගේ  ඉස්කෝලෙ යාලුවො මේ ප්‍රශ්නෙ ටිකක් දැනගෙන එයාට කතා කළා. ඊට පස්සේ නිර්නාමික මත් ලෝලීන් මුදවාගැනීමේ සංසදයට යොමු කලා. මාස තුනක් විතර නොබී හිටියා. ඒ කාලෙ අත්තටම අපි සතුටින් හිටියා. ඒත් එයට ජොබ් එක නැති වුනා. ආයෙත් පරන ජීවිතේටම ගියා. එයාට මේක නවත්තන්න ඕන වුනත් ඒක කරන්න පුළුවන් කමක් තිබුණෙ නැහැ තනියම. ඊට පස්සේ ආයෙත් ප්‍රශ්න ඇති වෙන්න ගත්තා. මං එයාගෙන් separate වුණා. ඊට පස්සේ මම මාස හතරක් විතර එයා rehab වෙන්න යනකම් බබාලත් එක්ක තනියම හිටියෙ.

5. පුනරුත්ථාපනය වුන කාල සීමාව ගැන විස්තර කිව්වොත්..

ඇත්තටම පුනරුත්ථාපනය වෙන්න යනවා කියලා මට එයා කිව්වෙත් ඊට කලින් දවසේ.  එයාට පවුල කියන දේ ඕන උන කෙනෙක්. එයාට හිතුනලු  පුනරුත්ථාපනය නො වුණොත් එයාට මේ හැම දෙයක්ම නැති වෙනවා කියලා. ඉතිං ඒ තීරණයට මමත් කැමති වුණා. මට ඒ වෙනකොට එයා ගැන කිසිම හැඟීමක් වත් තිබුනේ නැහැ. ඉතින් එයාගේ කරදර නැති වෙන එක ගැනම මං සතුටු උනා.

එයාගෙ යාලුවො  දෙන්නෙ පහුවදා උදේ ඇවිල්ලා එයාව එක්කගෙන ගියා. එයාව එතන center එකට දාලා මට කෝල් කරලා විස්තර කිව්වා. ගිය ගමන් සුදු සරමකුයි ෂර්ට් එකකුයි අඳින්න දීලා කොණ්ඩෙ තට්ටෙ ගෑවා කියලා. එයාලටත් ඒක දැකලා දුක හිතුනා කිව්වා. ඒ විස්තර මට කෝල් කරල කිව්වෙ මමත් ඔෆිස් එකේ ඉන්න ගමන්. මටත් වැඩ කරන්න mood එකක් තිබුනේ  නැහැ. ඉක්මනින් ගෙදර ආවා. කොච්චර ඉන්නකම් අපිට කරදර කලත් තව මාස නමයකට එයා නෑ කියලා හිතුනහම පුදුම දුකක් ඇති වුණා. මමයි බබාලා දෙන්නයි එදා රෑ හොදයම ඇඬුවා. ඒ මාස නමයෙ කාලෙ ඇතුළත මට ගොඩක් ප්‍රශ්න විසඳ ගන්න තිබුණා. ඒ හැම දෙයක්ම අඬඅඬා විසඳ ගන්නකොට එයා ගැන තරහකුත් ඇති වුන වෙලාවල් තිබුණා. එයා නිසා නෙ මේහැම දෙයක්ම මට තනියම කරන්න වුනේ කියලා. ඒ center එකෙන් මාසෙකට දවසක් පැය භාගයක් එයාව බලන්න අවසර දුන්නා. ඊට අමතරව හතර වෙනි සතියේ විනාඩි පහක් කතා කරන්න දුන්නා. ඒ දවස් දෙක එනකන් කොච්චර වුණත් මම යි බබාලයි බලාගෙන හිටියා. අපි තුන්දෙනා හැමදාම දෙවියන්ගෙන් ඉල්ලුවා එයාව හොඳ මනුස්සයෙක් කරන්න කියලා.

6. දැන් ඔබ ඔහුත් සමග ගෙවන ජීවිතය මොන වගේද ?

ඇත්තටම කියන්න සතුටුයි. එයා එනකොට මං අපි කලින් ජීවත් වුන ප්‍රදේශය වෙනස් කලා. එයා ඒ වෙනසට කැමති වුනා. පුනරුත්ථාපනය වෙලා ඇවිත් දැන් අවුරුද්දක් වෙනවා. දැන් අපි පුදුම සතුටින් සැහැල්ලුවෙන් ජිවත් වෙනවා. අපේ දරුවො විදින සතුට සැහැල්ලුව දැක්කහම වචන කරන්න බැරි තරම් සතුටුයි.  මම දරුවෝ නිසා වෙන් නොවී කරපු කැපකිරීම් ගැන මට සතුටුයි. මොකද ඒ කැපකිරීම වලට දැන් වටිනාකමක් ලැබෙනවා. හැම අඳුරු වලාවකම රිදී  රේඛවක් ඇදෙනවා වගේ .. අපේ ජීවිතත් දැන් එලිය වෙලා.

7. මතට ඇබ්බැහිවූවන් සමග ජීවත්වන ආදරණීයයන්ට ඔබට කුමක්ද කියන්න තියෙන.

 එක එක්කෙනාට තියෙන්නේ වෙනස් විදිහේ කතාවක්. ඒ පවුලේ අය, බිරිඳ දරුවන් දෙමව්පියන්  මුහුණදෙන ප්‍රශ්න විවිධාකාරයි. ඉවසීමෙන් මුහුණ දිය හැකි ප්‍රශ්න වගේම එසේ නොවන ප්‍රශ්නයක් මේ අතර තියෙනවා. මතට ඇබ්බැහි වූ කෙනාව ඔහුගේ කැමැත්ත ඇතිව පුනරුත්ථාපනය කරන්නට සුදුසු ස්ථානයකට යොමු කරන. ඒ තුළින් ඔහුට තවත් අවස්ථාවක් ලබා දෙන්න. ඒ තුළින් ඔබට යහපත් ප්‍රතිඵලයක් නොලැබුණහොත් ඔබේ තීරණය ක්‍රියාත්මක කරන්න. මොකද ඔබට තිබෙන්නේ එක ජීවිතයක් පමණයි. ජීවිතයේ සතුට මග හැර නොගන්න.

                        ස්තුතියි

               පියුමි සිල්වා