Month: March 2024
යොවුන්වියයි ආදරයයි
ශීත සමයේ දී ත් ලස්සන ඉන්න..
පසුගිය සතියක දී මා විසින් අරඹන ලද මෙම කාලෝචිත ලිපිමාලාවේ අවසන් අදියරට අප පැමිණ සිටිනවා. ඉතින් ශීත සමයේ ත් අවසන් අදියරේ සිටින ඔබට රුව රැකගැනීම සඳහා වැදගත්වන කරුණු කාරණා මේ ලිපි පෙලෙන් සාකච්ඡාවූවා යැ යි මා සිතනවා.
ඉතින් අවසානයට අධික ශීතල නිසා නිතැනින් ම අපේ සිරුරේ නොයෙකුත් සෘණාත්මක වෙනස්කම් ඇතිවීමට ඇති ඉඩකඩ වැඩි යි. එබැවින් මේ කුඩා පුරුදු පුහුණුකිරීමෙන් ඔබේ සමට සහ ශරීරයේ ඇතිවන නොයෙකුත් අපහසුතා මඟහරවාගත හැකිවනු ඇත.
◦ ඔබ උදෑසන තේ පානය කරන්නෙක් නම් උදෑසන තේ කෝප්පයට ඉඟුරු ස්වල්පයක් එක් කරන්න. මේ සඳහා හැකි හැමවිට ම නැවුම් ඉඟුරු භාවිතකරන්න. නැතිනම් වියළි ඉඟුරු කුඩු ස්වල්පයක් නටන උණුවතුරට එක්කර මඳවේලාවක් වසා තබා පානය කරන්න. එමඟින් ඔබේ ශරීරයේ ප්‍රතිශක්තිය වර්ධනය කරන අතර දවස ම නැවුම් ව ගතකිරීමට ඔබට ඉඩ සලසා දෙනු ඇති.
◦ ඔබ ස්නානය කරන විට දී භාවිතකරන ෂැම්පූ සමඟ පොල්තෙල් ස්වල්පයක් මිශ්‍රකර සෝදා හරින්න.එමඟින් ඔබේ හිසකෙස්වල තෙතමනය සහ නිරෝගීබවත් නිතර හිස ආවරණය කිරීම නිසා ඇතිවන අධික වියළිබවත් දුරුකර මනා පෝෂණයක් ලබා දෙනු ඇති. අධිකව හිසකෙස් ගැටගැසීමෙන් වළකාලනු ඇති.
◦ රාත්‍රීයේ නින්දට පෙර ගිතෙල්, මීපැණි, ඔලිව්තෙල් හෝ පොල්තෙල් දෙතොලේ ආලේප කර නින්දට යෑමෙන් අධික වියළිබවෙන් තොර මෘදු නිරෝගී දෙතොලක් ඔබට ශීත කාලයේ දී වුවත් පවත්වාගත හැකිවනු ඇත.
◦ රාත්‍රියේ දී ස්නානයෙන් හෝ ඇඟ සෝදාහැරීමෙන් පසුව පොල්තෙල් , කෝමාරිකා සාරය හෝ කෝමාරික ජෙල් සමඟ මුසුකර මුහුණේ සහ අත්පාවල හොඳින් ආලේප කර පිරිමදින්න. එමඟින් සම වියැළීමෙන් වළකා අවපැහැ ගැන්වීමෙන්ද වළකාලනු ඇති.
◦ රාත්‍රී නින්දට පෙර මෙන් ම මේස් පළඳින හැම විටක ම පිරිසුදුකරගත් යටිපතුළේ වැස්ලින් ආලේපකර මේස් පළඳින්න. එමඟින් දෙපතුල් වියළීමෙන් වළකාලන අතර එනිසා ම දෙපතුල් පැලීම නිසා ඇතිවන අපහසුතා ද මඟහැරී යනු ඇති.
◦ එසේ ම හැකි හැමවිට ම හෑන්ඩ් ක්‍රීම් එකක් භාවිතයෙන් දෙඅත්වල තෙතමනය පවත්වාගන්න අමතක කරන්න එපා එමඟින් සුමුදු දෙඅත්ලක් මෙන් ම අධික වියළිබව නිසා ඇතිවන අපහසුතා ද මඟ හැරෙනු ඇති.
ඉතින් තවත් මෙවැනි ම වැදගත් ලිපිපෙළකින් ඔබව හමුවන බලාපොරොත්තුවෙන් අදට සමුගන්නම්. සුබ දවසක්!
සමීරා ජයසිංහ
රත්තරන් දූ…
‘පාණ්ඩුව’ යනු රෝගී තත්ත්වයක් ද?
මිනිස් සිරුරේ කායික වර්ධනය මෙන්ම බුද්ධි වර්ධනය සඳහා යකඩ අත්‍යවශ්‍ය පෝෂකයකි. එමෙන්ම රුධිරයේ ප්‍රධාන සංඝටකයක් වන හිමොග්ලොබින් නිපදවීම සඳහා යකඩ අත්‍යවශ්‍ය වේ. යකඩ, විටමින් B12 හා ෆෝලික් ඇසිඩ් යන සංඝටකයන් රුධිරයේ රතු රුධිරාණු නිපදවීමට මූලික වන අතර මෙම සංඝටකයන්ගේ ඌනතාවය මිනිස් සිරුරේ නොයෙක් සංකූලතා ඇතිකිරීමට හේතු වේ.
ලෝක සෞඛ්‍ය සංවිධානයේ නිරණායක වලට අනුව රක්තහීනතාවය නොහොත් නීරක්තිය යනු රුධිරගත හිමොග්ලොබින් ප්‍රමාණය පුරුෂයන් සඳහා 13.0g/dL වඩා අඩුවීමත්, කාන්තාවන් සඳහා 12.0g/dL වඩා අඩුවීමත් නිසා වන රෝගී අවස්ථාවකි.
රක්තහීනතාවය ඇතිවීමට බොහොමයක් හේතූන් හේතුසාධක වුවද ඇතැම් ජාතීන්ට අනුව හා පරිසර තත්ත්ව වලට අනුවද මෙම සාමාන්‍ය අගයන්ගේ වෙනස් වීම් දැකිය හැකි නමුත් එවැනි අවස්ථාවලදී එය රෝගී තත්ත්වයක් ලෙසට නොසැලකේ.
ගර්භණී කන්තාවන්ගේ රුධිරගත හිමොග්ලොබින් අගය 11.0g/dL මට්ටමට වඩා වැඩි වීම සතුටුදායී තත්ත්වයක් වුවත් ප්‍රශස්ත මට්ටමට වඩා අඩු වීම ගර්භණී කාලයේදී නොයෙකුත් සංකූලතා ඇති කලහැකි බැවින් ඒ පිලිබඳ අවධානය ලබාදීම අතිශය වැදගත් ය.
රුධිරගත හිමොග්ලොබින් හෝ රතු රුධිරාණු ප්‍රමාණවත් තරම් නොමැතිවීම රක්තහීනතාවය නොහොත් ඇනීමියාව ඇතිවීමට ප්‍රධානතම හේතුවයි. රුධිරයේ හිමොග්ලොබින් ප්‍රමාණය ප්‍රමාණාත්මකව ඉහළ අගයක පැවතීමෙන් ආශ්වාසයේදී පෙනහලු මඟින් හුවමාරු වන ඔක්සිජන් වැඩි වශයෙන් රුධිරය ඔස්සේ පටක කරා පරිවහනය හා කාබන්ඩයොක්සයිඩ් හුවමාරු කිරීමේ හැකියාව
මැනවින් පවතී. එබැවින් රුධිරගත හිමොග්ලොබින් ප්‍රමාණය නියමිත මට්ටමේ පැවතීම අතිශය වැදගත් ය.
රක්තහීනතා ලක්ෂණ
• හුස්ම හිරවීම
• හුස්ම ගැනීමේ අපහසුව (කෙටි හුස්ම ගැනීම)
• හිසරදය
• ආහාරමය නොවන ආගන්තුක ද්‍රව්‍යය ආහාරයට ගැනීමට රුචිකත්වයක් ඇතිවීම
• නොරිස්සුම් ස්වභාවය
• ආහාර රුචිය හීනවීම
• ශරීරය සුදුමැලිවීම
• පපුවේ වේදනාව වැනි රෝගී තත්ත්වයන් රක්තහීනතාවයෙන්/ නීරක්තියෙන් පෙලෙන පුද්ගලයන් හට නිතර ඇතිවිය හැකිය.
රක්තහීනතාවය සඳහා බලපාන ප්‍රධාන හේතු සාධක අතුරෙන් යකඩ ඌනතාවය ප්‍රධාන සාධකයක් ලෙසට සැලකේ.
යකඩ ඌනතාවය මඟහරවා ගැනීමට යකඩ අඩංගු ආහාර ආහාරයට එක් කරගැනීම අනිවාර්යය වේ. එපමණක් නොවේ, යකඩ අවශෝෂණය සඳහා විටමින් C බහුල ආහාර කෑමට එකතු කර ගැනීම ද අනිවාර්යයෙන්ම සිදුකල යුතු වේ. නැවුම් එලවළු, පලතුරු ආහාරවේලට එක් කර ගැනීමෙන් විටමින් C අවශ්‍යතාවය සපුරාගත හැකිවන අතර, ප්‍රධාන ආහාරවේල් වලට පසු ඇඹුල් රසැති පලතුරක් ආහාරයට ගැනීම සිදුකල හැකිය. එමෙන්ම මැල්ලුම්, සලාද සඳහා දෙහි එක් කිරීමෙන් ශරීරයට යකඩ අවශෝෂණය වැඩි කිරීම සිදුවේ.
මීට අමතරව විටමින් B12 ඌනතාවය, ෆෝලික් ඇසිඩ් ඌනතාවය, කාලීන රෝගාබාධ, රතු රුධිරාණුවල ව්‍යුහාත්මක විෂමතා, තැලිසීමියා වැනි රෝගහේතූන් නිසාත් රක්තහීනතාවය ඇතිවීමේ ප්‍රවණතාවයක් පවතී.
ආහාර වේල තුල ප්‍රමාණවත් පෝෂණයක් නොමැතිවීම, ආමාශය හා අන්ත්‍ර මඟින් පෝෂක කොටස් නිවැරදි ලෙස අවශෝෂණය සිදු නොවීම, ඇතැම් ඖෂධ භාවිතය, ප්‍රතිශක්තිකරණය දුර්වල කරන ඇතැම් රෝග, වකුගඩු රෝග, පිළිකා, අමාශගත හා අන්ත්‍රගත කල්ගතවූ රෝග අවස්ථාවන්, ඇටමිදුළු සම්බන්ධ රෝග, ගර්භනීභාවය හා මාසික ඔසප්වීම, අර්ශස්, ලේ අතීසාර වැනි අධික රුධිර වහනය වන රෝග අවස්ථාවන් නිසා සිරුර තුල රක්තහීනතා තත්ත්වයක් පහසුවෙන් ගොඩනැගේ.
රෝගී පරීක්ෂාවේදී, සමේ වර්ණය, නාඩි, රුධිර පීඩනය, හෘත් ශබ්ද හා හෘත් ස්ඵන්ධන වේගය කෙරෙහි විශේෂ අවධානය යොමු කරන අතර, රුධිර පරීක්ෂාවක් මඟින් රුධිරගත හිමොග්ලොබින් ප්‍රමාණය සලකා බලා රෝගය නිශ්චිතව හා පහසුවෙන් හඳුනා ගැනීම සිදුකෙරේ.
ආයුර්වේද වෛද්‍ය විද්‍යාවේ සඳහන් ‘පාණ්ඩු රෝගය’, ඇනීමියාව/ රක්තහීනතාවය නොහොත් නීරක්තිය යන රෝග අවස්ථාවට බොහෝසෙයින් සමාන රෝගී අවස්ථාවක් ලෙස හැඳින්විය හැක.
ආයුර්වේද වෛද්‍ය විද්‍යා මූලග්‍රන්ථයන්හි සඳහන් පරිදි සුදුමැලි පාටින් සම යුක්ත වන රෝග තත්ත්වය පාණ්ඩු රෝගය බවත්, රුධිරයේ මද බව හේතුවෙන් පාණ්ඩු වර්ණයක් තොල්, දිව, ඇස් වල පෙන්නුම් කරන බවත් පැහැදිලිව දක්වා ඇත.
පාණ්ඩු රෝගය සඳහා හේතූන් ප්‍රධාන ලෙස ආහාරමය හේතු, විහරණමය හේතූන් ලෙස ශාරීරික හා මානසික හේතූන් මෙන්ම ඇතැම් බාහිර හේතූන් ප්‍රධානව දැක්විය හැක.
අධික අම්ල, ලවණ අඩංගු ද්‍රව්‍ය , අධික මද්‍ය භාවිතය, අසාත්මික, දූෂිත ආහාර, නොදිරවන ආහාර ගැනීම, දහවල් නිදීම, රාත්‍රී නිදිවැරීම, අධික ව්‍යායාම් වල නිරතවීම, අධික වෙහෙසවීම, උෂ්ණාධික ආහාර, අබ, මිරිස් වැනි තීක්ෂ්ණ බවින් අධික ආහාර ගැනීම, කාම, චින්තා, භය, ක්‍රෝධ, ශෝක යන සිතිවිලි වල නිතර එල්බ සිටීම, පංච කර්ම සිදුකිරීමේ විෂමතාවන් යන හේතූන් නිසා වාතාදී දෝෂ කෝප වීමෙන් රක්තය දූෂණය වී සමේ පඬුවන් වර්ණ ඇති කිරීම පාණ්ඩු රෝගයට හේතු වන බව ආයුර්වේදය තුල දක්වා ඇත.
ඉහත හේතූන්ගෙන් සාධක පිත හා රංජක පිත කෝප වී, ව්‍යාන වාතය මගින් ධමනි ආශ්‍රය කොට මුළු සිරුර පුරා පැතිරගොස් සම හා මාංශ ඇසුරු කරන කඵ දෝෂය, වාත දෝෂය හා රක්ත ධාතුව දූෂණය වීමෙන් සමේ විවර්ණ බව නැතහොත් සුදුමැලිවීම ඇති කර පාණ්ඩු රෝගය හට ගැන්ම සිදු වේ.
මීට අමතරව ඇතැම් රෝග තත්ත්ව පාණ්ඩු රෝගයට හටගැනීමට හේතු වන අවස්ථාවන් ලෙස ද දක්වා ඇත. එනම්, ක්‍රිමි/පණු රෝග, අර්ශස්, රක්තප්‍රදර, රක්තපිත්ත, ග්‍රහණි, රාජයක්ෂ්මා(ක්ෂයරෝගය), යකෘත්-ප්ලීහා රෝග, අතීසාර, මධුමේහ, ජීර්ණ ජ්වර යන රෝග අවස්ථා හේතුවෙන් පාණ්ඩු රෝග තත්ත්වය හට ගැනීමේ අවධානම පවතින බව ආයුර්වේද වෛද්‍ය විද්‍යාත්මක ඉගැන්වීමයි.
ආයුර්වේදයේ සඳහන් රක්ත ධාතුව මඟින් ශරීර බලය, වර්ණ ප්‍රසාදනය, ආයුෂ, ජීවනය, මාංශ පෘෂ්ඨිය, අග්නි දීපනය යන ශරීරයේ ප්‍රධාන ක්‍රියා සිදුවේ.
නමුත් පාණ්ඩු රෝගී තත්ත්වය නිසා රක්ත ධාතුව හීන වී ඉහත ක්‍රියාවන්ගේ දුර්වලතා හටගනී. එමෙන්ම ධාතූන්ගේ ක්ෂය වීම් සිදුවන අතර සමේ සිනිඳු බව නැතිවී සම රූක්ෂ වීම, සම පිපිරීම, මාංශ පේශි ක්ෂය, අස්ථි-සංධි වේදනා, අවයව වල හිරිය පවා හට ගන්නා අවස්ථා පවතී.
රෝගයේ මුල් අවස්ථාවේදී පූර්ව ලක්ෂණ ලෙස
• සම පැලීම
• අත් පා වල දුර්වලතා
• ඇස් වටා ඉදිමීම
• ආහාර දිරවීමකින් තොරව පිටවීම
• තමන්ගේ හෘද ස්පන්දනය තමාටම දැනීම(Palpitation)
• දහඩිය දැමීම අවම වීම
• අධික විඩාව ඇතිවීම
හඳුනාගත හැක.
පාණ්ඩු රෝගයේ ප්‍රධාන ලක්ෂණ ලෙසට පෙර සඳහන් රක්තහීනතාවය හේතුවෙන් හටගන්නා රෝග ලක්ෂණ සඳහන් වන අතර මැටි කෑමට රුචියක් ඇතිවීම හේතුවෙන් මෘද් භක්ෂණ ජන්‍ය පාණ්ඩුව ලෙසට ප්‍රබේදයක් පිලිබඳව විශේෂයෙන් සඳහන් වේ. කුඩා දරුවන්ට බහුලව වැලඳෙන පාණ්ඩු රෝග ප්‍රබේදයක් ලෙසට මෙය දක්වා ඇත.
දීර්ඝ කාලයක් පැවති පාණ්ඩු රෝගී තත්ත්ව, සිරුර ඉදිමී මල බද්ධය හෝ දියරමය මල පිටවන රෝගී තත්ත්ව, ඉතාමත් සුදුමැලි, දුර්වල සිරුරක් සහිත, වමන, භ්‍රම, පිපාස තත්ත්ව සහිත රෝගී තත්ත්ව හා අත්, පා, හිස හා ශරීරයේ මධ්‍ය කොටස හා ලිංග ප්‍රදේශ ඉදිමුම් සහිත, උණ, අතීසාර සහිත පාණ්ඩු රෝගී තත්ත්වය සුව කිරීමට අපහසු අසාධ්‍ය රෝග අවස්ථා බවට ආයුර්වේද මූලග්‍රන්ථයන්හි දක්වා ඇත.
රෝග ප්‍රතිකාර :-
පාණ්ඩු රෝගී තත්ත්වය සඳහා ප්‍රතිකාරයේදී රෝග හේතු වලින් වැලකී සිටීම අනිවාර්යයෙන්ම සිදුකල යුතු වේ. සංශෝධන හා සංශමන කර්ම සිදුකිරීම මගින් පාණ්ඩු රෝගයට ප්‍රතිකාර සිදු කල හැක.
කෝප වූ දෝෂ ශරීරයෙන් බැහැර කර සිරුර ශෝධනය කිරීමෙන් පසු සුදුසු ඖෂධ ප්‍රතිකාර සිදු කරනු ලැබේ.
වමන, විරේචන යන පංච කර්ම ප්‍රතිකාරයන්ද ප්‍රත්‍යක්ෂ ප්‍රතිඵල ලබා දෙන අතර ඝෘත වර්ග ලබාදී ඉන්පසුව විරේචනය සිදුකොට රක්ත ශෝධනය සිදුකරන ප්‍රතිකාර ක්‍රමයක්ද ආයුර්වේද වෛද්‍ය විද්‍යාවේ දක්වා ඇත.
“පාණ්ඩු ලෙඩ ඇති සතහට
ගිතෙල් පොවා පළමුව කොට
වමන විරේචන පසුවට
කරවනු දොස් දුටු පමණට”
දිනකට දෙවරක්, අවුන්ස 1-2 ප්‍රමාණයක් කල්‍යාණ ඝෘත, පංච තික්තක ඝෘත යන ඝෘත පාණ්ඩු රෝගීන්ට ප්‍රත්‍යක්ෂ ගුණ ලබාදේ.
සුදුසු ආහාර-
කිරි, මෝරු, ගිතෙල්, මස් වර්ග, පීකුදු වර්ග, බිත්තර, මීපැණි, ධාන්‍ය වර්ග- මුං, මෑ, තිරිඟු, කඩල, කව්පි, පරිප්පු, පැරණි සහල්, ඕට්ස්, එලවළු වර්ග- සාරණ, නිවිති, කතුරුමුරුංගා, මුරුංගා කොළ, මුකුණුවැන්න, කරවිල, බෝංචි, බීට්, කැරට්, තුඹ, රතු තම්පලා, කංකුං, ගොටුකොළ, පලතුරු යුෂ-පැපොල්, දෙළුම්, නෙල්ලි, ඇපල්, තැඹිලි, රට ඉඳි
නුසුදුසු ආහාර –
අබ, මද්‍ය වර්ග, ලවණ වර්ග, අම්ල වර්ග, විදාහී ආහාර, තල, උඳු
නුසුදුසු විහරණ –
අධික ව්‍යායාම, අධික අව්වේ බොහෝ වේලා සිටීම, දුම් පානය, අධික ලිංගික හැසිරීම්, දහවල නිදීම, මුත්‍රා, මල වැනි වේග ධාරණය, මැටි, හාල් වැනි ආගන්තුක ද්‍රව්‍ය කෑමට ගැනීම
ආයුර්වේද වෛද්‍ය විද්‍යාවේ සඳහන් පාණ්ඩු රෝග චිකිත්සා පද්ධතිය නීරක්තිය නොහොත් රක්තහීනතාවය යන රෝග අවස්ථාව සඳහා ප්‍රත්‍යක්ෂ ප්‍රතිඵල ලබා දෙන බැවින් පත්‍ය අපත්‍ය ආහාර විහරණ වලට එලඹීමෙන් රෝගය වැලඳීම පහසුවෙන් වලක්වා ගත හැකිය. එමෙන්ම සුදුසුකම්ලත් ආයුර්වේද වෛද්‍යවරයෙක් වෙත යොමු වී ප්‍රතිකාර ලබාගැනීමෙන් රුධිරගත හිමොග්ලොබින් මට්ටම ඉහළ නංවාගැනීමෙන් රක්තහීනතාවය පහසුවෙන් මඟහරවා ගැනීමේ හැකියාව පවතී.
ආයුර්වේද වෛද්‍ය නාලිකා හංසිනී ජයතිලක
BAMS (Colombo)
කුරුලු පැටියෙක්
ඔබේ ව්‍යාපාරය සාර්ථකව සංවර්ධනය කරන්නේ කෙසේද
හැදින්වීම:
ව්‍යාපාරයක් ආරම්භ කිරීම සහ වර්ධනය කිරීම අභියෝගාත්මක නමුත් ප්‍රතිලාභ ගෙන දෙන ගමනක් විය හැකිය. ව්‍යාපාරයක් දියුණු කිරීම සඳහා ප්‍රවේශමෙන් සැලසුම් කිරීම, උපාය මාර්ගික තීරණ ගැනීම සහ අඛණ්ඩ උත්සාහය අවශ්‍ය වේ. මෙම ලිපියෙන් අපි ඔබට ඔබේ ව්‍යාපාරය සාර්ථකව සංවර්ධනය කරන්නේ කෙසේද යන්න පිළිබඳ මූලික අදහසේ සිට තිරසාර වර්ධනයක් දක්වා පුළුල් මාර්ගෝපදේශයක් ලබා දෙන්නෙමු.
1. ඔබේ ව්‍යාපාරික අදහස නිර්වචනය කරන්න:
ව්‍යාපාරයක් දියුණු කිරීමේ පළමු පියවර වන්නේ ඔබේ ව්‍යාපාර අදහස පැහැදිලිව නිර්වචනය කිරීමයි. ඔබේ ඉලක්ක වෙළඳපල හඳුනා ගන්න, ඔබේ අද්විතීය වටිනාකම් ප්‍රස්තුතය තේරුම් ගන්න, සහ ඔබේ භාණ්ඩය හෝ සේවාව ගැටලුවක් විසඳන්නේ කෙසේද හෝ වෙළඳපොලේ අවශ්‍යතාවයක් සපුරා ගන්නේ කෙසේද යන්න තීරණය කරන්න. ඔබේ අදහස වලංගු කිරීමට සහ ඔබේ පිරිනැමීම සඳහා ඉල්ලුමක් ඇති බව සහතික කිරීමට වෙළඳපල පර්යේෂණ පවත්වන්න.
2. ව්‍යාපාර සැලැස්මක් සාදන්න:
ඔබේ ව්‍යාපාරයේ දියුණුව සඳහා හොඳින් සිතා බලා ව්‍යාපාර සැලැස්මක් අත්‍යවශ්‍ය වේ. ඔබේ ව්‍යාපාර ඉලක්ක, ඉලක්කගත ප්‍රේක්ෂකයින්, අලෙවිකරණ උපායමාර්ග, විකුණුම් පුරෝකථනය, මෙහෙයුම් සැලැස්ම සහ මූල්‍ය ප්‍රක්ෂේපණයන් ගෙනහැර දක්වන්න. ඔබේ ව්‍යාපාර සැලැස්ම ඔබේ තීරණ මඟ පෙන්වීමට සහ ඔබ ඔබේ ව්‍යාපාරය වර්ධනය කරන විට ඔබව නිරීක්ෂණය කිරීමට මාර්ග සිතියමක් ලෙස ක්‍රියා කරයි.
3. ඔබේ වෙළඳ නාමය ගොඩනඟන්න:
ශක්තිමත් වෙළඳ නාමයක් සංවර්ධනය කිරීම ඔබේ ව්‍යාපාරයේ සාර්ථකත්වය සඳහා ඉතා වැදගත් වේ. ඔබේ වටිනාකම් පිළිබිඹු කරන සහ ඔබේ ඉලක්කගත ප්‍රේක්ෂකයින් සමඟ අනුනාද වන අමතක නොවන සන්නාම අනන්‍යතාවයක් සාදන්න. වෙළඳපොලේ ශක්තිමත් පැවැත්මක් ඇති කිරීම සඳහා ලාංඡනයක්, වෙබ් අඩවියක් සහ අලෙවිකරණ ද්‍රව්‍ය ඇතුළුව වෘත්තීය වෙළඳ නාමකරණය සඳහා ආයෝජනය කරන්න.
4. ඔබේ නිෂ්පාදනය හෝ සේවාව සංවර්ධනය කරන්න:
ඔබේ භාණ්ඩය හෝ සේවාව ඔබේ ඉලක්ක පාරිභෝගිකයන්ගේ අවශ්‍යතා සහ අපේක්ෂාවන් සපුරාලන බවට සහතික වන්න. පාරිභෝගික ප්‍රතිපෝෂණ සහ වෙළඳපල ප්‍රවණතා මත පදනම්ව ඔබේ පිරිනැමීම අඛණ්ඩව නව්‍යකරණය කර වැඩිදියුණු කරන්න. තරඟකරුවන්ගෙන් ඔබව වෙනස් කරන සහ පාරිභෝගික පක්ෂපාතිත්වය ගොඩනඟන උසස් තත්ත්වයේ නිෂ්පාදන හෝ සේවා සැපයීම කෙරෙහි අවධානය යොමු කරන්න.
5. ශක්තිමත් සබැඳි පැවැත්මක් ස්ථාපිත කරන්න:
වර්තමාන ඩිජිටල් යුගයේ ව්‍යාපාර සංවර්ධනය සඳහා ශක්තිමත් අන්තර්ජාල පැවැත්මක් අත්‍යවශ්‍ය වේ. වෘත්තීය වෙබ් අඩවියක් සාදන්න, සෙවුම් යන්ත්‍ර සඳහා එය ප්‍රශස්ත කරන්න, සහ සමාජ මාධ්‍ය වේදිකාවල ඔබේ ප්‍රේක්ෂකයින් සමඟ සම්බන්ධ වන්න. නව ගනුදෙනුකරුවන් වෙත ළඟා වීමට සහ ආකර්ෂණය කර ගැනීමට අන්තර්ගත අලෙවිකරණය, විද්‍යුත් තැපැල් අලෙවිකරණය සහ සමාජ මාධ්‍ය ප්‍රචාරණය වැනි ඩිජිටල් අලෙවිකරණ උපාය මාර්ග භාවිතා කරන්න.
6. ශක්තිමත් කණ්ඩායමක් ගොඩනඟන්න:
ඔබේ ව්‍යාපාරය වර්ධනය වන විට, ඔබේ මෙහෙයුම් සඳහා සහාය වීම සඳහා දක්ෂ සහ කැපවූ පුද්ගලයින් කණ්ඩායමක් ගොඩනගා ගැනීමට ඔබට අවශ්‍ය වනු ඇත. ඔබේ දැක්ම සහ වටිනාකම් බෙදාහදා ගන්නා සේවකයින් බඳවාගෙන ඔවුන්ට සාර්ථක වීමට අවශ්‍ය පුහුණුව සහ සම්පත් ලබා දෙන්න. සහයෝගීතාව, නිර්මාණශීලිත්වය සහ නවෝත්පාදනය දිරිමත් කරන ධනාත්මක සමාගම් සංස්කෘතියක් පෝෂණය කරන්න.
7. නිරීක්ෂණය සහ අනුවර්තනය:
ඔබේ ව්‍යාපාර සංවර්ධන ප්‍රයත්නවල ප්‍රගතිය නිරීක්ෂණය කිරීමට ප්‍රධාන කාර්ය සාධන දර්ශක (KPIs) නිරීක්ෂණය කරන්න. දත්ත විශ්ලේෂණය කරන්න, ගනුදෙනුකරුවන්ගෙන් සහ සේවකයින්ගෙන් ප්‍රතිපෝෂණ රැස් කරන්න, සහ වෙනස්වන වෙළඳපල තත්ත්වයන් මත පදනම්ව ඔබේ උපාය මාර්ග අනුවර්තනය කිරීමට කැමැත්තෙන් සිටින්න. ඔබේ ව්‍යාපාරයේ දිගුකාලීන සාර්ථකත්වය සහතික කිරීම සඳහා කඩිසරව සහ ප්‍රතිචාර දක්වන්න.
නිගමනය:
ව්‍යාපාරයක් සංවර්ධනය කිරීම කැපවීම, නිර්මාණශීලිත්වය සහ උපායමාර්ගික සැලසුම් අවශ්‍ය වන අභියෝගාත්මක නමුත් ප්‍රතිලාභදායක ක්‍රියාවලියකි. මෙම මාර්ගෝපදේශයේ දක්වා ඇති පියවර අනුගමනය කිරීමෙන් සහ ඔබේ ඉලක්ක කෙරෙහි අවධානය යොමු කිරීමෙන්, ඔබට වෙළඳපල තුළ කැපී පෙනෙන සාර්ථක සහ තිරසාර ව්‍යාපාරයක් ගොඩනගා ගත හැකිය. ගමන වැලඳ ගන්න, ඔබේ අත්දැකීම් වලින් ඉගෙන ගන්න, සහ ව්‍යාපාරික නායකයෙකු ලෙස නව්‍යකරණය සහ වර්ධනය දිගටම කරගෙන යන්න.
අහිමි හිමිකරු
ප්‍රේමණීය සිතුවිලි නිදහසේ අකුරු කරන ගගන ගුරුගේ
ගගන ගුරුගේ කියන්නෙ ඇත්තටම කව්ද ?
බොහොම නිහඬ චරිතයක්, ඒ වගේම අලුතින් දේවල් ඉදිරිපත් කරන්න වෙහෙසෙන කෙනෙක්,
ගගන කියන නම දැම්මෙ කවුද කියලා ඔයගේ රසිකයො දැන ගන්න කැමති ඇති
ගොඩාක් අය ඔය ප්‍රශ්නෙ මගෙන් අහනවා, ඇත්තටම ඒක මගේ පුංචි දාපු නමක් පුංච්ට ඇයි එහෙම නමක් දාන්න හිතුනේ කියල නම් දන්නේ නැහැ, ඒත් ඇය දැන් ජීවතුන් අතරත් නැහැ, සමහර විට මගේ නමත් යම් තරමක් ඉවහල් වෙන්නත් ඇති
රසිකයන් අතරට මාව යන්න,
ගගනගෙ පවුලේ විස්තර ටිකක් දැනගන්න ආසයි?
මගේ පවුලේ දැනට ඉන්නෙ අම්මයි, මායි අක්කයි, මල්ලියි, මල්ලයි, අක්කයි, දැනට එයාලගේ ව්‍යාපාර වල නිරත වෙනවා, තාත්ත නම් ජීවතුන් අතර නෑ , තව දෙයක් මතක් කරන්න ඕන මගේ අය්ය ගැන, එයා රට වෙනුවෙන් දිවි දුන්න වීරෝධාර රණවිරුවෙක්, ඒ අතීතේ බොහොම කනගාටු දායක අතීතයක්,
හිත්වලට මෙච්චර දැනෙන්න ලියන්න ආරම්භය වුනේ කොහොමද ?
ඉස්කෝලේ යන කාලෙ ඉදන්ම ලියන්න මන් හරි ආසයි, පුවත්පත් වලටත් නිර්මාණ යොමු කරල තියෙනවා, කෙටි කතා එහෙම ලියල තියෙනවා, අදනම් ඒව කොහේද දන්නේ නෑ , ඉතින් එහෙම ටික ටික ලියන්න මන් ඇබැහි උනෝ කිව්වොත් නිවැරදියි,
Facebook වල ගගන කිව්වොත් නොදන්න කෙනෙක් නැති තරම්. ඒ තැන හදාගත්තෙ කොහොමද?
ඒක නම් කියන්න සතුටුයි, මන් හිතුවෙත් නෑ මෙච්චර වටිනාකමක් මගේ නිර්මාණ වලට එයි කියල, ඒක ආරම්භ උනේ ” ගගන ගුරුගේ ” මගේ නමින් තියෙන පේජ් එකෙන්, මම කිව්වනේ මන් වෙනසක් කරන්න කැමති කෙනෙක් කියල, ඉතින් මන් කැමති නෑ කාගෙවත් කොපියක් වෙන්න, පැවැත්මක් තියෙන්නෙ වෙනසක් කලොත් විතරයි කියන විශ්වාසේ මට තිබුනා, ඉතින් වෙනස්ම විදිහට නිර්මාණ කරන්න පෙළබුනා, ඒක ගොඩාක් අයගේ ආත්මයටම දැනුන කියල මට
හිතෙන්නේ, අද බොහෝ පිරිසක් ඉන්නව මට ආදරේ කරන මාව පරිස්සම් කරන, ඇත්තටම ඒ ගැන මට ගොඩාක් ආඩම්බරයි,
ගගනගෙ එදිනෙදා ජීවිතයේ කටයුතුත් එක්ක මේ ලියන වැඩේ කොහොමද බැලන්ස් කරගන්නෙ?
ඒක ගැන නම් කියන්නම ඕන, මන් සංචාරක ව්‍යාපාරයට සම්බන්ද රැකියාවක් කරන්නේ,
ඇත්තටම කාර්‍යබහුලයි, ලැබෙන පොඩි වෙලාවෙත් බලන්නේ නිර්මාණයක් කරන්න , කොහොම හරි හැමදේම බැලන්ස් කරගන යනවා,
ගගන ලියන ගොඩක් දේවල් අපේ හිත්වලට කාවදින්නෙ ඒවා ලියවෙන්නෙ අත්දැකීමෙන් කිව්වොත් ?
ම්ම්ම්ම්.. ඇත්තම කිව්වොත් අත්දැකීම් නැත්තෙමත් නෑ, තියෙනවා, ගොඩාක් ඒවා මට හිතෙනේවා, හිනාවෙලා හිටියට සමහරු විදවනවා, තව සමහරු විදිනවා, සාරාංශය ඕක තමයි,
කොහොමද මෙච්චර ලස්සනට හැඟීම් අකුරු කරන්නෙ ?
අනේ මංදා .. මට අදහස් එන විදිහ තමයි, ඒකට ගොඩාක් අය කැමතියි, ආදරෙන් වැලඳ ගන්නවා,
අපි දන්නවා ගහන ගීත රචකයෙක් කියලා .. ඒ ගැන විස්තර ටිකක් කියන්න.
විශේෂයෙන් ඒ ගැන කියන්න ඕන, ඒකට මුළින්ම ස්තුති කරන්න ඕන සෙව්වන්දි අක්කට, ඇය මට කතා කරල මෙහෙම ගීතයක් ඕන කියද්දි මට විශ්වාස කරන්න බැරි උනා, මම සෙව්වන්දි අක්කට කිව්ව මං කලින් ගීත රචනා කරල නෑ කියල, අනික ලොකුම අභියෝගය උනේ ඒ ගීතය ලියන්න තිබුණේ තනුවකට වීම, සාමාන්‍යන් බොහෝ අය කරන්නේ වචන වලට තනුව දානෙක මට ඉතින් ඒකේ අනිත් පැත්ත, සෙව්වන්දි අක්කත් උදව් කරන්නම් කිව්ව නිසා මන් අභියෝගය බාරගත්ත, ඒ සිංදුව තමයි ” මං නුඹේ වෙන්නේ නෑ ” කියන ගිතය, ඇගේ සැමියා නිහාල් වික්‍රම එදිරිසූරියත් ගොඩාක් අගය කරල තිබුන ඒ ගීතය ගැන .. මේක අවස්ථාවක් කරගන්නව ඒ දෙදෙනාටම ස්තුතියි කරන්න, තව ගීත කීපයක් ලියල තියෙනවා , එක ගීතයක වැඩකටයුතු මේ දවස්වල කෙරීගන යනව, ළඟදීම හැමෝටම අහන්න ලැබෙයි,
ගගනගෙ නිර්මාණ එකතු කරලා පොතක් එළිදක්වන්න බලාපොරොත්තු වෙනවද?
එහෙම ආසාවක් තිබුන කීප දෙනෙක් කිව්ව උදව් කරන්නම් වැඩේ කරමු කියල, කොහොම හරි ඒක මඟහැරුනා, බලමු නේද ඉස්සරහට,
අපි මැගසින් එකත් එක්ක සම්බන්දවීම ගැන මොකද හිතෙන්නෙ සහ මැගසින් එක ගැන හිතෙන දේ කිව්වොත්
ඇත්තටම හරි සතුටුයි අපි මැඟසින් එකට සම්බන්ද වෙන්න පුළුවන් වීම ගැන, ඒකට ගයාන්ට විශේෂයෙන් ස්තුති කරන්න ඕන, ඒ වගේ මැගසින් එකකට සම්බන්ද කරගැනීම ගැන,
” අපි මැඟසින් ” එක ගැන හිතෙන දේ කිව්වොත්, ඇත්තටම ඉතාම හරවත් රසවත්, හැම අතින්ම දැනුම බෙදන මහගෙදරක් කිව්වොත් නිවැරදියි,අද සෝසල් මීඩියා වලින් ඉහලින්ම තියෙන මැගසින් එකක්, ගයාන් සහ කාර්ය මංඩලය වගේම මාත් ආඩම්බර වෙනවා ඒ ගැන, හොද ගමනක් තියෙන හොද ගමනක් යන්න පුළුවන් මැගසින් එකක්
කඩියන්ලෙන කොමලිය සොයා / solo travel
හිරු හෙමින් හෙමින් නැගෙනහිරින් එබිකමි කරන්න පටන් ගන්නා වෙලාවෙි හිරුට හොරෙන් මම ඉක්මන් ගමනින් පැමිණ බස් රථයට ගොඩ උනේ තවත් සුන්දර සංචාරයක් තනිවම යන්න බලාගෙන..
කඩිමුඩියේ දිව යන මිනිසුන් පිරි මාර්ගයෙ මාතලේ සිට පැමිණි මම නුවරින් නාවලපිටිය බස්රථයට ගොඩ උනේ බස් නැවතුමෙි ඇති කඩයකින් කැමට ආසා කරන දේවල් කිපයක් අරගෙනමයි.. කඩියන්ලෙන ඇල්ල එහෙමත් නැත්තමි කැටබූල ඇල්ල සොයාගෙන යාම තමයි මගේ මෙවර සංචාරය..
බස් රථයේ අයිනක ඉදගෙන උදැසන ආහාරය මම ගත්තේ බස් රථය පිටත් වෙද්දි.. එ තරමට මට මෙි ගමන යන්න තිබුණේ හදිසියක්, නාවලපිටියට එද්දි වෙලාව අටයි. නාවලපිටිය බස්රථයේ රියදුරු මහත්මයා මට කඩියන්ලෙන ඇල්ල බලන්න යන්න පුළුවන් තලවාකැලේ බස් රථය පෙන්නුවා.. ඉක්මනින් ගිහින් ගොඩ උනා බස් රථයට…
එක නමි අමුතුම සුන්දර ගමනක්.. බස්රථය සුන්දර මාර්ගයක් ඔස්සේ ඉදිරියට ඇදුණේ දමිළ ගීත වලින් මගේ කන් පිරි යද්දි. මං හිතන්නේ සිංහල කෙනෙක්ට බස් රථයේ සිටියේ මම විතරයි.. කවදාවත් අසා නැති ගිත ගොඩකින් මගේ කන් පිරිලා.
නාවලපිටියෙන් තලවාකැලේ මාර්ගයේ 11kmක දුරින් තමයි මෙි සුන්දර දිය ඇල්ල පිහිටලා තියෙන්නේ.. ඉතිං මගේ ඇස් එ දසුන දකිනකමි සිටියෙ නොයිවසිල්ලෙන්..
තලවාකැලේ මාර්ගයේ ඇදෙන බස් රථය යන මාර්ගය නමි තරමක අවදානමි සහිතයි. නමුත් පුදුමාකාර ලස්සනයි.. තේ වතු වගේම පාරේ වමි පස බැවුමෙන් ගලා බසින කඩියන්ලෙන ඔය නිසා එ සුන්දරත්වය නමි කියා නිමකල නොහැකියි.. කදු දෙකක් මැද්දෙන් ගල් ගොඩැලි අතරින් නිදහසේ දිය දහර ගලාගෙන යනවා..
පැයක පමණ කාලයක් ඇතුලත බස් රථය පැමිණියා ඇල්ල ලගට.. ඉතිං මම මෙි සුන්දර දිය කොමලියට වශි උනා කිවහොත් හරි… බොහො වෙලාවක් පාළම මත සිට මම බලන් හිටියා ඇල්ල දිහා… තටිටු තුනකට කඩා හැලෙන දිය ඇල්ලෙ සුන්දරත්වය නමි කියා නිම කල නොහැකියි මට… හිරු එළියත් සීතලත් දිය ඇල්ලෙන් විසිරෙන ජල බිදිතිත් මගේ සිතට ගෙනාවෙි අමුතුම මිහිරියාවක්… තනියම ආවත් මට තනියක් නොදැනෙන තරමි හිතම වශි වෙලා…
නාවලපිටියෙන් බස් එකේ එන කෙනෙක්ට තලවාකැලේ බස් රථයෙන් වගේම තිස්පනේ බස් රථයෙන් දිය ඇල්ල බලන්න එන්න පුළුවන්. තලවාකැලේ ප්‍රධාන මාර්ගය නිසා ඔිනෑම අයෙක්ට පහසුවෙන් පොදු ප්‍රවාහනයෙන් ඇල්ල බලන්න එන්න පුළුවන්..
කොටස් තුනකින් සමන්විත මෙි ඇල්ලේ තුන්වෙනි කොටස ආරුක්කු තුනක් ඇති පාළමෙන් පහලට ගලා බසිනවා.. මේ ආරුක්කු පාළම ඉංග්‍රීසි පාළනය සමයේ සැදුවක්.. පාළමෙන් බැස ඇල්ලේ උඩ කොටසට යන්න අඩි පාරක් තියනවා.. මෙි දිය ඇල්ලේ උස 25m (අඩි 82).
දිය ඇල්ලේ විශේෂත්වය තමයි මහානුවර දිස්ත්‍රික්කයත් නුවරඑළිය දිස්ත්‍රික්කයත් වෙන් කරන දිස්ත්‍රික් මායිමෙි කඩියන්ලෙන ඇල්ල පිහිටා තිබිම.. එ වගේම තමයි මෙි සුන්දර දිය දහාරාව ගලාගෙන ගිහින් නාවලපිටියෙන් මහාවැලි ගඟට එකතුවෙනවා..
ඇල්ල පාමුල ඇති විදුලි බලාගාරය නිසා ඇල්ලට තවත් සුන්දරත්වයක් එක්වෙලා.. බලාගාරය පැත්තට යන එක පසුවට කල් දාලා මම අඩිපාර දිගේ දිය ඇල්ලේ ඉහලට ඇවිද ගියා.. කඩියන්ලෙන ඇල්ලේ පලවෙනි තටාකය නමි බොහො අවදානමි. පාරේ හමුවු ගමි වැසියෙක් මට පවසු අන්දමට මෙි දිය ඇල්ලේ පලවෙනි තටාකයේ ඇති වලවල් දෙක අඩි සියයකට වඩා ගැඹුරින් යුක්ත බව පැවසුවා. එ නිසාම වතුර වැඩි කාලෙට එ අසලට යාම දැඩි අවදානමි සහිතයි. නිතරම දිය රැදි ඇති නිසා මෙි ගල් බොහොම ලිස්සනවා. සුළු අතපසුවිමක් උවහොත් වන්නේ විනාශයක්. තමන්ගේ පරිස්සම තමයි වැදගත්..
දිය ඇල්ලට වශි වෙලා සිටිය මම නමි මගේ සපත්තු ගලවා දමා පරිස්සමට ගල් මතින් නැග ගියා පළවෙනි දිය ඇල්ල අසලට.. අවදානමි ගමනක් උවත් මම පරිස්සමෙන් අඩිය තියලා ලගට ගියේ ගමෙි කෙනා පැවසු දෙය නිසා ඇතිවු කුතුහලයට..
දහවල් වන විට දිය ඇල්ල අසල සංචාරකයන්ගෙන් පිරි ඉතිරි ගියා.. දිය ඇල්ලේ දෙවනි කොටසට උඩ ඇති තටාකයේ දිය නැමට සුදුසුයි.. පතුල පෙනෙන තරමි නොගැඹුරු එහි මටත් දිය නැමට සිතුනත් අමතර ඇදුමක් රැගෙන නොපැමිණිම ගැන ඇතිවුවෙි දුකක්…
එ විතරක් නෙවෙයි.. කණගාටුම දෙය තමයි මෙි සුන්දර දිය ඇල්ල අසල ප්ලාස්ටික් බොතල් , බිස්කට් සබන් කොල වගේම ෂැමිපො බොතල් දකින්න ලැබුණා.. අපේ මිනිස්සු යන තැන වනසනවා.. අවසානයෙ මම ආදරයෙන් ඉල්ලනවා යන්න කඩියන්ලෙන ඇල්ලේ සුන්දරත්වය විදින්න එ දිය දහාරාවෙි පහස විදින්න. සුන්දර මතකයන් එකතු කරගෙන තමන්ගේ කුණු නැවත රැගෙන එන්න තරමි හොද මිනිසෙක් වෙන්න..
නිසංසලා රණසිංහ
ප්‍රීතිමත් ජීවිතයක්
ප්‍රීතිමත් ජීවිතයක් ගත කිරීම ආත්මීය සහ පුද්ගලික ගමනකි, මන්ද සතුට ගෙන දෙන දේ පුද්ගලයාගෙන් පුද්ගලයාට වෙනස් විය හැකිය. කෙසේ වෙතත්, ඔබට ප්‍රීතිමත් ජීවිතයක් ගත කිරීමට උපකාරී වන පොදු උපදෙස් කිහිපයක් මෙන්න:
1. ධනාත්මක සබඳතා වගා කරන්න: උපකාරක සහ ආදරණීය සබඳතා සමඟ ඔබ වටා සිටින්න. මිතුරන් හා පවුලේ අය සමඟ කාලය ගත කිරීමෙන් ප්රීතිය හා තෘප්තිය ලබා ගත හැකිය.
2. කෘතවේදීත්වය පුරුදු කරන්න: ඔබේ ජීවිතයේ යහපත් දේ අගය කිරීමට සෑම දිනකම කාලය ගන්න. කෘතවේදීත්වය ඔබට අඩුවෙන් තිබෙන දේ වෙත ඔබේ අවධානය යොමු කිරීමට උපකාර කරයි.
3. ක්‍රියාශීලීව සිටින්න: නිතිපතා ව්‍යායාම කිරීම මනෝභාවය සහ සමස්ත යහපැවැත්ම වැඩිදියුණු කරන බව පෙන්වා දී ඇත. ඔබ ප්‍රිය කරන ශාරීරික ක්‍රියාකාරකම් සොයාගෙන ඒවා ඔබේ දිනචරියාවේ කොටසක් කරගන්න.
4. ඔබේ මානසික සෞඛ්‍යය ගැන සැලකිලිමත් වන්න: විවේකය ප්‍රවර්ධනය කරන සහ ආතතිය අඩු කරන ස්වයං රැකවරණ ක්‍රියාකාරකම්වල යෙදෙන්න. මෙයට භාවනාව, සිහිය තබා ගැනීම හෝ ඔබ ප්‍රිය කරන විනෝදාංශවල යෙදීම ඇතුළත් විය හැක.
5. ඉලක්ක තබා ඒවා හඹා යන්න: ඉලක්ක තබාගෙන ඒවා කරා වැඩ කිරීමෙන් ඔබට අරමුණක් සහ ජයග්‍රහණයක් පිළිබඳ හැඟීමක් ලබා දිය හැකිය. යථාර්ථවාදී ඉලක්ක තබා ඔබේ ප්‍රගතිය මඟ දිගේ සමරන්න.
6. අන් අයට උපකාර කිරීම: අන් අයට නැවත ලබා දීම සහ සේවය කිරීම මගින් ඉටුවීම සහ අරමුණ පිළිබඳ හැඟීමක් ඇති කළ හැකිය. ස්වේච්ඡාවෙන් ඉදිරිපත් වන්න, පරිත්‍යාග කරන්න, නැතහොත් අවශ්‍යතා ඇති අයට උපකාර කරන්න.
7. වර්තමානයේ සිටින්න: අතීතය හෝ අනාගතය ගැන කනස්සල්ලට පත් නොවී වර්තමාන මොහොත කෙරෙහි අවධානය යොමු කරන්න. ඔබ කරන දෙයෙහි සම්පූර්ණයෙන්ම නිරත වී එම මොහොත රස විඳින්න.
8. ධනාත්මක බව වැලඳගන්න: එය උසස් කරන පොත්, සංගීතය හෝ ආශ්වාදජනක උපුටා දැක්වීම් හරහා ධනාත්මක බලපෑම් සමඟ ඔබ වටා සිටින්න. ජීවිතයේ යහපත දැකීමට තෝරා ගන්න.
මතක තබා ගන්න, සතුට යනු ගමනක් වන අතර මඟ දිගේ උස් පහත්වීම් ඇති වුවද කමක් නැත. ඔබේ යහපැවැත්මට ප්‍රමුඛත්වය දීම සහ ඔබට ප්රීතිය සහ තෘප්තිය ගෙන දෙන දේ කිරීම අත්‍යවශ්‍ය වේ.
අදහසේ සීමාව
