මෙම දිනවල ස්වර්ණවාහිනි නාලිකාවෙහි අති සාර්ථක ලෙස විකාශනය වන 1990 ටෙලිනාට්යයේ නළු නිලි පිරිවරෙහි දකින්නට ලැබෙන නවක රංගන ශිල්පියෙකුගේ වත ගොත හොයන්නටයි අපගේ සුදානම.
ඔබට මතකද 1990 ටෙලිනාට්යයේ විමුත්ව? ඔහුගේ තාත්වික රංගනයන් දකින ඕනෑම කෙනෙකු ඔහුට ආදරය කරන ප්රේක්ෂකයක සමුහයට නිතර්කයෙන්ම එකතු වෙනවා. මට මෙන් ප්රේක්ෂක ඔබටද කවුද ද මේ විමුත් යන ප්රශ්නාර්ථය නැගෙන්නට ඇති. ඔහු ගැන කරපු කෙටි විපරමකින් ආරංචි වුනේ ඔහු රංගනයට නවකයෙක් වුනාට කලා ක්ෂේත්රයට නම් අලුත් නොවන බවයි.
ඔහුගේ සියළු බලාපොරොත්තු ජය ගන්නට ශක්තිය ලැබේවායි පතමින් අපි මෙවර පිළිසදරට එකතු කර ගන්නේ 1990 ටෙලිනාට්යයේ විමුත්ට පණ පොවන ඔබ අප කවුරුත් ආදරය කරන රංගන ශිල්පියා ශෙයාන් පෙරේරා.
ශෙයාන්, රංගන ශිල්පියෙකු වන්නට ඔබ හීන දැක්කේ කොයි කාලයේදීද? ඔබ මෙතෙක් පැමිණි ගමන ගැන අපි විස්තර දැන ගන්න කැමතියි.
මට තෙරෙන වයසේ ඉදලාම රංගන ශිල්පියෙකු වෙන්න ඕනේ කියලා හීනයක් තිබ්බා නමුත් මෙම ක්ෂේත්රයට පිවිසෙන්නේ කොහොමද කියලා අදහසක් තිබුනේ නැහැ. එකල මම අධ්යාපන ලබපු ඉනාමලුව වීර විඡය විමලරත්න මහ විද්යාලයේ නාට්යය හා රංග කලාව විෂය හදාරන්නට අවස්ථාව තිබුනෙ නැහැ. උසස්පෙළ අධ්යයන කටයුතුවලින් පසු කතෝලික සභාවේ මහනුවර පදවියේ ජනමාධ්ය කේන්ද්රය විසින් පැවැත්වු නාට්යය සහ රංගන කලාව සම්බන්ධ පාඨමාලාව හදාරන්න මට අවස්ථාව ලැබෙනවා. එහිදි වේදිකා නාට්යය සහ පාස්කු නාට්යය සදහා මම දායකත්වය ලබා දුන්නා. රංගන ශිල්පයෙකු වීමේ ආසාව නිසාම ගුණාත්මක ටෙලිනාට්යය සහ ච්ත්රපට බලන්න මම යොමුවුනා. එමෙන්ම පත්තරවල දැන්විම් මාර්ගයෙන් තිර පරික්ෂණ කිපයකට සහභාගි වෙමින් ක්ෂේත්රයට සම්බන්ධ වෙන්න උත්සාහ කල නමුත් මගේ පදිංචිය සීගිරියේ නිසා කොළඹට පැමිණ කේෂ්ත්රයේ කටයුතු සදහා සම්බන්ධවීම ප්රායෝගිකව ගැටලුකාරි වුනා. එමෙන්ම මෙම විෂයට ක්රමානුකූලව අඩිතාලමක් දමා ගනිමින් පිවිසිම වැදගත් බව මම තේරුම් ගත්තා. ඔය හේතු කිහිපය නිසා මම වෙනත් රැකියාවක් සදහා යොමු වුනා නමුත් මගේ හීනයට කෙසේ හෝ ලගාවිමේ අධිෂ්ඨානය මගේ හිතේ තිබුනා.
පහුගිය වකවානුවේදි විකාශනය වුන කුඹියෝ, තනමල්විල කොල්ලෙක්, සහෝදරයා, වීරයා ගෙදර ඇවිත් වැනි ඉතා විශිෂ්ට ටෙලි නිර්මාණ නැරඹිමෙන් පසුව මගේ හීනයට යන ආසාව තවත් තීව්ර වුනා. එම කාලයේදි දෙරණ නාලිකාවෙහි විකාශනය වු දෙවෙනි ඉනිම ටෙලිනාට්යයෙහි සහය වේශ නිරූපණය ශිල්පියා වශයෙන් සම්බන්ධ කරමින් මෙම කේෂ්ත්රයට අවතීර්ණ වන්නට රසික සම්පත් මහතා මට අවස්ථාව සලසා දුන්නා. ඉන්පසුව ස්වර්ණවාහිනි නාලිකාවෙහි විකාශනය වු බස් එකේ ඉස්කෝලේ නම් ටෙලිනාට්යයෙහි සහය වේශ නිරූපණ ශිල්පයා වශයෙන් මම කටයුතු කලා.
රංගන ශිල්පියෙකු වන්නට අවස්ථාවන් සොයමින් කේෂ්ත්රයේ වැඩ කටයුතු කරගෙන යන අතරතුරේදි දවසක් මට ජගත් චමිල මහතා හමුවුනා. ඔහු කීවා “මල්ලි act කරන්න ආසයි නම් set එක ඇතුලේ අල්ලගෙන ඉන්න. අතාරින්න එපා. ඔයාට ගොඩක් දේවල් ඉගෙන ගන්න ලැබෙයි. ඔයාගේ හැකියාවට අවස්ථාවක් කවදාහරි ලැබෙයි” කියලා. එතුමාගේ වචන ටික මාව ධෛර්යමත් කලා.
රූපගත කිරිම්වලදි හිතවත් වු අශාන් උඩුපිල්දෙනිය රංගන ශිල්පියා මාර්ගයෙන් මා හදුනාගත් ලහිරු නිශාන් මහතා සිරස නාලිකාවෙහි විකාශනය වු නීල පබළු ටෙලිනාට්යය කණ්ඩායමට මාව සම්බන්ධ කරනවා. නීල පබළු ටෙලිනාට්යයෙහි විමුක්ති ලක්මාල් මහතා යටතේ මම සහය අධක්ෂකවරෙයෙක් විදියට විෂය අධ්යනය කරමින් වැඩ කටයුතු කලා. දැනට වෘත්තීමය සහය අධක්ෂකවරයෙක් වශයෙන් මම ක්ෂෙත්රයේ වැඩ කටයුතු කරනවා.
රනිල් කුලසිංහ මහතාගේ වලවෙට්ටුවා ටෙලි නිර්මාණයේ සහය අධක්ෂකවරයා වශයෙන් වැඩ කරන කාලයේදි රංගන ශිල්පියෙකු වන්නට සහ මෙම ක්ෂේත්රයේ නියැලිමට ඇති කැමැත්ත ගැන මම ඔහුට කියනවා. ඔහු නිර්මාණය කල භූමි ටෙලිනාට්යයේ චරිතයක් සදහා මුලික තිර පරික්ෂණවලට සහභාගි විමෙන් පසුව මට අවස්ථාව ලැබෙනවා. එම ටෙලිනාට්යය ඉදිරියේදි විකාශනයවිමට නියමිතයි. ඉන්පසු මෙම දිනවල ස්වර්ණවාහිනි නාලිකාවෙහි විකාශනය වන රනිල් කුලසිංහ මහතාගේ නවතම අධක්ෂණය වන 1990 ටෙලිනාට්යයේ විමුත්ගේ චරිතය සදහා මට අවස්ථාවක් ලබා දෙනවා.
තනුජා ලුම්බිණි මහත්මිය අතින් ලියවෙන රනිල් කුලසිංහ මහතා අධක්ෂණය කරන 1990 ටෙලිනාට්යය ක්ෂේත්රයේ සිටින අත්දැකිමෙන් පරිපූර්ණ, සම්මානලාභි ශිල්පින් එකතුවකින් සම්පූර්ණ වු, ගුණාත්මකභාවය රැක ගනිමින්, වෙනස් තේමාවකට අනුව නිර්මාණ වෙන ටෙලිනාට්යයක් විදියට හදුන්වන්න පුලුවනි.
1990 ටෙලිනාට්යය කණ්ඩායමේ නවක රංගන ශිල්ප, ශිල්පිනියන් මාස කිපයක් පුහුණුවීම් කරමින් ලැබුන චරිතය ගොඩ නගා ගන්න හොදින් සුදානමක් වුනා.
විමුත්ගේ චරිතය ගොඩ නගා ගැනිම සදහා සියුම් තැන්වල සිට අවශ්ය උපදෙස් ලබා දෙමින් රනිල් කුලසිංහ මහතා මට හොද සහයෝගයක් ලබා දෙනවා.
මම ඉතාම ආසාවෙන් නැරඹපු තනමල්විල කොල්ලෙක් ටෙලිනාට්යයෙහි ප්රධාන චරිතය රගපෑ රංගන ශිල්පි දනුක ඩිල්ෂාන් මහතා සමග සහය රංගනයට අවස්ථාවක් ලැබිම මට ඉමහත් සතුටක්. ටෙලිනාට්යයේ මගේ චරිතය ගොඩනගා ගන්න ඔහුගෙන් මට ලොකු සහයෝගයක් ලැබෙනවා. එමෙන්ම මෙහි තිරපිටපත රචනා කරන තනුජා ලුම්බිණි මහත්මිය, රංගනයෙන් දායකවන නිල්මිණි තෙන්නකෝන් මහත්මිය ඇතුලු ටෙලිනාට්යයට දායක වන සියලුම ප්රවීන ශිල්ප, ශිල්පිනියන්ගෙන් සහ තිරය පිටුපස කණ්ඩායමේන් මට ඉතා හොද සහයෝගයක් ලැබෙනවා. මා ගැන විශ්වාසය තබා ගනිමින් 1990 ටෙලිනාට්යයේ විමුත්ගේ චරිතය සදහා අවස්ථාව ලබාදිම පිළිබදව රනිල් කුලසිංහ මහතා ස්තුතිවන්ත වෙනවා.
1990 ටෙලි නිර්මාණයේ විමුත්ගේ චරිතය වෙනුවෙන් මට හොද ප්රේක්ෂක ප්රතිචාර ලැබෙනවා. මගේ රංගන ගැන සතුටු වෙන මගේ අම්මා, හැමදේටම ලගින් ඉදලා සහය වෙන මගේ බිරිඳ, අපේ පවුලේ අය, යාළුවෝ, ගමේ අය ආදරයෙන් මතක් කරන්න ඕනේ. ඒවගේම මගේ ගමනේ ආරම්භයේ ඉදලා වචනයෙන් හරි උදව් කරපු හැම දෙනාටම ස්තුතිවන්ත වෙනවා.
ඉදිරියේදි වෙනස් චරිත නිරූපණයෙන් ටෙලිනාට්යය සහ ටෙලි ච්ත්රපට කිහිපයකින් ප්රේක්ෂකයන් අතරට එන්නට සහ අධක්ෂණයට සම්බන්ධවි හොද නිර්මාණ බිහි කිරිමට බලාපොරොත්තු වෙනවා.
අමා නාකන්දලගේ
කසුනි, මොනවද මේ දවස්වල නිරත වන කලා කටයුතු?
