නිවනට යන්න යැයි කියමින් රගපාතී
ආගිය මගතොටත් මතකයේ නැතී
දරුවන්, පවුල ලෝකෙට පරකාසයෙකි
එහෙමයි සමහරුන්ගේ සීලයේ හැටී
දෙසවන් පුරා වෑහෙන මී පැණි වාගේ
වදනින් වදන පෑ අනුනගේ මතවාදේ
දරුවන් වැදූ ගැහැනුත් ඇත ඒ වාගේ
දරුසිතකවත් දුක දන්නැති මරගාතේ
ලෝකෙට සොබා සිරියෙන් හිනාවෙවී
අනුනගේ ඇදකුදෙනුත් තව පිරි ඉතිරී
සියොලග පුරාවෙන් වෑහෙන නුගුණ වෙතී
දහමයි සොබාවයි දවසෙක කියාදෙතී…
කරනට එපා කාහටවත් අපහාස
නගනට එපා අනුනට දෙස් දොස් දීම
කර්මය උනත් නැහැ වැඩි සෙල්ලම් පෑම
මැරෙනා ටිකට ඇයි මේ කැටයම් ලෑම…
රීනා
අඩ සඳ වුවද කළු අහසට මනරම්ය
සේපාලිකා සුවඳ බිම වැටුණට අඩු නැතිය
තරවටු නෙතක් ගොළු මුවකට සෑහේය
සැමදා නැතත් නුඹෙ වදනද රන් සේය…
නිදහස විඳින දඟ කෙහෙරැල් මද පවනේ
සංකාවෙන් සොයයි නුඹෙ දෑඟිලි තුඩු පහසේ
නොදැනිම සොයන නුඹෙ රුව මහ දන අතරේ
නොකියා කියයි නුඹ රැඳි යුරු හිත අස්සේ…
නොකියන වදන් ප්රේමය ගැන හැමතිස්සේ
ඉඳ හිට වැටෙන පොද වැස්සක සැඟවූයේ
ළඟ හිඳ වැළඳ නොකලද හද රැඳි විලසේ
ප්රේමයෙ තරම දැනුනෙ නුඹ දුරකට ගිය දවසේ…
සුරේඛා
නැතත් ලෝගුව කරේ ලාගෙන – උපාධිය ගන්නට
දුකක් නෑ මට ෆොටෝ එක හැක – පසුව අරගන්නට
ටිකක් සරසවි බිමේ සුළඟක – පහස විඳගන්නට
ඇතොත් ඇති. ඒ වුණත් නැති එක – නම් දුකයි හිතකට
අදින් පසු හමු නොවනු ඇත – යහලුවන් එක කැලකට
දකින්නටවත් නොමැති වෙයි – සමහරුන් ටික කලකට
නමුත් කාලය ඉගිළ යයි අපි – හමුවේවි විගහට
ඉතින් සුපැතුම් මිතුර,මිතුරිය – සුබම හෙට දිනකට!
තාරක ජයතිලක
ජීවිතේ විදින්න
ආදරේ කරන්න
එකවරක් ලැබුනු මේ
ආත්මයම දරාගන්න…
එපා සිත ලතවන්න
වඩා සිප වැළදගෙන
ලැබුනු මේ ජීවිතේ
හැමදාම සැනහෙන්න…
අත්හැරෙන බැමි ළිහෙන
සබදකම් නවතන්න
සිතින් දෝතින් වඩා
ඒහුස්ම රැකගන්න…
රිදවනා හඩවනා
මතක දොර අගුළුලා
නවලු මං පෙතක් වෙත
ජීවිතය පදවන්න…
කොතැන කොයි මොහොතෙ හෝ
තණග පිණි පොද සිදී
ජීවිතේ අවසන් සුසුම් පොද
වියැකී යයි මැකී…
එදින ලතැවී නොවී
සිනාමුවෙකින් යන්න
එක්වරෙක ලැබුනු මේ
ජීවිතය විදින්න…
රීනා
අමතක කරන්නෙපා
ජීවිතේ මඟ දාල ගිය මිනිස්සු,
එයාල අපිට ජීවිතේ
නැගිටින හැටි කියල දුන්නා …
අමතක කරන්නෙපා
ඇස්වලට කඳුළු දීපු මිනිස්සු
එයාල අපිට
දරාගන්න කියල දුන්නා …
අමතක කරන්නෙපා
බොරු කරපු මිනිස්සු
එයාල අපිට
සත්ය පෙන්නලා දුන්නා …
අමතක කරන්නෙපා
චෝදනා කරපු මිනිස්සු
එයාල අපිට ජීවිතේ ගැන
කියලා දුන්නා …
අමතක කරන්නෙපා
අපිට බලාපොරොත්තු
දීපු මිනිස්සු,
එයාලා අපිට අරමුණු වලට යන්න
කියලා දුන්නා …
අමතක කරන්නෙපා
තැන තැන වැරදි කියපු මිනිස්සු,
එයාලා අපිට
මිනිසුන්ගේ හැටි කියලා දුන්නා …
හැබැයි කවදාවත්
අමතක කරන්නෙපා
මුළ අමතක කරපු මිනිස්සු
එයාල අපිට
සසරේ දුක කියලා දුන්නා …
ගගන ගුරුගේ
අපේ ජීවිතය තාක්ෂණය නැතිව අද යමක් කරන්න පුළුවන්ද? දුරකථනය, අන්තර්ජාලය, සමාජ ජාල, QR කේත, Smart TV, AI… මේවා හැමදාම අපට මුණ ගැසෙන දේවල්. නව තාක්ෂණය කියන්නේ අදටත් ඉස්සරහටත් ලෝකය හැරවෙන්න හේතුවක්.
2025 නව තාක්ෂණ ප්රවණතා
ChatGPT වගේ AI සෙරියාවන් දැන් පමණක් නොව, ව්යාපාර, වෛද්ය, අධ්යාපන, පරිගණක ක්රීඩා වැනි ක්ෂේත්ර සියල්ලකට ඇතුල් වෙලා තියෙන්නේ. AI මඟින් now ඔබට ලිපි, කවි, ක්රමලේඛනය, විභාග සදහා උදව් වගේ දේවල් ඉතා ඉක්මනින් කරගන්න පුළුවන්.
ලොව පුරා කර්මාන්තශාලාවල වැඩ කරන යන්ත්ර, රෝහල් වල රෝගීන්ට සේවය කරන රොබෝ, පරිස්සමෙන් වාහන තැනෙන අයුරු මේවා දැන් යථාර්ථයක්. Soft robotics කියන නව ක්ෂේත්රය මඟින් මිනිස්සෙකු වගේ ගමන් කරන සහ වැඩ කරන යන්ත්රයන් හදනවා.
Smartwatch, Smart Glasses, Smart Home Devices වගේ දේවල් මේ වන විට සාමාන්යයි. 2025දී මේවා AI එකත් එක්ක තව දියුණු වෙලා, ඔබේ මනෝභාව හඳුනාගෙන ක්රියාකරන්නද හැකිවෙයි.
AR සහ VR තාක්ෂණය දැන් ක්රීඩා, අධ්යාපන, නිර්මාණ, වෛද්ය ආදී ක්ෂේත්ර වල භාවිතා වෙනවා. 2025දී මේවා ඔස්සේ ඔබට විශිෂ්ටව පුහුණු වීමට, සංචාර යාමටත් ඉඩ ලැබේවි.
තිරසාරතාවය සඳහා හොඳ තාක්ෂණ මෙහෙමයි. එලියෙන් විදුලිය ලබාගන්න සූර්ය පැනල්, විදුලි වාහන, smart energy systems වගේ දේවල් 2025දී තවත් ජනප්රිය වෙනවා.
අපේ ජීවිතයේ බලපෑම්
නව තාක්ෂණය කියන්නේ අනාගතයයි. ඒක බියවෙන්නක් නෙවෙයි — උගන්වගන්න, වැඩ පහසුකරන්න, ලෝකය එකට ගන්න මාර්ගයක්. හැබැයි ඒවා නිවැරදිව, වගකීමෙන් භාවිතා කරන්නම ඕනේ.
GSK
