Category: Catholic

(ගීතාවලිය :25 – 22)

දෙවියන්වහන්ස, ඊශ්‍රායෙල් ඔහුගේ සියලු දුක්වලින් මිදුව මැනව.

ඇත්තෙන්ම මම අද දවසේ ඔබත් සමඟ බෙදාගන්නට සිතුවේ ඔබගේ ජීවිතයේ සෑම දුකක්ම සෑම වේදනාවක්ම දෙවියන්වහන්සේ හට භාර දෙන්න කියාය.ඇත්තෙන්ම අපි ඉහත බැලු බයිබල් පදයට අනුව අපිට පෙනී යන දෙයක් නම් අද සමාජයේ අපිට අපගේ දුකක්,ප්‍රශ්නයක් ගැන කියන්න කෙනෙක් නොමැති කාලයක ඔබගේ ප්‍රශ්නය ගැන කතා කරන්න කියන්න විශ්වාසවන්තම කෙනෙක් සිටිනවා.ඉහත බයිබල් පදයට අනුව අපි දකිනවා ඊශ්‍රායල් සෙනග කරන්නාවු කන්නලව්ව.ඉන් මා ඔබට කියන දෙයනම් ඔබගේ ජීවිතයේ ඔබට තිබෙන ප්‍රශ්න,වේදනා සියල්ල භාර දෙන්න යේසුස් හට.උන්වහන්සේ ඔබව පිළිගෙන ඔබට ආශිර්වාද කරනවා ඇත.

ඉතින් ඔබ මොහොතක් කල්පනා කරන්න ඔබගේ ජීවිතයට ජය දෙන ඔබව විශ්වාස කරන ඔබට ඇහුම්කන් දෙන කෙනෙකු සිටීම කොපමණ යහපත් දෙයක්ද කියා.ඉතින් ඔබ තවත් දුක් විය යුතු නැහැ මක්නිසාද ඔබ දෙවියන්වහන්සේව තදින් අල්ල ගන්න උන්වහන්සේ ඔබට ජය දෙනවා ඇත.

ඒවගේම ඉහත බයිබල් පදය දෙස බලන විට ඔබට සිතිය හැකියි මෙම පදය ඔබට අදාළ නැතැයි කියා.මෙය අයිති ඊශ්‍රායල්වරුන්ට පමණක් බව ඔබ සිතනවා වන්නට පුළුවන්.නමුත් මෙම පදය අපි සියලු දෙනාටම අදාළයි.හොදයි අපි තවත් දේව වචනයක් දෙස අපගේ හදවත යොමු කරමු.

(යෙරෙමියා :32 – 27)

බලව, මම මාංසමයවූ සියල්ලන්ගේ දෙවියන්වහන්සේ වන ස්වාමීන්වහන්සේය.මට කරන්ට අමාරුවූ කිසි දෙයක් ඇද්ද? 

ඉතින් ඔබ මොහොතක් කල්පනා කරන්න උන්වහන්සේ අපි සැවොමගේ දෙවියන්වහන්සේ බව.උන්වහන්සේ අපි හැමෝම වෙනුවෙන් ජීවිතය පූජා කරපු දෙවිඳුන් ලෙසට උන්වහන්සේ අපි හැමෝටම පුදුම ලෙස ප්‍රේම කරන යේසුස්වහන්ස වේ.

ඉතින් අවසාන වශයෙන් ඔබට කියන්නට තිබෙන්නේ යේසුස් වහන්සේව විශ්වාස කරමින් ඔබගේ සෑම දුකක්ම උන්වහන්සේට භාර දී ජීවිතය ජය ගන්න.

ඔබ සැමට ජේසු පිහිටයි!

(1 යොහන්- 3 : 2)

 “ප්‍රේමවන්තයෙනි, දැන් අපි දෙවියන්වහන්සේගේ දරුවෝය, අපි කොයි ආකාර අය වන්නෙමුදැයි තවම ප්‍රකාශවී නැත. උන්වහන්සේ ප්‍රකාශවුණාම අපි උන්වහන්සේට සමානවන බව දනිමුව; මක්නිසාද උන්වහන්සේ සිටින ආකාරයටම අපි උන්වහන්සේ දකින්නෙමුව.”

ප්‍රේමවන්ත සහෝදර සහෝදරයෙනි අද දවසේ මා කතා කරන්න යන්නා වූ පණිවිඩය දෙස ඔබගේ මනස ඉතා හොඳින් යොමු කරන ලෙස මම ඉල්ලා සිටිමි. ඔබ මොහොතක් නතර වී ඉතා හොඳින් කල්පනා කර බලන්න මා ඉහත ඉදිරිපත් කර තිබෙන්නා වූ දේව වචනය දෙස.

ඔබ ඔබ ගැන කල්පනා කර බලන්න ඔබ ඔබටම  දෝෂාරෝපණය කරනවා ද?නැතිනම් ඔබ දෙවියන් වහන්සේ ඉදිරියේ නිර්භීතව සිට ගන්න පුළුවන් කෙනෙක් ද කියාය.

ඔබට ජීවිතය ජය ගැනීමට නම් ඔබ ඔබගේ දැඩි සිත පහකරගත යුතු වෙනවා.එවිට ඔබට දෙවියන් වහන්සේගේ බලවත් පුදුම ආශිර්වාදයන් වලට හිමිකම් කීමට හැකියාව ලැබේ.

(යෙසාය – 66 : 2)

“මේ සියල්ල මාගේ අතින් සාදනලද්දේය, එසේ මේ සියල්ල සිදුවීයයි ස්වාමීන්වහන්සේ කියනසේක.එහෙත් යටහත්වූ, තැළුණු ආත්මයක් ඇත්තාවූ, මාගේ වචනයට වෙවුලන්නාවූ මනුෂ්‍යයා දෙස බලමි.”

මොහොතක් මෙම පදය දෙසට ඔබගේ නෙත් යොමු කරන ලෙසට මා ඔබගෙන් ඉල්ලා සිටිනවා.මෙහිදී දෙවියන් වහන්සේ අපට පෙන්වා දෙන්නේ කුමක්ද?…බලන්න මෙම ස්ථානයේදී අපට පෙන්වනවා දෙවියන් වහන්සේගේ වචනයට අප කොපමණ බයෙන් සිටිය යුතුද, උන්වහන්සේගේ වචනය තුළ අප ජීවත් වෙනවා නම් උන්වහන්සේ අප දෙස බලන බව මෙම පදයෙන් පවසනවා.

ඉතින් එම නිසාම මොහොතක් මේ ගැන කල්පනා කරමින් ඔබගේ ජීවිතය වෙනස් කරගන්න.ඔබගේ ජීවිතයේ වෙනසක් ඇතිවීමට නම් ඔබ වෙනස් විය යුතුය.

(හිතෝපදේශ- 6 : 14,15)

 “ඔහුගේ හිතේ ප්‍රයෝගය ඇත්තේය, ඔහු නිතරම නපුර යොදා, භේද පතුරුවයි.එබැවින් ඔහුගේ විනාශය හදිසියෙන් පැමිණෙයි; ගැළවීමක් නැතුව ඔහු මොහොතකින් පොඩිකරනු ලබයි.”

හොඳයි ඔබ මේ ගැන කල්පනා කර තිබෙනවද?..ඔබගේ නොවෙනස්වන ජීවිතය නිසා ඔබ පමණක් නොව ඔබ නිසා තව බොහෝ දෙනෙකුගේ ජීවිතය විනාශ වනු ඇත.ඉතින් ඔබ අද තීරණයක් ගන්න ජීවිතය වෙනස් කරගන්න.එවිට ඔබගේ අනාගතය තුළ දෙවියන් වහන්සේ වෙනසක් කරනවා ඇත.

හොඳයි මම අදට මෙතනින් නවතිමි නමුත් ඔබ හොඳින් මෙය කියවා ඔබ ඔබගේ ජීවිතය ආශිර්වාදමත් ජීවිතයකට වෙනස් කරගන්න.

ඔබ සැමට සැමට ජේසු පිහිටයි!

(එපීස:5 – 18 – 20)

 මුද්‍රිකපානයෙන් මත් නොවෙන්න, එයින් අනාචාරකම් හටගන්නේය;නුමුත් ආත්මයාණන්ගෙන් පූර්ණවී, ගීතිකාවලින්ද කවිවලින්ද ආත්මික ගීවලින්ද එකිනෙකාට කථාකොට, ඔබ සැමගේ සිත්වලින් ස්වාමීන්වහන්සේට ගායනාද ගීතිකාද කරමින්,අපගේ ස්වාමීවූ යේසුස් ක්‍රිස්තුස්වහන්සේගේ නාමයෙන් සියලු දේ ගැන පියවූ දෙවියන්වහන්සේට නිතරම ස්තුතිකරන්න.

• ඉහත පදය ගැන මොහොතක් සිතන්න.ඔබට දෙවියන් වහන්සේගේ ආශිර්වාදය අවශ්‍ය නම් ඔබ වැරදි ඇබ්බැහිවීම් වලින් මිදී සත්‍යතාවයේ ආත්මයාණන් වහන්සේගේ මග පෙන්වීම තුල වැරදි දේ තුලින් ඉවත් විය යුතුයි.එම නිසා අපි දෙවියන් වහන්සේගේ කැමැත්ත කරන මනුෂ්‍යයන් වෙමු.

(1 යොහන්:5 – 14-15)

 උන්වහන්සේ ඉදිරියෙහි අපට තිබෙන නිසැකකම නම්, අප උන්වහන්සේගේ කැමැත්ත ලෙස යමක් ඉල්ලුවොත් උන්වහන්සේ අපේ ඉල්ලීම අසන බවය.අප යම් දෙයක් ඉල්ලන කල උන්වහන්සේ අසන බව අපි දනිමු නම්, අප උන්වහන්සේගෙන් ඉල්ලූ දේ අපට ලැබෙන බව දනිමුව.

මොහොතක් මෙම පදයට ඔබගේ සිත යොමු කරන්න.මෙම පදයට අනුව ඔබ ජීවත් වුවහොත් දෙවියන් වහන්සේගේ බලවත් ආශිර්වාදය ඔබට නොවඩුව හිමි වනු ඇත.එම නිසා ඔබ නිරන්තරයෙන්ම දෙවියන් වහන්සේගේ කැමැත්ත කරන සැබෑ ධර්මිෂ්ඨ මනුෂ්‍යයෙක්ව ජීවත් වීමට උත්සහ ගන්න.එවිට ඔබ ජීවිතය ජය ගන්නවා ඇත.

• ඉතින් ඉහත ලියූ කරුණු ගැන ඔබ හොඳින් මෙනෙහි කර බලන්න,ඔබ ඔබ ගැනම මොහොතක් සිතන්න.තවත් ඔබ ජීවිතය විඳවනවාද? එහෙමත් නැතිනම් ජීවිතය විදගන්නවද? අද දින ඔබ ගන්නා වූ තීරණය කරණ කොටගෙන ඔබට ඔබගේ ජීවිතය වෙනස් කර ගත හැකි වේ.ඉතින් ඔබ ධර්මිෂ්ඨව ජීවත් වෙමින් දේව කැමැත්ත කරන මනුෂ්‍යයෙක් බවට පත්වී ඔබ දෙවියන් වහන්සේගෙන් ඉල්ලන්න එවිට දෙවියන් වහන්සේ ඔබගේ හදවත සහ ඔබගේ ක්‍රියාව දකිමින් දෙවියන් වහන්සේ නුඹට බොහෝ සෙයින් ආශිර්වාද කරනවා ඇත.

ඔබ සැමට ජේසු පිහිටයි!

1යොහාන් 3:21

ප්‍රේමවන්තයෙනි, අපේ සිත අපට දෝෂාරෝපණය නොකරනවානම්, දෙවියන්වහන්සේ ඉදිරියෙහි නිර්භීතකම අපට ඇත්තේය;

• මොහොතක් ඔබ කල්පනා කර බලන්න ඉහත පදය තුළින් දෙවිදුන් ඔබට පවසන්නේ කුමක්ද කියා.ඔබ ඔබගේ දැඩි සිත පහ කරමින් ඔබ ඔබගේ සිත නිදොස්ව තබා ගනිමින් දෙවිඳුන් තුළ යටහත් පහත් සිතක් තබාගෙන ජීවත් විය යුතුය.ඔබ මෙයාකාරයෙන් ජීවත් වන විට නිසැක කමකින් යුතුව ඔබ නිර්භීතව දෙවිඳුන්ගෙන් ඕනම දෙයක් ඉල්ලීමට හැකියාව ඇත.එම නිසා මාගේ ප්‍රේමවන්ත සහෝදර සහෝදරියනි නිතරම ඔබ දැඩි සිතක් නොමැති නිදොස් මනසක් ඇති මනුෂ්‍යයෙක් ලෙස ජීවත් විය යුතුය.එවිට ස්වාමීන් වහන්සේ ඔබට බොහෝ ආශිර්වාද නිදහස් කරනවා ඇත.

හිතෝපදේශ 28:14

නිතරම භයවන්නා වාසනාවන්තයෙක්ය; එහෙත් තමාගේ සිත දැඩිකරගන්නා විපතට වැටෙයි.

• ඒ වගේම මෙම පදය දෙසත් ඔබගේ සිත යොමු කිරීමට මම කැමැතියි.ඔබගේ සිත හොඳින් මෙයට යොමු කර බලන්න.

ඔබ හොදින් මතක තබා ගන්න මෙම පදයේ බය වශයෙන් පෙන්වන්නේ දේව බයයි (දේව වචනයට බයවීම).එම නිසා මාගේ ප්‍රේමවන්ත සහෝදර සහෝදරයෙනි ඔබ ඔබගේ සිත දැඩි කරගෙන ජීවිතය විනාශ කර ගන්නවද?නැතිනම් දේව වචනයට දෙවියන් වහන්සේට බයෙන් යුක්තව නිර්භීතකම ඇතුව ජීවිතය ජයගන්නා මනුෂ්‍යයෙක් වෙනවද?තීරණය ඔබ සතුය..

එම නිසා මොහොතක් සිතන්න.ජීවිතය වෙනස් කරගන්න.දේව ආශිර්වාදය අත්පත් කර ගන්න.ඔබ සැමටම දෙවියන් වහන්සේගේ ආශිර්වාදය නිදහස් වේවා..

ඔබ සැමට ජේසු පිහිටයි!

(හබක්කුක් 2:3

මක්නිසාද දර්ශනය නියම කාලය දක්වා තව ප්‍රමාදවේ, එහෙත් එය බොරු නොවී ඉක්මනින් තීන්දුවට පැමිණෙන්නේය.එය ප්‍රමාදවෙතත් ඒ ගැන බලාසිටින්න; මක්නිසාද එය පසු නොබැස පැමිණෙවාම ඇත.)

• බලා සිටීම ඔබට ආශිර්වාදය නිදහස් කරයි.එම නිසා මොහොතක් ඔබ ඉහත බයිබල් පදය දෙස මනස යොමු කර සිටින්න.මා මෙහි තිබෙන්නා වූ ප්‍රදාන කාරණා 5 කට ඔබගේ සිත යොමු කිරීමට කැමැත්තෙමි.

1. දර්ශනය – ඔබට ඔබේ ජීවිතය කෙරෙහි දර්ශණයක් තිබීම ඉතාම වැදගත් කරුණක් වේ.මන්ද ඔබට බලා සිටීමට නම් යම් අරමුණක් යම් දර්ශනයක් තිබිය යුතුයි.එම නිසා පළමුකොට ඔබ ඔබටම කියලා දර්ශනයක් සාදාගන්න.එයට ඔබගේ මනස යොමු කරන ලෙස මම ඉල්ලා සිටිමි.

2. නියම කාලය – ඒ වගේම තමයි ඔබගේ දර්ශනය ඉෂ්ට වීමට නියම කාලය එන තෙක් ඔබ විශ්වාසයෙන් බලා සිටිය යුතුයි.එම නිසා ඔබ ඔබගේ බලාපොරොත්තු අත් නොහැර නියම කාලය එනතෙක් විශ්වාසයෙන් බලා සිටින්න.එවිට දෙවියන් වහන්සේ නියම කාලයේදී ඔබට ආශීර්වාද කරනු ඇත.

3. විශ්වාසය බොරුවක් නොවන්නේය – තුන්වැනි කරුණ ලෙස අපි දෙවියන් වහන්සේ කෙරෙහි බලාපොරොත්තුවෙන් බලාගෙන සිටින විට දෙවියන් වහන්සේ කවදාවත් එම බලාපොරොත්තු බොරුවක් වෙන්න ඉඩ නොතබන සේක.මන්ද බොරු කියන්න උන්වහන්සේ මනුෂ්‍යයෙක් නොවන බැවින් උන්වහන්සේ ඔබගේ බලාපොරොත්තු ඉෂ්ට කරන සේක.ඒ වගේම එය ඉතා ඉක්මනින් ඔබට සිදුකරන බව පවසයි.

4. ප්‍රමාද වෙතත් බලා සිටින්න – සමහර විට ඔබගේ බලාපොරොත්තුව යම් ආකාරයකින් ප්‍රමාද වන බව ඔබට හැඟෙනවනම්හැඟෙනවනම් දුක් නොවන්න නොකැලබෙන්න ශක්තිමත් ව සිටින්න.මන්ද උන්වහන්සේ කියනවා ප්‍රමාද වුණත් ඔබගේ බලාපොරොත්තුව ඉෂ්ට කරන බව.එම නිසා ප්‍රමාදය ආශිර්වාදයක් ලෙස සිතන්න එවිට ඔබ ආශිර්වාද ලබනවා ඇත.

5. පසු නොබැස සිටින්න – අවසාන වශයෙන් මට ඔබ හට කිවීමට තිබෙන්නේ පසු නොබැස සිටින ලෙසය.ඉහත කාරණා සියල්ල දෙස බලමින් ඔබගේ සිත (මනස) ශක්තිමත්ව තබා ගෙන ඔබගේ දර්ශනයට ඔබගේ සිත යොමු කරමින් කුමන ආකාරයේ බාධා ආවත් පසු නොබැසව විශ්වාසයෙන් යුක්ත ජීවිතය ජය ගන්න.

• ඉහත කියු කාරණා පහ ගැන ඔබගේ මනස යොමු කරමින් ඔබගේ දර්ශනය ජය ගන්නා තෙක් විශ්වාසයෙන් යුතුව බලා සිටින්න.

ජේසු පිහිටයි!

(හබක්කුක් 2: 3)

මක්නිසාද දර්ශනය නියම කාලය දක්වා තව ප්‍රමාදවේ, එහෙත් එය බොරු නොවී ඉක්මනින් තීන්දුවට පැමිණෙන්නේය.එය ප්‍රමාදවෙතත් ඒ ගැන බලාසිටින්න; මක්නිසාද එය පසු නොබැස පැමිණෙවාම ඇත.

මෙම බයිබල් පදය දෙස මොහොතක් ඔබගේ නෙත් යොමුකර බලන්න.ඔබ විශ්වාසයෙන් යුතුව යේසුස් දෙස බලා සිටිනවා නම් උන්වහන්සේ ඔබට ආශිර්වාද කරන්න යනවා.

• මෙහිදී පළමු කාරණය ලෙස අපට පෙන්වා දෙනවා අපට අපගේ ජීවිතයේ අරමුණක් නැත්නම් දර්ශනයක් තිබිය යුතුයි.ඒ වගේම ඔබගේ තිබෙන්නා වු දර්ශනය නැතිනම් යම් බලාපොරොත්තුවක් විය හැකි කුමක් වුවත් එය සිදුවීමට ප්‍රමාද වෙනවා නම් ඔබ පසුබට වී ඔබගේ අරමුණෙන් එළියට ගමන් කරන්න එපා.මක්නිසාද දේව වචනය පවසන පරිදි ඔබගේ වේලාව නොව දෙවියන් වහන්සේගේ නියම වේලාවෙදි උන්වහන්සේ ඔබගේ බලාපොරොත්තුව ඉෂ්ට කරන්ට යනවා.මන්ද දෙවියන් වහන්සේ දන්නවා අපිට අවශ්‍ය දේ කුමක්ද හා ඒක දිය යුතු වේලාව.එම නිසා ඒ වේලාව එනතෙක් ඉවසීමෙන් දෙවියන් වහන්සේ දෙස බලාගෙන දේව වචනයට අනුව ගමන් කරන්න.

• බලන්න දෙවෙනි කාරණය ලෙස මම ඔබට පෙන්වා දෙන්න කැමතියි ඔබගේ බලාපොරොත්තුව පමා වුණත් එය බොරුවක් නොවන බව දේව වචනයේ සඳහන් වෙනවා. ඒක නිසා මම ඔබට නැවතත් කියන්න කැමතියි ඔබගේ  බලාපොරොත්තුව අත්හැර ගන්න එපා.ඔබගේ අරමුණු කරා යන තෙක් විශ්වාසයෙන් යුතුව බලාගෙන සිටින්න.මන්ද එය බොරුවක් නොවී ඉතා ඉක්මනින් ඔබගේ ජීවිතයේ සඵලවත් වෙන්න යනවා.

• හොඳයි මං කැමතියි තුන්වෙනි කාරණයට ඔබව රැගෙන යන්න.  “මක්නිසාද එය පසු නොබැස පැමිණෙනවා ඇත” බලන්න දෙවියන් වහන්සේ අපට කොපමණ විශ්වාසවන්තව ඉන්නවද. ඒක නිසා ඔබගේ ජීවිතයේ කොපමණ බාධා පීඩා කරදර ආවත් ඔබ සැලෙන්න එපා මන්ද යේසුස් වහන්සේ ඔබ සමඟ සිටිමින් ඔබ ජය ගන්නා තෙක් ඔබව අත් නොහැර ඔබ වෙනුවෙන්ම උන්වහන්සේ සිටිනවා.ඒක නිසා ජය අත්පත් කර ගන්නා තෙක් විශ්වාසයෙන් හා බලාපොරොත්තුවෙන් දෙවියන් වහන්සේ දෙස බලා සිටින්න.

ඔබ සැමට ජේසු පිහිටයි!