ඊගල්ස්ටෝන්

අහස උසට ඉදිවුණු ගොඩනැගිලි , වාහන පිරි මංමාවත්, තොරතෝංචියක් නැතිව දුවනා මිනිස්සු පිරි කටුක නාගරිකත්වයෙන් මිදී අපි හෙමිහින් ළඟාවුණේ බයිලොන්ග් වැලී මාර්ගය වෙත.

රයිල්ස්ටෝන් ගම්මානය පසු කරනවාත් සමගම ඉඳහිට නුල්ලෝ කඳුකරයටත් මඩ්ජී දෙසටත් ඇදෙන වාහනයක් ඇරුන කොට මිනිස් වාසයක් ඇස නොගැටුණ තරම්. 

කඳුවැටි, මිටියාවත්, මිදි පිරුණු වයින් වතු, තැනින් තැන කැන්ගරුවන් සිටින ලඳු කැළෑ පසු කරමින් අපේ ගමනාන්තය දක්වා දිවෙන බ්‍රෙක්ෆස්ට් ක්‍රීක් පෙදෙසට අපි එලෙඹුණේ හවස පහත් පසු වුණාට පස්සේ. 

එතැන් සිට ගමන මදක් දුෂ්කර වුනේ, පස් පාරේ ඇති වලවල්, අබලන් සපත්තු පාලම් වලින් බේරෙන්නට සහ ගොම්මන් අඳුරත් සමග පාර පුරා හා හූවක් නොමැතිව දිවයන කැන්ගරුවන්, හාවන්  නිසා වාහනයේ වේගය බෙහෙවින් අඩාල කරන්නට සිදුවුණ නිසාවෙන්.  රාත්‍රී අටට කිට්ටුවත්ම ගමනාන්තය සනිටුහන් කරමින් බ්‍රෙක්ෆස්ට් ක්‍රීක් පෙදෙසේ කෙළවර තිබෙන ගේට්ටුවක, එල්ලෙමින් තිබු දිරා ගිය ලෑල්ලක ලියා තිබුනේ ‘ඊගල්ස්ටෝන්’ වෙත අපිව සාදරයෙන් පිළිගන්නා බවයි.

වාහනයේ එළිය ගේට්ටුවට වදිනාවාත් සමගම ලාම්පු  එළියක් දල්වාගෙන නවාතැන පෙන්වන්නට කඩිමුඩියේ සිනාමුසු මුහුණින් අප වෙත ආවේ සාරා. ඇය පසුපසින් දිව එන්නේ ඕස්ට්‍රේලියානු ෂෙපර්ඩ් වර්ගයට අයත් බලු පැටවුන් වන ඕඩි සහ ටිලී බව මා එකවර දැනගත්තේ  ‘ඊගල්ස් නෙස්ට් ‘ නවාතැන්පොළ වෙන් කරගන්නා අවස්ථාවේ සාරා විසින් එවා තිබු විස්තර පත හේතුවෙන්.

පරිසර හිතකාමී ක්‍රමයට කන්ටේන්ර් පෙට්ටියක් තුළ නිමකර තිබුණ මෙම හුරුබුහුටි නැවතුම ‘ඊගල්ස්ටෝන්’ ගොවිපොළ මධ්‍යට වන්නට පිහිටා තිබුනා. යතුරු කැරැල්ල අප අතැතිව තැබූ  සාරා මෙහි සියලු විස්තර නැවතත් පවසා  පිටව ගියේ උදෑසනම අවදි වුනොත් ඇය ගොවිපල සතුන්ට ආහාර දෙන අවස්තාව දැකගන්නටත්, ඔවුන් සමග කාලය ගත කරන්නටත් හැකි බව මතක් කරමින්. 

ගමන් විඩාවත්, උදෑසනින්ම අවදිවන්නට තිබු මහත් උනන්දුවත් නිසා බොහෝ රෑ බෝවන්නට පෙර පහන් නිවා ඇඳට ගොඩ වුණත්,  නෙත සිත මනස්කාන්ත වූයේ  කන්ටේන්ර් පෙට්ටියේ ජනෙල් වෙනුවට යොදා තිබුණ විශාල  වීදුරු වලින් මුතු අහුරක් ඉස්සා සේ විසල් ආකාසයේ පැතිර තිබූ තරු රටාවන්ගෙන්. ඒ ප්‍රේමණීය අහස්‌ ගැබ කවි සිතුවිලි දහසක් හිතේ පැල පදියම් කලත්, මා තදින් දෑස පියගත්තේ, රාත්‍රියේ සොඳුරු බවට එහා ගිය සුන්දරත්වයක් උදෑසනට ‘ඊගල්ස් නෙස්ට් ‘ තුලින් රසවිඳීමේ සියුම් ආශාවෙන්.

කුකුලන්ගේ හැඬලීමෙන් නෙතු පියන් විවර කරන විට දැකගන්නට ලැබුණේ පෙර දින රාත්‍රියේ මනසේ ඇඳි සුන්දරත්වය යථාර්තයක් වී ඇති බවයි.  ‘ඊගල්ස්ටෝන්’ ගොවිපොළට මායිම්ව ඇති කඳු පෙළ අතරින්, මිහිදුම් සේල මෑත් කරමින් හෙමි හෙමිහිට අහස් කුසට නැගෙන හිරු ගෙන් ආ තැඹිලි වර්ණයන්ගෙන් මුළු වටපිටාවම හැඩගැන්වී තිබුණා. 

උණුසුම් කෝපි කෝප්පයක රස විඳීමෙන් පසු අප ගොවිපොළ වෙත පියමැන්නේ, සාරා සීත කබායක් ඇඳගෙන මහත් ජවයෙන් ‘ඊගල්ස්ටෝන්’ පදිංචිකරුවන් වන බැටළුවන්, එළුවන්, ඇල්පකා, ගවයින්, කුකුළන්, අශ්වයින් සහ තාරාවන් ට අහාර ලබාදෙන ආකාරය බලන්නට. සැබවින්ම එය මහත් වෙහෙසකර කර්තව්‍යක්. එපමණක් නොවේ, ‘ඊගල්ස් නෙස්ට්’ නවාතැන  නඩත්තු කරන්නේත් ඇය. අපට එය නැවුම් සුන්දර අත්දැකීමක් වුණත්, දිනපතාම සීතල හිමිදිරියේ සාරා කරන මේ කටයුත්ත සැබැවින්ම අගය කල යුත්තක්. ඕඩි සහ ටිලී ඇයට ලබාදුන්නේ නොමද සහයෝගයක්.

‘ඊගල්ස්ටෝන්’ ගොවිපොළේ, ‘ඊගල්ස් නෙස්ට්’ හුරුබුහුටි නවාතැන අපට ලබාදුන්නේ ආශ්වාදාත්මක අත්දැකීමක්. නිවාඩුව නිමකර,නැවතත් නගරයට සේන්දු වන්නට ගත් කල මට හැඟුණේ , අක්කර ගානකට විහිදී ගිය ‘ඊගල්ස්ටෝන්’ ගොවිපොළ රාජධානියක් නම්, නිදහසේ හුස්ම විදිමින්, ස්වභාව ධර්මයේ පහස විඳිමින්, ජීවිතයේ උපරිමයෙන්ම විඳිනා සාරා, රැජිණක්!

The “Era of Global Boiling” has Arrived 

The “Era of Global Boiling” has Arrived 

ලෝකයේ එතෙක් මෙතෙක් ඉතිහාසයේ වාර්තා වූ උණුසුම් ම මාසය පසුගිය ජුලි මාසය බව විද්‍යාඥයන් ප්‍රකාශ කරනවා. සමහර පරේෂකයන් විශ්වාස කරන්නේ ගෙවුනු වසර 120,000 වඩා කාලයේ මෙතරම් උණුසුම් මාසයක් වාර්තා වී නොමැති බවයි. වාර්තා වන මෙම අධික උෂ්ණත්වයට ප්‍රධානතම හේතුව පොසිල ඉන්ධන දහනය බවයි ඔවුන් සඳහන් කරන්නේ.

ඒ අතර පසුගියදා පණිවිඩයක් නිකුත් කරමින් එක්සත් ජාතීන්ගේ මහලේකම් Antonio Guterres ප්‍රකාශ කරන්නේ ලෝකය global boiling යුගයකට ඇතුළු වෙමින් සිටින බවයි. එමෙන්ම එක්සත් ජනපද ජනාධිපති ජෝ බයිඩන් කියා සිටියේ මේ වන විට ලෝකයට පවත්නා ප්‍රධානතම තර්ජනය දේශගුණික විපර්යාස යන්න කිසිවෙකුට බැහැර කල නොහැකි තර්කයක් බවයි.

ලොව පුරා පිහිටුවා ඇති කාලගුණික මධ්‍යස්ථාන වල වාර්තා වන උෂ්ණත්ව අගයන් ලබා ගනිමින් පරේශකයන් විසින් ගෝලීය උණුසුම ගණනය කරයි. කෙසේ වෙතත් ලෝකය පිලිබඳව සම්පූර්ණ චිත්‍රයක් ලබා දීමට තරම් දේශගුණික මධ්‍යස්ථාන ලොව පුරා නොමැති වීම හේතුවෙන් ලබාගත හැකි දත්ත සමඟ වායුගෝලයේ වෙනත් සමහර මිණුම් පරිඝණක පද්ධතියකට ඇතුළු කර ලබා ගන්නා සාමාන්‍යය අගය, ගෝලීය උණුසුම වශයෙන් ඔවුන් ගණනය කරයි. දත්ත රැසක එකතුවෙන් ලබා ගන්නා මෙම අගය විශ්වාසවන්ත අගයක් බව විද්‍යාඥයන් විශ්වාස කරයි.

ජූලි මාසයේ පළමු දින 25 සඳහා වාර්තා කල සාමාන්‍ය ගෝලීය උණුසුම් අගය 16.95C වන අතර එයින් ජුලි 6 වනදා ලෝකයේ උණුසුම් ම දිනය ලෙස සැලකේ. ගෙවුණු මාසයේ දින 23කදීම වාර්තා කල උණුසුම් අගයන් ඉතිහාසයේ මින් පෙර වාර්තා වූ සියළු උණුසුම් අගයන් ඉක්මවා ගිය අතර ඒ හේතුවෙන්ම 2023 ජුලි මාසය ලෝකයේ උණුසුම්ම මාසය ලෙස නම් කිරීමට ඔවුන් තීරණය කර ඇත.

මේ වන විටත් ඇමරිකානු එක්සත් ජනපදය, නැගෙනහිර යුරෝපය, අප්‍රිකානු කලාපය සහ චීනය ඇතුළු ආසියානු කලාපයේ රටවල් කිහිපයක් දැඩි උණුසුමකින් පීඩා විඳින අතර එය ගෝලීය උණුසුම තහවුරු කිරීමට කදිම සාක්ෂියක් බවයි මාධ්‍ය වාර්තා කරන්නේ. කෙසේ වෙතත් යුරෝපය උණුසුමින් දැවෙද්දි එක්සත් රාජධානිය අසාමාන්‍ය සීතල කාලගුණයක් වාර්තා කරන නමුත් ඉදිරි කාලයේදී එක්සත් රාජධානියද දැඩි උණුසුමක් බලාපොරොත්තු විය යුතු බවයි කාලගුණ අනාවැකිකරුවන් සඳහන් කරන්නේ.

තිලාන් ජයසේකර

හුස්ම

හුස්ම

(උත්පත්ි 2:7)

“දෙවි සමිඳාණන් වහන්දස් දපාද ාදේ දුවිල්දෙන් මනුෂ්‍යයා මවා ඔහුදේ නාස් පුඩු තු ට

ජීවන හුස්ම දහළූ දස්ක. දමදස් මනුෂ්‍යයා ජීවමාන දකදනක් විය.”

මාගේ ගේමවන්ත සග ෝදර සග ෝදරියනි අද දවගසේ මම ඔබට කියන්න කැමති ඔබ තුල තිගබන්නවු

හුසේගේ බලය ගැන.ඔබ කවදාවත් ඉ ත බයිබල් පදය ගැන ඔබගේ අවධානය ගයාමු කර

තිගබනවද?ගමාග ාතක් කල්පනා කරන්න ඔබ මම අද හුසේම ගන්ගන් කුමන බලයකින්ද කියා.ඔබ

දැනගන්න ගදවියන් ව න්ගසේ අපට හුසේම ලබාදී තිගබන බව.

ඉතින් සග ෝදරගයනි අප තුළ තිගබන්ගන් අ සත් ගපාළවත් මවා පාලනය කරන්නාවූ සර්වබලධාරී

ගදවියන්ව න්ගසේ දුන්නාවූ හුසේමයි.ඔබ දන්නවාද ගලෝකගේ වැඩිම ගනාගබල් තාගය දිනාගගන ඇත්ගත්

ගදවියන්ව න්ගසේගේ ගසනග වන ඊශ්‍රායල් ගසනග බව.ඉතින් ගේමවන්තගයනි අපිටත්

ගදවියන්ව න්ගසේගේ බලය ඇති බැවින් අපටත් බලවත් ගේ කළ ැක.

ඉතින් ඔබත් ගමාග ාතක් කල්පනා කර බලන්න ඔබත් ගේව හුසේම ඇති මනුෂ්‍යගයක් බව ගත්රුේගගන

ජීවිතගේ අලුත් මාර්ගයක් විවෘත කරගන්න.ඒ වගේම ගමම බලය, ආශිර්වාදය ඔබට ලබා ගැනීමට නේ

ඔබත් ගේව වචනයට අනුව ජීවත් ගවන මනුෂ්‍යගයක් විය යුතුයි.

(2 දකාරින්ි 13:11)

“ඉින් සදහෝෙරවරුනි, ආයුද ෝවන්. පරිපූර්ණත්වය දසායා යන්න; මාදේ අවවාෙ සිතට

ගන්න; එක්සිත් වන්න; සාමොනදයන් සිටින්න. එවිට දේමාන්විත හා ශාන්ිොයක

දෙවියන් වහන්දස් ඔ සමඟ වැඩසිටින දස්ක.”

(ගීතාවලිය 1:3)

“ඔහු ඇෙ දො අද්ෙර සිටුවා ඇි, නියම කෙට පෙ ෙරන, දකා පර වී දනායන ගසකට

සමාන ය; ඔහු කරන සැම දද් සරු සාර දේ.”

ඉතින් මාගේ ගේමවන්ත සග ෝදර සග ෝදරියනි ඉ ත කාරණා සියල්ල ගැන නැවත නැවතත් ගමගනහි

කරමින් ජීවිතය ජයගන්න.

ඔ සැමට දේසු පිහිටයි!

ඉවැන්ජලිස්ත අමිෙ දිසානායක

මාර්ගය සදහෝෙරත්වය සභාව – මහරගම

බුදුරජාණන්වහන්සේ වන්දනා කරමු

බුදුරජාණන්වහන්සේ වන්දනා කරමු..!

ඉතිපි සො භගවා අරහං සම්මා සම්බුද්ධො විජ්ජාචරණ සම්පන්නො සුගතො ලෝක විදූ අනුත්තරෝ පුරිස ධම්ම සාරථි සත්ථා දේව මනුස්සානං බුද්ධො භගවාති.

ඉති‘පි සෝ පාඨයෙහි එන පාලි පද වල සවිස්තරාත්මක සිංහල තේරුම මෙසේය.

ඉති‘පි – (ඉති+අපි) මෙසේ ද

සෝ – ඒ

භගවා – භාග්‍යවතුන් වහන්සේ

අරහං – රහසින්වත් පව් නොකරන හෙයින් අරහං නම් වන සේක.

සම්මා සම්බුද්ධෝ – දතයුතු සියල්ල මනාකොට දැනගත් හෙයින් සම්මා සම්බුද්ධ නම් වන සේක.

විජ්ජාචරණ සම්පන්නෝ – විද්‍යාවෙන් හා චරණයෙන් යුක්ත නිසා විජ්ජාචරණ සම්පන්න නම් වන සේක.

සුගතෝ – යහපත් ගමන් විලාස හා යහපත් වචන ඇති නිසා සුගත නම් වන සේක.

ලෝකවිදූ – සියලු ලෝක පිළිබඳව දැන වදාළ නිසා ලෝකවිදූ නම් වන සේක.

අනුත්තරෝ පුරිසදම්ම සාරථී – දමනය කළයුතු පුද්ගලයන් දමනය කිරීමෙහි ශ්‍රේෂ්ඨ හෙයින් අනුත්තර පුරිසදම්මසාරථී නම් වන සේක.

සත්ථා දේවමනුස්සානං – දෙවි මිනිසුන්ට ශාස්තෘ හෙයින් සත්ථා දේවමනුස්සාසං නම් වන සේක.

බුද්ධෝ – චතුරාර්ය්‍ය සත්‍ය ධර්මය දැන අනුන්ට අවබෝධ කරවන හෙයින් බුද්ධ නම් වන සේක.

භගවා – අපමණ පුණ්‍ය බලයකින් යුක්ත නිසා භගවා නම් වන සේක.

ඉති‘පි සෝ පාඨයෙහි සිංහල තේරුම මෙසේය.

ඒ භාග්‍යවතුන් වහන්සේ මෙසේ ද අරහං නම් වන සේක. සම්මා සම්බුද්ධ නම් වන සේක. විජ්ජාචරණ සම්පන්න නම් වන සේක. සුගත නම් වන සේක. ලෝකවිදූ නම් වන සේක. අනුත්තර පුරිසදම්මසාරථී නම් වන සේක. සත්ථා දේවමනුස්සානං නම් වන සේක. බුද්ධ නම් වන සේක. භගවා නම් වන සේක.

Athula Adikari

රොන් පොදක් වෙන්නම්, හද හඩලා, පාරාදීසේ සහ මේ වේදිකාව ජිවිතේ අපේ වැනි ගීතවල පලමු පද කිහිපය කියු සැනින් ඔබට ඔහුව නිතර්කයෙන්ම මතකයට නැගෙන බව නොරහසකි. දශක කිහිපයක් පුරාවට එක ලෙස රසික හදවත් තුල ලැගුම් ගත් එවැනි ගීත ගොන්නක හිමිකාරිත්වය ඔහු සතුයි.

සංගීත කේෂ්ත්‍රයට පැමිණ දශක කිහිපයක කාලය ගෙවි ගියත් මියුරු හඩ පෞර්ෂය සහ එදා අපි දැකපු රැව එක ලෙසම පවත්වාගෙන ‍යන්නට ඔහු වාසනාවන්ත වුනා. එමෙන්ම එදා ඔහු වටා එකතු වු ප්‍රේක්ෂක පිරිස මෙන්ම නව පරපුරේ සංගීත ලෝලි රසික පිරිසගෙන්ද ආදරය ලබන්නට ඔහුගේ මියුරු හඩට සහ ඔහු සතුවු ගීත ගොන්නට හැකි වුනා.

ගායනය සහ වාදනය පමණක් නොව ඔහුට රංගන දක්ෂතාවයන්ද හිමි බව සින්තටික් සිහින සහ අරුණෝද කලාපය වැනි නිර්මාණ තුලින් සහ හිරු නාලිකාවෙහි විකාශනය වන දිවිතුරා ටෙලිනාට්‍යයෙන්ද ප්‍රේක්ෂක අපට දැක ගන්නට ලැබුනා.

එසේනම් අපි Magazine පාඨක ඔබ වෙනුවෙන් මෙවර සම්බන්ධ කර ගන්නේ ප්‍රේක්ෂක සිත් තුල

නොවෙනස්ව තම ජනප්‍රියත්වය පවත්වාගෙන, ප්‍රේක්ෂක රසවින්දනය වෙනුවෙන් ගීත ලෝකයට මියුරු ගී සමුදායක් තිළිණ කල අතුල අධිකාරි මහතාවයි.

▪️මේ දවස්වල ඔබ නිරත වන කලා කටයුතු මොනවාද?

මම කැමතියි පිළිවෙලකට, සැලසුමකට අනුව කෙරෙන ප්‍රසංග සහ වැඩසටහන් සමග සම්බන්ධ වෙන්න. ලංකාවේ පැවැත්වෙන තෝරාගත් ප්‍රසංග කිහිපයක් සහ රූපවාහිනි නාලිකාවල පැවැත්වෙන වැඩසටහන් කිහිපයක් සමග සම්බන්ධ වෙලා වැඩ කටයුතු කරගෙන යනවා. ඒවගේම අගෝස්තු සහ සැප්තැම්බර් මාසවල එංගලන්තය, ඩුබායි සහ කටාර්වල පැවැත්වෙන සංගීත ප්‍රසංග කිහිපයකට සහභාගි වෙන්න බලාපොරොත්තුවෙන් ඉන්නවා.

▪️දිවිතුරා ටෙලිනාට්‍යය සමග සම්බන්ධ වුනේ කොහොමද? දිවිතුරා කණ්ඩායමෙන් ඔබට ලැබුන සහයෝගය කොහොමද?

හිරු නාලිකාවෙහි වැඩසටහන් අධ්‍යක්ෂකවරයෙකු වන විරාජ් වැලිවත්ත මහතාගේ සහ දිවිතුරා ටෙලිනාට්‍යයේ අධ්‍යක්ෂකතුමා වන චාමර ජයවීර මහතාගේ ආරාධනයෙන් මම අවුරුදු දෙකක කාලයක් දිවිතුරා ටෙලිනාට්‍යයෙහි රංගනයෙන් දායක වුනා නමුත් පසු කාලිනව දිවිතුරා ටෙලිනාට්‍යය සමග සම්බන්ධ වෙමින් මගේ සංගිත වැඩ කටයුතු සදහා කාලය වෙන් කර ගැනිමේ අපහසුතාය නිසා මම ටෙලිනාට්‍යයෙන් ඉවත් වෙන්න තිරණය කලා.

දිවිතුරා ටෙලිනාට්‍යයෙහි මම ගායනා කල “මම හිතක්” තේමා ගීතයට විශාල ප්‍රේක්ෂක ප්‍රතිචාරයක් ලැබුනා. දිවිතුරා ටෙලිනාට්‍යයෙහි රංගනයෙන් දායක වුන ජ්‍යෙෂ්ඨ සහ නවක රංගන ශිල්ප, ශිල්පිනියන්ගෙන් සහ අධ්‍යක්ෂකතුමා ඇතුලු දිවිතුරා කණ්ඩායමේ සියලුම දෙනාගෙන් මට හොද සහයෝගයක් ලැබුනා.

▪ඔබ රංගනයෙන් දායක වන ටෙලි නිර්මාණ අපට ඉදිරියේදි දකින්නට ලැබෙයිද?

මම රංගනය අධ්‍යනය කල, පුහුණු කල ශිල්පයෙකු නෙවෙයි නමුත් මම රගපාන්න උත්සාහ කරනවා.

මම හිතන්නේ රංගනය කියන්නේ විශාල කාලයක් කැප කරන්න ඕනේ කේෂ්ත්‍රයක් කියලා. රංගන කටයුතුවල නියැලෙනවා නම් සංගීත නිර්මාණකරණය, රූපවාහිනි වැඩසටහන් සහ විශේෂයෙන් විදේශ ප්‍රසංග සදහා සම්බන්ධ වෙන්න තියන කාලය අවම වෙනවා. එම නිසා නැවත දීර්ඝ ටෙලිනාට්‍යය සදහා සම්බන්ධ වෙන්න අදහස් නැහැ නමුත් අඩු කොටස් ප්‍රමාණයක් සහිත ගුණාත්මක නිර්මාණයක් ලැබුනොත් සම්බන්ධ වෙන්න බලාපොරොත්තු වෙනවා.

▪️සංගීතය සහ රංගන, ඔබ වඩාත් කැමති කුමන කේෂ්ත්‍රයටද?

මම සුපුරුදු පරිදි සංගීත කටයුතුවල නියැලෙන්න වඩාත්ම කැමතියි. මම කලින් සදහන් කල ආකාරයට රංගන කටයුතුවල නියැලිමේදි ඒ වෙනුවෙන් ඉතා විශාල කාලයක් යොදවන්න වෙනවා. මම රංගනයෙන් දායක වුන අශෝක හදගම මහතාගේ සින්තටික් සිහින සහ ශෙනෙෂ් බණ්ඩාර දිසානායක මහතාගේ අරුණෝද කලාපය වැනි ගුණාත්මක සහ කොටස් ප්‍රමාණය අඩු ටෙලි නිර්මාණ සදහා පමණක් සහභාගි වෙන්න මම තිරණය කරලා තියනවා.

▪ඔබගෙයි, කවින්ද්‍යා දුවගෙයි අතර තිබෙන බැදීම ගැන කියමුද?

දුව මගේ ලග නොහිටියත් මගෙයි දුවගෙයි අතර ලොකු බැදිමක් තියනවා. අපිට ඕන දෙයක් විවෘතව කතා කරන්න පුළුවන්. අපි දෙන්නා ඇත්තටම යාළුවෝ වගෙයි.

විදේශ සංචාර සදහා සමිතා බොහෝ දුරට සහභාගි වෙන්නේ නැති නිසා ඉදිරියේදි දුවත් එක්ක විදේශ සංචාර කිහිපයකට සහභාගි වෙන්න සැලසුම් කරගෙන ඉන්නවා.

▪ගායන තරු තරග තුලින් කේෂ්ත්‍රයට පැමිණෙන නවක ශිල්ප, ශිල්පිනියන්ට ප්‍රවීන කලා කරුවෙකු වශයෙන් ඔබ මොනවාද කියන්න කැමති…

රූපවාහිනි නාලිකා මගින් මෙහෙය වන ගායන තරු තරගවලින් පැමිණෙන ගායනයට ඉතාම දක්ෂ ශිල්ප, ශිල්පිනියන් බොහෝමයක් දකින්නට ලැබිම සතුටක්.

ගායන තරගවලදි තරගකරුවන්ගේ සියළුම කටයුතු සංවිධායක මණ්ඩලයක් යටතෙ මෙහෙයවිම නවක ශිල්පියෙකුට බොහෝ උපකාරි වෙනවා නමුත් තරගයෙන් අනතුරුව බොහෝ දෙනෙක්ට

තමන්ගේ වැඩ කටයුතු තනිවම සංවිධානය කර ගන්න අපහසු වුන අවස්ථාවන් මම දැකලා තියනවා.

ඉතින් තරගකරුවන් එම තරගය තුලදිම හොද අවබෝධයකින්, අධ්‍යනයක් ඇතුව, තමාව ගොඩ නගා ගනිමින් කේෂ්ත්‍රයට පැමිණෙනවා නම් දීර්ඝ කාලිනව කේෂ්ත්‍රයේ රැදි සිටිමට හේතු වෙනවා කියලා මම හිතනවා.

▪️ඔබේ රසික, රසිකාවියන්ට සමාජ මාධ්‍යයන් (Facebook) හරහා ඔබව සම්බන්ධ කර ගන්න පුලුවන්ද?

අවුරුදු 15ක් පමණ පරණ Facebook ගිණුමක් මට තිබුනා නමුත් එය මේ වනවිට මා සතුව නැහැ. එම නිසා මට නැවත facebook ගිණුමක් හදා ගන්න සිදුවුනා. මගේ නමින් මගේ නොවන වෙනත් පුද්ගලයන් විසින් මෙහෙය වන facebook ගිණුම් බොහෝමයක් තියනවා. ඉතින් Facebook ගිණුම් හරහා මා සමග සම්බන්ධ විමේදි නිවැරදි ගිණුම තහවුරු කර ගැනිම අත්‍යාවශ්‍යයි කියලා මම හිතනවා. ඉදිරි කාලයේදි රසික, රසිකාවියන් වෙනුවෙන් මගේ facebook ගිණුම විධිමත්ව පවත්වාගෙන ‍යන්න සහ අනෙකුත් මගේ නම්න් පවත්වාගෙන ‍යන ගිණුම් අවලංගු කිරිම සදහා අවශ්‍ය කටයුතු කරන්න බලාපොරොත්තු වෙනවා.

▪️ප්‍රේකෂක අපට ඉදිරියේදි දැක ගන්න ලැබෙන ඔබේ නිර්මාණය මොනවාද?

අලුතින් නිර්මාණය කල ගීත කිහිපයක් සහ නැවත නිර්මාණ කල මගේ පැරණි ගීත කිහිපයක් රසික රසිකාවියන්ට ඉදිරි කාලයේදි අහන්න ලබා දෙන්න සැලසුම් කරලා තියෙනවා. ඉදිරි මාසවලදි යෙදිලා තියන විදේශ සංචාර කිහිපයෙන් පසු එම කටයුතු සදහා කාලය වෙන් කරන්න බලාපොරොත්තු වෙනවා.

අමා නාකන්දලගේ